سوالف للجميع - غسيـــــــــــــــــــــــــــل السيارات !!!

ابولين

20-05-2003, 04:08 AM

بسم الله
السلام عليكم , تحياتي للجميع
اليوم جا على بالي اتكلم عن موضوع غسيل السيارات
وكيف كل واحد يغسل سيارته

لاني عندي عامل يغسل سيارتي بالشهر
ونبتلي نخلة في راسي
الخميس والجمعة غايب
مرة يغسل السيارة بعد الفجر
ومرة في الظهر
مايصدق ان السيارة تكون مقفلة
يمسحها من برة ويمشي
يوم غسيل ويوم تمسيح
غسيل الكفرات اي كلام
اخر الشهر
يكون واقفلي عند الباب

تحياتي

غالية

20-05-2003, 04:46 AM

عني انا...يمكن كل 3 ايام اغسل سيارتي...او على حسب الظروف الجويه...احياناً اخلي واحد من هالهنود اللي يوقفون في مواقف السيارات يغسلها واحياناً قليله اوديها مغسلة السيارت وبعد احياناً قليله اخلي الخدامه تغسلها...طبعاً اذا سمحت حضرت جنابه لانها بدت تتذمر وتقول هذا ما في شغل مال انا ماما....وساعات اطنشها لين ما يكتب احدهم عليها.. ارجوج اغسليني :p خخخخخخخ
بس اعتقد الغسيل اليومي يضر بصبغة السياره...
تحياتي:)

أمير أبوظبي

20-05-2003, 05:14 AM

موضوع جميل .. انا عن نفسي اغسل سيارتي مره في الاسبوع في المغسله.. وفي بعض الاحيان مرتين .. يعني حسب الحاله الجويه او الحاله النفسيه .. يعني ما ألي موعد محدد ...

المهم ..

انا انصح الاخوان والاخوات الي يريدون يغسلون السيارتهم في مغاسل السيارات .. يحاولون مايغسلون المحرك بالزيت .. او انه يرش زيت اسفل السياره .. هذا له اثار سلبيه كبيره على المحرك وعلى هيكل السياره من الاسفل لان الزيت يخلي الرمل يعلق ويلصق بجسم السياره والمحرك مما يسبب ارتفاع درجه حراره المحرك وطبعا تاكل الهيكل :)

ERT

20-05-2003, 06:06 AM

السلام عليكم ....

اغسل سيارتي مرتين في الاسبوع . اغسلها بالماي والصابون (صابون خاص للسيارات ) ويا اسفنجه

:D

http://www.ali4.com/uae/images/cool.jpg

خليل أبو سمرة

20-05-2003, 09:21 AM

أنا أحب السيارة تكون نظيفة دايما , بس المشكلة ان مش دايما في وقت أغسلها , مرات أخلي ناطور البناية يغسلها و أخليها وصخة من الداخل و بس يكون عندي وقت أغسلها كامل مع الماكينة و كنت أخلي يرش عليها ديزل من تحت و على الماكينة

بس بعد كلام مسولفي ما بخلي يرش مرة ثانية

و سلامي للجميع

:glasses: SL 55 AMG:glasses:

الأنصاري

20-05-2003, 09:35 AM

والله مرة في الأسبوع او الأسبوعين في محطة عندنا اذا شريت بترول ب100 ريال نغسل مجانا بس والله ارمي الكبون او يضيع وما استفيد

فاهم

20-05-2003, 10:13 AM

من صجكم تغسلون سيارتكم بالسبوع مره:OO:

انا كل يوم وترك اخلي السايق يغسل السياره وتواير ولرفوف كل يوم

او بالصابون كل سبوع

او من داخل على حسب لمه احسها وصخه اخليه يغسلها

اعتقد انه كل يوم وترك تمام حق السياره لانه يحافظ على نعومة البدي
او كل سبوع بالصابون يكفي

ولحمدالله السايق يهتم بالسياره اكثر مني او مرات يشتري صابون على حسابه لانه يدري ان ما غسلها شبسوي فيه:corsair:

او نصيحه اول شي يرش بالهوز السياره كلها عشان يطيح كل التراب بعدين ينشفها او بس

تحياتي :)

ابولين

20-05-2003, 11:54 AM

الاخت غالية
ولايهون الاخوان
مساء الخير

سوال عن وجودك في قسم السيارات
في السعودية متعودين انها للذكور فقط

وماهوا نوع سيارتك ؟
وهل تربطين حزام الامان ؟

وهل تسابقيني , اذا جيت للامارات
بسيارتي الاكورد ؟؟؟؟؟؟

تحياتي ابولين الحزين !!!!!!!

ابولين

20-05-2003, 12:05 PM

الاخ مسولفي شكرآ للنصيحة
هدية صورة شبيهة لسيارتي

http://www.rsportscars.com/foto/04/accord03_03_800.jpg

مع اختلاف اللون والكوبيه

أمير أبوظبي

20-05-2003, 12:52 PM

سيارتك حلوه .. بس تعال انا الي ابي اسابقك :D

على فكره هذي سيارتي او اقصد صوره مثلها
http://www.lexus.com/images/showroom/model/gallery/extphotos/ls/ext_L43-028.jpg

Lamborghini

20-05-2003, 01:22 PM

ماشاء علـى النظافـة !! .. :OO:

تدرون أنا أغسل سيارتي في الشهر أو الشهرين مرة !! :o

غالية

20-05-2003, 02:05 PM

اهلين اخوي ابولين

سؤالك عن وجودي في قسم السيارات....
...ادري انه شي غريب على بنت التواجد في هالقسم...
بس أنا مولعه بسيارات جداً ومن زمااان....
واحب اعرف و اتعلم عن السيارات كل شي...
عشان جذيه انا اشارك في هالقسم...
وسؤلك عن نوع سيارتي...فهي باسات...
وسولك إذا اربط الحزام....بصراحه ..لا...
اول ما بديت اسوق كنت اربطه...بس ما استحملته اكثر من اسبوعين يمكن..
بعدها و لا اربطه...
وعن سؤالك اذا اقدر اسابقك او لا...
والله شو اقولك اخوي ابولين ..
انا تراني ما اسابق الا في سباقات الفورملا 1
هيه هذا أنا مستوايه في السواقه..
حلبة الفورملا 1...
مع الألماني شومخر و ربعه....
وإلا سباقات شوارعيه...لالالالا..
:D :D :D :D

تحياتــــــــي لك
:)

E_TYPE

20-05-2003, 02:12 PM

اهللللين
انا على حسب اي وقت اكون فاضي اروح اغسلها طبعا ماي محله وتاالي تلميع فيها لين مااستمل .
وشكرآ

ACCORD-V6

20-05-2003, 02:47 PM

اخوي ابو لين
اخبار الاكورد؟؟؟ تمام

شكرا على الموضوع

بصراحه انا اغسل مره في الاسبوع اومره في الاسبوعين
الاسباب:
1-كسل
2-احس ان كثرة الغسيل تضر البويه وتخلي اللون باهت وخصوصا للالوان الغامقه

وشكرا....

ابولين

20-05-2003, 03:30 PM

الاخ / ERT
كيف الحال على المشاركة
وحاول تغير لون سيارتك

تحياتي

الاخ / SL 55 AMG
مدري اش معنى ناطور البناية

وشكرآ على المشاركة

ACCORD-V6

20-05-2003, 03:35 PM

ناطور البنايه يعني حارس العماره:D

ابولين

20-05-2003, 03:40 PM

شكرآ يازميل
اكورد في 6

مع اني اصغر منك سنآ
4 - سلندر

CAMARO4EVER

20-05-2003, 03:59 PM

اغسل سيارتي كل يومين ... انا بنفسي احب اغسلها ....ومااحب احد يغسلها غير ..

الارهابي

20-05-2003, 07:29 PM

عندي سياره اغسلها في الشهر مره و احيانا تمر عليها 3 شهور ولا تتغسل :D :D :D

اما العروسه الجديده كل يومين لو 3 ايام وعلى حسب الجو ;)

The Black

20-05-2003, 07:53 PM

سيارتي الحالية

اغسلها مرة كل يومين

و لكن السيارة الجديدة ان شاء الله ما راح اغسلها الا في المغاسل مرة في الاسبوع

لانه البويه تتأثر بتغسيل العمال اللي في الحواري

:black:

760IL

20-05-2003, 10:09 PM

انا يوميا اغسل سيارتي في مواقف الجامعه عندنا هنود مساكين يغسلون السياره احسن غسيل ب3ريال بس

GT 02

21-05-2003, 12:48 AM

انا سيارتي يغسلها السواق كل يوم اذا كنت موجود في البيت
بس اللحين:cry: للاسف صار ما يغسلها الا في الاسبوع 4 مرات لاني ما اكون في البيت (الجامعة:mad: )

طبعا انا اغسلها كل اسبوعين او ثلاثة بنفسي لان في بعض التفاصيل ما يغسلها السواق مضبوط
بعد المكينة وتنظيفها و ما ادراك ما تنظيفها
بعد التلميع الداخلي هذا اختصاصي
بس بصراحة بديت اهمل السيارة موزي اول ماشريتها:damp:

الغامدي عبدالله

21-05-2003, 05:05 AM

السلام عليكم
اخباركم شباب
طيب نبي نعرف ايش الطريقه المثلى لدلك السياره
والفترات بين كل غسله وغسله
وما هو احسن انواع المواد التلميعيه للسياره والجنوط والكفرات

وشكرا
:black:

black scorpion

21-05-2003, 05:10 AM

الباثفايندر يتغسل مرة وحده في الاسبوع بصابون خاص لغسيل السيارات وممكن اكثر من كده اذا كان الجو غبار او دخلت في طين
السيارة الثانية ما تتغسل الا في الشهر يمكن مرة ( الرانجلر ) اصلاً بويته معدومة يعني يتغسل كأنه ما اتغسل
اما التنظيف الداخلي بنفسي اسويه ولا احب احد يسويه غيري لانها سيارتي وانا ادرى بالتفاصيل ومن الخارج السواق يغسلها.
ان شاء الله با انزل موضوع عن تنظيف السيارة من الداخل بطرق بسيطة وغير مكلفة جداً وفعالة جدا جدا :) :)

الشرقاوي

21-05-2003, 08:40 AM

ابو لين:confused: بالعكس عندنا بنات بالسعوديه يحبون السيارات موووووووووت عندك انا مثلا العايله كلها من اولها لاااااخرها سيارات وتحب السيارات :D الوالده تبي بي ام من زمااااااااان انشاله اكد تكسي واجيبه

الا الوالد .....اشك انه يحب السيارات بس مايبي يعترف بس انا صدته والا اشلون اختار سيارته بدون لايستشير;) (الوالد يحب التويوتا والحين تطور بالاونه الاخيره اللكزس)

تصدق مره كنت طالع انا وخويي واخوي الصغير عمره سنتين الراشد كان محل الالعاب على اليمين وفيه سياره على اليسار راح للسياره على طول :banana: وهو يقول سلاله سلاله......يعني سياره:laugh:

الظاهر اني طولت بس بلنسبه للغسيل انا سيارتي ماغسلتها لي شهر وعليها تدرون ليش......:confused: لانها مصقوعه بالوكاله تتصلح :cry: :cry: :cry:

بس انا بصراحه اشوف ان غسيل لسياره اسبوعيا بالمغسله شي حلو يعني كل اسبوع اغسلها مره يوم الربوع:D:D

ViPEr_&_7 sERieS

21-05-2003, 09:07 AM

رد مقتبس من Lamborghini
ماشاء علـى النظافـة !! .. :OO:

تدرون أنا أغسل سيارتي في الشهر أو الشهرين مرة !! :o

أنا نفسك بعد والله :D .... مافي وقت نغسلها ... و خاصة جونا في الامارات ... تغسل سيارتك و تحصلها بعد ساعتين مغبره :cry: :cry:

DodgE

21-05-2003, 09:26 AM

هههههههههههه

مع أن الردود كثيره بس

أنا كل يوم ربوع أغسلها بنفسي

غالية

21-05-2003, 11:15 AM

يلاه ننتظر وصفاتك في غسيل السيارت....
شو احسن صابون...شو احسن طريقه....
:rolleyes:
والله صدقك يا ViPEr_&_7 sERieS ما تغسل السياره الا تحصلها امغبره بعد ساعتين...

Lamborghini

21-05-2003, 02:09 PM

viper ... هههههههههه .. الحمد لله ماطلعت وحدي .. :D

غاليـة أنا دائما أغسلها بتيد .. لأن مع تايد للغسيل مافيش مستحيل !! :D :D

Infiniti Q45

21-05-2003, 02:24 PM

رد مقتبس من الارهابي
عندي سياره اغسلها في الشهر مره و احيانا تمر عليها 3 شهور ولا تتغسل :D :D :D

اما العروسه الجديده كل يومين لو 3 ايام وعلى حسب الجو ;)

الارهابي شفيك ماتحب الكابرس بتاعك :laugh: :laugh:

تراني شراي و ب50 الف بعد :D

ACCORD-V6

21-05-2003, 03:41 PM

ViPEr_&_7 sERieS
غالية

اجل اهل الرياض وش يقولون
الجو عندكم فيه رطوبه وتقولون كذا
الرياض جفاف وغبار:banana: :banana: :banana:

غالية

21-05-2003, 04:01 PM

اهلين اخوي...بس تدري يا حظكم يأهل الرياض...لان الجو جاف عندكم...
بالعكس احسن بكثير من الجو اللي فيه رطوبه...لان الرطوبه تخرب...
ونحن الحمدالله 2 في 1...عندنا غبار في النهار و الليل رطوبه...
وطبعاً اللي لون سيارته اسود...او من الالوان الغامقه ...
ايلاحظ هالشي...بسرعه تتوسخ السياره...
:D

ACCORD-V6

21-05-2003, 04:39 PM

صحيح الرطوبه تظر بالسيارات وخصوصا البودي(الهيكل)
لكن غريبه غبار ورطوبه :confused: :confused:

الالوان الغامقه بدون غبار تتوسخ كيف اذا الجو غبار:help: :help:

اسف على الاطاله

STS4ever

22-05-2003, 11:10 AM

شباب في صوابين معينه تنباع في محلات الزينه وفايدتها انه مايصير على البويه طبقه تخفف من لمعة البويه وبرضه ماتخلي الغبار يلزق على طول في البودي فلذلك انصح فيه

واحلا سلام

الارهابي

22-05-2003, 06:35 PM

رد مقتبس من Infiniti Q45
الارهابي شفيك ماتحب الكابرس بتاعك :laugh: :laugh:

تراني شراي و ب50 الف بعد :D

وش دراك انه كابرس :D :D :D :D :D :mad:

بعدين انا بكيفي
اصلا شكله وهو مغبر احلى :D ارهاب :D

و الموتر للبيع
و مسيوم ب 250 الف :D
و نقل الاستماره عليك