هل لديكم فكرة عن سيارات Kit car

[سردال]

سلام عليكم

سؤال واضح من العنوان، قرأت عن سيارات تسمى Kit Car، تقوم بشراءها وتجميعها بنفسك، ولا تأتي كاملة، بل ينقصها مثلاً المحرك وناقل الحركة، تشتري أنت ما يناسبك وتقوم بتركيبها، هذا معنى kit car، فهل ما فهمته صحيح؟ وما هي معلوماتكم وخبراتكم عنها؟

تحياتي :)

[Crower]

اللي اعرفه عن الكيت كار انها عده انواع, ولكن الفكره الاساسيه هي استخراج سياره باقل التكاليف كمثال انته تصصم البدي و تركبه على شاصي معين يمكن تصممه انته او يكون لسياره سابقه و تبدا تجمع التعليق و المحرك و و و على كيفك و يمكن حتى تركب مكينه كورولا او كورفيت كله عليك انته, و في انواع تيك جاهزه بس انته عليك تجمع كل شي بس المكينه انته تيب ـها و تركبها بس عيبهم في جوده التصنيع و انه يمكن في الامارات ما يترخصون من المرور...
كمثال البروجكت عند نسيبي شاصي هو مصممنه و مصمم بدي خاص في الورشه على شكل سياره سباق ( مثل البورش موبي دك للسباقات بس ما اذكر النوع ) و البدي كاربون فايبر و الوزن ما يتجاوز 800-900 كج و المحرك لكورفيت بفوه 400 حصان

[corvette 40th]

سردال

في شركة في بريطانيا اسمها Westfield و هي متخصصة في تصنيع و توفير قطع الغيار للkit cars

و هذا موقعهم (http://www.westfield-sportscars.co.uk/)

عندهم سيارة اسمها XTR2
هذه السيارة تعتبر من السيارات السوبر رياضية
قام بتجربها برنامج Top gear
و على كلامهم السيارة تتفوق على الزوندا و هذا فلم للتجربة الفلم 65 mb (http://www.mymegabusa.com/Video/XTR2%20TOP%20GEAR.mpg)

السيارة جاهزه تكلف 25000£
و لكن تقدر تشتريها قطعة قطعة و تركبها بنفسك
بتكلفك في هذه الحالة اقل من 20000£ طبعآ يعتمد على مصدر القطع تقدر تشتريها منهم او من غيرهم

:) :) :) :) :)

[corvette 40th]

Crower

حرام و الله
كيف ما تترخص !!

هل توجد لوائح و شروط محددة لتسجيل السيارة ؟

على فكرة ان شاء الله الوضع بيتغير في السنوات القادمة
حلبة السيارات التي ستقام في دبي لازم
بتشجع قيام مثل هذه الصناعات
فهي بتكون مصدر دخل للحلبة في غير ايام بطولات الفورمولا 1



:) :) :) :) :)

[Crower]

بس هذا اللي اعرفه بس ما عليك الوضع يتحرك في الامارات الى الافضل لعشاق السيارات, من حلبه ام القيوين الى حلبه دبي و المرعب و ان شاء الله الباقي في الطريق ما عليك

[سردال]

Crower: أشكرك :)
وما شاء الله، 400 حصان على وزن خفيف مثل هذا راح تكون السيارة قوية جداً، لذلك لا بد أنه ينتبه لمسألة انسيابية السيارة وإلا راح تكون النتائج خطيرة، والله يوفقه.


corvette 40th: مجرد فضول، يعني ما عندي أي تفكير حق أشتري سيارة مثل هذي، خلني أشتري سيارة حقي بعدين يصير خير :laugh: ومشكور على المشاركة :)

[Oettinger]

كل اللي اقدر اقوله يا سردال
اتمنى في يوم من الايام وفي روشتي الخاصة اني ابني سيارة مثل اللي تتكلم عنهم ;)

بس الله يعين على الانظمة اللي كل شي فيها ممنوع

[Lamborghini]

بالنسبـة للترخيص في الإمارات .. البقي هي نوع من أنواع الكت كار ومع ذلك ترخص في الإمارات .. :)

[سردال]

Oettinger: الله يوفقك :)


Lamborghini: صحيح، كيف ما فكرت أنا في هذي؟ والله خليتني أفكر في الموضوع وليش لا ... سيارة kit car بدل سيارات الوكالة :glasses:



لكن ألحين، تقدرون تعطوني أمثلة عن مثل هذه السيارات؟ وهل تصلح للاستخدام اليومي؟

[Lamborghini]

أوه لو دشينا في الأنواع مابنخلص

المهم هي نوعين رئيسين البقي اللي تمشي في الرمل و في نوع ثاني مخصص للشارع ماأذكر شسمـة

أنصحك بموقع www.kitcars.com لو كنت مهتم ترى الصراحـة الموضوع شيق جدا !! .. :)

آخر شي حبيت أضيف بروجكت لبعض الشباب في أمركيا وهو عبارة عن تصميم بدي kitcar علـى شكل lamborghini Diablo ..

http://www.lambolounge.com/Body/Fabricate/BrianW/Dcp00231.jpg

http://www.lambolounge.com/Body/Fabricate/BrianW/Dcp00278.jpg

http://www.lambolounge.com/Body/Mounting/fletch/Mvc-025f.jpg

صورة لشاصي السيارة

http://members.aol.com/extremezone11/diablo/chassis/diablop2i.jpg

وهذا شكل البدي بعد الصبغ

http://members.aol.com/extremezone11/diablo/body/diablop2g.jpg

هناك عدة مشاريع للسيارة وعدت مواقع تقدر تتطلع عليها .. :)

http://members.aol.com/extremezone11/diablo/diablop2.html

http://www.lambolounge.com/Body/Fabricate/Body-fabricate.asp

[Lamborghini]

هذي صورة للسيارة مكتملـة !!


http://www.picturelist.com/uploadManageImages/showimagez.asp?user=thad&folder=thad&pic=diablo6.0three.jpg

http://www.picturelist.com/uploadManageImages/showimagez.asp?user=thad&folder=thad&pic=diablo6.0two.jpg

http://www.picturelist.com/uploadManageImages/showimagez.asp?user=thad&folder=thad&pic=diablo6.0five.jpg

طبعا السيارة تقريبا طبق الأصل ، الفرق الوحيد هو في القزوز ، الجنوط ( تجاري ) ، لو تدقق في السيارة تعرف إنها بلاستك ، الفرش الداخلي فيه بعض الأخطاء مثل مسكات البيبان و موقع المسجل و عدم وجود فتحات التكيف !!

طبعا هناك نسخ أدق بكثير من هذه النسخـة لكنها تحت التشطيب !! :glasses2: :glasses2: