View Full Version : ريكســـــــــــــتون.......الجميلة والوحش من هونج كونج
SL500
23-05-2003, 05:57 PM
شباب مرحبا بكم مليون...
والله بغيت من خلال هالموضوع تعرف وياكم عن معلومات عن جيب ريكستون التابع لدايو من شركة الزاهد ...اذا كان ممكن مميزات وعيوب
وكذلك قطع الغيار غالية او رخيصة او قوية او ضعيفة:)
وانا من ناحيتي باعطيكم بعض المعلومات المتوفرة عندي:
لهاذا الجيب مستويين على حسب ما اذكر:
1-6 سلندر-جلد - جنوط المينيوم وفتحة سقف.السعر 115 الف ريال
2- ديزل - مخمل - بدون فتحة سقف - السعر 67 الف ريال
وش رايكم ياشباب بالجيب
DodgE
23-05-2003, 06:11 PM
أفففففففففففففففف
ماتوقعت بهذا السعر
معلومات لايوجد ولله:D
الارهابي
23-05-2003, 07:22 PM
غاليه مره و ما تستاهل
بعدين الموتر مو مشهور
و اكيد سعره ينزل بسرعه
و ما تدري عن العيوب اللي فيه
و في نظري شكله قبيح جدا :D ( رأي شخصي )
خد لك باثفايندر افضل في وجهه نظري
و لو ممكن
زودنا بمعلومات زياده عن هالسياره :D
بالتوفيق
camry gtx 99
23-05-2003, 07:39 PM
وانا اوافق الارهابي في رايه
ماتستاهل كل ها السعر في المبلغ نفسه تلقي سياره افضل منها................
:OO:
هونج كونج ..........هذي بلد مو سيارة :laugh: قصدك سانغ يونغ وبالفعل سيارة جدا قبيحة :headshak:
غالية
24-05-2003, 05:07 AM
AMG سانغ يونغ وبالفعل سيارة جدا قبيحة
SL500
24-05-2003, 05:08 AM
والله ما ادري عن ذا الناس هم واسمائهم
وبالعكس شكل السيارة حلو...والوانها بعد حلوه والمكيف موزع على كامل السيارة ...
انا محتاره بالنسبة لقطع الغيار
اللي عنده سالفة يتكلم واللي ما عنده بلييييييييييييييييز لا يفتي.
انت متأكد من ان السعر 115 الف ريال ؟
مستحيييييييييييييييييل
بخصوص قطع الغيار فأبشرك ..الزاهد مشهور باستغلاله في اسعار قطع الغيار ...ولي قصتين مع 2 من زملائي
ابعد عنه
وفكر في جيب كيا سورنتو او بالاصح وهو في الحقيقة جيب هونداي
ولكن في الكيا الشكل احلى وسعره اعتقد 79 الف ريال للفل اوبشن
SL500
24-05-2003, 01:00 PM
متاكد وزيادة...
ان سعرة الفل اوبشن 115 الف وفل اوبشن...
بصراحة خسارة كان عاجبني...
الارهابي
25-05-2003, 06:22 AM
هلا
وش رايكم ياشباب بالجيب
قلنا راينا
بعدين
اللي عنده سالفة يتكلم واللي ما عنده بلييييييييييييييييز لا يفتي.
كيف يعني تطلب منا آرائنا بعدين ما عجبتك ولا تبغانا نتكلم
و بصراحه اللي بيشتريه هو اللي ما عنده سالفه
115 الف
وينك عن الباثفايندر او الانفينيتي اللي يشبهه
او حتى جيب الكزس الصغير
حتى تقدر تاخد لك برادو
او لاندكروزر ( بس اكيد مو فل )
بالنسبه للشكل هدي وجهه نظر شخصيه لكن معظم الاخوان اجمعوا على انه قبيح :D
و بالنسبه للمواصفات انت ما ذكرت منها شي 6 سلندر ، جلد ، فتحه ، جنوط المنيوم
و دام انه عاجبك ليش استشرتنا من الاساس دام ان راينا ما يعجبك :D
الارهابي
25-05-2003, 06:29 AM
صراحه
شكله من قدام مخرب السياره كلها
ماله داعي ابد
كأنه حشره او مخلوق فضائي
http://speedycars.chinacars.com/wallpaper2/ssangyong/Ssangyong%20Rexton%202002%20-%2001.jpg
لكن بشكل عام و من الخلف الشكل مقبول
http://speedycars.chinacars.com/wallpaper2/ssangyong/Ssangyong%20Rexton%202002%20-%2002.jpg
X_RaYs
27-05-2003, 09:29 AM
115 ألف !!!!!!!
صراحه على هالسعر اشتريلي باجيرو أفضل بـ100 مره ..
SL500
عادة اللي يبغا يشتري سيارة .. يتبع الخطوات الخمس التاليه :
أولاً : يعجب بشكلها الخارجي
ثانياً : اذا اعجب بشكلها يسأل عن مواصفاتها
ثالثاً : اذا اعجب بمواصفاتها يسأل عن السعر !
رابعاً : اذا اعجب بالسعر .. يجرب السيارة :)
خامساً : اذا اعجب بتجربة السيارة .. يستخير ويتوكل على الله
وأهم شيء يبعد كل البعد عن أصحاب الفتاوى الجاهزة ..
هذي السيارة كوري ابعد عنها .. معفنه .. شكلها غلط .. ماهي مشهورة عند الناس !!
من النادر جداً تلقى انسان فاهم وخبير و مـــــــجـــــــرب ينصحك بالسيارة الفلانيه أو الابتعاد عن الأخرى ..
المجرب هو اللي يقدر يفيدك أكثر .. ( انا جربت السيارة كذا وواجهت مشكله مع كذا ، وديتها الشركة واتضح ان جميعها تعاني نفس المشكله ، وكلفتني القطعه كذا بـ كذا .... الخ )
عموماً أنا جربت السيارة عند الوكيل الزاهد .. وبصراحه شكلها عجيب وملفت ومميز بين مثيلاتها
النوع اللي جربته كان محرك 6 اسطوانات متتاليه ( وليس V6 ) محرك المرسيدس 320 .. استغربت جداً ضعف عزم السيارة .. ضعيف جداً بالنسبة لقوته وسعته .. فكان السبب الرئيسي اللي خلاني ابتعد عنها
قبل شهرين تقريباً اعجبت بالكيا سورينتو .. ورحت جربتها .. وسألت عن أسعار أغلب قطع غيارها .. وعن سعرها ..
وأخيراً شريتها :)
تحياتي لك ،،
ولا مؤاخذه على الاطاله
سردال
28-05-2003, 04:13 AM
رد مقتبس من M5
SL500
عادة اللي يبغا يشتري سيارة .. يتبع الخطوات الخمس التاليه :
أولاً : يعجب بشكلها الخارجي
ثانياً : اذا اعجب بشكلها يسأل عن مواصفاتها
ثالثاً : اذا اعجب بمواصفاتها يسأل عن السعر !
رابعاً : اذا اعجب بالسعر .. يجرب السيارة :)
خامساً : اذا اعجب بتجربة السيارة .. يستخير ويتوكل على الله
وأهم شيء يبعد كل البعد عن أصحاب الفتاوى الجاهزة ..
هذي السيارة كوري ابعد عنها .. معفنه .. شكلها غلط .. ماهي مشهورة عند الناس !!
صحيح، جرب بنفسك واحكم بنفسك، كلام الناس إن كان عن سابق تجربة وخبرة تقدر تستفيد منه، لكن الأحكام "الخنفشارية" لا تنفع وربما تضر.
SL500
28-05-2003, 08:41 AM
مشكورين ياشباب وما قصرتوا:D
bashar_255
28-05-2003, 09:37 AM
الشكل بصراحة من اخر الأشكال اللى افكر فيها بعدين انتو ما عرضتو اي مواضفات القوة و الأمان و التقنيات المستعملو و و و و إلخ:headshak:
غريب السيف
28-05-2003, 10:21 AM
في الامارات سعر الفل اوبشن 91الف درهم
اشتر لك من الامارات احسن
او خذ لك سيارة ثانية لان السعر ليس في صالح السيارة ابدا
عندك باجيرو او هوندا ام ار في
والسموحه