View Full Version : سؤال لمجربي السيارات الألمانيه !!!
السلام عليكم جميعا
مساكم الله بالخير ...
عندي سؤال عن السيارات الألمانيه (تحديدا أودي و فولكس واجن) وهو هل تكلفه الصيانه مرتفعه و أسعار قطع الغيار في المملكه ؟؟؟؟
لاني ما جربت الالماني ( حدي ياباني و أمريكي ) ولا اعرف احد عنده ألماني أسأله
ارجو منكم الافادة مشكورين :help:
أخوكم IORI:glasses:
Oettinger
24-05-2003, 12:55 PM
الفلوكس واجن باسات ستة سلندر موديل 2000 ، ماشية لحد اليوم 100 الف
الصيانة نار ويا ليت يعتنوا
قطع الغيار في رأيي ومن تجربتي ارخص من الماكسيما!! واذاذ تبغى دليل مستعد اوضح لك!
Oettinger اولا لك مني تحيه و شكر على الرد
انا ادري انك خبير ما شاء الله عليك في الالماني و قليل فيك كلمه خبير والله
يعني الحين الصيانه نار !! والقطع معقوله نقول
زين برايك اي سياره انسب من ناحيه القطع والصيانه
A4 ولا الأفالون ولا ES300
مع اني افكر في الالماني بس متخوف من الصيانه والقطع !! ممكن توضح الله يخليك :glasses:
Oettinger
25-05-2003, 02:48 PM
اول شي لا شكر على واجب واي استفسار كلي اذان صاغية
طيب في الصيانة الاودي A4 مع اللكزس ترى في مصاف واحد!! ولا تستغرب اذا قلت لك اللكزس يمكن اكثر
لكن!! اذا رحت وكالة لكزس يعاملوك كانك شاري BMW!! طبعا قصدي انو المعاملة اللي المفروض يلقاها عميل ال BMW
يعني باختصار انت عندهم معزز مكرم!
في ساماكو اللي هو وكيل الاودي ، طبعا اذا انت في السعودية ، راح يمرمطوك! كانك جاي تشحت من عندهم ، هذا الكلام عن فرع الخبر ، وسمعت انو فروع جدة والرياض جدا محترمة والله اعلم
من ناحية قطع الغيار ، بشكل عام اللكزس غالية!! على الرغم من انها كامري لا اكثر ولا اقل ، ولكن يتضربوا في السعر عشان يرفعوا من مكانة السيارة حتى لو كانت نفس القطعة اللي انت شاريها للكامري وتركب على اللكزس!!
الافالون لا تعليق مني عليها ! اعتقد واضح كل شي فيها!
انا اقول اذا بغيت التميز ، يعني مو في كل لفة وشارع وموقف تلاقي سيارة زي سيارتك "بالضبط" اشتري الاودي ، وكافية انو شكلها جدا رهيب احلى من المخدة"ES" واحلى من الكابرس الياباني "افالون"!!
اخر كلمة اقدر اقولها:
اذا كانت شاب وتحب التميز والذوق الراقي: الاودي ايه 4
اذا كانت شاب بس تفكيرك واهتمامك يتوقف عند السيارة بحد ذاتها بغض النظر عن الاخرين وانك ما تهتم للتميز: لكزس ES
اذا كانت شاب ، بس اكبر من سنك!! : الافالون
ACCORD-V6
25-05-2003, 03:03 PM
بالنسبه للقطع اخوي
اشوف اللكزس غاليه وهي ماتستاهل الاودي معروفه غاليه جدا جدا لكن الافالون ارخص بكثير
لكن الاودي احسنهم عند الفاهمين
اما عامة الناس يشوفو اللكزس احسن يقولك يكفيك ان اسمها لكزس
ماخذين مقلب
الافالون ماتقارن بالاودي ولا اللكزس الاثنين احسن منها
بالنسبه للتعامل مافيه اي وكاله تعاملهم زين وخصوصا ساماكو الا في حاله وحده يكون معك شايب ولا واحد كبير شوي اما شباب لازم تبوس رجله عشان يرد عليك لا ومن دون نفس بعد
اسف على الاطاله
560SEL
25-05-2003, 03:35 PM
و الله يا أخوي من ناحية قطع الغيار لا تقرب السيارات التاليه :
أودي - VW - Skoda - SEAT لأن قطع المرسيدس أرخص منها
هذي السيارات قطع غيارها نااااااااااااار و هذا من تجربة أحد الاصدقاء
تصور انه لما خبطت المكينه حقت SKODA و لما جا يوضبها بعض قطع الغيار طلع سعرها أكثر من 5000 ريال سعودي لدرجة ان اللي في المحل قال للرجال : أحسن لك روح دور مكينه في التشليح
السياره جيده في الاستخدام و كذلك صرفيتها للبنزين لكن القطع مثل ما قلت لك ناااااااااااااااااااار
و أختم كلامي بمثال بسيط :
منظم الهواء حق ال SKODA سعره 1025 ريال سعودي
تحياتي
Oettinger
25-05-2003, 03:58 PM
اخوي 560SEL
انت تقارن هالسيارات بسيارات مرسيدس موديلات 1990 وتحت؟؟
طيب نقول كلامك صحيح ، ايش تقول عن اللكزس؟؟ ومستعد اثبت لك انو اغلى من الباسات!!
الا حتى الماكسيما قطعها اغلى من الباسات
وعلى طاري اللي خبطت عنده السكودا!! لا يكون مو مسوي ليها صيانة وانقطع السير عنده؟؟ لانو في اي سيارة راح يكلف هالشي فلوس واجد صح ولا لأ؟؟
HaKeM
25-05-2003, 04:33 PM
أخوي Oettinger بصراحة زعلتني لمن قلت واحلى من الكابرس الياباني "افالون لا مجال للمقارنة لأنه الكابريس الجديد قوة فقط والباقي كله كلام فاضي لا مقارنة بينه وبين الأفالون .
أما الvw سيارة محترمة بس عندي سؤالين
1.خراب السيارة قليل ولا كثير؟
2.مكيفها في الصيف كيف .. علمي أنه مكيفات الألماني تعبانه في الحر والجو عندي في مكه حالياً اسبوع درجة الحرار 48 في الظهر ولساع مابدا الصيف..
لأنه احتمالية الوالد ياخذ جيب طوارق .
تحياتي
560SEL
25-05-2003, 05:06 PM
رد مقتبس من Oettinger
اخوي 560SEL
انت تقارن هالسيارات بسيارات مرسيدس موديلات 1990 وتحت؟؟
طيب نقول كلامك صحيح ، ايش تقول عن اللكزس؟؟ ومستعد اثبت لك انو اغلى من الباسات!!
الا حتى الماكسيما قطعها اغلى من الباسات
وعلى طاري اللي خبطت عنده السكودا!! لا يكون مو مسوي ليها صيانة وانقطع السير عنده؟؟ لانو في اي سيارة راح يكلف هالشي فلوس واجد صح ولا لأ؟؟
أولا بالنسبه للمرسيدس انا حطيته على سبيل المبالغه
و الله يا أخوي اذا جيت تقارن اللكزس فلا تقارنها بال VW .. لأنه من الظلم مقارنة اللكزس با VW .. اللكزس ما تقارن الا بالمرسيدس و الBMW و الاودي
ثانيا : انا أقول قطع المكسيما أرخص من الباسات و ممكن أضرب لك عدة أمثله
بالنسبه للسكودا .. هي ما خبطت بسبب السير اللي تتكلم عنه .. أبدا
السبب اللي خلاها تخبط هو المطر ... السياره دخلت في مويه و المويه لعبت فيها .. و الله في نفس اليوم حصل لي نفس الموقف : دخلت في مويه بكامري و الكامري و لله الحمد ما خبطت و لا جاها أي شئ و ماشيه زي العسل
تحياتي
mustang cobra
25-05-2003, 05:07 PM
بسم الله الرحمن الرحيم
القطع غيار غاليه والصيانه زفت وطول عندهم الصيانه وذا جيت تغير زيت تخلي السياره يوم او يومين اقولك خذ مرسيدس اي كلاس ابو عيون وارتاح ................................
ACCORD-V6
25-05-2003, 05:15 PM
انا قبل فتره دخلت بأكورد 92 في مويه غطت الصدام الامامي
وماشاء الله تمام
قولوا ماشاء الله
560SEL
25-05-2003, 05:23 PM
رد مقتبس من ACCORD-V6
انا قبل فتره دخلت بأكورد 92 في مويه غطت الصدام الامامي
وماشاء الله تمام
قولوا ماشاء الله
ما شاء الله تبارك الله :D
انا حصل لي نفس الموقف في شارع التخصصي و كان معي كامري و الحمد لله ما حصلها أي شئ
تحياتي
Oettinger
25-05-2003, 05:27 PM
حاكم العدل
اخوي فهمتني غلط انت!! كان قصدي انو تويوتا قدمت الافالون عندنا لانها واسعة مثل الكابرس!! والكابرس في رأيي سيارة عائلة لا اكثر ولا اقل! يعني في نظري ما تناسب حماس الشباب
بالنسبة لاسئلتك:
1. السيارة عندي ماشية 100 الف ، وتقدر تسأل الشباب كيف استخدمها!! الصراحة ممتازة وخراباتها لا تكاد تذكر اذا كانت موجودة اصلا!!
2. المكيف ياباني! اتكلم جد!! مصنوع من قبل شركة يابانية لصالح فولكس واجن ، وصدقني باااااااااااااااااااااااااااااااااارد مرة
560SEL
اخوي بالنسبة للاسعار ، ومقارنة بالماكسيما يا ليت تتفضل وتورني ما في جعبتك من المقارنة ، يا ليت
وانا ما احط اللكزس في مصاف الفولكس واجن ولا الاودي ولا البي ام!! لانها باختصار اقل منهم كلهم!!
وكفاية انو فولكس واجن هي مالكة اودي ، وانا سيارتي الباسات عبارة عن اودي!! من طقطق الى سلام عليكم!! يعني بتقول ما تتقارن بعد؟؟
وتقنيات الفوكلس واجن حتى في المحركات الصغيرة اللي على السكودا مثل ال 1.8 تيربو احسن من اللكزس! وخذها مني
بالنسبة للمطر ، الله اعلم ايش اللي حصل بالضبط ، لانو انا ادخل في موية ولا صار شي الحمد لله ، وكمان ياما سمعنا عن ماكسيمات مثلا اختربت من المطر! في احد جابها كعيب في الماكسيما؟
طبعا هالشي حصل قدامي
560SEL
25-05-2003, 05:42 PM
بالنسبه للسكودا اللي حصل فيها ان ذراع البستم انعوج و كذلك مو وحده اللي خبطت في المطر .. الميكاني قال انه كان فيه ثلاثه قبلها كلها خبطت بسبب المطر
و الله يا أخوي انا جربت السكودا أوكتافيا و أعرف الكثير عنها و عن قطعها و عن صيانتها و اليك بعض الامثله يا أخي العزيز :
شمعة السكودا أوكتافيا الوحده ب 480ريال
فحمات السكودا أوكتافيا (أمامي+خلفي) ب 350 ريال
الزرار اللي يتحكم بحركة المرايات ب 150 ريال
منظم الهواء ب 1025 ريال (حق الكراون فيكتوريا ب 200 ريال)
الشبك الامامي ب 500 ريال
كمبرسر المكيف ب 3288 ريال
زد على ذلك عدم وجود قطع تجاريه لها
بالله عليك هل الاسعار هذي معقوله ؟؟؟ سياره في مصاف الكامري تكون أسعارها بهالغلاء ليه ؟
صحيح ان اللكزس اللي تنزل في السعوديه ما فيها تقنيات مثل الاودي لكن لا تقيس أبدا على وارد عبداللطيف جميل .. شوف اللكزس اللي تنزل بره (التعليق فيها هيدروليكي و فيها شاشة معلومات ....الخ ) تقنياتها كثيره جدا
انا مازلت مصر على كلامي ان المكسيما قطعها أرخص من قطع الباسات
تحياتي
Oettinger
25-05-2003, 06:12 PM
طيب خلينا على الشي اللي مصر عليه اخوي
وريني كيف الماكسيما ارخص من الباسات قطع غيارها؟
على فكرة MAD MAX عنده ماكسيما ويدري عن الموضوع لاني تكلمت وياه فيه ن ياليت توريني انت ايش رايك
X_RaYs
26-05-2003, 10:20 AM
رد مقتبس من 560SEL
أولا بالنسبه للمرسيدس انا حطيته على سبيل المبالغه
و الله يا أخوي اذا جيت تقارن اللكزس فلا تقارنها بال VW .. لأنه من الظلم مقارنة اللكزس با VW .. اللكزس ما تقارن الا بالمرسيدس و الBMW و الاودي
ثانيا : انا أقول قطع المكسيما أرخص من الباسات و ممكن أضرب لك عدة أمثله
بالنسبه للسكودا .. هي ما خبطت بسبب السير اللي تتكلم عنه .. أبدا
السبب اللي خلاها تخبط هو المطر ... السياره دخلت في مويه و المويه لعبت فيها .. و الله في نفس اليوم حصل لي نفس الموقف : دخلت في مويه بكامري و الكامري و لله الحمد ما خبطت و لا جاها أي شئ و ماشيه زي العسل
تحياتي
اسمحلي اعترض على كلامك اخوي ..
يكفي ان الفولكس فاغن بارعه في الابتكار ..
بينما اللكزس بارعة وبكل اقتدار في التقليد !!
وصدقني لو سويت مقارنه بين الـES300 .. والباسات .. او الاودي A4 .. راح تتأكد من كلامي ..
وتحياتي ..
560SEL
26-05-2003, 02:06 PM
فرامل المكسيما (أمامي+خلفي) ب 230 ريال على الاكثر
تحياتي
Oettinger
26-05-2003, 06:28 PM
انا اقولك ب 390 ريال!
الارهابي
26-05-2003, 06:37 PM
رد مقتبس من 560SEL
شمعة السكودا أوكتافيا الوحده ب 480ريال
فحمات السكودا أوكتافيا (أمامي+خلفي) ب 350 ريال
الزرار اللي يتحكم بحركة المرايات ب 150 ريال
منظم الهواء ب 1025 ريال (حق الكراون فيكتوريا ب 200 ريال)
الشبك الامامي ب 500 ريال
كمبرسر المكيف ب 3288 ريال
على سالفه الانوار و الشموع
ما لي دخل فيها
بس الكمبرسر
ابغاك تسأل عن سعر كمبرسر الكامري و اللاندكروزر
و الهوندا و المتسوبيشي
و المرسدس و البي ام ( باعتبار ان السكودا اوروبيه )
و حتى الشفر الجديد
اسعارهم كلها كدا
و اعرف واحد جاب له كمبرسر لهوندا CRV ب 5000
و في اغلى
:D
الارهابي
26-05-2003, 06:42 PM
يا شباب
انتو الحين قاعدوا تقارنوا اسعار
قطع الغيار
فلازم تتاكدوا ان جميع الاسعار من الوكاله
لان
الفلكس ما تحصل لها قطع الا في الوكاله
و الكامري قطعها في كل مكان لكن في الوكاله اغلى
و كذلك الهوندا و غيرها
مثلا اقدر احصل شي للتيوتا في الوكاله و احصله برا ( و اصلي بعد ) بسعر ارخص بكثير
يعني لازم تكون المقارنه بمصداقيه :D
عاشق التضبيط
26-05-2003, 07:55 PM
السلام عليكم
بصراحه عجبني نقاشكم
يعني هذا الواجب اللي يصير في جميع النقاشات
كل واحد يحترم وجهة نظر الثاني
ويبين وجهة نظره بكل احترام وبدون تهميش الطرف الاخر
وبدون تعصب لشركه معينه وعصبيه واستفزاز
ياااااليت كل نقاشتنا تكون بهالصوره في المنتدى وبخارج المنتدى
http://www.2s2s.com/vb/images/smilies/safgh.gif http://www.2s2s.com/vb/images/smilies/safgh.gif
صفقه قويه لكل اللي شارك بهالنقاش :D
The Black
26-05-2003, 09:31 PM
بالنسبة لقطع الغيار
اشوف انه في شركات كثيرة قطع غيارها غالية
مثلا
الكاديلاك موديل 93 علبة الدركسون بسعر 3500 ريال
المازدا 323 المرايا الجانبية اليسرى 550 ريال و الشمعة 670 ريال
===
و بخصوص السيارات الثلاثة التي ذكرتها
فأنا افضل لكزس ES300
:black:
الغامدي عبدالله
28-05-2003, 06:21 AM
رد مقتبس من Oettinger
حاكم العدل
اخوي فهمتني غلط انت!! كان قصدي انو تويوتا قدمت الافالون عندنا لانها واسعة مثل الكابرس!! والكابرس في رأيي سيارة عائلة لا اكثر ولا اقل! يعني في نظري ما تناسب حماس الشباب
بالنسبة لاسئلتك:
1. السيارة عندي ماشية 100 الف ، وتقدر تسأل الشباب كيف استخدمها!! الصراحة ممتازة وخراباتها لا تكاد تذكر اذا كانت موجودة اصلا!!
2. المكيف ياباني! اتكلم جد!! مصنوع من قبل شركة يابانية لصالح فولكس واجن ، وصدقني باااااااااااااااااااااااااااااااااارد مرة
560SEL
اخوي بالنسبة للاسعار ، ومقارنة بالماكسيما يا ليت تتفضل وتورني ما في جعبتك من المقارنة ، يا ليت
وانا ما احط اللكزس في مصاف الفولكس واجن ولا الاودي ولا البي ام!! لانها باختصار اقل منهم كلهم!!
وكفاية انو فولكس واجن هي مالكة اودي ، وانا سيارتي الباسات عبارة عن اودي!! من طقطق الى سلام عليكم!! يعني بتقول ما تتقارن بعد؟؟
وتقنيات الفوكلس واجن حتى في المحركات الصغيرة اللي على السكودا مثل ال 1.8 تيربو احسن من اللكزس! وخذها مني
بالنسبة للمطر ، الله اعلم ايش اللي حصل بالضبط ، لانو انا ادخل في موية ولا صار شي الحمد لله ، وكمان ياما سمعنا عن ماكسيمات مثلا اختربت من المطر! في احد جابها كعيب في الماكسيما؟
طبعا هالشي حصل قدامي
هلا اوتنجر ممكن طلب
حبيت تعرفني على سيارتك لانك في تجمع المنتدى الاخير ولما دخلتها الحواجز وجبت اقل من او في حدود 13 ثانيه والله ما اذكر
انت قلت لا تقارنوها لانها شي ثاني
وش مسوي فيها
الله لا يهينك
الغامدي عبدالله:black:
560SEL
03-06-2003, 04:00 PM
رد مقتبس من Oettinger
انا اقولك ب 390 ريال!
و انا أقول انه ب 230 ريال و على فكره الوكييل في الشرقيه يختلف عن الوكيل اللي في الرياض
ثانيا :
الارهابي رجاء طلع الهوندا و المسوبيشي برا هالمعادله لأن وضع هالشركتين مختلف (شمعة الهوندا أكورد يصل سعرها ل 1000 ريال)
بالنسبه لكمبرسر الكامري هات 800 ريال و أجيب لك كمبرسر كامري جديد و أصلي
و بالنسبه للاندكروزر : انا أقولك شوف بكم سعر كمبرسر VW طوارق
:D
تحياتي
الارهابي
03-06-2003, 04:11 PM
السالفه المفروض ما يصير فيها استثنائات
اذا تبغى تستثني الهوندا و المتسوبيشي لان اسعرهم غاليه
من الاولى نستثني الفلكس :D لان الكلام عنها في المقام الاول
و مثل ما قلت اخي الكريم كمبرسر الكامري رخيص ( هذي كامري ) و لا في احد يجهل شعبيتها و انتشارها في كل مكان فلازم تبعا لذلك تكون قطع غيارها رخيصه
و لو بتجي تقارن الطوارق >>> :D >>> قارنه بالانفنيتي او اللكزس
على الاقل يكونوا من فئته من ناحيه المواصفات و الحجم و السعر
560SEL
03-06-2003, 04:36 PM
رد مقتبس من الارهابي
السالفه المفروض ما يصير فيها استثنائات
اذا تبغى تستثني الهوندا و المتسوبيشي لان اسعرهم غاليه
من الاولى نستثني الفلكس :D لان الكلام عنها في المقام الاول
و مثل ما قلت اخي الكريم كمبرسر الكامري رخيص ( هذي كامري ) و لا في احد يجهل شعبيتها و انتشارها في كل مكان فلازم تبعا لذلك تكون قطع غيارها رخيصه
و لو بتجي تقارن الطوارق >>> :D >>> قارنه بالانفنيتي او اللكزس
على الاقل يكونوا من فئته من ناحيه المواصفات و الحجم و السعر
جميل
الكلام هنا يدور حول ال VW و مشتقاتها (اذا جاز التعبير) :D يعني ما نبغى نتفرع و ندخل في أمور ثانيه
انا كل اللي قلته ان ال VW و SKODA و SEAT و AUDI كلها سيارات حلوه و مميزه لكن يعبيها صيانتها و أعيد و أكرر الموقف اللي حصل لأحد الاصدقاء لما خبطت المكينه عليه :
==========================
تصور انه لما خبطت المكينه حقت SKODA و لما جا يوضبها بعض قطع الغيار طلع سعرها أكثر من 5000 ريال سعودي لدرجة ان اللي في المحل قال للرجال : أحسن لك روح دور مكينه في التشليح
==========================
يعني حتى اللي في الوكاله مو مقتنع بأسعار القطع
تحياتي
الارهابي
03-06-2003, 04:42 PM
مثل ما قلت الكلام هنا في اساسا يدور على VW و شلتها
و مثل ما قلت هي سيارات حلوه و مميزه
بس العيب فيها قطع غيارها
في اختلاف بسيط بس
هو ان السيات و السكودا ارخص من الاودي و الفلكس
لان الثنين الاوليين وكالتهم تختلف
و الوكالات تتستر خلف حجه ارتفاع سعر اليورو
و غلاء اسعار الشحن و التامين خصوصا بعد 11 سبتمبر
لرفع اسعار قطع الغيار ( و السالفه كلها نصب في نصب )
السياره يجذبك شكلها و يعجبك فيها ادائها و اعتماديتها و بعد سعرها لما تشتريها
فاسعار الفلكس و السيات و السكودا حلوه جدا بل ممتازه مقابل ما تعطيك من جوده و مواصفات
لكن العيبين الشرعيين فيها هم السعر عند اعاده البيع
و اسعار قطع الغيار و الصيانه :eek:
مع انها تظل اسعار متوسطه بالنسبه لبعض الماركات اليابانيه ( و ايضا ارخص من بعض القطع الامريكيه ) و اكيد بالنسبه للماركات الاوروبيه الاخرى
بس بغيت منك اخوي توضح لي وش هي المكينه اللي كانت على السكودا حق خويك
تحياتي
560SEL
03-06-2003, 04:56 PM
مو على كل الاحوال تختلف
لأن أسعار قطع VW GLOF مطابقه تماما لأسعار قطع ال SKODA أوكتافيا و SEAT تولايدو ... الاختلاف هنا يكمن في ال PASSAT و ال Audi
بالنسبه للسكودا اللي خبطت هي SKODA OCTAVIA SLX موديل 99 مكينها 1.8 بدون تيربو
تحياتي
الارهابي
03-06-2003, 05:02 PM
في فرق في السعر
بالرغم من ان رقم القطعه متطابق
لكن السعر يكون ارخص في سفاري للسيارات من سعر ساماكو
Oettinger
03-06-2003, 08:35 PM
متأكد 1.8 بدون تيربو؟!!
لانو ال 1.8 ما نزلت من غير تيربو على قاعدة المسماة A4 اللي هي قاعدة الجولف والبورا والسكودا اوكتافيا!
اللي نزلت فقط تيربو ، بس يختلف حجمه وبعض كودات المكاين !!
هذا طبعا والله اعلم
نرجع للموضوع! انا اقولك ومستعد اقارن بعض قطع غيار سيارتي بالهوندا سيفيك!
مثلا السطاب الخلفي لسيارتي الباسات قيمته 275 ريال
والهوندا سيفيك 98 السطاب اللي في الشنطة الصغير قيمته 275 ريال الاصلي! وبرا الوكالة بعد
يعني خذها بالعقل ، على الاقل من وجهة نظري ، راح تشتري منتج من فولكس واجن ، منتج راقي جدا جدا جدا ومميز وعلى اعلى المستويات ، على الاقل راح تكلفك اكثر شوي من نظيراتها السيارات الاقل مستوى في الجودة والامان والبريكات وكل شي!
خذ مثال قماشات الماكسيما! انا اقولك سعرهم في الشرقية قدام وورا 390 ريال
انا سيارتي بس قدام 380 ريال واللي ورا 230 ريال
يعني الزيادة 36%
في المقابل تحصل على اداء مكابح وعمر اطول 10000000000000000000000000000000000000000000%
لانو بريكات الماكسيما والله ولا بريال! وبعد كم دعسة يحتروا ولا يمسكوا كانك تكشي من غير بريك! على الرغم في سيارتي والله ما شاءا لله 100% لو امسك البريك طول الهاي وي وانا امشي 230كلم
ففي فرق في الجودة مقابل السعر!
في النتيجة اقولك الجودة مقابل السعر ، لا لكزس ولا غيره يوقف مقابل الفولكس واجن والاودي!
ويا ليت الوكالة افضل زي دول برا عشان تشوف الفرق! في السعر والخدمة
تحياتي
الغامدي عبدالله
04-06-2003, 09:03 AM
انا اسمع من بعض مالكي الفلكس في جده جوده الصيانه والخدمه
Oettinger
04-06-2003, 07:27 PM
سمعنا حتى في الرياض
وجدة اكيد لانه المركز الرئيسي ،
بس الشرقية عن جد زفت في زفت!
يا اخي تاركين الورشة وابو اللي خلفوها على سودانيين ومصريين وكم واحد طفشانين من عمرهم ، يعني ما في جدوة الصراحة
واديكم خبر طازة بعد!! اليوم اشتريت فلتر زيت لسيارتي ب 65 ريال!! تخيلو! زادوه 15 ريال يعني 30% بس عشان اليورو
الله لا يوفقهم
بس فيه ميزة الفلتر ، مكتوب عليه 30 الف كيلو! وانا فعلا الموجود حاليا في سيارتي مشيت عليه اكثر من 23 الف كيلو مع زيت سانثيتك ، يعني لو تحسبها بالفرق في عدد مرات التغيير مع السيارات الثانيط يطلع ارخض
560SEL
06-06-2003, 01:38 PM
Oettinger
طبعا متأكد 100% انها 1.8 بدون تيربو
بالنسبه للنقطه الثانيه اللي تكلمت عنها فأنا أوافقك الرأي تماما فيها .. فعلا جودة قطع هذا النوع من السيارات ممتازه . لأن لو رجعنا و قارنا ال SKODA بالكامري من ناحية الفرامل فرامل ال SKODA ب 350 ريال (أمامي + خلفي ) بينما فرامل الكامري سعرها 170 ريال (أمامي + خلفي) لكن فرامل الكامري ما تعيش أكثر من 5 شهور الا و هي معدومه بينما فرامل ال SKODA تقعد أكثر من سنه بدون ما تتعرض لأي تلف . أيضا أداء فرامل ال SKODA افضل بكثير .
فعلا فرامل المكسيما ما تستاهل قيمتها لأن أي فرمله قويه بالمكسيما بتبهذلك على طول يعني أحسن شئ ممكن تسويه اذا تعرضت لموقف بالمكسيما انك تدعس الفرامل و تررك السياره تروح للدرب اللي تبيه:D , لكن انا أرى ايضا ان قوة المكسيما تلعب دور كبير في لخبطت الفرامل
على العموم النقاش كان أكثر من رائع معكم Oettinger و الارهابي
:)
تحياتي
Oettinger
06-06-2003, 02:29 PM
طيب يعني اخوي انت مقتنع في النهاية انو القطع مش غالية!!
يعني مثل اللي يقارن بين القطع التجارية والاصلية!
العاقل يشتري الاصلي انه يدري انو في المدى الطويل اوفر بوااااااااااجد له من التجاري واريح للمخ!
النقاش دائما حلو مع الطيبين حبيبي ، شكرا لك
الارهابي
06-06-2003, 05:05 PM
رد مقتبس من 560SEL
على العموم النقاش كان أكثر من رائع معكم Oettinger و الارهابي
رد مقتبس من Oettinger
النقاش دائما حلو مع الطيبين حبيبي ، شكرا لك
:glasses: :)
Lamborghini
07-06-2003, 02:34 AM
LOL
علـى العموم خلاصـة الحديث إن السيارات الوحيدة اللي قطع غيارة برخص التراب هي التيوتا والسبب واضح وهو انتشارها مثل النمل في المجتمع الخليج .. أما باقي السيارة من دون استثناء قطع غيارها غاليـة ، لكن طبعا غالي عن غالي يفرق .. :)
LAND CRUISER
07-06-2003, 05:32 AM
لحظه
بريك الباسات مب ااحسن عن بريك المكسيما
المكسيما
100-0 ------------------125 فوت---بالمتر 114
الباسات
100-0----------------------138 فوت---بالمتر 126
:glasses: :glasses: :glasses:
:help: :help: :help: :help:
Oettinger
07-06-2003, 05:51 AM
LAND CRUISER
هههههه اخوي من وين المصدر بالله!!!
ومستعد اتحدى اي راعي ماكسيما انو بريك سيارته اقوى من سيارتي! يالله ايش رايكم؟؟
هع هع
اسمح لي اخوي LAND CRUSIER انت مجرب السيارتين؟ ويا ليت تذكر المصدر عشان نستفيد:D
اخوي Lamborghini
والله يمكن كلامك صحيح!
لانو صدقني تويوتا ترى يقولك جودة وما جودة ترى مهي زيادة! وانا افضل الهوندا وسيارات يابانية ثانية عليها!
اما لما تقرب تحت الفولكس واجن الكلام يصير غير! ولا احطها حتى وياها في نفس السطر! مو بعد اقارنها معاها هع هع
LAND CRUISER
07-06-2003, 05:57 AM
المصدر
http://www.autosite.com/new/ATAGlanceShell.asp
اختر الصانع
واختر السياره
واضغط
performance
بيطلعلك
:)
بس لا تختار المكسيما
اختر انفينتيi35
لانها هيا المكسيما اللي عندنا
Oettinger
07-06-2003, 08:37 AM
بس اللي عندنا هي الانفينيتي I30
ال 35 ما نزلت عندنا!!
هذا اولا
ثانيأ
الموقع فقط جامعين نتايج من مجلات "امريكية"!! عرفت قصدي؟
يعني مستحيل اصدقها
واكبر دليل اسأل اي واحد ساق ماكسيما وباسات ، عشان نصير محايدين وبلا كلام مجلات "امريكية" لانو اسمح لي الامريكان عمرهم ما عرفوا يسووا بريك!:D
LAND CRUISER
07-06-2003, 10:20 AM
بس هذا السايت مرسيدس ومعظم الشركات تاخذ منه المعلومات للمقارنه
ادخل mbusa.com
واعمل مفارنه بتحصل انهم جابو المعلومات منها
Oettinger
07-06-2003, 10:31 AM
هذا السيات حبيبي زي ما قلت لك! روح وشوفه
مجرد جامع معلومات من تجارب حصلت في مجلات امريكية! زي موتور تريند وكار اند درايفر!
واسمح لي هالمجلات احطها في مستوى سعودي اوتو!! مجرد دعاية وتلفيق
LAND CRUISER
07-06-2003, 10:34 AM
هذا رأيك وانا احترمه:)
Oettinger
07-06-2003, 12:50 PM
تسلم عزيزي واشكرك على احترامك لرأيي
بس صدقني مو من تعصب (ادري انا متعصب وبقوة هع هع)
بس من واقع تجربتي وتجربة غيري
تحياتي
Lamborghini
07-06-2003, 01:21 PM
السلام عليكم .. :)
الصراحـة أنا مجرب الإثنين ومافي مقارنـة بينهم ، الباسات وايد أحسن .. :)
شي ثاني إنك ماتقدر تقارن الإنفنتي الأمريكيـة بالمكسيمى الخليجيـة ، وجه الشبه الوحيد بينهم هو البدي الخارجي فقط .. :rolleyes:
560SEL
09-06-2003, 04:23 PM
بصراحه و من واقع تجربه
فرامل كل سيارات ال VW انا اعتبره منقذ في اللحظات الحرجه
لكن المكسيما و الكامري اذا ما كان الواحد سواق و يعرف كيف يتصرف فأحسن له لما يتعرض لموقف حرج انه يترك السياره
لكن لازلت أقول ان ال VW قطعها غاليه و يمكن يكون السبب ان السياره جديده و محتكره من قبل الوكيل
تحياتي