الــــهــــدف الــــفــــضــــي ...

[fahoodi]

سلام شباب

اقول قد احد منكم سمع بالهدف الفضي ؟؟؟:confused:

بالنسبة لي انا اعرف الهدف الذهبي

اما الهدف الفضي فاول مرة اسمع في حياتي امس

امس كنت اتابع برنامج سوكر soccer اللي يجي على قناة الكويت الرياضية فتكلم المقدم عن مباراة بورتو وسيلتيك (طبعا المباراة انتهت بفوز بورتو بعد ماجاب هدف في الشوط الاضافي) بس المشكلة ان المقدم امس قال ان بورتو فاز بعد احرازه الهدف الفضي الذي يطبق لاول مرة في النهائيات

فبليز شباب اللي يعرف اي شي عن الهدف الفضي يفيدنا لاني انا منهبل ايش هو الهدف الفضي هذا وايش يفرق عن الهدف الذهبي
:confused: :confused: :confused: :confused: :confused: :confused: :confused: :confused:

[مهوس العين]

وعليكم السلام ... ;)

والله انا يلي اعرفه ان الهدف الذهبي هو ان الفريق يحرز هدف و خلاص تنتهي المباراة بفوزه ...

لكن

الهدف الفضي هو ان يحرز الفريق الاول هدف لكن المباراة ما اتخلص لكن
تنتهي الى نهايه الشوط و بعدين يشوفون من واحرز الاهداف و يفوز يلي
يحرز اكثر اهداف ..

و السموحه :)

[fahoodi]

اخوي عين يعطيك العافية على ردك

بس للاسف مافهمت

ممكن تشرح لي؟

<==== غبي مايفهم بسرعة :p

[مهوس العين]

رد بعيدلك الشــرح .... :o

الهدف الذهبي ... هو يوم مثلا فريق الاهلي و فريق العين ,, يوم فريق العين يسجل هدف على الاهلي تنتهي المباراة بفوز العين ... صح ;)

الهدف الفضي ... يوم العين يسجل هدف على الاهلي ما تنتهي المباراة
بل يكملون اللعب الى نهايه الشوط الاضافي ثم يفوز العين ... فهمت :rolleyes:

[fahoodi]

يابن الحلال الهدف الذهبي فاهمه واعرفه زييييييين

بس الهدف الفضي دام انك تقول انهم يكملون لين ماتنتهي الاشواط الاضافية حتى اذا احد جاب هدف
اجل ليه يسموه هدف فضي دام ان المباراة بتتكمل كاملة حتى اذا احد جاب هدف ؟؟؟ :confused: :confused: :confused:

[محمد نور]

شوف يقصدون بالهدف الفضي هوا إلا يجيب هذا الهدف في أحد الأشواط الاظافية بس ما تخلص المباراة وتكمل المباراة إلى نهاية الشوط الإظافي الثاني وبهذا الهدف يكون الفريق قد فاز بالهدف الفضي وإذا تعادل الفريقين أي أن الفريق الآخر جاب هدف ثاني يلعبوا بلنتيات وإذا جاب أي أحد فيهم هدف فأيضاً يسموه هدف فضي إذا فاز .


وسلامتك


إذا فهمت بالله رد :D

[fahoodi]

يعني مثل نظام اول؟؟؟

يعني رجعو النظام زي ماكان قبل مايخترعو الهدف الذهبي؟؟؟

[المبتسم]

رد مقتبس من fahoodi
يعني مثل نظام اول؟؟؟

يعني رجعو النظام زي ماكان قبل مايخترعو الهدف الذهبي؟؟؟


عليك نور يا فهووودي..
اخيرا فهمت:D ...((نسوي حفلة؟..)):D ;)

[fahoodi]

اجل ليه يسموه هدف فضي ؟؟؟:confused: :confused: :confused:

[عاشق الريال]

أهلا و سهلا فهدوي

سموه الهدف الفضي لأنه ما هو هدف ذهبي :p :p :p :p

أعتقد لأنه ما هو مهم مثل الهدف الذهبي يعيني في امكانية

للتعويض ، و الله أعلم ،،، و لك التحية

:)

[matar]

السلام عليكم ياشباب
اذا جاب الفريق هدف في الشوط الاول الاضافي يكمل الفريقين الشوط
اذا الفريق الي فيه الهدف ماجا ب التعادل في الشوط الاول تنتهي المباراه مباشره بدون مايلعبون شوط ثاني

علشان كذا سموه الهدف الفضي

واذا بقي التعادل في الشوط الاول يلعبون شوط ثاني بنفس طريقه الشوط الاول اذا احد سجل يلعبون الين ينتهي الشوط


يعني ماينتهي بعد الهدف على طول اما اذا استمر التعادل يلعبون ضربات ترجيح :banana: :banana:

[fahoodi]

اهاااا كذا اجل
يعني يوم مباراة بورتو وسيلتيك بورتو جاب هدف في الشوط الاول الاضافي عشان كذا مالعبو شوط ثاني لان المباراة انتهت بنهاية الشوط الاول

مشكور مطر :rolleyes: او matar

ويعطيكم العافية كل اللي شاركو ولاحالفهم الحظ :rolleyes: ;)