شـخـصـيـة ذات و جـهـان

[حمامه]

السلام عليكم ورحمة الله و بركاته


الجميع سمع بالعملة ذات الوجهين

و لكن هل سمعتم عن الشخص ذو الوجهين

شخصيتك داخل الطرائف هل هي شخصيتك بعد أن تضغط كلمة خروج من المنتدى ..

أيهما أقوى بصمة شخصيتك الحقيقية أم بصمة إسمك المستعار في المنتدى ..

هل أضفت لأسمك المستعار جزءا من شخصيتك ..

الأسماء المستعاره ظرفاء ، مرحين ، مبسوطين ... جميع الكلمات التي تحمل بين ثنايها ضحكات و فرح تملأ الدنيا خيرا ..

هل الجميع هكذا بعد تحريك المؤشر إالى كلمة الخروج من المنتدى ..

أم أن هناك منا من ينزع شخصيته المرحه بمجرد الضغط عليها ..

كم منا من حاول خداعنا بحيث أستطاع أن يخفي الكثير من شخصيته الحقيقه و نجح في ذلك ؟


أنت ..
نعم أنت ..


هل ترضى أن يخدعك الآخرين لتخدعنا بشخصيتك المزيفه ؟

من أنتم في الحقيقه ؟

[كـيـمـو]

أمممممممممممم


بصراحه محد يقدر يحكم على نفسه وعلى شخصيتة إلا الناس اللي من حوله وعايشوا الشخص نفسه

أنا أكون مع الشخص زي مايكون معاي هو .. إذا كان من النوع اللي يحب الضحك اضحك معاه ..

وأنا الان في قسم طرائف أخذتني الشخصية اني أكون زي ما أنتم شايفين لأني في قسم طرائف أتعامل معه بطرافه لووول

لكن شوفوا ردودي أول ماشاركت حتى الوجوه التعبيريه ما استخدمهاا





وأي سؤال أنا حاضر هع

المفروض يكون الموضوع على نمط أسئلة





:)

[ايميل مغبر]

:confused:
:damp:
:p

[نواف بن أحمد]

أنا وبكل صراحة شخصيتي في المنتدى مثل أي مكان ...

حتى في الاسم ....


شكرا على الموضوع ...

[مهوس العين]

هلا حمـــامه ...

والله موضوع جميل و حلو اذا فيه نقاااش.. بجيب على كل اسئلتج .. لكن اعتقد اذا الواحد بيتكلم عن عمره اكيد و اكيدين
اشوي بيجامل و بيزيد من عنده كلام و صفات ,, لكن انا اسمي المستعار واضح و هو عيناوي للابد اعتقد انه مافي شي من الطرافه او الضحك .. يعني انا انسان رياضي في المقام الاول و بعده اكون طريف
في المنتدى او بالقسم .. لكن في الحياه انا مااكووون طريف واايد زياده عن اللزوم .. لكن اكون اشويه طرريف و خاصه مع الربع

وتراني ما عندي شي اسمه ((خروج)) لاني ما استخدمه مووووليه ..

:)

[CAMARO4EVER]

والله انا اتعامل مع الوضع مثلا اذا كنت في الطرائف تكون ردودي مرحه ومزح .

واذا كنت في السيارات تكون لردود اكثر جديه .

وهكذا ..


تحياتي لك حمامه .

[تعبان]

امممممممممممم

الموضوع يبيله صراحة

وبصراحة وبدون لف و دوران

أنا هني غير 100%

عما أنا عليه بالخارج

أنا إنسااااان وبكل صراحة برا المنتدى نكد وجدي وحساس ومنطوي

حتى ما عندي ولا صديق .. !!!

اتصوروا ..

بس هني أحس بشعور غير ..

أحس إني بين ناس يساعدوني إني أظهر حقيقتي ..

فكل الطرافة اللي تطلع فيني تكون هني

وبرا المنتدى الله لا يوريكم .. !!

وآســـــــــف على صراحتي !!

:)

[نواف بن أحمد]

الله يجمعنا ... على طاعته ...

المنتدى هنا يعتبر كمكان تجمع للأحباب ...

[صوت العقل]

انا شخصيتي بالمنتدى اهي نفسها برى المنتدى

ولكن بالمنتدى انا عبيط حبتين :D واستهبل (احيانا ) لا حظوا احيانا

لانه طبيعة المنتدى تتطلب هذا الشيء



واعتقد انه كل شخص فينا في شخصيته جانب من الطرافه وحب المرح

والمنتدى اهني يركزعلى هذا الجانب بذات

عكس الواقع اللي هو خليط من المواقف المتعدده

فمثلا مو معقوول الواحد اربعه وعشرين ساعه ينكت ويستهبل:p

فكل واحد فينا يمر بمواقف تتطلب احيانا الجد


شكرا حمامه على الموضوع الغريب ........(الظاهر وانتي على ارتفاااع الف قدم عن سطح الارض فكرتي فيه )

:p :D :p

[ابو عبير]

شكرا على هذا الموضوع

;)

[bashar_255]

في الواقع المنتدي يطور سخصيتي الواقعية :glasses:

يعني يمكن اكون على حقيقتي في المنتدي اكثر من بره:glasses:

[مرايا مبعثرة]

موضوع حلو

انا يا شطورة بالمنتدى اكون تقريبا ... لاحظش اني قلت تقريبا زي مانا برا ... يعني انا طبعي احب الضحك والوناسة

ما احب الجدية كثير...بس هذا مايعني اني ما اكون جد لما الموضوع يستلزم هالشي

شي ثاني انا ما استعمل " خروج" ابدا ابدا

شكرا للموضوع

هق الهاااق

خشم

:D

[bad95killer]

أنا اشوف كل موضوع ويعتمد على نوعيته وفكاهته وكل واحد وعلى شخصيته اتجاه المواضيع وردة فعله :glasses:


تحياتي========> حسينووووووه :black: المجرم

[روتي]

^1

انا عن نفسي معظم الوقت مثل هالوجه :D
بس احيانا أكون :Sad2: ومرات قليلة جدا :mad:

بس عن نفسي أحب المرح والضحك حتى في العمل وفي البيت :D

=====
ملاحظة
=====

ذو : من الأسماء الخمسة وهي ( أب أخ حم فو ذو )
إذا ذات تأخذ نفس حكم الاسماء الخمسة ... اذا يكون عنوان الموضوع
(شخصية ذات وجهين )

(( روتي ماجستير هندسة ميكانيكية تخصص لغة عربية :D ))

[ابو الفياصل]

تقريباً.. الشخصيتان متقاربتان.. ولكن لاختلاف الظروف والضغوط.. اعتبر شخصيتي في النت افضل من شخصيتي الحقيقيه.. هذا إن كان هناك اختلاف كبير بينهما.. ولكن لا اختلاف.. فهما متقاربتان كثيراً..:)

سؤال جميع وطرح رائع..

تحياتي

[عمرTarga]

شكرا على الموضوع

وثانيا

ماعندي فرق في شخصيتي بالمنتدى وشخصيتي بالواقع

كلاهما نفس الشي

:D

[الورد]

انا واعوذ بالله من كلمة انا

لى اكثر من مئة شخصية

يعنى وقت الفرح شخصية وقت الحزن شخصية ووقت الزعل ...........الخ

يعنى من الناحية العلمية

عندى شيزوفرينيا:cry: :cry:

[بو علاء]

السلام عليكم

الموضوع هذا يتطلب الصراحه





شخصيتي في المنتدى تقريبا نفس شخصيتي بره المنتدى
لاكن بره المنتدى تقل نسبة استهبالي الى 75% يعني في المنتدى
استهبل اكثر واكثر :glasses2:




وشكرا على الموضوع حمامه:shock2: :shock2:

[حمامه]

أنا هني TWINCAM مو قصدي بالحكم على الشخصية
و بعدين إنت اللي تكتب بإسمك المستعار و إنت تعرف نفسك إذا كانت شخصيتك في المنتدى إهي نفسها شخصيتك شخصيتك بره المنتدى :)
طبيعي TWINCAM أول الأمر يكون الإنسان مثل الغريب في المكان بس بعد فتره لما يتعود على الوضع و الموجودين ياخذ راحته معاهم :)
أنا ما حبيت اطرح أسأل و حبيت إنه كل عضو يتكلم على راحته لأني ما بي أحدد لكم أسأله و ممكن العضو يحب يتكلم في مجال أوسع منها :)

[حمامه]

حياك الله نواف بن أحمد

مع إنه الكثير يحاولون أن تختفي شخصيتهم الحقيقيه خلف الأسم المستعار
ماشاء الله جرأه منك إنك تكتب بنفس إسمك :)

[حمامه]

alashwaq

مشكووور على المشاركه المهمه الصراحه تعبت و أنا أقرا الرد :p

و الله أنا أتوقع غنك طبق المثل اللي يقول إذا كان الكلام من فضه فالسكوت من ذهب :corsair:

[حمامه]

هلا فيك عيناوي للأبد
إذا إنت شخصيه ذات وجهان محد يقدر يحدد الشي هذا غيرك إنت
أنا سؤالي هل إنت في المنتدى نفسك بره المنتدى :rolleyes:
أنا ما قلت حق أحد إنه يقول صفات السيئه أو الزينه فيه
يعني تعرتف إنك في سوالف الطرائف و تحت إسمك المستعار تاخذ راحتك أكثر في الطرفه أكثر من شخصيتك الحقيقيه خارج المنتدى ؟

[حمامه]

هلا camaro4ever
يعني نقول إنه إسمك المستعار ما أثر في شخصيتك الحقيقيه كثر ما أثر فيها المكان اللي تواجد فيه ؟

يعني حضرتك تميل الى الجديه أكثر :)

[حمامه]

أكــيــد تعبان و مافي أحلا من الصراحه :)
يعني نحمد ربنا إنحنا نشوفك في المنتدى ما نشوفك بره :D
:help:


ما عندك ولا صديق !!
ما فكرت وين ممكن يكون الخطأ فيك ولا في غيرك
ممكن ليلحين مو لاقي الصديق اللي تعتمد عليه أو إنه اللي معاك مو قدرين وجودك معاهم :)
تعبان هني الأعضاء قبل لا يكونون أصدقاءك هم أخوانك :)
يمكن تعبان لأنك تكتب تحت إسم مستعار تعوض فيها شخصيتك اللي بره المنتدى :)

[حمامه]

صــح لسانك نواف بن أحمد
كلنا هني خوات و أخوان :)
الله لا يغير علينا :)

[حمامه]

ماغلطت لما سميت نفسك صوت العقل :)
كانت خطوه موفقه منك في إختيارك الإسم هذا :)

أفا عليك صوت العقل ماتدري إختك حمامه شيطلع منها إذا شغلت التيربو :glasses2:

[حمامه]

ابو عبير شكرا على الرد

روح الطبيب أبو عبير يعالجلك عينك ;)

[حمامه]

bashar_255 يعني إنت تخدع الآخرين خارج المنتدى ؟؟

[حمامه]

حياج الله أبله عطيات :eek:

قصدي إختي Oasis :D

عيونج الأحلا :glasses:

أكيد إختي كل موقف وله حاله خاصه فيه ، يعني مو معقوله موقف جاد أحد إي و يقعد يسولف و يتغشمر فيه لأنه ممكن بعدين راح يشوف اللي عمره ما شافه :Sad2:

[حمامه]

bad95killer <<< حسينووه المجرم :confused:

حسينووووه وين الطقطاقي مالك :D

يعني شخصيتك تختلف بإختلاف المواضيع :rolleyes:

[حمامه]

و عليكم السلام و رحمة الله و بركاته
إن شاء الله دوم نشوف الوجه :D هذا ولا نشوف الوجه هذا :mad:

بس بالمنتدى أكثر ما نشوفك :)يعني مسوي ثقيل في المنتدى :glasses2:

إنت وين دارسهم بالضبط :damp:
خلاص مره ثانيه قبل ماتزل الموضع أوريك إيااه علشان تصحح اخطائي :)

ذكرتني بمدردش متقاعد الله يذكره بالخير :)

[حمامه]

هلا فص فص :)
شخصيتك في النت أفضل لإنك تحرر من قيود يحملها عليك إسمك الحقيقي :)

مع إني أول ما قريت أسمك قلت الحين إنسان كبير في العمر ماتوقعتك بالعمر هذا :damp: ، إن شاء الله العمر كله لك :)

[حمامه]

حياك الله تارجا :)

يعني تارجا = الإسم الحقيقي لك :)

[© MATCHLESS]

ما اتوقع ان فيه احد يمثل شخصيته الكامله في المنتدى ...

واللي يقول هالكلام ... فهو انسان يجامل نفسه !!

والموضوع مسأله نسبيه .....

لكن من المستحيل ان النسبه تصل 100 % ... وبالذات في قسم الطرائف !!

وانا اشوف اني في المنتدى اختلف كليا عن الواقع ....

انا ما اتكلم عن الاخلاقيات ...... لأن الانسان اللي ما يمثل اخلاقياته اسمحولى اقول انه ( انسان منافق ) !!

انا اتكلم عن الاسلوب فأسلوبي خارج النت يختلف كليا عن داخله !


مشكوره حمامه ....
موضوع مميز الصراحه :)

[ابو الفياصل]

حمامه..
ما فمت الجمله الثانيه:D

===

مداخله يابو محمد..

انا عندي اعتراض قوي على كلامك:D

يعني انا راح اتكلم عن نفسي.. مثلاً انا في البيت والمدرسه والشارع وكل مكان.. انسان مسالم.. مرح مع الجميع.. اعتبر الجميع مسالمين.. وذو نوايا حسنه حتى لو اخطأوا في حقي.. فانا اتعامل معهم بكل احترام وحياديه.. وهذا ليس من دافع لاحتلال مكان معين او لوصول لغاية منشوده..

وكذلك انا في المنتدى.. وإن نت في المنتدى اكثر صراحه وقوة في التعبير عن ما يدور في عقلي وقلبي.. لسهولة توصيل الرسائل بالكيبورد..

[حمامه]

إسم الله عليج الرحمن الرحيم الورد
وهذا المفروض كل ظرف وله أحكامه :)

[حمامه]

و عليكم السلام بو علاء
أكيد الصراحه وماكو غير الصراحه :)
75% وتقول نفسها :shock2:
عيل لو 100% شتقول :damp:
مشكور على صراحتك :rolleyes:

[سيومة]

والله ماادري

بس متقاربات نوعا ما

احب اضحك احب المعارف الكثيييييير امشي هنا اسلم على ذي
وهناك على هذيك وناااسه وماازعل ابدا الا اذا شيء مرررره قووووي ويستحق الزعل هنا بس يمكن بالمنتدى زعوله دلوعه شوي :D
اذا احد سوا غلط بحقي اتخيل نفسي بداله وهل هو يقصده ولالا
ودايم ارقعله واقول يمكن كان كذا يمكن كان كذا
هذا مو ضعف بس والله طيب ولان الدنيا ماتسوى :)


وبببس

[© MATCHLESS]

فاصوليا بالباشميل ....


انت عاد حاله استثنائيه !!

مصرقع داخل وخارج النت .... وتنكت حتى وانت نايم :D :D

[مهوس العين]

اهلـــــــين حمامه ...

منو قال اني اقدر احدد اذا انا شخصيه ذات وجهين او لا ؟؟ الناس هي راح تحكم مو انا ....
و الله انا في المنتدى نفس بره بالضبط لكن مب في كل الظروف .. يعني
مب يوم تحصلي مشكله او اني اكلم الوالد اسير انكت او اتضحك ...
انا اسمي المستعار هو عيناوي يعني رياضي .. و لكن ما اخذ راحتي في الطرافه اكثر من اللزوم لان هذا يعكس شخصيتي الحقيقه ..

:)

[حمامه]

هلااا Matchless
حتى ولو بنسبة 1% مافيه كلش :rolleyes:
يعني تعترف إنك تكلم معانا بشخصية تختلف عن الخارج :OO:

حضورك المميز حياك الله Matchless :)

[حمامه]

صح لسانج عزيزتي سيومه الدنيا ما تسوي إنه شخص يزعل و يتضايقك ، بس كل إنسان لازم يعرف حدوده في التعامل :)

[حمامه]

فص فص قصدي إني توقعتك إنك كبير في السن من إسمك
بس لما عرفت إنك تدرس في الثانويه تفاجأت :OO:
ممكن إسمك كثير ظلم عمرك الحقيقي :)

[حمامه]

فص فص قصدي إني توقعتك إنك كبير في السن من إسمك
بس لما عرفت إنك تدرس في الثانويه تفاجأت :OO:
ممكن إسمك كثير ظلم عمرك الحقيقي :)

[حمامه]

عيناوي للابد ،، بس إحنا الحين في المنتدى و مانشوفك عشان جذيه محد يقدر يحدد الشي هذا إلا إنت

يعني شخصيتك في المنتدى إهي نفسها بره:)

[مهوس العين]

حمامه ........

و الله ها الشي راجعلكم .... و ترا شخصيتي يلي في المنتدى تشبه يلي بره بس باختلاف بسيط

تحيااااااااتي .. :)

[بو علاء]

حمامتي مافهمتي قصدي
المطابقه=75%
اما الختلاف =25%


فهمتي الحين:rolleyes: :rolleyes: