View Full Version : سؤال ميكانيكي : هل تعرفون لماذا...
hak_90
10-07-2003, 10:20 AM
ليش اذا عطيت السيارة بنزين كثير يقوم الكفر اليمين الوراني يفر واليسار ما يفر
هذا السؤال محيرني وأتمنى تعرفون ليش
الارهابي
10-07-2003, 11:19 AM
لان دفرنش السياره
open ديفرنشيال :D
يعني لو مثلا غرزت السياره
و كان كفر معلق و مغرز في الرمل
و الكفر الثاني في الهوا او كان متعرض لاحتكاك اقل من الكفر الثاني ( المغرز )
قوه السياره كلها تروح كلها للكفر اللي في الهوا
يعني الموتر ما بيتحرك :D
و لو مثلا
يتبلل احد الكفرات الخلفيه بالماي و الثاني يكون على ارض نظيفه
اللي بيفحط هو اللي مبلل بغض النظر يمين او يسار
اللي يسوي ها الشي جيور داخل الكارونه يسموهم spider gears
ما ادري وش يسموهم هنا >> شمسيه وقمريه يمكن
طبعا هدا يعتبر تخلف
و من زمان من قبل السبعينات لو واحد يلاحظ كتلوجات المواتر الامريكيه
في عده خيارات للدفرنش
اما يكون اوبن دفرنشيال
او limitid slip و يسموه بعد posi traction
او يكون بنسبه رياضيه sporty ratio
لكن هنا الوكالات ما عندك احد :D
لان الcarier حق limited slip الحين يباع لوحده ب حول 400 دولار
هذي صوره لاحد انواع الposi
http://store.summitracing.com/global/images/prod/norm/ETN-19599-010_m.jpg
طبعا هذا فيه كلتشات طويله العمر و فايدته انه يخلي الكفرين يمشوا سوا بشكل متساوي لكن يفصل في اللفات ( بعكس الspools ) مما يتيح للموتر يدور دوران طبيعي صغير و مريح لكن من تخلص اللفه او الدوران
يرجع يشبك الكفرات و يوزع العزم بنسبه متساويه
خلنا نجي لل spool
http://store.summitracing.com/global/images/prod/norm/RMG-81-0931-1_m.jpg
لاحظ كيف في الصوره ما يتكون الا من قطعه وحده
تركب عليها التاج و البنيون و تدخل العكوس من جنب وخلاص
و اشتغل يا تفحيط
هذا يتشبك الكفرات اثنينهم سوا بنسبه 50 / 50 في جميع الظروف ( معروف لما تدور السياره احد الكفرات يدور اكثر من الثاني ) لكن الspool ما يسمح بهالشي فلفه الموتر تطير كبيره و الكفرات تصرخ و انت تلف براحتك فكيف لو دعست هع
يستخدموها في السباقات بس not for street use هع
لان لو تخش لفه و الموتر عليه spool و تدعس :D
اقرب رصيف او جدار بيقرب لك :D هع
و لا تقدر تمسك الموتر >>> 100 % حق تفحيط :D
اللي يسووه هنا هو انهم يلحموا الكارونه من الداخل بلحام كهربا قوي كمحاوله لتقليد ال spool عشان التفحيط لكن غالبا اللحام ينكسر
اوكيه
اعذرني على الاطاله >> بس زهقان وابغى اهدر من زمان ما هدرت :D
في الخدمه
ما شاء الله عليك .. تسلم على الرد
JUST CORVETTE
10-07-2003, 05:34 PM
اخوي ( الارهابي )
والله احبك مووووووووووت ، ماشاء الله عليك
عندي سؤال صغير بالله عليك . من وين خبرتك الممتازه جدا (ماشاء الله) عن ميكانيكا السيارات وايش بتنصح لو واحد يبغي مثلك ؟؟؟
ولك جزيل الشكر
الارهابي
10-07-2003, 06:05 PM
رد مقتبس من JUST CORVETTE
اخوي ( الارهابي )
والله احبك مووووووووووت ، ماشاء الله عليك
اخوي انا ما احبك :D >>> هع هع ( امزح )
رد مقتبس من JUST CORVETTE
عندي سؤال صغير بالله عليك . من وين خبرتك الممتازه جدا (ماشاء الله) عن ميكانيكا السيارات وايش بتنصح لو واحد يبغي مثلك ؟؟؟
ولك جزيل الشكر
بسم الله
اول شي اشرب مويه كثير كل يوم و نام مبكر وتصحا مبكر :D << خرف
تسلم اخوي على اطرائك الحلو :D
اي خبره تتكلم عنها << كم معلومه منا و منا سميتوها خبره :D
اذا بغيت تتعلم هالاشياء بدون تعب
اول شي بتحتاج ان تكون لغتك اليابانيه > قصدي الانجليزيه ممتازه
و طيح في مواقع التعديل و المجلات على النت
و اقرا و افهم وحاول تطبق بنفسك
و انشاء الله تستفيد
شي حلو ان الشباب يتابعوا المجلات حق السيارات بس تلاقي معظمهم يطالع الصور و بس ولا عليه من الباقي :D
الباقي اهم من الصور :D
لك جزيل العفو :D
A7medo
10-07-2003, 07:15 PM
مشكور أخوي الأرهابي على معلوماتك القيمة المفيدة
الارهابي
11-07-2003, 05:58 PM
حتى لو كان الموتر open ديفرنشيال
لكن كانت نسبته عاليه و حلوه
بيفحط على الجهتين
بعكس ما هو منتشر ان المواتر ما تفحط الا على اليسار :D
و ايضا لو جيت تسوي به burnout تشوف واحد من الكفرات يفحط و احيانا يشبك الثاني و يفصل الاول و احيانا يشبكوا اثنينهم سوا
طبعا السالفه تعتمد على قوه الموتر و حاله الطريق و الكفرات :D
مكيكان
20-07-2003, 07:19 PM
مشاء الله
معلومات رهيبه :banana:
HaKeM
03-08-2003, 04:58 PM
أخوي الإرهابي ماشاء الله عليك معلم في السيارات
طيب اذا الشخص يبغى يتعلم ايش أفضل مجلات يقراها عشان يصير خبير مثلك;)
تحياتي
الارهابي
03-08-2003, 05:02 PM
مجلات عربي :D ما في
اصلا المجلات العربيه ما عندهم ما عند جدتي
مع ان احيانا عندهم مقارنات و تجارب حلوه
لكن كل مواضيعهم خبريه ما فيها فائده ترتجى :D
انصحك بـ
www.chevyhiperformance.com
www.hotrod.com
www.carcraft.com
خصوصا اقسام
ال tech
و how to
لو اقول لك
خش هالموقع :D
http://www.primediaautomotive.com/
و شوف المجله اللي عنوانها يشدك و ادخلها :D
corvette c4
05-08-2003, 02:33 AM
طيب يالارهابي لو ابغى مجلات متخصصه بسياره معينه مثلا كورفيت لاني اشوف في محلات التعديل مجلات خاصه بسياره واحده وتلقى فيها كل شي من طقطق الى سلام عليكم .ففين القى هذه المجلات لانها الصراحه مفيده برضه مثل ماقلت ويمكن تفيد اكثر من النت
الارهابي
05-08-2003, 11:51 AM
هلا corvette c4
:D
شوف هالمجلات
http://www.corvettefever.com/
http://www.vetteweb.com/
هذا سريع على الطاير
طبعا المجلات تستفيد من تجاربهم و المعلومات التقنيه اللي فيهم
لكن لو تتصفح منتديات الكورفت الاجنبيه :D
تستفيد اكثر لان الكلام يكون واقعي اكثر من المجلات :D
بجمع لك رصه مواقع كورفتيه قريب انشاء الله :D
ابو نواااف.....
05-08-2003, 12:41 PM
اشكرك ياخوي الارهابي:D
على الكلام الجميل وعلى المواقع المفيده...
بس المشكله الثقافه ماهي انكليزيه علشان نفهم هههع:D
لكن معليه حمستنا على التلغيم :banana: :banana: :banana: :D :banana: :banana: :banana:
corvette c4
06-08-2003, 02:14 AM
الف شكر لك يالارهابي على هذه المواقع الف الف الف شكر
وترى المفضله عندي امتلت مواقع عن طريقك بس برضه تقول هل من مزيد عن الكورفيت :confused: :confused: (بني ادم طماع وماهو قنوع)
v
v
v
v
v
v
v
v
v
v
v
v
v
v
v
v
v
v
v
v
v
v
v
المزيد من المواقع يالارهابي المزيد:banana: :banana: :banana:
:banana: :banana: يعيش الارهابي يعيش يعيش يعيش
oil_HKS_lio
21-08-2003, 06:47 AM
سلااااااااااااااام انا عندي
200L 79
RB25 بخاخ خاتم الكرونه وكل مرة تفك ويقلون كثر الدق يفك الحام انا ابغا هاذي ال spool من وين احصلها وكم سعرها من كثر التفحيط