اللي صار له شي يضحك يدخل

[bnt-alsaif]

سلام عليكم ... الصراحه راحه .. وآنه ودي أنشد هذي الراحه .. عشان جذي قررت أكون صريحه معاكم :D
شفت المنتدى هاليومين شوي صاير هدوووء !! و آنه أتوقع إن المشاغل زادت .. الله يكون في عونكم ........ لكن هذا ماراح يمنع إنكم تردون على موضوعي اللي بتشوفونه ألحين :black: :black:


بما إن القسم إسمه طرائف فالموضوع هو إني ودي أقرأ أطرف موقف مر لكل وااحد منكم في حياته :D :D
ما أدري إذا الموضوع مكرر ....
:confused:

لكني أنا اللي راح أبدي ...
الموقف محرج لكن من أذكره أموت من الضحك .. كان في أول يوم دخلت الثانويه كنت مرتبكه كثير و لما صارت الفرصه (الفسحه ) رحت الكفتيريا و ما لقيت كرسي قمت جلست على طاوله جان ......................................

















تنكسر الطاوله و أطيح جدام المدرسه كلها من أول يوم دوام :cry:
والله صرت مشهوره من أول يوم :D :D
و كل ما أذكر شكلي وآنه طايحه أفطس من الضحك :D :D :D



هذا موقف من المواقف .. وروني شطارتكم يا أعضاء الطرائف .. و خن نضحك معاكم :banana:

[bnt-alsaif]

ما أقدر أصدق كلكم ما صار لكم شيء وااحد إضحك ؟؟ :confused:

[خالدونا]

لأ صار لنا بس لي عوده للموضوع

حبيت اشاركك فرحتك بموقف مضحك :D

ما راح اطول اليوم او بكره بالكثير :D

[bnt-alsaif]

:cry: فرحه .. والله كان موقف .. عجيب .. عموما حياك الله أخوي :D

[حمامه]

عليكم السلام و رحمة الله و بركاته

بالنسبه للمواقف الطريفة و المضحكة كثيره بس تعالي من يتذكر :Sad2:

أممممم

بعض المرات لما أكون طالعه و أكون قاصده أكثر من مكان ، أكون لابسه ( مكرم السامع حذاء ) و ماأخذه معاي آخر واحد المهم ، ذاك اليوم انا كنت ناويه أروح حق صديقتي و مريت على محل حلويات آخذ معاي حلووو ، المهم نزلت و أنا لاابسه جوتي رياضي خفيف و أنا من النوع إذا سقت ما البس حذاء مكرم السامع المهم خلصت من المحل ورحت بيت صديقتي و لما رديت البيت و دخلت ولا أشوف أمي طالعني من فووق لي تحت و عند تحت أوقفت عينها و طالعني قلت يمااه شفيييج جان تقولي إنتي شنو لابس شوفي تحت ، و لما نزلت راسي و شفت ولا أنا لابسه كل رجل بحذاء ومختلف :shock2: << بس ليلحين مو ذاكره إذا كنات نزلت عند صديقتي بالحذاء الصح أو ان كانت كل رجل لها حذاء يختلف :damp:

[مجنون بورش]

:D :D
اللي انا مفتكره الحين
هذا الموقف واذا افتكرت ثاني اقلكم
مرة كنت انا واهلي قبل تقريبا 5 سنوات في مطعم
ويحنا خارجين كانوا دوبهم ممسحين الارضية بالمويه
وانا كنت في المقدمة :rolleyes: وشي وانا ماشي اله اتزحلق واطيح على الارض لمن شافتني اختي الكبيرة طحت قعدة تضحك على وهي ماشية واله وفجأة :D طاحت هي كمان :laugh: :laugh: :laugh:
بس من جد كان موقف محرج :OO: :D :rolleyes:

[bnt-alsaif]

هلا حمامه لالا صراحه موقفج حده محرج .. لكني أتوق إني رحتي بيت صديقك في حداء وااحد لأن لو كنتي لابسه كل فرده برووح جان إقعدة تضحك عليك .. :D مجنون بورش أتوقع إختك صارت لها نظرية "العياب عند الباب " :D

[الامير الاحمر]

الموقف المضحك الي صارلي هوه....
يوم من الايمام اخذت اخوي الصفير اوديه الملاهي <<<<<<:damp: ماشاء الله حنووووون
المهم ركبت اخوي الصغير في احد الالعاب وهذي لعبه الفنجان :damp: تتذكروها الفنجان الي يدوووور
انزييين لما خلصت العبه رحت انزل اخوي الصغر من العبه ولا فجئه :shock2: :shock2: العامل بالغلط يشغل اللعبه وانا امسك باللعبه وهيه تدوووو
:headshak: :headshak: :headshak: دار راسي واللعبه تفررررررني يمين وشمال واخيرا وقفت اللعبه وانا متبهعذل:Sad2: :Sad2: :Sad2: :Sad2:
وشكلي يفطس من الضحك وتوسخت ملابسي وحالتي ماحاله في هذاك اليوم
وحالف مره ثانية ما اودي الصغار الملاهي :D :D:D :D :D :D :D :D :D

[كـيـمـو]

أنا جيت يا بنت السيف عشان ارد على موضوعك بس بصراحه كسر خاطري نواف قلت احلى موضوعه شوي بدل مايكون كذا ماله داعي >> نسعى الى الرقي بالمنتدى الى الافضل بس نواف الله يهديه مايسمع الكلام

وماتذكرت الموقف داك الا من موقفه

وهذا الموقف صار لي أنا ونواف >>> عشان انتقملك منه كمان :D

يوم كنا راجعين من عند فيجا الكبير وراكبين في سيارتي وتعرفي نواف مسوي يحب الاطفال

شاف بنت صغيره في سياره وقام يأشر لها ويضحك معاها وأمها وأبوها راكبين قدام وهي راكبه ورا

وشوي يطالع ابوها فينا انا ونواف ونزل علينا بالعقال يحسبنا نغازل مرته

بس الحمد لله جات سليمه يعني :D

برايفت بنت السيف

أمزح على حكايه الضرب بس من جد نواف جالس يأشر والله حتى انا مدري لمين :D بس للبنت الصغيره

أعقل يانواف :p

[روح الامارات]

السلام عليكم ورحمة الله وبركاته

هيهههااااااااااااااا ياماتعرضت لمواقف طريفة ومحرجة في نفس الوقت:Sad2: :Sad2:

اذكر ان مرة كنت مسافر الى استراليا مع الاهل , وفي الفندق اللى كنت ساكن فيه كان شي مطعم كنا دوم انا واهلنا نتجمع فيه في الليل :) :) وياني هاك اليوم المشؤوم اذكر ان الوالد نادني وهو كان جالس في طاولة ثانية :glasses: وانا رايح له تكرفسة رجلي في الكرسي ومالقيت عمري غير طايح على راس ريال كان توه بياكل لقمته واشوه ماكلاها ولاكان غص علينا ومات :Sad2: :Sad2: المهم انا تلون وجهي كانه قوس قزح :Sad2: وعلى طول اعتذرت للرجال واتاسفت لانمي ماتعمدت ذلك :cry: :cry: اما اهلي ماخلوني في حالي ذلك اليوم :cry: :cry:

[bnt-alsaif]

الأحمير الاحمر
صراحه ما تستهاهل اللي صار لك .. بس شنسوي هذي ضريبة الحنان .. :Sad2:

[bnt-alsaif]

كيمو
قصتكم ذكرتني بموقف نفس هذا ... آنه متعتي ألعب مع الأطفال . مره و قفت بالإشاره و كنت قاعده أنتظر و إلا السياره اللي جدامي فيها يهال يأشرون و يسلمون علي ..آنه إندمجت معاهم .. الشيء السخيف في الموضوع إنهم كانوا طالعين مع أخوههم و شكله صغير .. وهذا الأخ فكرني بنت .من البنات اللي الله يستر عليهم ... و جلس يلحقني بالسياره .. آنه مت من الخوف .. و قدرت أضيعه و كانت مغامره مخيفه ... بس حرمت ألعب مع اليهال من بعيد لي بعيد :mad:

[bnt-alsaif]

روح الإمارات
:Sad2: :Sad2:
والله الموقف ضحكني واايد لما قريته .. لكن لما صارلي أمس موقف مماثل :Sad2:
أمس كنت عازمه صديقتي على أحد المطاعم و يكرم السامع الحذاء اللي كنت لابسته كان مو شي .... المهم لما صار وقت إنا نطلع من المطعم .. ما أدري شلون تزحلقت ريلي .. أدور صديقتي و إلا الأخت شاخطه و سابقتني . و آنه ما أبي أطيح إلتفت يمين و شمال ما لقييت إلا البنت اللي توها حاطه اللقمه في حلجها .. تمسكت فيها مسكينه و إهيا ما حسبالها إني بخطفها و لما ضمنت إني ما راح أطيح من الفشله حتى كلمه آسفه ما قلت حق البنت .. بس كان موقف سخيييييييييييييييييييييييييييييييييييف :(

[حمامه]

bnt-alsaif
تذكرت موقف :D
أذكر كنت مره مع صديقتي على المسنجر و كنت سهرانه معاها لي الفير و كنا نسولف بسالفه صايره لها مسكينه ، المهم بعد ما تفقنا إني أكلمها باجر على التلفون لأني مخي قفل و صار ما يستقبل شي ( لا يسمعني صوت العقل يا ويلي :D ) ماشوف هذا إلا داقه علي تلفون نقال و أنا الحين خلاص بنام و أنا بس سلمت عليها و بعدين مادري غير وحده تصرخ بذني حمااااااااااااااااااامه وين رحتي لا يكون نمتي أنا قلت لها شننوو قالت لي نامي نامي و أنا من صارلي 10 دقايق اسولف و أهذر مادري من معاه إنحرجت صراحة :damp: و أنا أثاريني طول الوقت كنت :sleep: و هي تسولف المسكينه
:(

[روح الامارات]

[QUOTE]رد مقتبس من bnt-alsaif
روح الإمارات
:Sad2: :Sad2:
والله الموقف ضحكني واايد لما قريته .. لكن لما صارلي أمس موقف مماثل :Sad2:
أمس كنت عازمه صديقتي على أحد المطاعم و يكرم السامع الحذاء اللي كنت لابسته كان مو شي .... المهم لما صار وقت إنا نطلع من المطعم .. ما أدري شلون تزحلقت ريلي .. أدور صديقتي و إلا الأخت شاخطه و سابقتني . و آنه ما أبي أطيح إلتفت يمين و شمال ما لقييت إلا البنت اللي توها حاطه اللقمه في حلجها .. تمسكت فيها مسكينه و إهيا ما حسبالها إني بخطفها و لما ضمنت إني ما راح أطيح من الفشله حتى كلمه آسفه ما قلت حق البنت .. بس كان موقف سخيييييييييييييييييييييييييييييييييييف :( [/QUO


خخخخخخخخخ والله من جد ضحكت لكن يالله الموقف الطريفة نبهج الواحد خصوصا لما يتذكرها عقب فترة طويلة :p :p
نصيحة لك استعملي مكرم حذاء نوع اميغو واضمنلك مايخليك تزلقي لكن عيبه اذا كنت تسوقين سيارة لا تدعسي الا باخف ماعندك على البترول علشان هو ثقيل وبيخليك تعسين على الاخر مثل ماصر حق بو الشباب لما راجع من لعب الكورة وزين ماد عمت الجدار :cry: :cry:

[bnt-alsaif]

:D شكرا على النصيحه ... أحاول أطبقها . يمكن تقل الصدمات و الكدمات :D

[بنت نت]

يوووه مكثرها هالمواقف إللي تفشل ما اذكرهم لي رجعة عالموضوع انشالله:)

[bnt-alsaif]

في إنتظارج بنت نت ;)

[حمامه]

bnt-alsaif
تذكرت موقف أهو محرج أكثر منه مضحك :rolleyes:
مره كنا رايحين المطعم ، المهم و را ما طلبنا و خلصنا و يا وقت الحساب و يابت الجارسونه الفاتوره قلت بروح أدفع حق الكاشير و لما وصت و قلت لها بدفع عطيتها الكي نت ولا تقولي مافي جهاز كي نت قلت لهاا شنووووو :shock2: شلون ما فيها و عطيتها محاضره طويله عريضه شلون و إحنا بالوقت هذا و مطعم كبير ما في كي نت :mad: المهم الحين شسوي أمبيييه شغلت التيربووو اللي يخلييه لي إن شاء الله و رديت حق اللي كانوا معاي و قلت لهم إنتوا قعدوا هني طلبولكم شي بعد على ماروح أسحب فلوس من البنك و أرجع و من وراها حرمت اروح مطعم ومايكون في بوكي حتى لو 10 دنانير :corsair:

[صوت العقل]

هههاااااااااااي

صراحه مواقفكم تموت من ضحك:D :D



انا من كثر المواقف اللي تصيرلي
مو ذاكر منهم شيء :OO:

كلهم ناسيهم اذا تذكرت :rolleyes: راح ارد:D

[Mr.Kiady]

صراحه مواقفكم ضحك .... ضحك :D


بس اذكر هالموقف من أيام المتوسطه :D
انا واحد خذني في كل شي الا الرياضة
الرياضه بطريق وانا بطريق !!
مره بحصه الرياضه كان عندنا العاب قوى
وفيه كره حديد نرميها ...الظاهر اسمها رمي الجله....
المهم طبعا انا دايما رقم 1 بالفصل (حركاااات) والاستاد يشرح الطريقه انا مسرح ومو مركز مع الاستاد ... المهم فجأه يناديني تعال دورك الرمي عليك ... لما وصلت عنده قالي انت ايمن ولا ايسر ؟
قلت له : لا أنا براهيم, ورجعت مكاني ...
فجأه أشوف الفصل تموت ضحك ؟
لمل سألت ليش : طلع الموضوع الاستاد يقصد (ايمن) :يستخدم اليد اليمنى و (أيسر)يستخدم اليد اليسرى بالرمي ...

[bnt-alsaif]

في أنتظار مشاركتك .صوت العداله :D

[bnt-alsaif]

Mr.Kiady
صراحه المفروض تحمد الله لأن المدرس ما إرتكب فيك جريمه ......
إنت هزئت المدرس بشكل غير مباشر :D

[بنت نت]

بسم الله الرحمن الرحيم

الله يسلمكم مرة كنت في السينما مع وحدة من الأهل وكنا نشوف فلم رعب(Scream3)اكيد الاغلبية عارفه...
المهم وإللي قاعدين جدام قروب فلبينين او صينين المهم مو عرب...
وكل ماطلع هذا الرجال بو قناع يذبح بالاوادم البنيات يتولونها صراخ وهيلة...في وسط الفلم كنت بعدل قعدتي وفي يدي النفيش(بوب كورن)وفي ذاك المشهد هو طلع مرة وحدة وهم صرخوا وانا نقزت من مكاني والنفيش تناثر في كل مكان وإللي معاي ماتت من الضحك بس الحمدلله ظلاااااااااااااام:D

ووومرة الله يسلمكم كنا متجمعين عند بنت خالتي وبنتها الصغيرة فديت قلبها مادري شفيها من تشوفني تقعد تضحك لي وتبسم وانا مشكلتي ما احب اليهال(بس هي إللي احبهااحسها هبلة مثلي):D وذاك اليوم جات وتلصقت فيني وتبيني ابطل لها كيس الحلاو وكل الاهل قاعدين وانا توهقت معاها وانا اقول لها روحي حق ماما وهي مب راضية تنجلع قلت يلا نبطل الكيس..بطلته وعطيتها و ماراحت:OO:ياخي شتبي ذي مب شي التلزق يبيلها هوشة لي كبرت:Dالمهم قالو لي قعديها في حظنج وأكليها عاد انا ذيك الحزة:mad: :mad: :mad:...عديتها وقلت ياروح صبرك...شلتها وقعدتها يابنت الحلال اكلي...مدي يدج...سمي..والبنت مهيب ماكلة وبعدت ما استوعبت الاخت ان الكيس تبطل وهي لازم تاكل الحين..مدت يدهاوكلت وتدرون باليهال سعابيلهم في كل مكان وانا هاتو فاين وقطو الفاين...وإلا تعطس الاخت ذيك العطسة في ويهي إللي يبي لها طقن شين عليها وانا عاد طلعتني من طروي..بس تدرون ليش تراجعت لان فديت قلبها قعدت تضحك وكل إللي قاعدين يضحكون علي...وبس قمت غسلت وجهي ونظارتي بديتول طبعا بس النظارة بديتول اما ويهي بلايف بوي:D


بس وين بتروح مني هالبزرة مردودة لما تكبر ياما بنيل عيشتها(حقققققققد):D

وسلامتكم:cool:

[Mr.Kiady]

bnt-alsaif : :headshak: لا:headshak: الاستاد حبيب ما أظن يسويها...
بس كيــــــ:confused: ـــــــف هزأته ... حتى لو سويتها انا ما اقصــــ:cry: ــد

[bnt-alsaif]

آسفه آسفه :D :D :D
كنت لازم أكتب إنك هزأت المدرس بشكل غير مباشر ...... بس نسيت كلمة من غير قصد ....



آسفه مجدادا :D

[بنت نت]

مارديتي علي:damp: :Sad2: :cry: :OO: :D

[bnt-alsaif]

بنت نت ........... ماعاش من يزعلج ........ :D :D :D
والله كنت برد عليج بس ما أدري شنو طلعلي ..... بس موضوعج حلو و موقفج ... محرج بس عرفتي تطلعين منه بجداره :D :D

[ايميل مغبر]

:p :p :p :p :p :p

[bnt-alsaif]

لإيميل مغبر .. نشكر لكم زيارتكم :D

[مشاكس أفندي]

لقد زار مشاكس أفندي موضوعك و ضحك لبين ما شبع لايك ذس ههههههههههههههههههههههه































مشكور على الموضوع;)

[bnt-alsaif]

حياك الله مشاكس أفندي :D