View Full Version : بنت نت وأول يوم دراسي...لايفوتكم سوالف بنات
بنت نت
19-09-2003, 03:51 PM
السلام عليكم ورحمة الله وبركاته..
سلمكم الله شفت نفسي فاضية قلت يابنت دام الناس دابين بمواضيع المدارس قولي لهم معاناتك في أول يوم:(
بسم الله بدينا...
سلمكم الله من الساعة 6 ومنبه جوالي يدق اف ياشينها من دقة تقوم الأصمخ إللي مايسمع ابد ولا كمان هزاز وعلى الخشب..:Sad2:
وقمت اتسحب في أرجاء البيت العزيز عشان أقوم الاهل..حاطيني منبه على آخر زمن..:mad: ...مادرو اني بخوفهم:D
سلمكم الله وقفت بنص الصالة وصرخت صرخة وياشينها من صرخة الكل قام يدابج(يركض)وجاي عالصالة حتى الخدامة جت ركيض تقول ايس في ماما؟؟:confused:
وانا..صباح الخير:D يلا قموا تراها 6 بالتمام:rolleyes:
هم...:damp:
انا...:D
كمان انا..إلا ياميري دامج جيتي تعالي اخذي ملابسي اكويهم مرة ثانية:D
هي..:Sad2:
بنت نت
19-09-2003, 03:53 PM
بعد ماغسلت وبدلت ثيابي جيت اناظر المراية عشان اعدل وجهي وامشط الكشة وياشينها من كشة:help:
وانا امشط كشتي إلا اسمع اخوي يصرخ...يا زفتة يابنت نت تعالي:mad:
انا..خييير؟؟وش سويت والله ماسويت شي:Sad2:
هو...:damp:
امشي بوصلك على طريقي لمدرستك:glasses2:
انا بيني وبين نفسي..ايه هين قول بس تبي تناظر البنيات عاد مدري من بتشوف من صباح الله خير:D
انا..معلي بس ربع ساعة ونازلة
هو..:mad: +:(
انا..:D
بعد مدة مهيب طويلة لقيتني عند باب المدرسة
واخوي قال لي..بجيج الظهر آخذك:glasses2:
انا(بيني وبين نفسي طبعا)..اييه طبعا لان محد هالحزة جاي المدرسة غيري:Sad2:
هو...:mad:
انا..شتبي؟؟!!:mad:
هو...قولي حاظر:mad:
انا..انجلع بس:mad:
وطرااااخ..باب السيارة:D
بنت نت
19-09-2003, 03:56 PM
اول مادخلت المدرسة شفت 2 من ربعي وسلمت عليهم وتعرفون سلام البنات مايخلص إلا بعد 10 دقايق:D
وتصدقوون عاد...الادارة مخليتنا في الشمس لي 7 ونص:Sad2:
هذي اولها عيل وشلون تاليها؟؟:Sad2:
تاليها؟؟اقول لكم بعدين لاني طولت عليكم...وان عجبكم الموضوع بكمله وان ماعجبكم عادي مب لازم أكمل:cool:
جميع حقوق الكتابة لبنت نت...تراني والله تعبت وعدت الموضوع مرتين:Sad2:
السلام عليكم ورحمة الله وبركاته
هلاااااا والله بنت نت
الصراحه حلووووووووو اللي كتبتيه ونتمنى تكملين لو سمحتي
تحياتي لج
ابو الفياصل
19-09-2003, 07:51 PM
كملي خليني بطلع الفروق السبعه:D
ايميل مغبر
19-09-2003, 08:13 PM
:p
الحل الصعب
19-09-2003, 08:57 PM
كملي كملي
ترى مواضيع الدراسه واول يوم تونّس
ننتظر التكمله
سنكيو
بنت نت
20-09-2003, 01:18 AM
دانا،،،بس عشانج رديتي عالموضوع بكمله:D
ومشكورة يبه عالرد:)
ابو الفياصل،،،هئ هئ افلقني ان شفت فرق واحد:D
ايميل مغبر،،،،مدري وش سالفتك انت في كل المواضيع رازن لك وجه...ياخي اكتب:mad: :damp: :D وحياك يبه
الحل الصعب،،،حاظرين للطيبين:)
بنت نت
20-09-2003, 04:31 AM
سلمكم الله لي 7 ونص واحنا في الشمس نمشي في أرجاء المدرسة واول يوم زحمممة وما تم بخور ودهن عود وعطر إلا وحطوه والله لو يروحون عرس ما سوو جي(هكذا):D ...
بعد 7 ونص طلعت المديرة من الادارة ووقفت على المنصة عشان تخطب وتهنينا بالعام الجديد(امحق عامن جديد)...توها متفيقة وطالعة اش عليها قاعدتن في البراد واحنا متنقعين في الشمس:mad:..مافي غير صف طابور عند باب الادارة كل وحدة توقف عند الباب تتبرد دقيقة وتروح :D
اما مديرتنا ذي الله لايبليكم وحدة تتكلم على سعتها من جد بااااردة من 7 ونص لي 8 ونص هي تتكلم:OO:
والبنات حالتهم حالة...نصهم طاحو(من الحر والشمس):eek:..وربع يتأفف ومتملل...والربع الاخير يصيح على الأظافر إللي راح تنقص:D
الحمدلله لك يارب خلصت المديرة وقالت يلا يابنات كل وحدة تروح صفها قسم بالله من فرحة البنات قامو يصفقون للمديرة...مب عشان كلامها عشانها قالت يلا انصراف:D
اخيرا دخلنا الصفوف وياليتان مادخلنا:cry:
اولا....الكراسي والطاولات مغبرة من قلب مغبرة تغيبرة اشين من غبار بو الفياصل:D
المكيف..مايشتغل!!!:cry:
المراوح مجلوعيييييييين مافي غير الحدايد تتدندل(مدري وش معناتها بالعربي بس اظن يعني معلقة في الهواء لا لها شغلة ولا مشغلة:D ) من فوق:cry: :cry: :cry:
انا...استغفر الله،،استغفر الله:Sad2:
ربيعتي...شفييج؟؟:OO:
انا..وإللي(والذي)يسلمج سكتي عني لا اقوم اذبح لي حد الحين:mad:
ربيعتي...ليييييييش؟؟:OO: (هي بعد باااردة مثل المديرة)
انا...:mad: (ما عندها شي تقوله):D
ربيعتي..:Sad2:
بعد فترة طرشونا ناخذ الكتب ومكثرها هالكتب انشلت يدي وانا شايلتهم..ولا تعالو وقعو عشان ماتاخذون كتب مرتين..من ذي المينونة إللي بتاخذ الكتب مرتين؟؟!!!:shock2: :headshak:
وكل مدرسة تدخل تطلب دفتر قد ويهها:D
ياخي مايحسوووون ظهورنا خلاص راحت فيها:cry:
....
بنت نت
20-09-2003, 04:34 AM
وبعد فترة جات الوكيلة والظابطة يعملو تفتيش...
الظابطة..انتي يابنت تغيرين البلوزة..مالتج ليكون اشوفها عليج مرة ثانية:mad:
انا...نعم؟؟انا؟؟:(
الظابطة...ايه انتي اجل امي؟؟؟:mad:
انا..بالله!!!!امك معنا هنا؟؟؟:OO:
البنات....:OO: :shock2: :OO: :shock2:
الظابطة...وش اسمك يابنت؟؟
انا...اسمي بنت نت
الظابطة...طيب ياويلك مني!!
انا....طيب ياويلك من امي:D
الظابطة...:mad:
انا...:D
البنات...:laugh: :laugh: :laugh: :laugh:
بنت نت
20-09-2003, 04:37 AM
عالساعة 10 افرجونا وجلست انطر اخوي يجيني واخير جى عالساعة 10 ونص...من فتحت باب السيارة إلا اشم ريحة ذاك العطر إللي يذبح خشم خشمك وخشم ام بدر:D
انا...وش ذا الربحة الخايسة:mad:
اخوي..خل البنات يشمو عطري الجديد:glasses2:
انا...ايه البنات بيشموه ويموتون:mad:
اخوي..اركبي بس بلا كثرة حكي:mad:
اخوي ايضااا...إلا اقول ياختي؟؟منهي ي إللي واقفة هنا؟؟:glasses2:
انا...وانا ويش عرفني وحدة من البنات ما اعرفها:mad:
اخوي..اقطع ايدي ان ماكنتي تعرفيها:mad:
انا...اجل مر الدكان وخذ لك سكين واقطعها:mad:
اخوي..:(
انا...وبدعين ويش ذا حركات اليهال..استح على وجهك خاف ربك عندك خوات..يعني انت ماخاف علي؟؟:mad:
اخوي...لا طبعا انتي عن 10 رياجيل إللي يكلمك تستدحينه في العناية المركزة شهر:D
انا...:mad: :corsair: :D :laugh: اييه بالله وانت الصاج
-----------------------------
إلى هنا انتهت معاناتي لأول يوم دراسي
كلمة أخيرة..
حبيت اقول لكم شي واحد ان بعض الأحداث(قليلة جدا)انا اختلقتها من عندي والبعض الآخر واقعي،بعضها حدث أول يوم والبعض الآخر حدث في اليوم الثاني بس حبيت ان ارسم البسمة على وجوهكم وأن ابين لكم الواقع إللي يصير في معظم دول الخليج(الحال واحد)...
ارجو ان اكون قد استطعت ان ارسم البسمة على وجوهكم الكريمة:)
تحياتي
كـيـمـو
20-09-2003, 05:56 AM
الله يقلعه اول يوم دراسي واول اسبوع دراسي بس الحمد لله انفكينا من شي اسمه وزاره معارف
كنت اعاني معاناه الله اعلم بها ليتهم يطلعونا قبل نهايه الدوام والا يعطونا دروس لا جلسه من الساعه سبع الين وحده ياتسبع حالك وتشوفلك جدار تنقز منه ياتقعد بها :p في ارجاء مدرستك بين الاغبره والاتربه جالسُ
خارج النطاق
20-09-2003, 06:08 AM
بنت نت
كملي سالفتك عن الاسبوع الثاني
ترى ما عندنا مانع
لان السواليف عن الصبايا ما تنمل
:laugh: :D :laugh: :D :laugh: :D :laugh: :D
ابو الفياصل
20-09-2003, 11:02 AM
بنت النت.. يعني تلعبين علينا<<== واحد فهم غلط:D
بالنسبه للكتب ...
الشباب الواحد كتفه تمشي عليه قافله من الجمال لكن ما يقدر يشيل الكتب.!! لا وأصغر دفتر 200 ورقه..!
جتكوا نيله وانتوا شبه لوبيز..!!:D
بعدين كأني سمعت ان فصلكم فيه غبار.. تبغون اشيله لكم؟:D
MUSTANG-MACH 1
20-09-2003, 12:09 PM
السلام ...
والله الموضوع حلو وااايد وخلاني اضحك وااايد .... ليش ؟؟؟:confused:
لأنه عن معاناة البنات بأول ايام المدارس ...:D :D :D
سوري ماقصدي شي ... بس موضوع رهييب ..
ثااانكس ..
والله يعين اخوج عليج ...
باي ..
:glasses2: :glasses2: :banana:
المسافر
20-09-2003, 04:17 PM
شكرا بنت نت نتمنى تكملين موضوعك
:)
بس لا تروحي اليوم تعملي مشكله في المدرسه علشان تكتبينها تجينا مفصوله من المدرسه بلا رجعه :D :D
تحياتي المسافر
حمامه
21-09-2003, 06:55 AM
هلا بنيتنا
:laugh: :laugh:
ونااااسه مدرستكم :D
ميخالف أروح معاج ترا أصير عااجل و ما أسوي شي :rolleyes:
حطيني في جنتطج و محد راح يشوفني :glasses2:
نننطر مغامراتج الأسبوع هذا :glasses:
مرايا مبعثرة
21-09-2003, 06:02 PM
خوووش مدرسة ولله
حمدي ربك
غيرك مدارسهم لا بيبان ولا مراوح .. اصلا مدارسهم ما فيها جدران :D :D <<--- شدعوة بالادغال ؟؟؟
:rolleyes: :rolleyes: صايرة مصلحة اجتماعية انا :laugh:
ماعلينا .. بس كنت سمعتك تقولين خشم ؟؟؟:mad:
عساكي بس ماذكرتيه الا بالطيب ؟؟؟ ولا ترااا هاااااه <<-- تراها تهدد
هق الهااااق
NoSE
:D
الحل الصعب
21-09-2003, 10:32 PM
بنت بن
وناااسه
اذا مثل ماقال خارج النطاق تنزلي كل يوم موضوع عن احداث المدرسه
ترى عاادي وناسهه :p
سنكيو
روح الامارات
21-09-2003, 11:06 PM
السلام عليكم ورحمة الله وبركاته
الصراحة خوش مدرسة :D :D لكن عجبتني تسحين كشتك:D :D الظاهر كشتك تخرع الواحد خخخخخخ , لا و سلام البنات مب 10 دقائق الا اكثر عن نص ساعة :D :D والله يعين اخوك عليك
تحياتي
روح الامارات
:OO:
فيلم هندي
بس اسلوب قصصي مشوق :D
والله حلوه سوالفج بنت نت ....
وكملي هاا ترانا نترياج ما عندنا شي :o
وانتي واخوج ........ والله سالفه :D
تحياتي لج
Dreams Mix
25-09-2003, 02:23 AM
موضوع في غاية الجمال :D
اما احنا متعودين على اليوم الأول .. وليت كل ايام المدارس مثل اليوم الأول :D
بخصوص الكتب .. ياحليلها 16 كتاب :damp: عندي مركونه .. عالمكتب ..
يسلمووو .. بنت نت :shock2:
بنت نت
25-09-2003, 05:37 AM
ماشالله :shock2:
هالكثر ردود ياجماعة عطوني فرصة لي بكرة عشان ارد:D
وإللي يبغي يرد حياااه اقلط!!!
بنت نت
26-09-2003, 10:35 AM
هلا ومرحب بمن نور الموضوع..طبعا انا أجل انتو!!:D
كيمو،،،ايييه يابوك وش عليك انا ليحين بأول المشوار:Sad2:
والله ياولد الحلال انتو عادي تشاقحون بس حنا..علينا العوض:Sad2:
خارج النطاق،،،منيب مكملة:p
بو الفياصل،،،ياخوي حنا بعد كانو 16 كتاب بس من العام دمجو لنا المواد العلمية مع بعض..اما الدفاتر مافي اختلاف لما انتو يطلبون منكم دفتر 200 صفحة وحنا يطلبون 3 دفاتر 60 لكل مادة ما اختلفنا في شي الناتجووو واحدووون:D
لا لا افا عليك انا اخليك تخم الغبار...الادارة خمتووو وقلت لهم يطرشوه على بيتكم تراه بيوصلك بعد كمن يوم:D
MUSTANG-MACH 1 ،،،،العفو يبه والله يعين الوالدة عليك:p
almssafir ،،،مابقى غير المدرسة تفصلني:mad: ..اجل مين جدتي؟!:damp:
لا افا عليك انا أأدب لكن ما اتأدب:D
بنت نت
27-09-2003, 02:13 AM
حمامة،،،يايبه تعالي وسوي إللي تبيه مرخصة حياتي:D
بس ابيج تكلمين مدرسة العربي تراني مزفتة حيل في آخر تطبيق:D
مرايا مبعثرة،،،يابوج شلون اقدر ما اييب خشمك إلا بكل خير:D ...احسها ماتركب هالجملة:rolleyes:
اما عن الجدران..خليني ساكتة بس:Sad2:
الحل الصعب،،،يابوك اسمي بنت نت مهوب بن:D
وعلى التكملة خل يمر كم اسبوع عشان اجمع لكم كم موقف
لان هاليومين ماصار شي خل ينسوني الادارة:D
روح الامارات،،،وش بلاها كشتي؟؟:mad:
إلا قول انك اقرع ما عندك كشة تنسلها:laugh:
والله يعين الوالدة عليك:p
روتي،،،لا عاد لاتخليني اصدق ترى اعيش الدور:D
دانا،،،ياجماعة لاتخلوني اصدق اني كاتبة متميزة...من قال اني متميزة؟:damp:
وعن السوالف عطينا فرصة كمن اسبوع:)
Dreams Mix ،،،يابوك حنا على نسيان الكتب والدفاتر ينقصون من درجاتنا ما نقدر نركنهم عالمكاتب:Sad2:
روح الامارات
27-09-2003, 04:05 AM
بنت نت الحمدلله اصلع ولا بكشة ينترس الاف المقابض والشباصات حشى :D :D :D يازين الصلعه لما يظربها اهواء المكيف صدق الواحد يحس بالانتعاش :D :D
بنت نت
27-09-2003, 08:27 AM
:laugh:
اجل اكيد انت تلبس شماغ:D
المسافر
27-09-2003, 04:40 PM
بنت نت
بنشوف اخرتها :D :D :D
بنت نت
28-09-2003, 11:47 AM
:p