دمدم
16-10-2003, 03:20 AM
أقنعني صديقي العزيز (ابو غاده) بأن نقوم بجولة على الرياض لقريبه(كيمو) بحكم أنه لأول مرة يزور هذه المدينة....
فانطلقنا نجوب الشوارع هنا وهناك.....واثناء ذلك توقفنا ثلاثتنا عند إشارة تقاطع شارع الستين (صلاح الدين) مع شارع جرير...وشاهدنا ذلك العرض (البس والفار ) وانبسطنا و ضحكنا بأعلى أصواتنا وضحكت الناس حتى بدأوا من شدة الضحك بضرب نفير السيارات (البوري ) وبدأوا بالإندفاع هنا وهناك أما أنا فـلا... فقد بقيت في مكاني "محافظا على أنظمة المرور" حتى مر رجل بسيارته وأخرج رأسه من النافذة..
وقال :" تحرك ياخي ؟؟"
فقلت لابوغاده وأنا أضحك على البس :" وش يبي ذا ؟؟"
فمر آخر بسيارته وقال :" وش فيك واقف ؟؟ تحتاج مساعدة ؟؟"
فقال ابو غاده : "الظاهر انهم ما يبوننا نتفرج على البس والفار..."
فقال كيمو : "ياربيه ...إلى هالدرجة أهل الرياض حقودين !!؟؟"
فمر ثالث وقال : "الإشارة خضرااااااااء.."
فقلت :" طيب ....آ..آآ..آ..ما أحد علمني ولا كان مشيت...."
على العموم تحركنا ثلاثتنا مترادفين وإتجهنا إلى شمال الرياض في ذلك المساء العليل ومررنا أثناء ذلك بعمارة طويلة ..
فقال كيمو مدهوشا :" ياالله...ياطولها .. ماشاء الله...وياطول اللي بناها ....ما شاء الله عليه.... أكيد ان اللي بناها هو أطول رجل بالعالم ولا كان كيف ياصل فوق ...يالله يا...."
فقاطعه ابو غاده قائلا :" لا بعد ما شفت العمارة الثانية ....العمارة الثانية أطول ...وبما أنها أطول أكيد الرجال اللي بناها أطول من الرجال اللي بنى هذي العمارة..."
بصراحة ياشباب طاح من عيني صديقي (ابو غاده)... كيف يكون غبي إلى هذه الدرجة...... تخيل صديقك غبي ... وش تسوي... أكيد راح تحاول تشرح له
فقلت :" ياشباب...يا أغبياء .....الرجال اللي بنو هالعمارات مهوب طوالين .....القصه وما فيها انهم يبنونها وهي مسدوحة على الأرض وإذا خلصوا من البناء ..وقفوها"
واقتنعوا بكلامي والحمد لله ولو اني أظن إن (كيمو ) ما دخل مزاجة كلامي بس أنا ما حبيت أتجادل مع أغبياء فتركته ...ولاحظت ونحن في شوارع العليا ان الناس يرمقوننا (يصوروننا وانت الصادق) فقلت في نفسي :"أكيد انهم معجبين بالموتر " ولفت انتناهي أثناء تجولنا هناك سيارة كبيرة (جمس) يقودها أجنبي ( اندونيسي ) وتسير خلفها ثلاث سيارات يقودها شباب سعوديون ...
فقلت لآبو غاده :" ياخزياه شف هذولا الشباب يدلهم إندونيسي وهم في بلدهم...والله إنها مصيبة"
فقال كيمو :" يعني يمشون وراه علشان يوديهم لمحل معين ما يدلونه....."
فقلت : "إيه"
فقال ابو غاده : "ليش ما تلحقهم ...أكيد المكان اللي قاعد يدلهم هذا الإندونيسي مكان رهيب ولا كان ما لقيت ثلاث سيارات كلها رايحة لمكان واحد... يالله رح وراهم .."
فقال كيمو : "إي والله ...رح وراهم علشان نروح للمكان الرهيب ..."
فأذعنت لطلبهما وقدت الدباب خلف السيارات الثلاث ......وبعد أكثر من ساعة من متابعتهم إكتشفت أن الإندونيسي ما يدل المكان أصلا وأنه يلعب على الشباب حيث أنه يذهب ويرجع من نفس الطريق...
فقلت : "ياخزياه ما يدلون .....لا وبعد أغبياء ما يدرون أن الإندونيسي ما يدل زيهم...والله المصيبة الحين أعظم....."
فقال غاده : "والله إنك صادق.."
فقال كيمو :"يالله ياشباب ..جاني النوم خلونا نرجع للبيت وننام"
وقال ابو غاده :"إي والله ترانا تأخرنا "
فرجعنا للبيت وذهبنا للنوم في السطح ولكن قبل أن ننام قررنا انه أول ما نقوم الصبح ...أول شيء نسويه هو أننا نروح لشمال الرياض
ونوقف أول جمس يسوقه اندونيسي...
وعلشان ما يلعب علينا زي الشباب ذولاك...
نعطيه ورقه وقلم ونخليه يرسم لنا المخطط (الكروكي) ...
مخطط المكان الرهيب ..
المكان الرهيب ..
اللي فاتنا ..
فانطلقنا نجوب الشوارع هنا وهناك.....واثناء ذلك توقفنا ثلاثتنا عند إشارة تقاطع شارع الستين (صلاح الدين) مع شارع جرير...وشاهدنا ذلك العرض (البس والفار ) وانبسطنا و ضحكنا بأعلى أصواتنا وضحكت الناس حتى بدأوا من شدة الضحك بضرب نفير السيارات (البوري ) وبدأوا بالإندفاع هنا وهناك أما أنا فـلا... فقد بقيت في مكاني "محافظا على أنظمة المرور" حتى مر رجل بسيارته وأخرج رأسه من النافذة..
وقال :" تحرك ياخي ؟؟"
فقلت لابوغاده وأنا أضحك على البس :" وش يبي ذا ؟؟"
فمر آخر بسيارته وقال :" وش فيك واقف ؟؟ تحتاج مساعدة ؟؟"
فقال ابو غاده : "الظاهر انهم ما يبوننا نتفرج على البس والفار..."
فقال كيمو : "ياربيه ...إلى هالدرجة أهل الرياض حقودين !!؟؟"
فمر ثالث وقال : "الإشارة خضرااااااااء.."
فقلت :" طيب ....آ..آآ..آ..ما أحد علمني ولا كان مشيت...."
على العموم تحركنا ثلاثتنا مترادفين وإتجهنا إلى شمال الرياض في ذلك المساء العليل ومررنا أثناء ذلك بعمارة طويلة ..
فقال كيمو مدهوشا :" ياالله...ياطولها .. ماشاء الله...وياطول اللي بناها ....ما شاء الله عليه.... أكيد ان اللي بناها هو أطول رجل بالعالم ولا كان كيف ياصل فوق ...يالله يا...."
فقاطعه ابو غاده قائلا :" لا بعد ما شفت العمارة الثانية ....العمارة الثانية أطول ...وبما أنها أطول أكيد الرجال اللي بناها أطول من الرجال اللي بنى هذي العمارة..."
بصراحة ياشباب طاح من عيني صديقي (ابو غاده)... كيف يكون غبي إلى هذه الدرجة...... تخيل صديقك غبي ... وش تسوي... أكيد راح تحاول تشرح له
فقلت :" ياشباب...يا أغبياء .....الرجال اللي بنو هالعمارات مهوب طوالين .....القصه وما فيها انهم يبنونها وهي مسدوحة على الأرض وإذا خلصوا من البناء ..وقفوها"
واقتنعوا بكلامي والحمد لله ولو اني أظن إن (كيمو ) ما دخل مزاجة كلامي بس أنا ما حبيت أتجادل مع أغبياء فتركته ...ولاحظت ونحن في شوارع العليا ان الناس يرمقوننا (يصوروننا وانت الصادق) فقلت في نفسي :"أكيد انهم معجبين بالموتر " ولفت انتناهي أثناء تجولنا هناك سيارة كبيرة (جمس) يقودها أجنبي ( اندونيسي ) وتسير خلفها ثلاث سيارات يقودها شباب سعوديون ...
فقلت لآبو غاده :" ياخزياه شف هذولا الشباب يدلهم إندونيسي وهم في بلدهم...والله إنها مصيبة"
فقال كيمو :" يعني يمشون وراه علشان يوديهم لمحل معين ما يدلونه....."
فقلت : "إيه"
فقال ابو غاده : "ليش ما تلحقهم ...أكيد المكان اللي قاعد يدلهم هذا الإندونيسي مكان رهيب ولا كان ما لقيت ثلاث سيارات كلها رايحة لمكان واحد... يالله رح وراهم .."
فقال كيمو : "إي والله ...رح وراهم علشان نروح للمكان الرهيب ..."
فأذعنت لطلبهما وقدت الدباب خلف السيارات الثلاث ......وبعد أكثر من ساعة من متابعتهم إكتشفت أن الإندونيسي ما يدل المكان أصلا وأنه يلعب على الشباب حيث أنه يذهب ويرجع من نفس الطريق...
فقلت : "ياخزياه ما يدلون .....لا وبعد أغبياء ما يدرون أن الإندونيسي ما يدل زيهم...والله المصيبة الحين أعظم....."
فقال غاده : "والله إنك صادق.."
فقال كيمو :"يالله ياشباب ..جاني النوم خلونا نرجع للبيت وننام"
وقال ابو غاده :"إي والله ترانا تأخرنا "
فرجعنا للبيت وذهبنا للنوم في السطح ولكن قبل أن ننام قررنا انه أول ما نقوم الصبح ...أول شيء نسويه هو أننا نروح لشمال الرياض
ونوقف أول جمس يسوقه اندونيسي...
وعلشان ما يلعب علينا زي الشباب ذولاك...
نعطيه ورقه وقلم ونخليه يرسم لنا المخطط (الكروكي) ...
مخطط المكان الرهيب ..
المكان الرهيب ..
اللي فاتنا ..