اريد شراء اوبل اوميغا ارجو المساعده

[bmw_z8]

السلام عليكم

مرحبا شباب كيف حالكم بس حبيت اسال عن اوبل اوميغا يمكن عندكم خبر عنها لاني انشاء الله ناوي اشتري وحده بس انا سمعت ان قطع الغيار غالي والوكيل الجميح اسيء الوكالات مادري اذا واحد عنه معلومات عن قطع الغيار والصيانه هل هي غاليه ولا فيها مشاكل
وسلامتكم:help: :help: :help: :help: :help:

[حبوب بوظبي]

الأوميغا حلوه
بس تراها GM
يعني بعد سنتين تبدا المشاكل
و من ناحية قطع الغيار عندنا هنا فبوظبي غاليه

بس اللي حلو فيها--> انها "سياره" بكل ما تحمله الكلمه من معنى
(لما تكون صاحيه)
و مبروك مقدما

[فوردLX]

السلام عليكم ورحمة الله وبركاته

لاتفكر فيها ابداً والله نسيبي متأذي منها كل مابين اسبوع حط فيها على الاقل 1000 ريال

ذكوه مسكين بيطلع له قرون وكل ماودها المعارض تجيب له سعر مره مره نزيل حالته تكسر الخاطر من هالسياره

[mustang cobra]

رد مقتبس من فوردLX
السلام عليكم ورحمة الله وبركاته

لاتفكر فيها ابداً والله نسيبي متأذي منها كل مابين اسبوع حط فيها على الاقل 1000 ريال

ذكوه مسكين بيطلع له قرون وكل ماودها المعارض تجيب له سعر مره مره نزيل حالته تكسر الخاطر من هالسياره

لاتشتريها الا في الشتاء لان قطع غيارها نار نار على قولتهم ينار شبي...
اللهم اني صائم

[محمد دريهم]

ابعد عنها نهائيا

واحد من الزملاء غير فيها اشياء كثيرة وهي في سنتها اذكر منها كوع الحرار ويقول انفجر عليه واحد من البواجي..وقطعها وصيانتها غاليه

[علي عبدالله]

اعرف واحد عنده اوبل اوميغا بس لسة ماحصل له شي من كل هذا
عموما واضح ان الشباب ( اللي علقوا قبلي ) عندهم خلفية جيدة عنها يبقى اكيد فيها بعض الاشكاليات ....بس لازم تسأل عنها اكثر ( معارفك واصدقائك )
مع انها فخمة جدا وبديعة الصراحة
لكن تأكد مثل ماقالوا الشباب
والله يوفقك
ورمضان كريم :)

[كرمبع]

ياجماعة شوي شوي عالريااال كرهتوا بالسيارة مع انه ماخذها للحين...

[mill_955]

السياره تم ايقاف تصنيعها والوكيل عندنا (الجميح) متورط بكميات كبيره منها ومسوي عليها عروض رهيبه :laugh: :laugh: :laugh:

[السائق المثالي]

السيارة حلوة وراسية وفخمة ،
لكن يعيبها ان قطع غيارها ناااااااااااااااااااااااااااااااااااااار ،
وصيانة الجميح أسوء من السيء ..

وإذا تأخذ رأيي ابتعد عنها .

[كابريس]

رد مقتبس من mill_955
السياره تم ايقاف تصنيعها والوكيل عندنا (الجميح) متورط بكميات كبيره منها ومسوي عليها عروض رهيبه :laugh: :laugh: :laugh:


:help:

وهذه هي المصيبة

[مؤيد اف1]

اذا بتستخدمها صح بتعيش وياك اعرف واحد ماعطل عنده الا مبرد زيت المكينه انفجر واختلط زيت مع ماي الرديتر وهي موديلها 2001 وللعلم للي يقول ان الجميع شيء تدرون ان صلح السياره وهي منتهي ضمانها مجانا لانه عيب تصنيعي..!
وبالنسبه للقطع انا اشوفها متوسطه بالنسبه لالماني حتى لو صار جي ام لان 2001 الماني 100% للآن اعتبرها الماني توكل على الله خذها دام الجو بارد لانه يكون احسن للتمرين ولما تمرنها تعامل وياها بلطف :D لين توصل 1500 كم (ادري ان التمرين 1000 بس لما تزيدها شوي افضل) يعني دوس دواسة البنزين بنعومه :D ولا تفكر تدوس السياره مره وحده لان اي سياره ماتتحمل الدوس مره وحده اهم شي تمرينها مو تنسى..

[Faisal20o0]

هلا والله اخوي

اخوي بالنسبه للأوميجا خذها اذا 6 سلندر
لأنه عندي 6 سلندر موديل 2003
واعرف اثنين عندهم سته سلندر وحده موديل 2001
والثانيه موديل 2002

والحمد لله كلهم ماشيه زي الفل
واذا على الوكيل الجميح انا للحين ماشي معاي تمااام انتا شد عليهم بس شوي

مع أني أشوف أن الجميح الآن أحسن من أول بمرااااحل


لأنه كانت عندي لومينا 2000 وشفت الويل من الجميح


على العموم اخوي مانطلع عن موضوعنا


بعدين أخوي يكفيك فخر أنه تكون معاك سياره ألمانيه :)

بعدين مشاء الله مريحه خااصة في الخط ومكينتها 3.2 مشاء الله تبارك الله ماقصرت معيي أبدا أبداً
ومواصفاتها الصراحه ماتلقاها في سياره ثانيه بنفس السعر
بعدين تصميمها من الداخل متناسق
شي يريحك اذا قعدت تناظره :D

وأخيرا
اقولك مبرووك مقدماً سواء طلعت أوبل والا غيرها والله يعطيك خيرها ويكفيك شرها

[فوردLX]

السلام عليكم ورحمة الله وبركاته



سمعت ان الاوبل اوميغا صارت استراليه يعني زي الكابرس واللومينا

يعني خروف استرالي


صراحه انا انصحك بالابتعاد عن الأوبل

[Faisal20o0]

اخوي فوردLX

الله يهديك بس من وين جبت هالكلام :rolleyes:

تزعلنا ترا كذا :D


يمكن تقصد غير الأوميجا :rolleyes: