View Full Version : تجرتبي مع مرسيدس 560SEL
LOVE SS
13-11-2003, 10:28 PM
بسم الله الرحمن الرحيم
السلام عليكم ورحمة الله وبركاتها
بعد تجربة 300 وال 500
فكرت يوم اني استعمال 560 واخذت رأي اكثر من واحد والاراء جت عكسيه :(ومخيبه لأمال
الكل يقول ابعد عنها مشاكلها واجد
والحرارة؟؟ قطع غيار نار وغير متوفره؟؟ صرفية بنزين؟؟ثقيله؟؟ بعكس 300وال500
بعد فترة :cry: خيبت امالي
:mad: وقررت اني اشتريها واستعملها مهما كان الظروف
وتبين الاتي
من خلال تجربتي لل560
الحرارة ماتتعدى 85 مع الكيف
قطع غيار متوفره وسعره مثل سعر ال300وال500
صرفية بنزين (تقدر تقول انها تصرف داخل المدينة)
ثقل بسيارة لاكن بالعزم والقومة فضيعه جداً تسارع خيالي جداً
والسيارة الان لها معاي تقريبا ثلاث اسابيع
مواصفاتها
استعمال اليابان
ماشي 100 الف
كشنات دافيه ومتحركة خلفيه وامامية ونفخ
هيدروليك خلفي
فتحة
وتحمل رقم مميز:shock2: 777
اللون كحلي والداخلي كحلي
موديل 87
:: :sleep:
...............................:
وابي نصائكم بالاتي
:damp: بالنسبة للكفرات احط حجم
225×60×15
ولا
215×65×15
والنوعية ؟ واهم شي السعر :(
وابي اغير لون الكشنات من كحلي الى جلد بيج
بدون تنجيد يعني تفصال يوضع فوق الكشن
كم يكلفني
واعذروووووني على الاطالة
والسلام عليكم
ACCORD-V6
13-11-2003, 10:50 PM
اخوي بكم شريتها اذا ماعندك مانع
durango
13-11-2003, 10:53 PM
السلام عليكم اخوي
اولا اهنيك على قوه ارادتك رغم المشاكل اللي سمعتها عن السياره
و الف مبروك ان شاء الله
بالنسبه للكفرات الافضل انك تركب 225-60-15
اما بالنسبه للكشن .... ما افضل انك تغير فيه شي
لان الاشياء اللي زي كدا . احسن انها تكون شد بلد
و ياليت نشوف صور للسياره من الداخل و الخارج و المكينه
و تحياتي
EMO
king_prelude
14-11-2003, 10:47 AM
أولا مبرووك عليك السياااارة
السياارة قوية إلى أبعد الحدود ماااااعليك من إلا يقول لك مشااااكل مع المرسيديس ماافي مشااااكل
وننتظر الصور إذا أمكن :banana:
LOVE SS
14-11-2003, 04:51 PM
مرحبا اخووي ACCORD-V6
السيارة اخذتها بال23 الف بطاقة جمرك بدون لوحات وكلفتني الان 25
والرقم طبعا مستقل كان على سيارة ثانيه وخليته على السيارة هذي
راح تقول ان السيارة غاليه لاكن اذا شفت الصور راح تقول قليله فيها
وانا مااخذت السيارة وفرقت السعر الا عشان النظافة واتوقع بالسعر هذا اخذ موديل 90 داخل السوق بس بالنظافة هذي
طبعا الالماني سعره موثابت
تلقى سيارة شبح موديل 95 بخمسين الف وتلقى 95 بسبعين الف والفرق النظافة والمواصفات
هلاا durango
والله شفت المقاس على اكثر من سيارة وطالع 100% ومشكور على الرأي
وان شاء الله بنزل الصور بالموضوع عن قريب جدا بس خلوني اضبط بعض الحاجات اغير الكفرات واغسل الموتر واصوره ونعرف السكنر وانزلها وان شاء الله بتعجبكم
مررحبا
king_prelude
مشكووووور على ردك
وعن قريب الصور
زورو الامارات
14-11-2003, 06:17 PM
السلام عليكم
اول شي كالعاده اقول: ماشاء الله تبارك الله
الله يبارك لك فيها ويكفيك شرها ويجزيك خيرها
اخي العزيز سؤال : انت من الامارات ولا من السعوديه ؟
لان هالشي بيفرق وايد في القطع وتوفرها والصيانه والتصليحات
ياعزيزي المرسيدس مرسيدس شوف الحين تحس فيها
والسبب توفر قطعها وسهوله صيانتها
mustang cobra
15-11-2003, 10:49 AM
بسم الله الرحمن الرحيم
والله السياره من ناحية قوه انا اشهد لها بس بلنسبه لحجم الكفرات ركب 225-60-15 اذا تقدر تركب حجم 16 او 17 بيكون احلى
560SEL
15-11-2003, 05:57 PM
السلام عليكم و رحمة الله و بركاته
الف الف مبروك يا أخوي على السياره و يعطيك من خيرها و يكفيك من شرها ... و اهلا بك عضو جديد في حزب المرسيدس ((مزحه بايخه :p ))
فعلا اختيار موفق جدا
بالنسبه للاستفسارات :
1) انا افضل انك تخلي السياره بجنوطها الاصليه لأنها الانسب على شكلها و بالنسبه للكفرات فأفضل نوع هو بريللي ((اذا كان ما يهمك السعر)) و اذا كان يهمك السعر فركب ميشيلان و نصيحتي ايضا انك ما تلتفت لغير هالنوعين من الكفرات .. بالنسبه للمقاس فأنا أفضل انها تكون 15×65×215
2) لابد انك تنتبه لديكور السياره عامة يعني مو معقول تركب مراتب بيج و ترتك باقي السياره من الداخل كحلي و اذا مره نويت تغير العفش الداخلي كله انصحك تتجه للتشليح و تدور لك مرسيدس داخليه بيج و تشتري العفش الداخلي كامل لان بيكون أقل تكلفه ... و اذا كانت الميزانيه جيده فممكن تتجه :rolleyes: :rolleyes: وين ... وين ؟؟
أولا : انت من وين يا أخوي ؟؟؟ لأنك لو كنت في السعوديه و بالتحديد في الرياض فأنا ممكن ادلك على محل ممكن يعدل لك مراتب السياره على حسب رغبتك و يغير لك العفش الداخلي للسياره أيضا على حسب رغبتك : من خشب و الوان و غيره
كلمه أخيره :
لا تسمع كلام الناس اذا فكرت بشراء سياره الا من مجرب
تحياتي
القرن الجديد
16-11-2003, 10:28 PM
رد مقتبس من زورو الامارات
السلام عليكم
اول شي كالعاده اقول: ماشاء الله تبارك الله
الله يبارك لك فيها ويكفيك شرها ويجزيك خيرها
LOVE SS
18-11-2003, 12:20 AM
اولا اعذروني على تأخيري برد بسبب ظروف ابعدتني عن النت لمدة يومين
هلا اخوي زورو الامارات
الله يبارك فيك ويحزاك خير
انا من السعودية / الشرقية
وعلى كلامك المرسيدس مرسيدس :rolleyes:
على فكرة استعملت قبلها اكثر من وحدة بس مااستعملت 560 :(
والف شكر على تفضلك بالرد
مرحبا اخوي
mustang cobra
على شورك وهداية الله وان شاء الله رراح اركب المقاس هذا
ومشكور على ردك
مرحبتين بملك المرسيدس
560SEL
اولا الله يبارك فيك
ثانيا على اول استفسار
بالنسبه للمقاس الكفرات وقفت على 225...×60×15
لأن الكفرات الي على السيارة الان 215.×65×15
على فكرة انا ماابي اغير الجنوط بس مقاس الكفرات اما عن النوعية
بيريلي غالي جدا 980 ريال الكفر الواحد يعني 4000 الاف ريال
انا حدي 800 كيلوا سفرة وجاي وسرعتي 170 الى 180
والسرعات العالية ماامشي الا مرة بالسنة
لقيت هانكوك 250 ريال للكفر الواحد :(
مارشال 200ريال
بيرجستون 230 ريال (ماني متأكد من السعر
لقيت كفرات بالكويت اسمه كونتريال اعجبتني قيمتها 35 دينار للكفر الواحد بس الريال السعودي طايح الان بتصير علي فرق واجد
واحس ان السيارة نازلها وانا احب المرسيدس مرتفع انظر للسيارة:(
بالنسبة بالكشن حرام اقلب كل السيارة :( انا شفت سيارة مسوي تلبيس تفصال جلد من الداخل على الكشنات نفسها وجايك السيارة حلوه كحلي على بيج داكن لايقه :
eek:
بالنسبة بمنطقتي
المنطقة الشرقية
الخفجي
بجنب الكويت :)