سوالف للجميع - (( شحاته ))

شهرناز

14-12-2003, 04:11 AM

السلام عليكم ورحمة الله وبركاته
كيف حالكم عساكم بخير
وكل عام و إنتم بخير بعد الزحمه
كنت مسافره لمدة أسبوعين ورجعت أمس
ما شاء الله شايفه تغييرات حلوه في المنتدى إن شاء الله يستمر

هذا الموضوع كنت بكتبه رد على موضوع روتي تبع سالفة المقهى بس شفت الرد أطول من الموضوع نفسه فقلت خليني أكتبه في موضوع ثاني
_______________________
صارو الشحاتيين بيتفننو بأساليب الشحاته
تصدقوا
أنا مره كنت جالسه في ساحة الحرم النبوي بعد صلاة العشاء والشنط كانت عندي و أمي وأختي راحو الحمام إلاّ تجي وحده شحاته لابسه عبايه ترمي نفسها بجمبي ويصير بينا الحوار هذا,,,
الشحاته : يا بنتي أنا والله العظيم مش شحاته ولا حاكه أنا وأختي و العيال جايين من مكه و أختي أخذت العيال لأنهم طفشونا و أخذت الشنطه معاها وروحت بالأتوبيس لمكه ونسيت ما تديني فلوس
أنا : كيف نسيت تديكي فلوس ؟
الشحاته : مع زحمة العيال ودوشتهم نسيت ما تديني فلوس
أنا : معقوله تنساكي
الشحاته : حتى أنا بئوول كيف تنساني ,,مابلائيش عندك كم ريال عشان أئدر أروح مكه وينوبك تواب من عند ربنا
أنا : أنا والله يا خاله ما عندي فلوس الفلوس فلوس أمي وما أقدر أتيكي هيه إستني إشويه لحد ما أمي تجي
إستنت إشويه وبعدين زهقت وقالت حلف أريب(قريب) من هنا أشوف أي حد يئدر يديني وبعدين حرجعلك
و هي كانت بتمشي رايحه من عندي قابلت أمي ولما شافت أمي جايه عندي راحت ولا رجعت
أمي شافتها وهي رايحه من عندي
أمي: إيش تقلك الحرمه هاذي
حكيتلها القصه
أمي : أخصريكي منها هاذي شحاته قبل يومين داخل الحرم جايه تقولنا أنا نسيت شنطتي في البيت و أبغى أروح بتاكسي لأن بيتنا بعيد وتطلب مننا مسه ريال
أنا : :OO:
أنا إنفجعت لهاذي الدرجه الناس بيتفننو في الشحاته والله العظيم شئ يقهر :headshak:

لسه القصه ما إنتهت
بعد أسبوع كنت داخل الحرم في العصريه جلست بعيد أقرأ قرآن بعد إشويه أسمع حرمه تكلم ناس كانو قاعدين ورايا
ألتفت إلا ألاقيها نفس الشحاته تقلهم نفس القصه حقت مكه
أنا كان ودي أقوم و أذبحها بس قلت خليكي يابنت هاديه إنتي في المسجد
إلتفتت ورايا وقلتلها :
السلام عليكم
هي ما عرفتني تركت الناس لأنهم رفضو يدوها فلوس وجت تحسبني بديها
الشحاته : وعليكم السلام أنا جيت أنا وأختي من مكه و ,,,,,,,,,,,,
أنا : أعرف أعرف أنا إلي قبل أسبوع كلمتيني في الساحه
إفتكرتني
الشحاته : آآه شفتي يابنتي من هذاك اليوم و أنا بدور حد يديني فلوس وما لئيت عندك تلوقتي فلوس
أنا : معقووله وين بتنامي؟
الشحاته : بنام قدام الحرم
أنا : ممنوع النوم قدام الحرم
الشحاته : ما أنا بتخبى في أي حته وبنام فيها
بعد ما حست إني مستحييل أديها لأنها إنكشفت ,,شافت معايا الجوال
الشحاته : طيب ممكن أتصل على أختي بالجوال عشان أطمنها علي
والله حاله مصدقه نفسه بديها الجوال دحين
أنا : الجوال حق أمي وما أقدر أديكي هو
وطنشتها وكملت قراءه هي جلست إشويه وراحت

المبتسم

14-12-2003, 04:50 AM

أهلين شهرناز...
وحمدلله على السلامة..

قصتك ذكرتني بقصة حكاها لي واحد صاحبي..
اعتقد انه سالمين...ما اذكر بالظبط<<< حكم السن:damp:

المهم...

يقول...والعهدة عالراوي....
مرة قابل واحد شحات...((اطرش وأخرس)) ...
ويبغى فلوووس !!...

قاله صاحبنـــا : أعطيك 100 ريال وتغني؟...
الشحات : نعم!!!

دا غير مواقف كتير مرة ..لكن لا استحضر منها في بالي شئ الآن ...

تحياتي لك:)

نواف بن أحمد

14-12-2003, 06:25 AM

حلوة ... بس لو ما ذكرتني الجنسية كانت أحلى وأحلى:)

عمرTarga

14-12-2003, 06:32 AM

الصراحة مافيش أدب من الشحاتات

والحمدلله على السلامة

14-12-2003, 07:34 AM

دايم تصير لي مثل هالمواقف :)

مشكوره عالموضوع شهرناز ...

وبلاش جنسيات المره الجايه :)

WHATZ UP

14-12-2003, 07:51 AM

رد مقتبس من المبتسم

يقول...والعهدة عالراوي....
مرة قابل واحد شحات...((اطرش وأخرس)) ...
ويبغى فلوووس !!...

قاله صاحبنـــا : أعطيك 100 ريال وتغني؟...
الشحات : نعم!!!

دا غير مواقف كتير مرة ..لكن لا استحضر منها في بالي شئ الآن ...

تحياتي لك:)

********************************

موقف زي هذا حصل مع واحد من الشباب
ويقول ... والعهده على الراوي

جاه ولد شباب معه ورقه مكتوب فيها ان الشخص هذا اطرش و اخرس
يعني لا يسمع و لا يتكلم و يحتاج مساعدتكم ... الخ

فخوينا يقول : قلت له : معك الضابط فلان من المباحث ......
هو خلص كلمة مباحث ... يتلفت يدور الولد مهو موجود (( بالعربي ,,, انحاش )):banana:

شهرناز

14-12-2003, 08:23 AM

أهلين سعادة المستشار المبتسم <<< لو كانت لوبيز بيصير أحلى:cool:

وعليكم السلام ورحمة الله وبركاته

الله يسلمك من كل شر و هم

هههههههههههههههههههه
بالله القصه هاذي من جد هههههههه أطرش وأخرس ونعم :D
من جد خربها ههههههه
والله إنو أنتيكه :D

أسعدني مرورك وردك <<< إلحين جى دور العربي الفصيح :D

____________________

نواااااااف
والله هاذي مو نكته عشان ما أذكر الجنسيه
هذا صارلي حقيقي يعني حتى كده ممنوع أذكر جنسيه ؟
بس والله المصاريا عسل وحبوبين
تسلم على الرد يا نواااف

__________________-
تارجا
الله يسلمك دائماً

شهرناز

14-12-2003, 08:32 AM

أبو غاادة

عفوا
والله ما كنت أدري إن كمان كده ممنوع كتابة الجنسيات
مشكوور على التعديل

____________

المبتسم

14-12-2003, 12:07 PM

واذكرك موقف تاني صار معايا ..

مرة كنت في مصر من كم شهر ...
جاني شحات أعمي ولابس نظارة سودة..((عدة الشغل)) يقول : ساعد الضرير:(...ساعد الضرير ((الضرير = الأعمى)) ..

أعطيته ربع جنيه ورق...وقلته : ابسط يا عم...خمسة جنيه بحالهم أهم :D
طالع فيهم من تحت النظارة: ايه ده يا عم...ربع جنيه ..وبراني كمان؟؟؟....
خليهولك:mad: ...

:D

بو علاء

14-12-2003, 12:40 PM

ههاااااااي كلهن رهيبات :D

دبدوووبه

14-12-2003, 01:14 PM

شحااااااتين يبغالهم تلطيش = ضرب = فرش = كم كف يعني

مره في السووووق جات وحده و تسلم على امي .. و كأنها تعرفها من زمااااااان

انا حسبتها وحده من صحباتها او حاجه زي كدا ..

و الله و طلعت شحاته .. و تبغى من امي فلوس الحليب لبنتها ما ادري ولدها اللي معاها في العربيه

المشكله اللي يشوووووف عبايتها .. يتعجب صراحه :damp:

آخــــر ما نزل في السوق .. :headshak:

شهرناز

14-12-2003, 02:12 PM

WHATZ UP
آسفه على التأخيير في الرد :(
________
وعليكم السلام ورحمة الله وبركاته
أما صاحبك هذا رهيب
المباحث مره وحده:D

تسلم أخوي على المرور والرد

شهرناز

14-12-2003, 02:34 PM

المبتسم
أهلاً بك مرةً أخرى:)
هااا بش إيش جبت من مصر هدايا:damp:

هههههههههههه
أما إنك:D
ربع جنيه تخليها خمسه:OO:
بس فكره جهنميه عشان تكشفه

طلع كمان إذا كان عندك طلع:D

شكرا ,,

_____________

بو علاء
رهيبات إيه يا ابن الحلال
ثانكس

___________

دبدوووووبه
إزيك يا عسل <<<< ما تخافي ما حاكلك
والله أنا هاذولا إلي بيقهروني
شكلهم مرتب وحلو وبيجو يشحتو
شحاتين آخر زمن

خارج النطاق

14-12-2003, 02:38 PM

شحاتين آخر زمن:D :D

حلوة منك يابت:OO:

شهرناز

14-12-2003, 02:40 PM

شهرناز

15-12-2003, 07:25 AM

أهلين خارج النطاق

مشكر على المرور والرد

روتي

15-12-2003, 08:00 AM

عااادي :D

في الحرم وبجوار الكعبة اتاني شخص ....

:( : سوري ... دو يو سبيك انجلش !

روتي : يس كان اي هيلب يو ؟

:( : وين اي كيم تو مكة فيرست اي ... ذين ... وشرحلي مناسك العمرة اللي سواها من الاحرام لغاية التقصير والحلق ..

روتي : اوكي ؟؟؟؟

:( : اي لوست ماي موني اند ايم ووركنج ان دبي .. كان يو ليند مي سم موني اند اي بروميس انفرونت اوف كعبة ذات اي ول ريتيرن يور موني باك از سون از بوسيبول ؟

:headshak: روتي : ايم سوري بت اي اونلي هاف 10 ريالز وتش اي نيد تو شيف افتر وايل ...

:damp: : اوكي ثانك يو !!!

======================================

أخبرت صديقي بالموقف وهو من سكان مكة ... فقال لي ... عااااااااااادي تعودنا على أفلامهم :D

لا حول ولا قوة الا بالله :headshak:

مشاكس أفندي

15-12-2003, 10:14 AM

شكرا يا شهرناز على الموضوع شكله حلو..بس مب قادر أقراه الحين...

بس بخبركم لما أفضى:p

شهرناز

15-12-2003, 11:27 AM

أهليين ميستر روتي
الله يهديك دوختي مع العربي و الإنجليزي:D
جلست ساعه و أنا أتخيل الإسبيلينغ تبع الكلمه
لو كنت كتبتها بالإنجليزي أحسن
بس الحمدلله فهمتها :D
عاد هذا الرجال كشخه ومحترم وشكرك آخر شئ:D

بس صراحه إلحين ما نقدر نفرق بين المحتاج والنصاب
يعني الواحد لو يبغى يصّدق يستخسر يدفع فلوس لواحد
يمكن يكون مو محتاج :(

شكراً روتي على المرور والرد ,, :)

_________________

أهلين مشاكس
عفواً أخوي
ومشكوور على المرور والرد,,:)

حمامه

16-12-2003, 07:03 AM

و عليكم السللام و رحمة الله و بركاته

و إنتي بخير و صحة و سلامة :)

عااااش من شافج عزيزتي :glasses:

ويي عندنا و عندج خير عزيزتي :(

أنا بعض المرات إذا شفتهم و اكون واقفه في مسفط بالسياره و أشوف حرمه شحاته جايت لي بسسرعه أسكر الباب و أقفله و أسكر الدرايش و شوي أخليها مفتوحه بس ، و الله من كثر الواحد يخاف منهم :rolleyes:

في مره كنا واقفين في مسافط الجمعيه و انطر صديقتي بالسياره ولا كان في رجل عجوز قاعد على درجات السلم اللي تصعد للجمعيه و على أساس إن شحات و فقير و الناس اللي تمر عليه تعطيه المقسوم و بعد فترة ولا أشوف هالهندي اللي جااي ياخذه و يمسك إدينه و يركبه سيارة و أنا عيني علييهم :OO: تعرفين بلاغة شف لااازم :D و طلع الشحات عنده سايق و سياره :rolleyes:

لا طولين الغيبه و تجينى بعد عيد الأضحى :D

bashar_255

16-12-2003, 09:00 AM

علشان كذا انا ما احط الفلوس الا في صندوق الصدقه:)

شهرناز

17-12-2003, 08:47 AM

أهلين بالمشرفه حمامه

نورتي الموضوع:)
صحيح الواحد يخاف منهم يجلسو يتلصقو فيكي
لحد ما تديهم فلوس:headshak:
أما الرجال إلي تقولي عنه لازم يشحت ولاّ من وين
يدفع راتب الهندي:D
لا بس تصدقي بعضهم عندهم هوايه يشحتو بس كده
مو محتاجين ولا حاجه:damp:

--------
آسفه بس راح أطول الغيبه لأن في ذي القعده مسافره على ينبع
وما راح أجي إلاّ في العيد :(

تسلمين حمامه على المرور والرد ,,, :)

_____________

أهلين بشاار_255
هادي أحسن طريقه
بس إلي يتلصق فيك وما يفكك إلا لما تعطيه
صعبه ما تديه على الأقل عشان يفكك

تسلم بشااار_255 على المرور والرد ,,:)

حمامه

17-12-2003, 09:27 AM

منوووور بوجودج المنتدى

شفتي شلووون وحاطله هندي و كاشخ بالسواق و آخر شي يدفع فلوس معاش الهندي من الشحاته :(

الحمدالله و الشكر أتوقع إن مرض في بعض الأشخاص :(

ماشاء الله حتى حضرتج من ينبع هلا و الله بأهل ينبع كلللللللللهم :D

بس ليش ما تقدرين تدخلين ؟؟

الله يسلمج عزيزتي :)

shahnaz

18-12-2003, 04:12 AM

موضوووع طريف وبنفس الوقت حساس !!

وأحلى شيء لما تقرأ كل القصص !!

يسلممموووو شهرناز .. :)

شهرناز

19-12-2003, 05:11 AM

أهلا حمامه
أنا ساكنه في المدينه المنوره
بس بقلك إني مسافره على ينبع في الشهر الجاي
عند أختي و أختي ما عندها كمبيوتر:)

___________

أهلينshahnaz
نورتي الموضوع
ومبروك الإشراف:)

تسلمي shahnaz
سعيده بمرورك وردك :)

المسافر

19-12-2003, 05:54 AM

شهرناز

الحمد لله على السلامه :)

شهرناز

19-12-2003, 06:40 AM

أهلين المسافر
الله يسلمك من كل شر

ابو الفياصل

19-12-2003, 07:30 AM

هذا كله عادي..

اسمعوا هالسالفه..

في مكه.. والعهده على الراويه (( الماما )) :D:D

تقول لكم..

كان فيه واحد في ساحة الحرم.

يكلم لى اهله في دولتهم..

ويقول الحمد لله احنا بخير.. كلنا بخير... انا بشحت ومراتي بتشحت وعايشين احلى عيشه..

ابئوا اكدوا حجز شوال...

سلام عليكم..!!!!

نا سمعت السالفه صار وجهي:OO:

لا حول لاو قوة إلا بالله..

تيماء

20-12-2003, 05:16 AM

شهرناز

20-12-2003, 05:30 AM

أهلييييييين أبو الفياصل

تصدق شكل الشغلانه هادي تكسب ذهب:rolleyes:

وتصدق كمان إن ولد خالي يقول إنو في دوله عربيه من دول إفريقيا
بتدرب مجموعة كبيره من الحريم على الشحاته و بتوريهم خريطة الحرم المكي وبتعلم كل وحده فيهم فين توقف ومن مين تشحت

والله حاله بيجو من بلادهم خصيصاً عشان يشحتو :headshak:

تسلم على الرد وتسلملك الماما :)

__________-

أهلا تيماء
:)