طلعة أعضاء الطرائف إلى البر (الجزء الأخير) ضروري الكل يدخل..!!

[عمرTarga]

السلام عليكم ورحمة الله وبركاته


الي فاتته الأجزاء الماضية

الجزء الاول

http://www.swalif.net/sforum1/showthread.php?s=&threadid=180530

الثاني
http://www.swalif.net/sforum1/showthread.php?s=&threadid=180667

الثالث

http://www.swalif.net/sforum1/showthread.php?s=&threadid=180750

الرابع

http://www.swalif.net/sforum1/showthread.php?s=&postid=1428185&t=8673#post1428185



شخباركم يا اعضاء

وشمسوين


على العموم الجزء الأخير هذا ماراح أكمل فيه القصة بل اني يتكلم كلام

موجه الى أعضاء هم عارفين نفسهم

وخاصة الجدد وبعضهم من الديناصورات


:D



المهم نرجع الى صلب الموضوع

وأقولكم هو عندما اشتركت في المنتدى قبل سنة ونصف تقريبا

واشترك بعدها بيوم صديقي f_ashoor وهو الان غير موجود من زمان

المهم

بدأت بالمشاركة بقسم السيارات وبعدها بالطرائف

وكذلك صديقي نفس الشيء

وبعدها

ما أذكر اسم العضو

نزل قصة تشبه عنوان قصتي مع الاختلافات

ونزل في أسامي الأعضاء وحتى اسم صديقي

ولكن لم أجد اسمي

ماذا فعلت

قرأت القصة ورديت على الموضوع طبيعي

ومازعلت وماقلت ياناس حطوني بالقصة

وبعدها نزل الجزء الثاني ولم أجد اسممي أيضا
والثالث والرابع

وبعدها بفترة عضو آخر نزل قصة أخرى ولم يضعوا اسمي فيها

مع اني صارلي فترة بالمنتدى حاولي وقتها أكثر 8 أشهر

ولم ازعل ولا من هذا الكلام

وبعدها كذلك

ينزل الأعضاء القصص ولا يضعون اسمي

ولم أحتج ولم أكون لزقة عليه

وأقولهم حطوني بالقصة ولا من هذا الكلام




لأن يا ناس الي يألف القصة يحط في باله أسامي معينة

وليس معناتها أنه يكرهم بل بالعكس قد يكون ناسي وقد يريد أن يضع

هؤلاء الأعضاء فقط

والصراحة أقولها وبدون ذكر أسامي

اني تأذيت كثير عندما نزل القصة هذي

وكرهت نفسي وقلت وليش أنزل القصة

تبغوني أنزل القصة وأحط فيها ال30 عضو فيها

مايصير هالكلام

وانا عملت حركة بهذه القصة بحيث خليت الأعضاء مايطلعون بالجزء الأول كلهم

بل خليت أعضاء مايطلعون الا بالجزء الثاني وكذلك أعضاء ماطلعت أساميهم الا بالجزء الرابع مثل راعي البارد (صوت العقل):D

وكذلك أيضا أعضاء يزعلون ليش ماخليتني أطلع بالدور أني أكون أنيق وغير دفش ومن هذا الكلام

ياناس القصة حلاتها باللعب والدفاشة (اللقافة) ومنها نغير اسلوب الكاتب

الى خيال

يعني لو الكل بحط رايه بالقصة مثل مايبغى كان ماصارت قصة

وكنت بنزل بالجزء الخامس الصراحة اسماء توين كام (كيمو) ولولي

ولكن قررت ألا أنزل الجزء الخامس وانهي هذه القصة بهذا الكلام



والذي أرجو ان يكون من القلب الى القلب

وانا لا أكره أحد بل أريد أن أوضح لماذا لم يجد الاعضاء اسمائهم



ولكن الكلام وانتم حريين

وسامحوني على هذا الكلام

وشكرا

و
السلام عليكم ورحمة الله وبركاته

[نواف بن أحمد]

لاحووووووووووول ...

اللي يسمع الحين اللي ينزل اسمه راح يفوز بكأس ولا شي ...


ياخوي كلنا أخوان واللي نزل اسمه واللي مانزل كلنا وسوى ...



شكرا على مضوعك اللي أعجبني أحلى من القصة ...:D

[عمرTarga]

أشكرك يانواف على إضافاتك للموضوع:)

[عمرTarga]

وكمان الي عنده أي اضافات فليضيفها

الموضوع مفتوح للجميع

[كـيـمـو]

يارجال لايكون دقت معك يوم قلت بقط معاكم :D

ترى انا فرري وماني من ذا النوع قصتك وانت حر فيها وصدق اسماء معينه تمسك مع الواحد


خذ راحتك يالشيخ

[عمرTarga]

لالالالالالالالالالا


لا يا توين كااام


انت من الي أقصدهم ومن هذي آنا ذكرت اسمك ان المفروض انت موجود بالقصة وبدون ماتقولي

لا انت بالقصة

وانت مو من الي أقصدهم;)

[كـيـمـو]

طيب مانبغى نطلع بالقصه :D


خذ راحتك تقصد والا ماتقصد عزيز وغالي :)

[عمرTarga]

هو بس خلنا ننهي هالمشكلة وراح تشوف قصةص أخرى مني

وراح تشوف اسمك

عامة

انت من أعز الناس الي يا توين كام


مادري أحب توين كام أكثر كيمو:D

[bashar_255]

انا معك في هالنقطه:glasses: (شوف وحده من العشر نقاط و اختارها:D )


يعتي الواحد لما يكون في راسه سيناريو معين لازم ينفذه:help:


يعني على سبيل المثال انا اشوف صراحه ان اسمي طلع مجامله...

لأن السيناريو ما يحتاج كل هالزحمه:glasses:

و انا صراحه اشكرك على هالمجامله

لاكن في بعض الأحيان كثرة المجامله تفسد النص:headshak:

و اتمنى يتثبت هذا الموضوع لما فيه من توضيح هام لأهم مبادئ كتابة القصه:glasses:

لاكن انا احب اني اطلع في القصه لسبب اني احب اعرف نظرة الناس لي;)

[ابو الفياصل]

يا عزيزي..

الهدف إيصال الفكره اللي في راسك..

ومو شرط إشراك كل الاعضاء فيها عشان ما يزعلون..

او اشراكهم بالدور الذي هم يختارونه..

إذا كذا ما بقا إلا يالفون السيناريو..

مثلاً دمعه لم تجف..

حتى الىن 90% من قصصصه لازم اكون فيها..

ودائاً بدور الغبي... ما عدا ىخر ثنتين.

واقسم لك بالله العظيم.. ان ما تضايقت.

لكن اللي استغربت منه وضايقني بعض الشي.. هو عدم إشراكه لشخصيات اخرى.. اعتقد انه هو نفسه يعلم انها تتوق لوجود اسمائها بالقصص..

على العموم.. الموضوع ما يستاهل وانا اخوك..

وكشكشها ما تعرضهاش:D

[بنت الغربي]

وات ايز زيس :OO:

[shahnaz]

بسم الله الرحمن الرحيم

السلام عليكم ورحمة الله وبركاته

أخي Targa .. حياك الله !!

ليس بالضرورة ذكر كل أسماء الأعضاء

لأنها أول واخيرا قصة من الخيال

لا علاقة بها أصلا لا بالواقع ولا بالأشخاص أنفسهم

لذلك اكتب وانطلق وحلق ولا تترد في ذكر من تريد

ونشكر لك نبل أخلاقك لتوضيح وجهة نظرك

بارك الله فيك وهذا ليس عذرا لعدم اكمال القصة !! :OO: :rolleyes:


ودوما سعة الصدر هي الأساس .. :p

[حمامه]

Targa

و عليكم السلام و رحمة الله و بركاته

شفييييييك يبه :OO:


أفا عليك و الله و ليييش ليييش كل هذااا :rolleyes:

إحنا هني كلنا خوات و أخوان و محد يزعل من احد ، و كل واحد حر يكتب الموضوع اللي يبيه و يقول اللي يبيه طول ما أهو ما يغلط على أحد ، و يمكن الحين يزالك الله خير إنت وضحت شي من الحين حق بعدين ن صج الطقه يت فيك إنت يمكن بس تأكد وضحت شي حق بعدين :)




يلللله عاااااد وين الجزء الخامس :mad:

لأني ليلحين أنا نايمه من ورا الدعمه بس عااد بقووووم :D

[هدووي]

أولاً آسف على الرد المتأخر يا أخواني 00000

يمكن انا المقصود الصراحة يوم انا قلت زعلت او شي لكن صدقوني انا امزح معاكم وانتم مثل اخواني والله ...

وآسف مرة ثانيه




وخلاص انا ما ابى اطلع معاكم :D

[بنت الغربي]

افا تارجا زعلان :Sad2:

ليش يبه ليش :Sad2:

افا عليك بس.. وسع السدر :)

[lolly]

السلام عليكم ورحمة الله وبركاته

اخوى الفاضل تارجا شاكرين لك اول شىء هذا الموضوع الطيب الى غير الجو فى القسم :)

وبخصوص كلامك انا معاك وكلامك عدل انا مثلا ما ازعل اذا محد حط اسمى فى اى قصة اقول احسن:D احم


يلة عاد ننتظر الجزء الاخير :)

والله يعطيك العافية انت والى كملو معاك :)


تحياتى

[دبدوووبه]

انا اللي اتزكره اني مره وحده في حياتي كتبت قصه

و حتى قلت ابغى احطلها جزء ثاني ولا حطيت <<< ماف حيلي أألف :D
بس اللي اتزكره اني تعبت و انا ادووور اسماء الاعضاء وكلهم جوا كدا بالصدفه

و في ناس بعد ما خلصت القصه اتزكرتهم بس ما حطيتهم :D

و انا دايماً لمن يكون اسمي موجود في اي قصه لازم يخلوني ملطشه

وتفكيري كله بالاكل .. رغم اني والله زكيه :D :D

بس عاااااادي .. الموضوع مزح و تريقه و انا وحده عقلي كبير :D

[عمرTarga]

bashar_255


من قالك يابشار اني حاطك بالقصة كمجاملة

بل بالعكس والله انت من الاساسيين

ومشكوؤ ر على الرد






ابو الفياصل

اهلا بمشرفي العزيز:glasses:

شكرا على اضافاتك الجميلة

وتسلم :)






shahnaz

الصراحة ما أعرف أرد لك جميلك علي

الصراحة أكثر عضو أو عضوة بالاخص يشجعني وشكرا جزيلا;)






حمامه


هلا بحمومة

آنا مازعلت ولا شي

هذا الموضوع فقط توضيح للي صار

وشكرا على ردك الحلو:p






هدووي

هلا بالحبيب

لا عادي

ان شاء الله مافي بينا الا المحبة والاخوة بالله ويعطيك العافية;)






بنت الغربي

أفا آنا زعلان :eek:


آنا ما أزعل من أخواني وأحبابي قسم الطرائف;)

ويسلمووو:)






lolly


الصراحة تشكرين على ردك :D






دبدوووبه

هلا والله بأمي :D


الصراحة اسمك يدل على انك تاكلين وايد:D


ومشكورة :D