مالعلاقة بين نسبة الانضغاط وقوة المحرك ..على حسب حجمه طبعاًً..موضوع ميكانيكي

[S8]

السلام عليكم ورحمة الله وبركاته

موضوع يجول في خاطري من فتره واحببت ان اعرف عنه اي شي بل كل شي

وهو ان المحركات الصغيرة لا تتجاوز قوتها الحصانية 150 حصان فرضاً ومع ذلك ييصل عدد دوراتها الى 6500 دورة

والمحركات الكبيرة او المتطورة تكون قوتها مثلا 300 حصان ومع ذلك فسرعة دورانها ايضا تكون 6500 دورة

مالفرق بين قوة المحركات اذا كانت كلها لها نفس عدد الدورات والبعض منها يكون له نفس السعة الحجمية ونفس عدد الاسطوانات ؟

ومع ذلك هناك اختلاف في القوة والعزم

ارجو الافادة وان شاء الله ان قصدي مفهوم :)

[الارهابي]

نسبة الانضغاط compression ratio شيء
و الRPM شيء ثاني ما له علاقه به اصلا :D

ما ادري ليش الناس تعبر عن الRPM بالضغط :confused:


:D

[S8]

معليش بس انا متعمد الكتابة هكذا في عنوان الموضوع حتى توضح الفكرة لدى الكثيرين

عندك تفسير لتساؤلي؟

[الارهابي]

نشوف تفسيرات الشباب اول :D

[RED Chevy]

السلام عليكم ورحمة الله وبركاته
ألف شكر لك أخوي S8 على الموضوع المفيد جداً، وبالنسبه لسؤالك فالمحرك يعتمد على سعته الحجميه وعدد إسطواناته أكثر شي، فكل ما كانت السلندرات أكثر والمحرك أكبر كلما كان المحرك مرتاح أكثر، يعني يعطيك قوة حصانيه عاليه وعزم كبير بعدد لفات أقل( وهذا السبب في طول عمر المحرك)، كمثال عندك محرك الهونداS2000 أشرس وأقوى محرك 4 سلندر:cool: ويجيب 240 حصان بلترين، لكن يجيبها على 8300 لفه في الدقيقه، لكن محرك الأكورد نفس القوة لكن على 6250 لفه والفرق بينهم لتر واحد وسلندرين، لكن اللكزس470 مع إنه 8 سلندر لكن 250 حصان بس على 4800 لفه، نستنتج من ذي الموضوع إنه كلما كبر المحرك يقدر يجيب أحصنه أكثر بعدد لفات أقل، لكن بعد يعتمد على التقنيات الموجوده في المحرك نفسه فمثلاً محرك الشفر التريل بليزر قوته 295 حصان يعني نفس عدد أحصنه محرك الكابرس LTZ/LS لكن التريل على 5600 والكابرس على 5200 وذي يفرق في صالح الكابرس لأن اللفات أقل لاكن في نفس الوقت يدل على إن محرك التريل متطور أكثر:rolleyes: بس الكابرس لما طوروه في الSS/ROYALE صار 325 حصان وردت له الأفضليه:)، من ذي كله نستنتج أن المحرك كلما كان كبير وكلما كان متطور وفيه تقنيات كلما كان أفضل، وبسبب هالشي نجد إن صرف البترول في المدن يكون أكثر للمحركات الكبيره، لكن على الخط تلاقيه إقتصادي أكثر من الصغير وما يتأثر بالكرف:cool:.
لكن في عامل آخر مهم ألا وهو الشواحن (تيربو/سوبر) تأثر في المحرك وعمره وقوته مثلاً محرك البنز 180 سعته ليترين ويخرج 129 حصان على 5300 لفه لكن عقب السوبر جارج (يسمونه كمبريسور) صار 163حصان بنفس عدد اللفات وقلل من وقت التسارع ثانيتين:cool: هاي شي وايد ممتاز، لكن لما نجي حق محرك ال320 قدرته 218 حصان على 5700 لفه، وعقب السوبر صار 354 حصان على 6100 لفه فنشوف إنه مع زيادة 140 حصان تقريباً زادت اللفات 400 لفه، وعلى مايستخرج المحرك كامل قوته يحتاج وقت أطول من العادي، لكن في التوربو نجد في الكايان S 340 حصان على 6000 لفه والتوربو 450 حصان على نفس عدد اللفات، وفي محرك ال911 نجد إنه يطلع 320 حصان على 6800 لفه لكن لما نجي حق التوين نلاقي 420 حصان على 5700 لفه إنلاحظ إن التوربو زاد من الأحصنه وقلل من اللفات وذي شي ممتاز.
خلاصه الموضوع:
المحرك الجيد هو الذي يعطي أكثر عدد من الأحصنه وعزم كبير بعدد لفات أقل، بغض النظر عما إذا كان مشحون أو فيه تقنيات متطوره أو لا،
وإعذروني لأني طولت عليكم كثير وإنشاء الله إني أكون فاديتكم، وسلامتكم.

[silver]

اظن الجواب موجود في موضوع سؤال للكنج أس أس (http://www.swalif.net/sforum1/showthread.php?threadid=162823&perpage=25&highlight=ستروكر&pagenumber=1) بالتحديد سالفة الستروكر ... اظن الجواب هنا :)

ولا عطونا راي ثاني

[الارهابي]

السلام عليكم


مالفرق بين قوة المحركات اذا كانت كلها لها نفس عدد الدورات والبعض منها يكون له نفس السعة الحجمية ونفس عدد الاسطوانات ؟

خلني اوضح عده نقاط :


ليش بعض المحركات الV8 مدى الRPM فيها قصير و الredline يكون على RPM مو عالي مره ؟

- محركات الV8 غالبا يكون الستروك ( الشوط ) فيها طويل و هذا الشي يخلي دوران المكينه اصعب شوي

- وزن الrotating assymbly ( كرنك + عواميد + بساتم + حداف + بكرات ) ثقيل و غالبا المحركات الستوك ما تكون balanced 100% كل هالاشياء تصير عوائق عند الRPM العالي

- الكام و الvalve train و الcam profile بشكل عام مواصفاته ما بتخلي المحرك يعطيك لو خليته يدور اعلى من الدورات المصمم لها ما بتستفيد شي غير انك بتقصر عمر المكينه و يمكن تخرب فيها بعض الاشياء

- المحركات الكبيره معروفه بالتورك العالي و طبعا هذا هو المطلوب لسياره استخدام يومي و في استخدامك اليومي ما بتوصل الRPM الى حد عالي جدا

^
^
عشان كدا الشركات تصمم المحركات الكبيره و تحددها بRPM منخفض
لعمر اطول و تكلفه اقل فعلى RPM منخفض ما بيخافوا ينكسر شي في المكينه و يقوموا يصنعوا من مواد ارخص و جودتها اقل :D



و محركات ال4 سلندر او 6 سلندر عكس هذا الكلام
من ناحيه الستروك و وزن الrotating assymbly


لكن لو جينا نقارن بين محركين من نفس السعه
خل نقول :
محرك شفر 350 اصلي :D
مع
محرك شفر 350 ( اصله 400 لكن معمول له ديستروك الى 350 )

الاول الستروك فيه 3.48 انش
اما الثاني 3.25 انش

الاول يعطي تورك جيد و قوه معقوله و ما تقدر ترفع الRPM فيه عن 7000 بدون مشاكل

اما الثاني التورك فيه تعبان مره لكن يعطيك صافي قوه يصل الى 750 حصان ( بدون لا شواحن ولا غاز ) لكن على RPM يصل الى 10 الاف دوره :D

طبعا الcam profile و الcompression ratio و تصميم الراس و حجم الports في الراس كلها لها دخل في الموضوع :D

[NFS]

وعليكم السلام ورحمة الله وبركاته

الفرق في القوة الحصانية بين المحركين هو العزم ، وهذا الفرق في العزم سببه:
إما سعة المحرك
أو وجود شاحن هواء (توربو أو سوبرتشارجر).

طبعاً هذا مع أفتراض أن:
(1)- أقصى سرعة للمحركين هو 6500 RPM.
(2)- ثبات مستوى العزم على مختلف سرعة دوران المحرك.



-----------------------------------------------------------------------------
مالفرق بين قوة المحركات اذا كانت كلها لها نفس عدد الدورات والبعض منها يكون له نفس السعة الحجمية ونفس عدد الاسطوانات ؟
-----------------------------------------------------------------------------

الفرق هو :

أن مستوى (أو مقدار) العزم يتغير بتغير سرعة دوران المحرك (وهذه هي الصورة الواقعية لكل المحركات).

لذلك لو أحضرنا محرك بسعة 2 لتر من الشركة A ومحرك بنفس السعة وبنفس عدد السليندرات وأقصى سرعة لكل محرك 7000 RPM مثلاً ، ومقدار أقصى عزم في كلا المحركين متسوي ، فأن المحرك A يولد قوة حصانية أكبر من المحرك B في حالة واحدة:

أن العزم الأقصى للمحرك A يتم استخراجه على سرعة RPM أعلى من المحرك B ، مثلاً:
أقصى عزم في المحرك A يكون عند سرعة 6000 RPM بينما في المحرك B تكون عند سرعة 3500 RPM مثلاً.

RED Chevy

أنا أتفق مع بعض النقاط إللي طرحتها وأختلف مع بعض البعض.

من النقاط التي أختلف معك فيها ، مسألة أن المحرك لما يولد قوة عالية فأنه شيء غير جيد أو غير مرغوب فيه.

عزيزي ، معنى كلامك أن المحركات ذات الدوران العالي بسرعة تتعب وتستهلك وأن عمرها الافتراضي أقل من المحركات ذات السعة الكبيرة ذات سرعة الدوران المنخفضة نسبياً.

لكن الواقع يختلف عن هذه الأفتراض ، عندك محركات الهوندا والمشهور عنها أنه محركات لايتم أستخراج أقصى قوة لها إلا على سرعات عالية .

هذه المحركات منذ طرحها عام 1989 في اليابان إلى يومك هذا لم يتم تسجيل أي مشكلة في (الجودة أو الأعتمادية) لهذه المحركات مقارنة بغيرها من المحركات ، وأقصد في هذا الكلام أن معدل الأعطال والعمر الأفتراضي مساوي لغيرها من المحركات.

وإذا كنت تتكلم عن قصر نسب الناقل وأرتفاع سرعة الـRPM على الخطوط السريعة ، صحيح هي مرتفعة عند مقارنتها بسيارة بمحرك سعته كبيرة بالإضافة إلى أرتفاع صوت المحرك ، يعني مستوى الراحة ستكون أقل.

لكن أنت أنظر إلى تجهيزات هذه الفئة من السيارات ، ستجد أن وسائل الراحة والرفاهية يعتبر شيء ثانوي أو أقل من الثانوي!!

مثلاً ،لو قارنت فئة التايب آر مع الفئات الأقل مثل الـGSR أو SiR ستلاحظ أن فئة التايب آر تأتي بدون فتحة سقف بعكس الفئات الأقل، المقاعد الجلدية مستبدلة بمقاعد صغيرة رياضية من القماش بتعديل يدوي للأوضاع ، الديكور المخشب مستبدل بديكور من الألياف الكاربونية ، نظام التعليق الرياضي القاسي ، النوافذ قد تأتي يدوية كما في موديل الأكورد تايب آر.

فأيش بيفرق لو كان صوت المحرك مرتفع؟

أنت لو نظرت إلى شريحة الزبائن الذين يعشقون هذه السيارات تلاقيهم Hardcore Racers!

يطربون لسماع صوت المحرك وهو يدور على سرعة 8500 RPM ، لو في طريقين لمكان واحد ، أحدهم بخط مستقيمة ومسافته قصيرة والأخر طويل ومتعرج تجدهم يختاروا الطريق المتعرج ، السبب؟؟

To Have FUN!

عزيزي Red Chevy

تعرف أيش هي أمتع مركبات صنعها الأنسان؟ (في نظري)
بالترتيب:
(1)- الطائرات المقاتلة (لاشيء يظاهي متعة قيادة الـF-16 ، أبداً!)
(2)- سيارات الفورمولا واحد والدراجات النارية.
(3)- سيارات الكارتينغ (صحيح أنها بطيئة لكنها ممتعة :) ).

إذا كنت تتفق معي على هذه القائمة أكيد تعرف أيش هي فئة السيارات التي توفر ولو شيء بسيط من متعة المركبات الموجودة في القائمة (إللي فوق)...

[NFS]

الأرهابي

بعد قرأت ردك ما أقول إلا أنك فنان:glasses2:

[RED Chevy]

السلام عليكم ورحمة الله وبركاته
أخوي NFS آنا قصدي إن المحرك كلما كانت دوراته أقل كلما كانت دورات المحرك أقل يكون مرتاح أكثر، لنفرض مثلاً إنك بتاخذ خط كويت الإمارات هل بتطلع بسياره تقعد تحن عليك طول الدرب( يعني تكون تسوق 200 والRPM على 7000) أو أفضل لك إن يكون على 4000، إذا كنت ماشي مثلاً 600 كم والمحرك على 7000 لفه إتوقع لين توصل شبتكون حالته، هل بيكون مثل المحرك اللي كان يمشي على 4000؟ أكيد لا بتطلع روحه، وعن المركبات آن ما أحب الطيايير ترتيبي إهو:
1-السياره(تستمتع قدر الإمكان وشي في متناول يدك).
2- الطراريد واليخوت( أي شي يدش بحر).
3-السوبر كار(فورملا/ دراج/ناس كار.....إاخ).
وتو هاف فن ما في وناسه أكثر من وناسه واحد عنده أمريكي، لأن لجميع الإستعمالات( تخمس/ ريسات/ سفر.....إلخ).
إنت شوف خلاصه الرد اللي آنا كتبته وآنا ماقلت إنه المحرك اللي يولد قوة عاليه مو جيد آنا قلت أقل عدد من اللفات+ أكبر عزم + أكثر عدد من الأحصنه= أفضل محرك، وتسلم.

[مؤيد اف1]

موضوع حلو والردود احلى..

بس الاحظ المحركات الي دوراتها عاليه مثل الهوندا العزم عندهم اقل من عدد الاحصنه والعكس صحيح :rolleyes: اذا انا غلطان قولو لي :D

[الارهابي]

رد مقتبس من RED Chevy
لنفرض مثلاً إنك بتاخذ خط كويت الإمارات هل بتطلع بسياره تقعد تحن عليك طول الدرب( يعني تكون تسوق 200 والRPM على 7000) أو أفضل لك إن يكون على 4000

هذا الشي ما له علاقه بالمحرك نهائيا

RPM Vs SPEED

هذا الشي يحدده 3 اشياء

قطر الاطار ( الاطار كامل مو بس الجنط )
نسبه الدفرنش ( سواء كان امامي او خلفي )
نسبه القير ( على سرعه عاليه فاللي تهمنا هي نسبه اخر نمره في القير )



افرض
ان الاطار عندك محيطه 2 متر ( فرضا )
عشان تمشي 120 كليو متر (12000 متر ) في الساعه
لازم الاطار يدور 60 الف مره في الساعه
يعني 10 الاف دوره في الدقيقه

واضح ؟

خل نفرض ان نسبه الدفرنش في كابرس مثلا 2.41 الى 1
و القير اللي عليه th350 ما فيه اوفردرايف :D يعني نسبته 1 الى 1

الحين نقسم ال10 الاف دوره على نسبه الدفرنش بعدين نقسم الناتج على نسبه القير و تطلع دورات المحرك الفعليه

10000
-------- = تقريبا 4150 دوره
2.41


و بما ان نسبه القير 1 الى 1


يعني المكينه على سرعه 120 لازم تدور 4150 دوره بغض النظر 8 سلندر او 6 سلندر او مكينه فزبا او مكينه تريلا او حاط لك تروس و جنزير و قلبتها زي السيكل
ال4150 دوره ثابته ما تتغير :D

[الارهابي]

رد مقتبس من مؤيد اف1
موضوع حلو والردود احلى..

بس الاحظ المحركات الي دوراتها عاليه مثل الهوندا العزم عندهم اقل من عدد الاحصنه والعكس صحيح :rolleyes: اذا انا غلطان قولو لي :D

بالنسبه للهوندا صحيح عزمها ضعيف لكن اشوف ان محركاتها الجديده فيها عزم حلو بعد

اصلا هي ما تحتاج عزم قوي مره لان ما فيها وزن



والعكس صحيح
لا مو صحيح

في محركات دوراتها عاليه و تعطي عزم مجنون و قوه جباره
على سبيل المثال
:D
شفت محرك يوصل لفوق 7000 دوره
و يعطي peak torque تقريبا 600 رطل.قدم على 4000 دوره تقريبا
و peak horspower اكثر من 620 حصان على 5900 دوره

طبعا احيانا بعض المحركات تتحمل تدور لفوق 8000 دوره
لكن ما بتستفيد شي
لانها تعطي صافي قوتها على دورات اقل :D

[RED Chevy]

السلام عليكم ورحمة الله وبركاته
مشكور أخوي الإرهابي على التوضيح لكن إحنا نتكلم عن عدد دورات المكينه على السرعه وإذا شفت الموضوع اللي فيه الRPM كم على 120 بتشوف إن محركات الV8 دوراتها أقل من الأربعه مثلاً الكابرس والكروزر تقريباً على 2000 لكن بعض السيارات على 3000 وذي أكيد يفرق في راحه المحرك، وعن الدفريشن والقير كلامك صح 100%.

[RED Chevy]

السلام عليكم ورحمة الله وبركاته
أخوي الإرهابي آنا هني قصدي يعطيك قوته على أقل ويوصل لي 8000 شنو الفايده، المحركات الكبيره هني ميزتهم يوصل سرعات فيق وهو مرتاح.

[الارهابي]

اعود و اكرر الRPM على سرعه معينه يتحكم به
حجم الاطار + نسبه الدفرنش > نسبه القير


لكن عاده
لما تكون السياره V8 يحطو لها دفرنش نسبته اطول و قير نسبته اطول
عشان كدا تلاقي اغلب الV8 الRPM حقهم واطي

[الارهابي]

رد مقتبس من RED Chevy
السلام عليكم ورحمة الله وبركاته
أخوي الإرهابي آنا هني قصدي يعطيك قوته على أقل ويوصل لي 8000 شنو الفايده، المحركات الكبيره هني ميزتهم يوصل سرعات فيق وهو مرتاح.

غير الكام :D

و حط لك رضاعه :D nitrous

و شوف وش يسوي على 8000 دوره :D

[RED Chevy]

رد مقتبس من الارهابي
اعود و اكرر الRPM على سرعه معينه يتحكم به
حجم الاطار + نسبه الدفرنش > نسبه القير


لكن عاده
لما تكون السياره V8 يحطو لها دفرنش نسبته اطول و قير نسبته اطول
عشان كدا تلاقي اغلب الV8 الRPM حقهم واطي
إنت خبييييييييييير، بس سؤال إنت شنو أفضل عندك الواطي أو العالي.؟

[الارهابي]

طبعا كل ما كان واطي يكون افضل

حتى لو كان المحرك يتحمل مليون دوره

على الاقل من الناحيه الماديه

صرف البنزين اقل :D

[RED Chevy]

السلام عليكم ورحمة الله وبركاته
هذي قصدي أريح للمكينه وأوفر في البترول وتسلم

[الشبابي]

كلام حلو ماشاء الله ...
اول مرة افهم صح بالموضوع الصعب هذا ....
معناته انه اذا كانت احدى الشركات بتسوي سيارة رياضية مثل الهوندا اس 2000 بتكون قوتها عالية توصل 8000 دورة لكن عزمها منخفض لكن اذا ركبنا نفس المكينة على جمس بتكون حركه صعبه صح ؟؟
لأن العزم منخفض ....
معناته اذا كبرنا البساتم والكرنكات بتصير قوة السيارة اقل لكن تتوفر على سرعات منخفضة جدا وهذا هو اللي يسوونه الامريكان صح ؟؟
ولذلك السيارات الامريكية ماتصرف بنزين بالخطوط صح ؟؟؟

دقيقة صمت : لو سمحتوا الكل يضرب تحية للالمان واليابانيين ....
ولذلك تلاقي الالمان واليابانيين يستعملون جير ذات سرعات اكثر من الامريكية ....
يعني تلاقي البي ام الجديد والكزس 6 سرعات وهذا يقلل عدد الدورات بالخطوط على السرعات العالية .... اذن هنا الكل يضرب تحية لقير المرسيدس الـ 7 سرعات ....







مرت دقيقة .....



من ناحية ثانية الاحظ ان السيارات اليابانية الجديدة ذات الاستعمال العادي وخصوصا نيسان وهوندا تكون قوتها عالية ولكن على دورات لا تتعدى 6400 دورة وتتوفر بجير 5 سرعات اوتو او 6 عادي ويكون وزنها متوسط وانسيابيتها حلوة وكذا تكتمل المعادلة الحلوة ....


وهنا ممكن نقول ان الجميع لو يركزون في جميع مكاين السيارات ويدرسها صح سيجد ان افضل مكاين هي مكاين المرسيدس بنز ...
بتستغربون صح ؟؟؟
لأن المرسيدس يعتمد على تقنية 3 صمامات في الـ 6 والـ 8 سلندر و صمامين في الـ 12 ...... ولايوجد في المكاين تكنولوجيا عالية و كلها بكامة واحدة ....
وهكذا نرى ان مكاين مرسيدس قوتها اضعف من الاخريات مثل البي ام والكزس لكن اذا تم استغلال كل هذي الأشياء بتكون اقوى من مكاين السيارات الاخرى بكثير مع العلم ان مرسيدس مكاينها الحالية قديمة وهي من موديلات 91 ... قصدي الشبح ....
طيب ليه ؟؟؟
لأن مرسيدس تهدف الى انها تجعل مكاينها الاسهل بالصيانه وهذا هو الواقع فوزنية البلوف سهلة بالمرسيدس لأنها اقل من غيرها ومشاكلها اقل بكثير من نظيراتها مثل اودي ذات الخمس صمامات ....
وكذلك صيانتها رخيصة وسعر مكاينها رخيص ...


فلو استغلت مرسيدس تقنياتها هذه وهذا الذي سوف يحصل في القريب مع الشكل الجديد على ما اعتقد سوف تكون سيارات مرسيدس هي الاقوى مثل مرسيدس clk dtm وقوته 480 حصان بدون اية شواحن مضافة ...






هل كلامي صحيح ؟؟؟؟










اخوكم الشبابي

[الارهابي]

احيانا بعض الشركات تعمل بمقوله
no replacment for displacment

و احيان اخرى تسوي بالزبط عكس هالمقوله :D
و تطلع لها بدل الreplacment عشره :banana:

[M5]

الأرهابي
الله جابك .. تعال يابن الحلال
أنا معلوماتي عن محركات الأمريكي ضعيفه نوعاً ما .. وعندي كذا نقطه نفسي أفهمها

أنا بقول اللي أعرفه وانت صححني اذا فيه خطأ


المعروف إن الأمريكي الـ Big Block ما يخش RPM عالي ( غالباً )
فعشان تخليه يخش RPM عالي مع زيادة في القوة ..
اما تركب كام .. أو تعمل مكينه ستروكر ... يعني تزيد السعه ... يعني شوط المكبس يطول ... يعني المحرك ما يقدر يخش RPM عالي :confused:
هنا اللبس اللي عندي :help:

شيء ثاني :
الآن اللي يعملوا خرط للسلندر .. يعني يصير زيادة في الـ Bore بدون ما يتغير الـ Stroke
فبالتالي يصبح هناك زيادة بسيطه في حجم الأسطوانه ( السعه )

السؤال :
- هل هذي الزيادة في السعة ( وبالتحديد في الـ Bore ) مش ممكن انها تقلل من نسبة الإنضغاط compression ratio :confused:

مع ان فيه ناس تقول ان المكينه المخروطه أقوى لأن سعتها أكبر :confused:



أنا حاس اني ملخبط .. لذلك انتظر تصحيحك :)

[الارهابي]

المعروف إن الأمريكي الـ Big Block ما يخش RPM عالي ( غالباً )
فعشان تخليه يخش RPM عالي مع زيادة في القوة ..
اما تركب كام .. أو تعمل مكينه ستروكر ... يعني تزيد السعه ... يعني شوط المكبس يطول ... يعني المحرك ما يقدر يخش RPM عالي :confused:
هنا اللبس اللي عندي :help:
======================================
قابليه المحرك لدورانه دورات عاليه يحكمها اول شي نسبه طول العمود الى طول الستروك

ٌRod lenght
------------------ = ??????
Stroke


كل ما كانت اكبر كل ما يكون المحرك افضل و كفائته اعلى و يدور اسهل و اسرع
لكن في نفس الوقت يزيد ضعط البساتم على جدران السلندر


ثاني شي الvalve train و الcam profile



و لو نظرنا الى الشفر بيق بلوك

في عندك عده خلطات
في 427 > البور 4.25 و الستروك 3.7 و شوي و هذا يقبل دورات عاليه بكل سهوله
طبعا قديم و انقطع


في 454 > البور 4.25 و الستروك 4 انش
يقبل دورات عاليه لكن مو مثل اللي قبله


في 496 > سلندر 454 مخروط 60 يصير 4.310 انش و ستروك 4.25 انش
يقبل دورات عاليه لكن اسوأ من اللي قبله


ليش أسوا ؟؟؟
لان rod/stroke ratio اسوأ

و لو سألت ليش ما نقدر نركب rod اطول ؟؟؟؟

هذا الشي غير ممكن لان احنا لما نكبر الستروك لازم نقصر العمود و الا البستم بيضرب في الراس لاننا محدودين بطول البلوك deck hight و هو المسافه من سنتر الكرنك الى سطح المكينه فوق و هي 9.8 انش

الا اذا حصلت لك مكينه 454 lond deck قديمه طولها 10.2 انش او اشتريت لك افترماركت بلوك :D $$$$$




عموما محركات البق بلوك ماتحتاج انك تدورها الى دورات مجنونه
و مع ان في حاله ال496 الrod/stroke ratio اسوا من ال454 الا ان ال496 بيعطيك عزم و قوه افضل على RPM اقل من ال454
يعني قوه و عزم افضل على RPM اقل

الشي الحلو فيهم :D تقدر مع شويه شغل و حسابات و شطاره تطلع حدوه 650 حصان منهم NA و تقدر تستخدمها استخدام يومي :Dو تستخدم البنزين العادي





شيء ثاني :
الآن اللي يعملوا خرط للسلندر .. يعني يصير زيادة في الـ Bore بدون ما يتغير الـ Stroke
فبالتالي يصبح هناك زيادة بسيطه في حجم الأسطوانه ( السعه )
====================================
صح



السؤال :
- هل هذي الزيادة في السعة ( وبالتحديد في الـ Bore ) مش ممكن انها تقلل من نسبة الإنضغاط compression ratio :confused:

مع ان فيه ناس تقول ان المكينه المخروطه أقوى لأن سعتها أكبر :confused:
=====================================
طبعا الزياده في السعه بتكون طفيفه

يعني ال454 لو خرطته 30 بيصير 460
و لو خرطته 60 بيصير 466

لكن الCR يحدده البستم و حجم غرفه الاحتراق combustion champer و لو ركبت بستم بنفس المواصفات بالزبط فلات او دش او دوم
نسبه الانضغاط ما راح تتغير



بس حبيت اذكر

ان محركات ال454 في الثمانينات و التسعينات من اتعس و اطقع المحركات اللي انتجتها جي ام تخيل محرك بسعه 454 يعطيك بحدود 300 حصان فقط :confused:

السبب من بدايه الثمانينات
الAAA فرض على مصنعين السيارات يخففوا من استهلاك سياراتهم للبنزين و يخلوها تعتمد على بنزين جودته اقل و ارخص و يهتموا بنواحي التلوث و حمايه البيئه و يشددوا على الemission control

تصور محركات ال454 كانت في الستينات و السبعينات بcompression ratio من 12 - 13 حسب كود المحرك و في الثمانينات نزلت بعض محركات ال454 بنسبه انضغاط 7.9 الى 1 :D تقول يبغوا يشغلوا عليه تيربو :D


اسمح لي اذا في لخبطه او شي :D

نعسان :D

[S8]

ماشاء الله كل هالمشاركات في غيابي ؟..

وفي سويعات قليلة:D

[الفجر mtr البعيد]

السلام عليكم ورحمة الله وبركاته
ماشأالله هذا العشم فيكم والله قدها وقدود
بس كان خليتوا نقطه على الاقل اوظحها :D مافي شي الا وضحتوه:D
باي

[الارهابي]

نسيت اذكر شي

بعد ما الشركات نزلت الoutput حق المحركات هذي
قامت تستخدم فيها internals رخيصه فتكون البساتم و العواميد و الكرنك cast و مع انها تستحمل شوي الا ان الحمل مع الحمل يأثر عليها على المدى الطويل
لذلك ما هي مناسبه للدورات العاليه جدا ولا هي مناسبه لفوق 600 حصان و لا تصلح للغاز اكثر من 200 حصان

طبعا من قبل كانت الـinternals كلها forged :D و ولو تجيب لك كرنك و تهدم به صبيه اسمنت ما بيقول شي :D

[bashar_255]

ما شاء الله تضيع بن هالفطاحل:D

توني بتكلم بس قلت اسكت ابخص لك:D

تكتب لك كلمه و يجي لك oil_hks_lio يدقق في كلامك يحاسبك على النكته ويش لك:D

[NFS]

رد مقتبس من الارهابي
بالنسبه للهوندا صحيح عزمها ضعيف لكن اشوف ان محركاتها الجديده فيها عزم حلو بعد

اصلا هي ما تحتاج عزم قوي مره لان ما فيها وزن




:D


الأرهابي

بالأرقام ، كم المفروض يكون مقدار العزم علشان نعتبر مستوى العزم جيد؟


يعني محرك 1.8 لتر كم تعطيه ؟
2.0
2.2

[Third Eye]

رد مقتبس من NFS
الأرهابي

بالأرقام ، كم المفروض يكون مقدار العزم علشان نعتبر مستوى العزم جيد؟


يعني محرك 2.2 لتر كم تعطيه ؟

[الارهابي]

رد مقتبس من NFS
الأرهابي

بالأرقام ، كم المفروض يكون مقدار العزم علشان نعتبر مستوى العزم جيد؟


يعني محرك 1.8 لتر كم تعطيه ؟
2.0
2.2

عزمهم بالنسبه لحجمهم حلو

انا كان قصدي

مثلا محركات الهوندا مع التعديل تصل الى 500 حصان و فوق
لكن العزم مو مثل العزم من محرك 6 او 8 سلندر يعطي 500 حصان

طبعا السبب معروف و هو اختلاف السعه


و هالشي يتعمم على كل ال4 سلندر مو بس الهوندا :D

[A7medo]

السلام عليكم ورحمة الله وبركاته

مرحبا شباب الحمدلله أني لحقت على الموضوع مع أنه فاتني منه الكثير لكن يالله

نفس ما قال أخونا الأرهابي

ان محركات ال454 في الثمانينات و التسعينات من اتعس و اطقع المحركات اللي انتجتها جي ام تخيل محرك بسعه 454 يعطيك بحدود 300 حصان فقط

السبب من بدايه الثمانينات
الAAA فرض على مصنعين السيارات يخففوا من استهلاك سياراتهم للبنزين و يخلوها تعتمد على بنزين جودته اقل و ارخص و يهتموا بنواحي التلوث و حمايه البيئه و يشددوا على الemission control

تصور محركات ال454 كانت في الستينات و السبعينات بcompression ratio من 12 - 13 حسب كود المحرك و في الثمانينات نزلت بعض محركات ال454 بنسبه انضغاط 7.9 الى 1 تقول يبغوا يشغلوا عليه تيربو

------------------------------------------------------------------------------------
السؤال

كيف كانوا ينزلون الضغط يعني ويش كانوا يسون علشان يصير ال CR أخف ؟

[NFS]

الأرهابي

هذي النقطة إللي أريدها ، المحرك صغير ، من فين حتجيب عزم؟؟


طبعاً هذي المشكلة تم حلها بأستخدام مكونات خفيفة في تصنيع المحرك وأيضاً المحاولة قدر الأمكان في تخفيف وزن السيارة...


A7medo

أنا بتلقف وبرد على السؤال....

يمكن تقليل نسبة الأنضغاط (مع المحافظة على سعة المحرك الأصلية) بتركيب بساتم يكون رأسها بدون Dome أو قبة ،

علشان توضح الفكرة ، خذ علبة بيبسي ، بتلاحظ أن قاعدة العلبة صاير مثل القبة (لكن معكوس للداخل) ، فبساتم الضغط العالي صاير بنفس الأسلوب فيها قبة (طبعاً للخارج) لكن أرتفاعها وشكلها مختلف شوي ،،،

فلذلك إللي بيعدل مكينة سيارته ويغير البساتم عنده أحد خيارين:

(1)- إذا كان بيركب توربو ، فأنه يختار بساتم سطحها مستوي أو بأرتفاع قليل وبهذه الطريقة تقل نسبة الأنضغاط.

(2)- إما إذا كان سيعتمد على خيار الـNA أو التنفس الطبيعي (بدون توربو أو سوبرتشارجر) بتلاقي الـDome أكبر من البساتم الأصلية علشان يرفع نسبة الأنضغاط.

ملاحظة : السبب الأساسي لتغيير البساتم ليس تغيير نسبة الأنضغاط وأنما تركيب بساتم أقوى وتتحمل جهد أكبر كالـForged Pistons ،،،

يعني لا تستغرب إذا واحد ركب بساتم أقوى وبنفس نسبة الأنضغاط ...

[RED Chevy]

السلام عليكم ورحمة الله وبركاته
والله الموضوع صار ممتاز ومتروس معلومات بس باقي ردود الكنج وتكمل بيصير الموضوع موسوعه، وماشاء الله الإرهابي وNFS ماقصروا فادونا جزاهم الله خير، والفضل يعود حق الأخ S8 اللي طرح الموضوع وفتح باب النقاش.يلا شباب اللي عنده سؤال أو تعقيب على الموضوع.

[A7medo]

انزين أخوي لو فرضاً أحنا ما قمنا بتقليل الأنضغاط هل راح يعمل التيربو

شي ثاني أنا الي أعرفه في بساتن تسمى بال Contour Head تستخدم لسيارات الديزل و لمكاين ال 2 stroke هل هذه البساتن أيضاً تخفف الأنضغاط

أيضاً ويش تأثير ال Clearance Volume في الأنضغاط ؟

[infiniti]

اتفق معاكم بضعف التورك بالسيارات اليابانيه خصوصا الاربعه سلندر و مشكلة ال RPM العالي لاكن من واقع تجربتي للشفر و البيوك رودماستر اكتشفت ان المحركات مصنوعه من مواد رخيصه ماتعرف شي اسمه جوده ابداا (بسرعه تبوش يعني تصرف زيت ) مع انها على الخطوط مرتاحه ولا تصرف بنزين كثير لان ال RPM يكون منخفظ مقارنه بالياباني من خلال تجربتي على التويوتا و النيسان اعترف ان ال RPM يعتبر عالي خصوصا الاربعه سلندر لاكن على العكس اشوف ان العمليه محسوبه بدقه متناهيه RPM عالي= مواد عاليه الجوده تتحمل بشكل عجيب و صرفيه بنزين معقوله .

هذي تجربه صارت في رمضان تحديدا يوم 16 رمضان الماضي
راجع من الرياض بسيارتي (بريميرا 2001) امشي 200 و RPM على 6000 و خويي معاه كابرس 93 راجع معاي و يمشي وراي على نفس السرعه وصلنا الدمام سيارتي باقي فيها الربع و سيارته فاضيه على الاخر .
و قبل هذي التجربه كانت عندي بلوبيرد96 طول عمري اسافر فيها و انا امشي فوق 180 و بعتها و هي ماشيه 291 الف كيلو ولا ينقص منها قطره زيت .
البيوك رود ماستر 92 ماشي 190 الف و يفلت من كثر الصرفيه .

نوصل الى الخلاصه مهما صنعوا الامرريكان من محركات عمرهم مايوصلون الى جوده الياباني و كلامي كله من واقع تجربه .
بالعربي الامريكان من جمبها من ناحيه الجوده .

رأئي شخصي بحت .

[RED Chevy]

السلام عليكم ورحمة الله وبركاته
أخوي إنفنتي إنت حصرت تجربتك في الياباني على النيسان بس، وعن جوده المواد أقولك كان عندنا كابرس88 كل إسبوع من البحرين لي كويت روحه ورده لمده 6 شهور( لأن صديق أخوي كانت عنده دوره هناك، وخلى موتره عند أخوي) والمكينه اللي صادها بس تبديل بساتن لأن تكسروا، لكن في نفس الوقت عندنا أكورد 97 ماشاء الله ماشيه؟؟؟؟؟؟ ولكن متعبتنا في شغلتين، الرديتر فيها زفت، الآيل بسرعه يخلص، يعني لازم كل يوم تفحصها قبل ماتمشيها، والكامري أخوي سافر فيها الإمارات ورج المكينه ماتم صوت ماطلع منها، هل ذي جوده الياباني، في الجوده أفضل شي الألماااااااااااااااااااااااااااني.

[ابو كثير]

وش تقولون

و الله ما ني فاهم ولا شي :confused:

[M5]

الأرهابي

كلام جميل جداً ..
====================================
قابليه المحرك لدورانه دورات عاليه يحكمها اول شي نسبه طول العمود الى طول الستروك

ٌRod lenght
------------------ = ??????
Stroke
====================================
انت تقصد بالعمود أو الـ rod lenght اللي هي مسحاة الدوران اللي يدور فيها الكرنك ؟

يعني هل ((( قطر دوران الكرنك = rod lenght ))) ؟

يعني لازم يكون قطر دوران الكرنك صغير عشان يطول الـ Stroke .. صح ؟؟


طيب بالنسبة للذراع حق البستم ( ذراع التوصيل ) هل يزيد طوله أو يقل عند زيادة الستروك ؟؟
والا ماله أي دخل في الموضوع ؟؟!!



سؤال أخير :
واحد يدّعي انه فاهم في الأمريكي قالي اذا حصلت محرك 454 حق الجموس من موديل 87 إلى موديل 95 اللي جات بخاخ من نوع TPS .. وبعدين أركبلها كاربوريتر
فهو أفضل من الموديلات اللي كانت تجي كربريتر في الثمانينات

السبب يقول ان هناك اختلاف في راس المحرك ومداخل الهواء .. يعني الـ porting حقها أفضل من موديل الثمانينات


هل الكلام هذا صحيح ؟؟ :help: :help:




كل الشكر :glasses:

[M5]

رد مقتبس من A7medo
انزين أخوي لو فرضاً أحنا ما قمنا بتقليل الأنضغاط هل راح يعمل التيربو

على حسب ..

اذا كان المحرك أصلاً ضغطه منخفض ( بالكثير 9 ) ممكن تركبله توربو صغيرون T20 أو T25 .. مع بوست كنترولر .. يمشي الحال

لكن اذا كان التوربو كبير نوعاً .. مثل الـ TO4 أو TDO6
أو أنواع محترمة مثل T88 :D

هنا لازم طبعاً تغير بساتم وعمود وأذرعه وقازقيت كمان

بعض المحركات يكون ضغطها عالي وصعب تركب توربو حتى لو صغير
مثل محركات الـ H22a والـ B16a والـ B18c الجيل الأخير .. والـ F20B ( أكورد اليابان ) .. هذي كلها ضغطها بالقليل 11 :shock2:

ومعليش على اللقافه :D



تحياتي ،،

[Third Eye]

كيف أعرف الضغط حق المكينة ؟:confused:

[الارهابي]

السلام عليكم

http://www.junauto.co.jp/products/cylinderblock-part/connecting-rod/connecting-rod.jpg
ذراع البستم او ذراع التوصيل هو الconnecting rod و طوله هو الـ rod length


الstrok هي المسافه بين اعلى نقطه يصلها البستم الى ادنى نقطه يعني من TDC الى BDC

الستروك لمحركات الشفر المشهوره
305 القديم = 3.48 انش
350 القديم = 3.48 انش
400 واقف = 3.75 انش
454 = 4 انش
الجيل الثاني من ال350 اللي هو LT-1 الستروك حقه 3.48 انش
الجيل الثالث اللي هو LS-1 بسعه 5.7 لتر = 3.622 انش

طبعا كل ما كبر الستروك يكبر الكرنك و احيانا يحتاج يعمل للبلوك شويه خرط و clearancing عشان يدور في المكينه بشكل آمن

و كل ما كبر الستروك بيكبر قطر دوران الكرنك


بالنسبه لطول ذراع التوصيل و علاقته بزياده الستروك

مثل ما قلت قبل كل ما يكون الذراع اطول يكون افضل للمحرك
طبعا عند عمل ستروكر تطلب بساتم خاصه بالستروكر الcompression height حقها اقل من البساتم العاديه
لانك لو ركبت البساتم العاديه راح تضرب في الراس

مع هذا
احيانا لازم تغير طول العواميد ( يعني تجيب عواميد اقصر ) مثل حاله الستروكر من 454 - 496 لان الdeck height بيكون اقصر منهم و لما تركب المكينه بتلاقي البستم طالع برا :D




---------------------------------
سؤال أخير :
واحد يدّعي انه فاهم في الأمريكي قالي اذا حصلت محرك 454 حق الجموس من موديل 87 إلى موديل 95 اللي جات بخاخ من نوع TPS .. وبعدين أركبلها كاربوريتر
فهو أفضل من الموديلات اللي كانت تجي كربريتر في الثمانينات

السبب يقول ان هناك اختلاف في راس المحرك ومداخل الهواء .. يعني الـ porting حقها أفضل من موديل الثمانينات


هل الكلام هذا صحيح ؟؟
--------------------------------
روس الbig block 3 انواع
في نوع فتحات الintake فيه مستطيله rectangle ports



و في نوع فتحاته بيضاويه oval ports

شوف الفرق بين الoval و gasket ال rectangle

http://www.chevyhiperformance.com/chevyhighperformance/techarticles/p173016_image_large.jpg


http://www.chevyhiperformance.com/chevyhighperformance/techarticles/148_0308_port_new_lead_z.jpg

شوف الفرق بين ports اللي على اليمين و اللي على اليسار



و في نوع فتحاته بيضاويه صغيره و يسموه peanut ports




اللي يجي على الكربريتر غالبا ما يكون peanut port
و هذا هو اسوأ راس :D
الflow حقه تعبان مره مره حتى لو عملت له port & polish و ركبت له بلوف كبيره ما يسوى عليك


المديلات اللي جا عليها البخاخ TPI روسها Oval ports افضل من القديمه لكن اعتقد مو من 87 اعتقد من 90 و فوق


كلامه صحيح
لكن لازم يستخدم ثلاجه oval port مع gasket حق oval port و الا ما بيستفيد شي
لكن بالنسبه لمحرك ستوك ما راح تفرق معك كثير


عشان تفرق بين الoval و الpeanut ما تقدر تفرق بينهم الا اذا شفتهم من قبل او اذا اثنينهم قدامك و تقارن بينهم

اسهل طريقه عشان تعرف وش الراس و وش تاريخه و وش اصله و فصله

خذ الcasting number اللي بيكون واضح لما تفتح غطا البلوف
و اعمل عليه بحث في الياهو مثلا و راح يطلع لك عده مواقع فيها معلومات عن الروس

لكن احيانا بعض الروس مو مشهوره ( خصوصا الpeanut ) و يمكن ما تحصل عنها اي معلومات

[الارهابي]

رد مقتبس من NFS
الأرهابي

هذي النقطة إللي أريدها ، المحرك صغير ، من فين حتجيب عزم؟؟


طبعاً هذي المشكلة تم حلها بأستخدام مكونات خفيفة في تصنيع المحرك وأيضاً المحاولة قدر الأمكان في تخفيف وزن السيارة...


A7medo

أنا بتلقف وبرد على السؤال....

يمكن تقليل نسبة الأنضغاط (مع المحافظة على سعة المحرك الأصلية) بتركيب بساتم يكون رأسها بدون Dome أو قبة ،

علشان توضح الفكرة ، خذ علبة بيبسي ، بتلاحظ أن قاعدة العلبة صاير مثل القبة (لكن معكوس للداخل) ، فبساتم الضغط العالي صاير بنفس الأسلوب فيها قبة (طبعاً للخارج) لكن أرتفاعها وشكلها مختلف شوي ،،،

فلذلك إللي بيعدل مكينة سيارته ويغير البساتم عنده أحد خيارين:

(1)- إذا كان بيركب توربو ، فأنه يختار بساتم سطحها مستوي أو بأرتفاع قليل وبهذه الطريقة تقل نسبة الأنضغاط.

(2)- إما إذا كان سيعتمد على خيار الـNA أو التنفس الطبيعي (بدون توربو أو سوبرتشارجر) بتلاقي الـDome أكبر من البساتم الأصلية علشان يرفع نسبة الأنضغاط.

ملاحظة : السبب الأساسي لتغيير البساتم ليس تغيير نسبة الأنضغاط وأنما تركيب بساتم أقوى وتتحمل جهد أكبر كالـForged Pistons ،،،

يعني لا تستغرب إذا واحد ركب بساتم أقوى وبنفس نسبة الأنضغاط ...

زياده الCR عن طريق تركيب بساتم دوم شيء مو جيد

افضل منه انك تزيد الCR بتصغير غرفه الاحتراق

السبب

ان الدوم يعتبر عائق لخروج الهوا من السلندر ( و لو بنسبه طفيفه )
افضل تصميم للبساتم هو الـ D cup
تكون في البستم dish على شكل D

[S8]

ماشاء الله عليكم
الارهابي و NFS
ماخليتوني اسال اي سؤال

خلاص خذوا راحتكم;)

[A7medo]

رد مقتبس من Third Eye
كيف أعرف الضغط حق المكينة ؟:confused:

أحسب

swept volume+clearance volume
CR= -----------------------------------------------------------------------
clearance volume

[Third Eye]

رد مقتبس من A7medo
أحسب

swept volume+clearance volume
CR= -----------------------------------------------------------------------
clearance volume


معليش اخوي ياليت لو توضح بالعربي

لأنو ثقافتي ياباني:D

[الارهابي]

حجم الهوا و البستم في ادنى نقطه له
----------------------------------------------- = نسبه الانضغاط
حجم الهوا و البستم في اعلى نقطه له



اذا تبغى اجيب لك المعادله اجيبها بس طويله :D

في برامج و مواقع تحسبه لك مباشره



طبعا هذا يسموه static compression ratio
و صراحه ما يعطيك فكره صحيحه عن نسبه انضغاط المكينه


النسبه الفعليه يسموها dynamic compression ratio
و حساباتها معقده جدا جدا
ما تنحسب الا ببرامج ولازم تحط معلومات دقيقه عن المحرك المطلوب و بالخصوص مواصفات الكام

[Third Eye]

رد مقتبس من الارهابي
حجم الهوا و البستم في ادنى نقطه له
----------------------------------------------- = نسبه الانضغاط
حجم الهوا و البستم في اعلى نقطه له



اذا تبغى اجيب لك المعادله اجيبها بس طويله :D

في برامج و مواقع تحسبه لك مباشره



طبعا هذا يسموه static compression ratio
و صراحه ما يعطيك فكره صحيحه عن نسبه انضغاط المكينه


النسبه الفعليه يسموها dynamic compression ratio
و حساباتها معقده جدا جدا
ما تنحسب الا ببرامج ولازم تحط معلومات دقيقه عن المحرك المطلوب و بالخصوص مواصفات الكام

ياسااااااااااااااتر:Sad2:

طيب ممكن تعطيني موقع يعني يعطيك كم الظغط بصورة تقريبية..؟

وتحيااتي

[الارهابي]

عشان يعطيك نسبه الانضغاط


لازم تعطيه معلومات كثيره

جرب وشوف


http://www.angelfire.com/fl/procrastination/motor.html


http://www.bgsoflex.com/cr.html


http://www.smokemup.com/auto_math/compression_ratio.php



هذا كله static compression ratio

[Third Eye]

رد مقتبس من الارهابي
عشان يعطيك نسبه الانضغاط


لازم تعطيه معلومات كثيره

جرب وشوف


http://www.angelfire.com/fl/procrastination/motor.html


http://www.bgsoflex.com/cr.html


http://www.smokemup.com/auto_math/compression_ratio.php



هذا كله static compression ratio

ما تقصر يالإرهابي

لكن المربعات كثييرة..وش اكتب فيها:confused: :D

[الغامدي عبدالله]

كان بودنا يكون هناك من له في الالماني خبره وتجربه:Sad2: :help: :Sad2: