دورات الخليج وغياب الجانب .............

[أسير الليل]

السلام عليكم
هذه أول مشاركة بالقسم الرياااااااااااضي من عرفت سوالف :)
طبعا مو لاني مو رياضي .. بس خف ذاك الحماس ..
لغياب او تدني المستوى الفني !!

لي رأي ويمكن يختلف معاي الكثير أو العكس ..
من خلال متابعة بعض الدوراة الخليجيه .. نجد أنها تفتقر للكثير والمهم ..

نقرء بالخط العريض عناوين تتكرر في كل بطوله .. وجودنا هو التنافس الشريف .. والاخر للمشاركة وليس التطلع للكأس !! :)

لا ينكر كل جمهور كانت البطوله على أرضه تلك الأحداث المؤسفه
وهي بكل أسف .. تعتبر مشاهد متكرره !!

عفوا للأخوه الكويتين الكلااااااااااام عام :)

نرجع لمحور الموضوع .. ونبحث عن الوسائل التي تحقق الهدف
المزعوم لكل بطوله !! وهو التنافس الشريف !!

كيف نسعى ونتطلع لذلك ( والمؤساسات الرياضيه ) تتجاهل
موضوع ((((((( التربيه ))))))) وهو محور حديثي :)

ونحن نقرء أو نسمع عن ذلك الشحن النفسي للعليبه !!
يعني هالشئ وش بيحقق غير ( الحقد ) ( والكراهيه ) !!

ونحن نشاهد ( القصات ) وعلى عينك ياتاجر ;)
لهدرجه نتجاهل بأن السبب الرئيسي بدون مبالغه لإنتشار اي تصرف خاطئ من قصات أو رقصات هم ( الشباب ) ..
ومن هم الشباب هم واجهة الوطن .. اذا واجهة الوطن متغرب ;)

وين التربيه من خلال ثقافة اللاعب وادراكه لمعني ( الوعي )
المفقوده في تصرفات وسلوكيات البعض !!
قمة الجهل إعتراض اللاعب على قرار الحكم !!
قمة العجز ان يستخدم اللاعب الخشونه على الملاء !!
وين راحت الخبره !!
وين راحت سنين حافله بالركض المحلي والدولي !!
وين راحت إعادة المباريات المختلفه والاستفاده لتجنب الاخطاء !!

معسكرات شهور وشهور .. وفد كبير طويل عريض ..
والمأسأة تتكرر ولا جديد في سلوك اللاعب !!

اداري .. فني .. أخصائي نفسي .. وعلى ايه :mad:
كلهم عااااااادي .. أهم شئ الأخصائي المالي ;)

ياشباب صدقوني دورات الخليج باعتبارنا هي المهمة لنا
أهم شئ فيها التركيز على الجانب ( التربوي الشامل )

شبعنا حزازيات !! طفشنا منها !! أصبحت متلازمه لكل بطوله !!
أسألوا اللعيبه الأولين .. عن بعض التصرفات !! المضايقات !!

جيل .. ورى جيل
والوضع مكاااانك سر !! وسجل يا تاريخ !!

والمعذره على الإطاله

[عاشق الريال]

وعليكم السلام وصباح الخيرات أخ : أسير الليل ،،،

و أهلا و سهلا بك معنا :)

أحس بكثير من الصراحة و الواقعية في موضوعك :)

الجميع يتفق ان المباراة حدها 90 دقيقة ثم كل شيء ينتهي

البعض طالب بإلغاء دورات الخليج ولكن من وجهة نظري الخاصة

دورات الخليج (( في السابق )) ساهمت في الكثير من التطور

الايجابي للكرة الخليجية من مدربين ولاعبين وحكام واداريين ومعلقين

ومحللين و غير ذلك الكثير ،،،

أنا معك في ان هناك بعض المباريات اللي تكون فيها الاعصاب مشدودة

حبتين أو ثلاثة ولكن تظل الروح الرياضية موجودة ،،،

ولي عودة مع الموضوع لاحقا :)

[200 L]

كلامكم عدل ياشباب وفي صميم المنطق

[الحبيب]

موضوع جميل يلمس واقع مؤلم نوعا ما ولكن ماباليد حيلة مادام قادة الرياضة لايتحركون لإصلاح هذا الخلل.
شكرا لك

[أسير الليل]

أسف جدا جدا جدا على التأخير
الظاهر متابعة البطوله نستني الموضوع ;)

هلا وغلا مشرفنا عاشق
وانا اخوك فهمتني لانه في شغلات تسير خلف الكواليس
وعاشت الابتسامه الصفراء .. كلها للكاميرا :)

أنا أتفق معك بعض الشئ ان هالبطوله حققت عامل الخبره
لكن بنسب متفاوته طبعا حسب امكانيات الفرق المشاركه
لان المتابع لسجل البطوله يجد الفرق الشاسع بين الفرق

وبنفس الوقت تحققت الفائدة لان البطوله تمثل مجموعات
مدربين أي مدارس كرويه مختلفه .
وكذلك الاستفاده كما ذكرت من المعلقين .. وما تعنيه الاحصائيات
والمعلومات للفريق .. والاهم طريقة التعليق وشد انتباه المتابع
حتى يكون بجو المبارة .. وهنا ما ننسى الاستاذ خالد الحربان
كنموذج .

وهنا أجي لزبدة المباريات او الموضوع
صدقني وانا اخوك .. الشد والاحتكاك بيكون في 90 دقيقه
لكن يتجدد هالاحتكاك مع كل بطوله !!
ويتكرر نفس السيناريو !!

يمكن البعض يقول هالشئ طبيعي حتى على المستوى المحلي
لكن نقول في فرق بين الاحتكاك وبين الخشونه ;)

لو بنخلي الدنيا عايمه .. وان شد الاعصاب امر طبيعي
تترسخ هالفكره على طول .. ومن جيل لجيل !! ويا عين لا تبكي :cry:
للاسف يمكن نظرة بعض اللعيبه او الفرق مثلت دوليا وهالشئ يعتبر عامل خبره .. وهنا بيكون اللاعب نضج وتغيرت نظرته واهتم بتطوير
مستواه ..
لكن لما تجي لمثل هالبطولاااات (( لا )) يرجع للنظريه القديمه ;)

على كلا حبيب قلبي
البطوله أنتهت .. وطارت الطيور بأرزاقها .. :)
ومن شايفك ياللي في الظلام تغمز ;)

تسلم أخوي على الترحيب .. وعوده لكم في خليجي 17 :)

[أسير الليل]

أسف جدا جدا على الرد المتأخر
أخوكم يمكن أنشغل في استقبال الاخضر :)


أخوي L200

تسلم حبيب قلبي على متابعتك الواعية وتفهمك للوضع :)
وعلى قولهم ( الشمس ما يحجبها غربال ) ;)


حيالله الحبيب ( عاشق الأخضر ) انا سميتك كذا من يوم شفت
أصرارك على فوز الاخضر بالبطوله .. لك نظره فنيه :)
هنا السبب كله يتفرج !! وتروح الملايين .. والاهم كاس الذهب
اما الشغلات اللي تكلمنا عنها .. أنسى ..
واللي ما أشترى اليوم !! بكره يتفرج !! ;)

تسلمون على المشاركه وكلكم ذوووووق :)