سؤال لخبراء لومينا SS .. تقويم السياره بالغيار الأول (القير)

[L u m SS i n a]

السلام عليكم ..

عندي سؤال بخصوص القير حق لومينا اس اس (جميع الموديلات) ..

انا سيارتي 2001 ..

انا الحمد لله ما قد احد قام علي .. ودائماً في القومات القير حقي يكون في الـD ..

لكن واحد من الشباب قال جرّب تحطه بالاول في القومه .. وقال ان النتيجه بتكون دبل ! يعني بدال ما اعدي السياره اللي جمبي بعمودين بتصير اربعه !


انا راجعت الكتالوج حق السياره .. مكتوب ان القير اذا انحط على الاول .. السياره اوتوماتيكياً بتنقل للثاني بعد ما توصل سرعة دوران المحرك ال 5400 دوره في الدقيقه ..

والشباب يقولون اذا القير نقل للثاني .. انا لازم انقل العصا للثاني .. بعدين بيكون لازم انقل العصا للثالث عشان التغيير ..

والشباب أكّدوا لي ان الشي هذا ما يخرب القير ؟

لان بعضهم سيارته لومينا اس اس 2000 والى الان ما واجهوا اي مشاكل كهرباء او ميكانيكا .. مع انهم يسوون الحركه هذي بالقير ..

وش رايكم ؟ :)

انا اطرح السيارات الثانيه بالـD ..

عشان كذا ودي اجرب بالاول لان الفرق بيكون كبير في القومه ..

واحد من الشباب قام على مرسيدس E-55 AMG بالطريقه هذي وبفارق كبير !

وقام على كامارو قومه وخط ..


يا ليت اللي عنده خبره في الموضوع يأكد لي زياده لان ما ودي اخرب القير حقي .. سيارتي ماشيه اكثر من 80 ألف بدون مشاكل في القير ..

واخاف الشي هذا يخربه ..

وشكراً :)




http://www.tahmeel.com/ta7meel.php?ta7meel=10736427093425

[LUMINASS2003]

هلا اخوي L u m SS i n a

انا عندي لومينا اس اس 2003 و صحيح في فرق لما تنزل الجير لان في لومينا 2003 طافتني هو منزل الجير و انا مو منزل بعد فترة تعلمت على تنزيل الجير و قمت و ياه و طلعت عليه.
و جربت مع مرسيدس E320 AMG و طلع عليي من الصفر لان اللومينا تحرق كفرات من الصفر و قمت و ياه من الاربعين و طلعت عليه ووصلنا الى سرعة230كلم وانا قدامه.
الجير اذا نزلته ياثر على السيارة اكيد و حتى القومات تخرب السيارة.
عموما الجير اذا نزلته اول في السيارة بتبدل اللومينا ثاني بنفسها لكن عصا الجير ما بتتحرك انت اول ما تشوفها بدلت ارفع العصا ثاني و اذا وصل عندك الضغط 6 الا ربع عطها ثالث لازم تتمرن عليها عشان ما يضرب عندك السيفتي و اذا كانت القومة خط نفس الشي في 6الا ربع ارفع عصا الجير الى D بس النمرة الرابعة تاكد منها انت لاني قليل اقوم قومات مسافات طويلة طبعا في القومة خلي سيارتك باردة و لا تشغل مكيف :D حتى الكشافات طفيهم صحيح ما امزح:D و اهم شي حتى اذا نزلت الجير استخدم الباور و افصل التراكشن .
طريقة خطيرة الى القومة باللومينا و مجربة::glasses2:
تقدر ترفع سفتي باللومينا في القومة ادعس على البريك بقوة و اضغط ريس خفيف لين ما يوصل عندك الضغط واحد و نصف او اثنين يعتمد على كفراتك اول ما تشوف السيارة فحطت خف رجلك عن الريس يعني بس خلي الريس مرتفع و انت منزل الجير طبعا و مرة وحدة شيل رجلك من البريك و ادعس الريس بس لازم تتمرن عليها عدل :cry: انا الى الحين مو عارف اجيبها عدل كلا تفحط السيارة من الصفر

مع تحياتي
اخوك حمودي راعي الاس اس 2003:glasses2:

[L u m SS i n a]

مشكوووووووور :)

انت تقول ان تنزيل القير يأثر على السياره ؟

الشباب بعضهم معه 2000 ماشيه فوق الـ 140 ألف وعادي ما صارت له مشكله ..

يعني هل فيه خلل معين بيطلع لي بعدين ؟


انا بتوكل على الله واجرّب :)

[LUMINASS2003]

انا الى الحين ما شفت لومينا تاثرت و اعرف واحد عنده2000فاتح الكمبيوتر و يكسر كماروات بها و موستنجات و ماشية معاه مثل الحلاوة انا الي قصدته ان شي طبيعي اي سيارة بتقاوم فيها و تنزيل جير بتتاثر السيارة لكن انت نزل الجير في القومات بس و على سيارات تستاهل مثلا تبي تقوم مع ماكس :D خله يوقف قدامك و لا يحتاج تنزل الجير

اهم شي حافظ على سيارتك :black:

[RED Chevy]

السلام عليكم ورحمة الله وبركاته

أخوي ماقلت لنا إنت إطق البور أو لا، لأن البور يعطيك نسم أكثر في التباديل
:help:

[king_prelude]

E320 AMG

متى نزل هذا الموديل ؟؟؟ :confused:

[RED Chevy]

السلام عليكم ورحمة الله وبركاته
أخوي كنج بريليود المرسيدس تنزل موديلات AMG بس شكل بدون أي تغيير في المكينه، يعني ينزل رنجات وسبويلرات والدزاين من داخل بس المكينه نفس الشي.

[LUMINASS2003]

رد مقتبس من RED Chevy
السلام عليكم ورحمة الله وبركاته

أخوي ماقلت لنا إنت إطق البور أو لا، لأن البور يعطيك نسم أكثر في التباديل
:help:

ايه لازم تدق باور
:cool:

[king_prelude]

رد مقتبس من RED Chevy
السلام عليكم ورحمة الله وبركاته
أخوي كنج بريليود المرسيدس تنزل موديلات AMG بس شكل بدون أي تغيير في المكينه، يعني ينزل رنجات وسبويلرات والدزاين من داخل بس المكينه نفس الشي.


يعني الشكل بس AMG والمكينة 6 سلندر 3.2 يعني المكينة مو AMG حجمه 5.5 لتر 8 سلندر يعني إلا جرب معها 6 سلندر :(

[RED Chevy]

صح

[WRX]

السلام عليكم ورحمة الله وبركاته

اخوي انا اخوي (شقيقي مش انت!) عنده سوباروا موديل 2002 واكبر غلط غلطه في حياته انه اخذها قيل اوتو فا هوة من اول ايام طلع السوباروا وهوة ما يطلع قومات قوية (بالنسبة له) إلا بالنمر والحمد لله السيارات الي كانت تتعبه شوي صار يعطيها عمود ومنهم سيارات واحد من اخويها لومنا ال تي زد والحمد لله السياره ماشية زي الفل مع الأخذ بعين الأعتبار (حلوة هذي) انوا قيل الياباني الأوتو ضعيف بالنسبة للأمريكي...

[الارهابي]

لو تحطه في الاول و يتعدى الحد المحدد له العصا نفسها المفروض تنتقل الى الثاني و هذا الشي في قيرات الفورد و الجي ام الاوتو

لكن مع التكرار الشي اللي يعمل هالحركه يخترب و بعدين لازم تنقل عصا القير يدوي :D



اللومينا اس اس كم تجيب في الاول :confused:

[L u m SS i n a]

سلام عليكم

الارهابي :)

السياره كم تجيب في الاول؟

لوول السؤال هذا مليون واحد سألني اياه ..

وكل ما رحت اجرب السياره ألهى في شي ثاني !!


خلاص اليوم في المقاومات بحط عيوني على عداد السرعه وبشوف كم تجيب في الاول :)

[الارهابي]

خلي القير في الاول و راقب العداد لحد الrev limiterشوف يوصل كم :D

[mustang cobra]

بسم الله الرحمن الرحيم

قريبي كان يسويها في الكمارو حقته ويوم جا يبيع سيارته الشراي فحص القير وحصل السننان مال القير رايحه فيها من الحركه هذي:(

[أبوالزين]

زينه الحركه بس يبيلك عاد دقة في تبديل العصا