سوالف للجميع - أخر اخبار قومات القطيف (تفاصيل قومة السوبرا مع لسكايلان)

Qatif_Altima_Hks

12-01-2004, 03:56 PM

السلام عليكم

تم تـأجيل قومة السوبرا مع لسكايلان الي كانت بتصير يوم الجمعه الي راح
بسبب سوء الاحوال الجويه:D

تأجلت القومة الى يوم الخميس لليلة الجمعه الموافق24-11-1424

التي بتكون بين الطرفين:

الطرف الاول
GTR-33-SKYLINE محركات RB26 TWIN TT

الطرف الثاني
TOYOTA-SUPRA محركات سوبرا 1GZ تيربو

علماً ستكون القومة في مخطط المحدود

نتمنى لكم مشاهده طيبه:D

infiniti

12-01-2004, 04:11 PM

مشكور على الخبر

ان شاء الله تصير القومه بدون عوائق جويه :D

king_prelude

12-01-2004, 05:11 PM

أشكرك أخوي على الأخبار

والموقع جيد :D لأنه قريب للبيت

والله يخلي الغاز :( أكيد يوم الخميس المخطط بكون زحمة بس ممكن تحدد لينا الزمن ( الساعة )

وأنا أتوقع إن السوبرا بتخون ماجد هالمرة :cool:

Qatif_Altima_Hks

12-01-2004, 06:04 PM

رد مقتبس من king_prelude
أشكرك أخوي على الأخبار

والموقع جيد :D لأنه قريب للبيت

والله يخلي الغاز :( أكيد يوم الخميس المخطط بكون زحمة بس ممكن تحدد لينا الزمن ( الساعة )

وأنا أتوقع إن السوبرا بتخون ماجد هالمرة :cool:

والله اخوي ماحددو بس اجيب الك الاخبار

بس سالفة الغاز دي اكيييييده:D

انا مستغرب من شي كيف ماجد واثق من روحه هل الكثر:D

اتوقع مو واثق الا من الغاز:banana:

SKYLINE GTR

12-01-2004, 07:27 PM

فرصة ان راعي السوبرا ينسحب :D

Supra_Rider

12-01-2004, 07:45 PM

الله يعين راعي السوبرا

:rolleyes:

WRX

13-01-2004, 03:29 AM

السلام عليكم ورحمة الله وبركاته

الله يعني شركة تايوتا كلها دامها قومة!!!

LS1 killer

13-01-2004, 05:43 AM

مشكور عيوني وماقصرت على هالخبر وانا قلت أكيد بتتأجل بس اذا اكيد يوم الخميس في المحدود اعرف بأني موجود 100% وباصورها بعد لووووول لأنها قومة كبار وتحدي :glasses2:

200 L

13-01-2004, 06:06 AM

انشالله حاضرينها حاضرينها هذي القومه
وانا اتوقع انه السكايلان راح ينتف السوبرا نتف وبمسافه طويله انشالله بعد,طبعا هذا النيسان فما بالك اذا كان سكايلان
GTR-33-SKYLINE محركات RB26 TWIN TT
بس ياليت لو تفيدنا ياخوي متى وقت القومه بالتحديد لاني بجي من الدمام على شانها واحتمال اجيب كاميرا معي وصورها
لانها الصراحة قومة كبار للكبار فقط ولا وجود للصغار هنا
وبالتوفيق لسكايلان في ذه القومه.

وتقبلوا خالص تحياتي
:banana:

King 4x4

13-01-2004, 02:21 PM

أنا حاضر انشاء الله :corsair:

بس متى الوقت ؟؟

E_TYPE

13-01-2004, 02:43 PM

انشاءالله اجي بس انتو حددو الوقت وانشاءلله يكون بدون عوائق من الدوريات .

Dentist

13-01-2004, 05:25 PM

واااااااو :eek:

أتمنى اقدر أحضرها :(

jawad442

14-01-2004, 04:58 AM

انا انصح السوبرا لا يطلع مع لسكايلاين لانه خطير انا ماستهسل بسوبراا السوبره قووووووووووووووووووويه بس مو تحت النيسااان

LUMINASS2003

14-01-2004, 10:30 AM

اكيد السكايلان الي بيطوف :glasses:

بس ما ندري حنا يمكن السوبرا مزود عدل :confused:

اكيد راعي السوبرا يعرف عزم السكايلان و لو انه متاكد انه بيطوفه ما اتوقع بيقوم وياه
على العموم حنا بنروح و بنشوف القومة بس تاكدوا لينا متى الوقت:help:

الأكورد العنيد

14-01-2004, 01:47 PM

ننتظر نعرف موعد القومة :glasses2:

King 4x4

14-01-2004, 10:05 PM

يوم الأربعاء

الساعه الخامسه و احدى وخمسين دقيقه صباحا

لم تصدر أي معلومات عن القومه المترقبه.

السبب لسوء الأجواء الجويه اللتي تأدي الى عدم جوده كفرات (سلكات) السوبرا لأنها سياره دفع خلفي و لا تستاهل تقاوم السكايلاين لأن 100% مطر أو بدون مطر الفزه و بدايه القومه للسكايلاين :D

و نرجع الميكرفون لأخونا QATIF_ALTIMA_HKS اللي شلحناه منه و هو ما يدري المسكين :laugh:

oil_HKS_lio

15-01-2004, 05:26 AM

متى وقت القومه واي يوم لن الدنيا مطر Xمطر
نبغا نصوووووووور:rolleyes:

Qatif_Altima_Hks

15-01-2004, 10:26 PM

اختلف العلماء على القومه
اتوقع خلاص:cry:

king_prelude

16-01-2004, 12:09 PM

ويش أحييييييين نروح المخطط وله ؟؟؟؟

ترى مجهزين الكاميرات والشباب متحمسين :D والمخطط خالي من المياه ( المطر )

وإذا في شيء قول لينا السالفة :cool:

King 4x4

17-01-2004, 06:49 AM

صارت القومه شباب بس مو اللي تتوقعون. :headshak:

صارت بين موستنج الهر(.) و السكايلاين و طلع الموستنج :o

و حرام ما كان عندي كاميرا.

الارهابي

17-01-2004, 07:03 AM

خخخخخخخخخخخخخخخخخخخخخخخخ

عاد موستنق :D

DOHC VTEC

17-01-2004, 07:42 AM

السكيلان الي داس معى الهرش مو نفسه الي بدوس معى السوبرا

Dreams_Maker

17-01-2004, 08:15 AM

خيرها في غيرها ياشباب..

وهارد لكم..:D

:banana:

Qatif_Altima_Hks

17-01-2004, 08:57 AM

السلام عليكم

عن القومه الي صارت البارحه الهرش مع سكايلان اخو محمد صالح

الصراحه اشهد الى لساكيلان فزته ماهي طبيعيه وهي RB20 تيربو فور ويل
بس وشو الي خلى الهرش يتقدم لان لسكاي ماعشق ثالث مازبط معاه

وراح الى الهرش قاله عيدها مرضى يدل عن انه خايف:black:

بس والله عيب عليه هذ 20 تيربو وشو وشو سوت اجل لويجرب مع

ال26:D تسويه رابطه:banana:

King 4x4

17-01-2004, 10:53 AM

أنا شفت السكايلاين سوداء RB32

استغربت قلت مو ذي

واللي رفع ضغطي الهرش قاعد يدوس بنزين زي المجنون بعد القومه.

والله اني متأكد ان صار شيء في السكايلاين. :corsair:

Qatif_Altima_Hks

17-01-2004, 02:28 PM

رد مقتبس من King 4x4
أنا شفت السكايلاين سوداء RB32

استغربت قلت مو ذي

واللي رفع ضغطي الهرش قاعد يدوس بنزين زي المجنون بعد القومه.

والله اني متأكد ان صار شيء في السكايلاين. :corsair:

هو يفكر موتره طياره اصبر اهل القطيف وسيهات لازم يطلعون حرتهم فيه

على كلامه الي قاله(سنين وانا اتمرن على اهل القطيف وسيهات)

بس والله لو عشق الجي تي ماشاف:D

zx300

17-01-2004, 06:45 PM

رد مقتبس من King 4x4
أنا شفت السكايلاين سوداء RB32

corsair:

اخوي في RB32 ؟؟؟؟؟

انا خبري اقوى شي RB26

بس شباب متى صارت القومه ؟؟؟؟

King 4x4

17-01-2004, 08:39 PM

غلط مطبعي :D

أنا أقصد نوعيه 32

مب المكينه :o

المكينه RB20

King_SS

18-01-2004, 04:15 AM

يا شباب السكايلاين بنت سمعتها بسبب تعليقها ونظام الدفع الرباعي فيها
وهذا هو السبب اللي بيخليها تتوفق على سيارات حتى اقوى منها بكثير لانها بتستغل منظومة الدفع الرباعي وبيجعلها ملكة ال 400 متر او ال 800 متر

بس لو تجي في الواقع ... مقتل السيارة ذات الدفع الرباعي في السحبة على سرعة عالية

يعني مثلا لو سحبة على سرعة 80 كيلو بتكون في صالح السوبرا تماما والى اخر الخط .. هذا اذا السيارتين مزودة صح

لاحظ انو مكينة السكايلاين 2600 سي سي و تقريبا 280 حصان ستوك
والسوبرا ايضا 280 حصان تقريبا بس على 3000 سي سي

يعني لو اخذت السيارتين من الوكالة السوبرا راح تطوف بسبب قوة العزم عندها اكبر من السكايلاين

فهي المسالة تعتمد على الشخصين

لو كانت قومة ارض .. لازم يخلو المسافة اقل شي 1200 الى 1500 متر عشان يعطو فرصة للسوبرا انها تشم نفسها في الخط
لان لو قومة ارض ومسافة 400 الى 800 متر .. كدة فيه ظلم للسوبرا

ولو كانت سحبة لازم تقصر المسافة الى 800 متر عشان ما نظلم السكايلاين

تحياتي

MAXIMA 020

18-01-2004, 04:45 AM

بس يا king ss السكاي لاين معروفه على مستوى السيارات اليابانيه بقوتها حتى على السرعات العاليه حتى شوف اكثر المجلات الرياضيه دائما ما تطلع صورة السكاي واتوقع انها افضل من السوبرا في القومه والخط والتجربه تحكم

مقطع فيديوا طويل شوي يوضح لك كم جابت السكاي لاين في الخط
(342 كلم):
http://auto.joins.com/upboard/pds/pdst/blitz-a.asf

المقطع مدته 11 دقيقه ومساحته 40 ميقا

الظاهر انه مقطع من برنامج رياضي في اليابان:D

King_SS

18-01-2004, 05:12 AM

ايوة صحيح على عيني وراسي قوة وحتى في الخط بس ماهي مثل السوبرا لان السوبرا دفع خلفي

وسيارات الدفع الرباعي بيكون الدفع الرباعي فيها عائق في السرعات الكبيرة

شوف تجربة شركة جون للسكايلاين واللي تعتبر اسرع سكايلاين في العالم جابت 347 كيلومتر تقريبا

بينما نفس الشركة مسوية سوبرا وواصلة فيها لحاجر ال 400 كيلومتر في الساعة

اللي مساعد السكالاين انو الجيربكس حقها نسبه طويله وخاصة النمرة الرابعة والخامسة وهذا اللي بيجعل السيارة توصل الى حاجز ال 300 كيلو وبكل كلفة

لاحظ شركة جون وسياراتها

http://www.junauto.co.jp/democar/akira-supra/images/akira_1_3.gif
http://www.junauto.co.jp/democar/akira-supra/images/akira-index.jpg

سرعتها كانت 249.292mph
اي 401.20km/h

بينما لاحظ السكايلاين

http://www.junauto.co.jp/democar/lemon-r3/images/r33_1_3.gif
http://www.junauto.co.jp/democar/lemon-r3/images/bonne33-index.jpg

سرعتها كانت 224.814MPH
اي 361.793km/h

والسيارتين قوتها تفوق الالف حصان

هي المسالة فيزيائية .. كل ما زاد التماسك في الارض كل ما قلت السرعة القصوى .. وكل ما قل التماسك كل ما زادت السرعة القصوى

انشالله بس اكون وضحتلك الفكرة

oil_HKS_lio

18-01-2004, 05:15 AM

مع احترامي للجميع السكايلان شبح اليبان وفيه مقارنات وااااجد لسكايلان والسوبرا السكايلان قدام قومه وخط وهاذا شي معرلووووووف وكلا ينعاد الف مره

MAXIMA 020

18-01-2004, 06:02 AM

بصراحه يا اخ king ss كلامك منطقي بس لاحظ ان اكثر القومات الي تصير على مستوى العالم تكون نسبة 80 % منها قومه وقليل ما تصير خط فا انت اذا عندك سكاي اتوقع انك راح تستمتع فيها اكثر.

وانت زي ما قلت ان السكاي وصلت الى 360 كلم وفي هذه السرعه ثباتها راح يكون افضل بكثير من السوبرا على سرعة ال 400 كلم طيب انا وين ابي اودر عمري بسياره تجيبلي 400 كلم وامانها ضعيف واتوقع ان فيه سيارات كثير لو اهملنا عامل الامان فيها كان صارت اقوى سيارات العالم ولكن الامان الي في السياره سواء كان بالدفع الرباعي او غيره يقلل من السرعه القصوى الي تجيبها السياره

اسف على الاطالةز

infiniti

18-01-2004, 07:54 AM

MAXIMA 020

المقطع مو راضي يتحمل :confused:

NFS

18-01-2004, 11:14 AM

يا شباب لاحظو في أول رد ، الرجال قال سوبرا 1GZ (يمكن قصده 1JZ).

يعني هذي المكينة تتقارن مع الـRB25DET مش RB26DET.

وبالنسبة لكلام الأخ King SS فأنا أتفق معاه:

السوبرا أقوى من الـGTR (في الخط).....

bashar_255

18-01-2004, 06:12 PM

آخر شي سمعته عن القومه ان راعي السوبرا يبي يقوم من 5.000 ريال :eek:

و متأكد من نصره و مسوي بلاوي تحت الكبوت زي ما قلة لي الشباب:eek:

مشكور على نقل الأحداث;)

bashar_255

18-01-2004, 06:18 PM

للي ساكن في القطيف أنا اتكلم عن السوبرا الحمره و السكاي الفضي اتوقع نفسها:OO:

و السوبرا بتطلع مدام فيها 5.000 هذا اذا اتفقو اصلاً:rolleyes:

bashar_255

19-01-2004, 09:48 AM

شبااااااااااااااااااااااااب

اليوم الأحد اذا ما تدرون:D

ويش صار:OO:

infiniti

19-01-2004, 02:16 PM

رد مقتبس من NFS
يا شباب لاحظو في أول رد ، الرجال قال سوبرا 1GZ (يمكن قصده 1JZ).

يعني هذي المكينة تتقارن مع الـRB25DET مش RB26DET.

وبالنسبة لكلام الأخ King SS فأنا أتفق معاه:

السوبرا أقوى من الـGTR (في الخط).....

NFS
مافيه مكينة سكايلاين RB26DET
:confused:

اللي اعرفة مكينة RB26DETT تون تيربو من TT .

بن عيدان

19-01-2004, 02:31 PM

السلام عليكم ورحمة الله وبركاته
اخواني اذا كنتوا تقصدوا سوبرا حقت ماجد العوكار العنابية فأنا الحقيقة شايف السيارة واعتقد انو راح يتغلب على السكايلان وانا واحد من اصحاب ماجد وانا واقف معاه واشجعه وسلامتكم

Wild CRX

19-01-2004, 04:14 PM

السلام

أنا كنت هناك وقت القومة وزي ماذكر اخوي QATIF_ALTIMA_HKS
انه لسكايلان ماعشق معاه الثالث يعني لو عشق النتيجة راح تكون معروفة ,,,, حتنقلب 100% العكس , وايضا مثل ما ذكر اخوي الكريم ان الهرش مارضى يعيد القومة يعني خايف تنقلب عليه النتيجة.

وبالصراحة انا اشهد للسكايلان انه جبار بالمحركات هذي ينافس موتر الهرش الي مزود باشياء كثيرة وعليه سلكات ,,,,, والجي تي ياحسرة ستاندر ويتافسه.
:D :D :D

الشبابي

19-01-2004, 08:06 PM

على الله احد من اهل الشرقية يطلع لنا بفيلم فيديو ...
وبالنسبة للأخ كينج اس اس ...

السكاي بالخط حسب ما قريت انها تصير دفع خلفي ومتى ما احتاجت الى الدفع الرباعي تشتغل اوتو عشان تزيد التماسك ....
وهذا يمنحها قوة بالقومة والخط ... بإلاضافة الى ان مكاين النيسان بالذات يهتمون بالتورك اكثر من غيرهم ....

اخوكم الشبابي

King 4x4

19-01-2004, 10:41 PM

أضيفوا الى معلوماتكم شباب (توني لاقيها)

ان السكايلاين باستطاعت أي واحد قلبها الى دفع خلفي.

أبوعدنان

20-01-2004, 12:33 AM

أ حب ان اضيف الى كلام ان انسيابيه السياره له دور مهم لازم يؤخذ

بعين الاعتبار

وبالنسبه لفرق الدفع الرباعي عن الدفع الخلفي بالنسبه للدفع

الرباعي فان هناك طاقه مهدره في الدبل والدفرنس ويمكن ان تحسب

بمعرفه القدره الحصانيه على الحذاف (flywheel) ثم القدره الحصانيه

على العجلات و يحسب الفرق

ومن البديهي ان الدفع الخلفي سوف يكون لديه طاقه مهدره اقل

فكل من الدبل وعمود الدوران (drive shaft ) والدفرنس الافامي

يحتاج طاقه لتدويره وهناك احتكاك وكلما زادت السرعه زاد الاحتكاك

واحتاجت المحركات الاضافيه (الدل والدفرس) الى طاقه اكثر تناسبا

مع السرعه

فاذا كان في السكاي لاين نظام يوقف حركه الدبل والدفرنس

الامامي بعد الاندفاع من الصفر الى سرعه 120 فهذا يعتبر

ممتاز ويبقى زياده الوزن والتى هي 100 الى 150 كيلو.

ومثال على الانسيابيه فكورفيت لينقفلتر توين تربو حققت سرعه

223 ميل اي 358.873 كيلو وذلك بمحرك 650 حصان

وهذا الرابط الذي فيه المقال للى يعرفون الانجليزي

http://caranddriver.com/article.asp?section_id=39&article_id=3262&page_number=4

ولاحظو ان الفيبر TNT KING SNAKE حققت سرعه 208 ميل

اي 334.473 مع قوه المحرك 777 حصان (رقم مميز) :D

oil_HKS_lio

20-01-2004, 02:08 AM

بكل احتراميه الفوز لسكايلان ميه بلميه
وهاذي ماكينه سوبرا حقت ماجد عوكار شوفوها وش قال القومه من 5000 ريال

http://www.mor3ebuae.com/upload/uploading/futuer5.jpg :laugh:

bashar_255

21-01-2004, 06:24 PM

و الله انا كنت حاسس ان راعي السوبرا بايعها:p

بس لما شفت الكبوت مقصص كيف الفتحات و الكروم اللى يبرق تحته:OO:

قلت لا...

فيها شي اكيد:OO:

بس للآن مانا عارف آخذ منكم حق و الله باطل:damp:

=================

بالمره مدام الموضوع عن قومات القطيف :p

من يومين قام كوبرا ماجد الأبيض

مع بورش GT2:shock2: من الخبر!!

البورش قدم على ماجد 3 لمبات:rolleyes:

ما يحتاج:D

و الموتر في ذمت ماجد كل ما اسأله يقول لي ستوك:damp:

مع اني شاك في السالفه كذا مره فتح الكبوت و مافيه شي:OO:

و مستواه مع الموستنقات الكوبرا الباقيين مرتفع جداً...

شباب اللى يعرف فايبر RT10 ترا ماجد يدور على واحد يقدم معاه:help:

zx300

21-01-2004, 06:32 PM

رد مقتبس من bashar_255

بس للآن مانا عارف آخذ منكم حق و الله باطل:damp:
help:

==============

ياخوك انا والله زيك ودي احضر القومه بس مافي احد يقول متى بتصير ؟؟؟؟

Qatif_Altima_Hks

22-01-2004, 07:23 AM

القومة انلغت لان الطرفين مو متفقين على المسافه:confused:

والعوكار يبي بغاز ومعيوف يبي بدون غاز:D

King 4x4

22-01-2004, 08:22 AM

غاز مب لازم :rolleyes:

أصلا يسمون الغاز في امريكا :
"Poor Mans Ticket"

"Only LOSERS put gas"

واحنا طايحين فيه زي المجانين :laugh:

الارهابي

22-01-2004, 11:10 AM

الغاز زيه زي السوبرشارجر و التيربو (Forced Induction )
و المحركات المشحونه يسموها blown سواء كانت غاز ولا تيربو ولا سوبرشارج

فالمحركات المجهزه عشان تستخدم الغاز بشكل كبير تكون مثل المحركات اللي مشحونه بتيربو
يعني يحطوا لها بساتم بنسبه انضغاط واطيه
و كامات الduration حق الاكزوست فالف كبير
و و و .....

يعني لا تستغربوا لو يجي واحد بمحرك قوته ما تتعدى 450 حصان و راس ماله في الغاز و يطلع على مواتر ملغومه صح :D

بس هنا عندنا غير
اللي يطلع قومه و يدق غاز
قالوا هذا دق غاز :mad: و كأنه غشاش الحين :confused:

الله يخلف :laugh:

King 4x4
أصلا يسمون الغاز في امريكا :
"Poor Mans Ticket"

"Only LOSERS put gas"
عشان كدا طايحين فيه جماعه .......... :sleep:
ولا خلني ساكت لا يصير زعل :D