سوالف للجميع - أفضل سياره في فئتها

RED Chevy

14-01-2004, 09:31 AM

بسم الله الرحمن الرحيم

السلام عليكم ورحمة الله وبركاته

شباب حبيت إنسوي مجموعه إستفتاءات نحط فيها أفضل السيارات في 2003 وبنسوي كل فئه في إستفتاء خاص بها، مثلاً أول لإسبوع يكون حق السيارات الفخمه والثاني حق السبورت.........إلخ.

آنا قبل ما أنزل المواضيع حبيت آخذ رايكم هل إنتو حابين هالشي أو لا؟ ولاتبخلون علينا في إقتراحاتكم.

Corvette_Stingray

14-01-2004, 09:55 AM

موضوع حلو اخوي لكن لو تحطها كلها مع بعض وكل واحد يصوت لاحلا سيارة بالنسبة له بين كل الفئات

RED Chevy

14-01-2004, 10:03 AM

السلام عليكم ورحمة الله وبركاته

الإستفتاء حده 10 خيارات مايصير نحطهم كلهم مع بعض، بنحط كل فئه بسياراتها في موضوع، مثلاً السبورت بناخذ الموستنج والكمورو والSSكوبيه والسوبرا والزد والCLK.........إلخ وذيلا مايصير إنزل في إستفتاء واحد كل هالسيارات، في النهاية عقب مانخلص كل الفئات باسوي إستفتاء وبنحط فيه السيارات الفايزه من كل فئه.

LUMINASS2003

14-01-2004, 10:07 AM

رد مقتبس من RED Chevy
السلام عليكم ورحمة الله وبركاته

الإستفتاء حده 10 خيارات مايصير نحطهم كلهم مع بعض، بنحط كل فئه بسياراتها في موضوع، مثلاً السبورت بناخذ الموستنج والكمورو والSSكوبيه والسوبرا والزد والCLK.........إلخ وذيلا مايصير إنزل في إستفتاء واحد كل هالسيارات، في النهاية عقب مانخلص كل الفئات باسوي إستفتاء وبنحط فيه السيارات الفيزه من كل فئه.

صراحة انا عجبني الموضوع و فكرته حلوة و مثل ما قلت اخر شي نشوف منهي السيارة الفايزة:cool:

RED Chevy

14-01-2004, 10:15 AM

السلام عليكم ورحمة الله وبركاته
أشكرك أخوي LUMINASS2003 على مشاركتك ونسيت آقول شيتحبون نبتدي بأي فئة؟

طبعاً إذا الأغلبيه موافقه

LUMINASS2003

14-01-2004, 10:23 AM

العفو اخويRED Chevy
صرت عضو نشيط جدا في مشاركتي في هدا الموضوع:cool:

اممممم انا افضل ان حنا نبتدي بالسيارات الفخمة :cool:
بعدين سيارات الدفع الرباعي:cool:
بعدين السيارات مثل اللومينا و الماكسيما طبعا اللومينا سيدان حط ال تي زد و اللومينا اس في هدي الفئة لانهم متقاربين6سلندر
اخر شي حط السيارات الرياضية عشان الشباب يكونوا خلصوا امتحانات و انا متاكد بيصير حماس في الموضوع لان كل واحد يبختار السيارة الي يحبها
و مشكور على الموضوع الحلو
اخوك حمودي
:glasses2:

Corvette_Stingray

14-01-2004, 10:36 AM

رتب على كيفك لكن لا تنسى الكورفيت عشان اصوت لها ;)

RED Chevy

14-01-2004, 10:39 AM

السلام عليكم ورحمة الله وبركاته
إذا الأعضاء وافقوا على الموضوع بيكون أول إستفتاء عقب إسبوع من اليوم، والفئات بتكون وايد خل أقولكم شنو الفئات وإذا تبون شي زود أو شي ينشال قولولنا:
1-السيارات السوبر فخمه(مثل المايباخ والفانتوم والبنتلي)
2-السيارات الفخمه الكبيره(S-CLASS/A8...إلخ)
3-السيارات الفخمه المتوسطه(E-CLASS/ A6/530)
4-السيارات الفخمه الصغيره(سي كلاس/A4/...إلخ)
5-السيارات السبورت.
6-السيارات السوبر سبورت والسبورت الفخم.
7-الفان والميني فان.
8-الجيوب السبورت والفخمه.
9-الجيوب العاديه.
10-السيدان الكبيره.
11-السيدان المتوسطه.
12-السيدان الصغيره.
13-السيدان الرياضي.
14-البيك أب( بجميع فئاته)
وفي الإستفتاء النهائي بناخذ الفئات كلها بدون رقم4/7/12/14، وعطونا رايكم.

LUMINASS2003

14-01-2004, 10:42 AM

انا موافق على هدي الفكرة

:black:

King 4x4

14-01-2004, 01:35 PM

موافق:glasses:

Wild CRX

14-01-2004, 01:47 PM

السلام عليكم ورحمة الله وبركاته

الفكرة حلوة ,,,,, ونتمنى تلاقي اقبال وردود كثيرة :shock2:

بس مو كنك نسيتنا :damp: فئة السيارات لسبورت الصغيرة مثل ال CRX والا اش رايك:help:

RED Chevy

14-01-2004, 02:36 PM

السلام عليكم ورحمة الله وبركاته
أخوي هاي بتكون في فئه السبور العاديه وإذا ودكم نسوي فئه زود لكن مابتنحط في النهائي.

Corvette_Stingray

14-01-2004, 02:45 PM

موافق :shock2:

RED Chevy

14-01-2004, 02:51 PM

السلام عليكم ورحمة الله وبركاته

آنى كل شوي آضيف فئه لأن آتذكر سياره منها فسامحوني على اللخبطه وقولولنا إذا في شي مو عاجبكم.

WRX

15-01-2004, 04:39 AM

السلام عليكم ورحمة الله وبركاته

موافقين بقوة بس ياليت تكون البداية بعد اسبوع من اليوم (الأربعاء) بسب اننا نضما ان كل الشباب غلقوا اختبارتم وأولهم انا طبعا:glasses:

RED Chevy

15-01-2004, 04:46 AM

السلام عليكم ورحمة الله وبركاته

على أمرك الأربعاء القادم بيكون أول إسبوع.أي طلبات ثانيه؟

RED Chevy

15-01-2004, 02:12 PM

السلام عليكم ورحمة الله وبركاته
ها شباب..... على مايبدو إن غالبيه الأعضاء موافقين، خلاص قولوا أي فئه تبون نبتدي فيها، طبعاً البدايه بتكون الأربعاء القادم، يلا عطونا رايكم.

Corvette_Stingray

15-01-2004, 02:50 PM

لو نبتدي بالفخمين وبعدها السبورت وبعدها نفس ما قلت انت :banana:

Corvette_Stingray

15-01-2004, 02:51 PM

1-السيارات السوبر فخمه(مثل المايباخ والفانتوم والبنتلي)
2-السيارات الفخمه الكبيره(S-CLASS/A8...إلخ)
3-السيارات الفخمه المتوسطه(E-CLASS/ A6/530)
4-السيارات الفخمه الصغيره(سي كلاس/A4/...إلخ)
5-السيارات السبورت.
6-السيارات السوبر سبورت والسبورت الفخم.
7-الفان والميني فان.
8-الجيوب السبورت والفخمه.
9-الجيوب العاديه.
10-السيدان الكبيره.
11-السيدان المتوسطه.
12-السيدان الصغيره.
13-السيدان الرياضي.
14-البيك أب( بجميع فئاته)

RED Chevy

15-01-2004, 03:17 PM

السلام عليكم ورحمة الله وبركاته
أوكي بس نشوف باقي الشباب شرايهم، آنا سويت حق كل فئه السيارات اللي بتنحط في الإستفتاء، إنتو قولوا الفئه اللي تبونها ويوم الأثنين إنشاء الله آنزل سيارات الفئه واللي عنده سياراه زود أو يبي يحذف سياراه يقولنا عشان محد يزعل ويقول ماحطيتوا السياره الفلانيه( طبعاً ما بنحط كل السيارات، لأن في بعضها مايستاهل) ولحد يقول حط الإيكو في السيدان الفخم، إنشاء الله الموضوع بيكون مرتب وبنحط السيارات اللي تستاهل.

infiniti

15-01-2004, 04:23 PM

تم التصويت

نعم اريد

عندي اقتراح اذا ممكن :o

ياليت لو تسوي جدول تحدد فيه تصويت لكل اسبوع يعني
الاسبوع الاول السيارات الكبيره الفاخره
الاسبوع الثاني .............

اسف على اللقافه .

RED Chevy

15-01-2004, 04:26 PM

السلام عليكم ورحمة الله وبركاته
آنا ودي إنتو تشوفون ودكم تبتدون بأي فئه وإذا تبون الترتيب اللي حطه أخوي ستينجراي كيفكم.

WRX

15-01-2004, 07:55 PM

السلام عليكم ورحمة الله وبركاته

الف شكر اخوي ريد شفي ... وغير كذا ياليت تبدا بالسيارات الي يكون فيه جدل بين الشباب عليها فاهمني علشان يكون فيه شويت تعصب وعلى شويت حش ويضبط الموضوع معاك
وعموما لا تنسالي السوباروا هاااا....

RED Chevy

16-01-2004, 06:18 AM

السلام عليكم ورحمة الله وبركاته
آنا بالعكس هذي أحب إنه آخلييها للآخر، ليش؟

عشان ماينتقفل الموضوع من أول إسبوع، وتكون الإثاره في النهايه، ولاإشرايك؟

Corvette_Stingray

16-01-2004, 06:55 AM

صح كلامك اخوي red chevy لكن نبي شوية تعصب في البداية ... شوية والله شوية :D

عاشق التضبيط

16-01-2004, 11:59 AM

فكره حلوه وانا ودي تكون البدايه بالسيارات السبور وبعدين السيدان وبعدين الجيوب واخر شي السوبر الفخمه وسوبر سبورت

لانهم صعبين شوي علينا :D

خلنا على اللي نقدر عليهم ويمدينا عليهم او على الاقل نشوفهم يمرون علينا

RED Chevy

16-01-2004, 02:48 PM

السلام عليكم ورحمة الله وبركاته

شباب بس لو تحطون لنا ترتيب الفئات من1-15، عشان نعرف شنو تبون بالظبط وناخذ كل الآراء ونشوف شبنسوي عقب

RED Chevy

17-01-2004, 05:45 AM

السلام عليكم ورحمة الله وبركاته
ها شباب ماعطيتونا ترتيب نبي نعرف، دخيل الله قولوا تبون تبتدون بأي فئه؟

RED Chevy

18-01-2004, 05:58 AM

السلام عليكم ورحمة الله وبركاته

ها شباب ماعطيتونا ترتيب، عسى ماشر؟

Corvette_Stingray

18-01-2004, 07:59 AM

اخوي red chevy شكلهم الشبااااااااب عاجبهم ترتيبي للفئات فنبتدي الموضوع احسن :D

RED Chevy

18-01-2004, 08:03 AM

السلام عليكم ورحمة الله وبركاته
والله آنا ودي نبتدي لكن الشباب يمكن ماخلصوا إمتحانات، خايف آنزل الموضوع ومايكون في أحد يصوت، خل نصبر شوي، يوم الأثنين بإذن الله بانزل الفئه اللي بنبتدي فيها، لكن إنشوف إذا في أحد عنده إعتراض على الجدول.

RED Chevy

19-01-2004, 10:06 AM

السلام عليكم ورحمة الله وبركاته
شباب اليوم في الليل بانزل السيارات اللي في الفئه قولوا شتبون نبتدي فيه والله أنزل بروحي ونبتدي بالترتيب اللي آنا حاطه؟

Corvette_Stingray

19-01-2004, 10:10 AM

أظن ان كل الشباب موافقين على هذا الترتييب

1-السيارات السوبر فخمه(مثل المايباخ والفانتوم والبنتلي)
2-السيارات الفخمه الكبيره(S-CLASS/A8...إلخ)
3-السيارات الفخمه المتوسطه(E-CLASS/ A6/530)
4-السيارات الفخمه الصغيره(سي كلاس/A4/...إلخ)
5-السيارات السبورت.
6-السيارات السوبر سبورت والسبورت الفخم.
7-الفان والميني فان.
8-الجيوب السبورت والفخمه.
9-الجيوب العاديه.
10-السيدان الكبيره.
11-السيدان المتوسطه.
12-السيدان الصغيره.
13-السيدان الرياضي.
14-البيك أب( بجميع فئاته)

:banana: يالله نبتدى توكلنا على الله:)

RED Chevy

19-01-2004, 10:12 AM

السلام عليكم ورحمة الله وبركاته
خلاص يعني أنزل السيارات؟

Corvette_Stingray

19-01-2004, 10:16 AM

نزل وانت متوكل على الرحمن ;)

RED Chevy

19-01-2004, 10:45 AM

بسم الله الرحمن الرحيم

السلام عليكم ورحمة الله وبركاته

يلا شباب بنبتدي يوم الأربعاء بالسيدان السوبر فخم، وآنا باحط هذي السيارات واللي عنده إضافه يقول قبل ماأنزل الإستفتاء:
1- مايباخ.
2- كادلاك سكستين.
3- رولس رايس فانتوم.
4- بنتلي أرناج.

Corvette_Stingray

19-01-2004, 10:48 AM

أوكي لكن لو تسويهم عشر سيارات يكون أحسن

RED Chevy

19-01-2004, 10:52 AM

السلام عليكم ورحمة الله وبركاته
عشر مايصير، هذي فئه نادره، وأصلاً ماأظن إنه في 10 سيارات من هالفئه، إحنا خل نشوف باقي الشباب يمكن عندهم سيارات زود وإنشاء الله بنحط زود إذا في سيارات ما إنذكرت.

RED Chevy

20-01-2004, 07:54 AM

السلام عليكم ورحمة الله وبركاته
عندي طلب صغير من المشرفين، ودي إذا نزلنا الإستفتائات تكون فوق مثل موضوع الكرسي عشان يشوفونه الشباب ويصير تصويت صح، وشباب خلاص موافقين على ذي التشكيله أو بغيتوا شي زود؟

Corvette_Stingray

20-01-2004, 08:06 AM

قصدك يثبتون الموضوع :laugh:

RED Chevy

20-01-2004, 08:13 AM

السلام عليكم ورحمة الله وبركاته
لا موشرط يثبتون الموضوع، أهم شي يكون الموضوع فوق لمده إسبوع عقب ينزل أو ينرفع.

ACCORD-V6

20-01-2004, 08:26 AM

ياشباب شوفوا المشرفين قبل

RED Chevy

20-01-2004, 08:41 AM

السلام عليكم ورحمة الله وبركاته
هذهو إحنا نطلب من المشرفين هالشي وإنشاء الله يقبلون

TOP-SECRET

20-01-2004, 01:54 PM

مشكور على الموضوع ويعطيك الف عافيه

===========
-السيارات السوبر فخمه( المايباخ )
2-السيارات الفخمه الكبيره(BMW 760IL)
3-السيارات الفخمه المتوسطه(E55 AMG / M5)
4-السيارات الفخمه الصغيره(فولفو S60 R )
5-السيارات السبورت.SL55 AMG
6-السيارات السوبر سبورت والسبورت الفخم.SLR / CL600AMG
7-الفان والميني فان..........هوندا بس ماعرف اسمه
8-الجيوب السبورت والفخمه.بورش كايين
9-الجيوب العاديه.لاند كروزر
10-السيدان الكبيره. كاديلك ديفيل / S350
11-السيدان المتوسطه.BMW 530 i
12-السيدان الصغيره.كورولا
13-السيدان الرياضي.S55 AMG
14-البيك أب( جمس سييرا)

تحياتي :banana:

RED Chevy

20-01-2004, 02:56 PM

السلام عليكم ورحمة الله وبركاته
هلا أخوي تويوتا وبس،شكلك فهمت الفئات غلط، وآنا مافهت بعد السيارات اللي إنت حاطهم ليش، آنا باعطيك مثال حق كل فئه بكم سياره:
السيارات السوبر فخمه( المايباخ )هاي صح
2-السيارات الفخمه الكبيره(BMW 760IL)هاي صح
3-السيارات الفخمه المتوسطه(E55 AMG / M5) هذي ممكن تحط ال530 والE-CASS بشكل عام الE55 والM5 هذي بتكون في فئه السيدان الرياضي.
4-السيارات الفخمه الصغيره(فولفو S60 R )،هذي ممكن نحط الفولفو العاديه والR تكون في السيدان السبورت.
5-السيارات السبورت.SL55 AMG/ هذي بتكون في الفئه اللي تحتها.(رقم6)
6-السيارات السوبر سبورت والسبورت الفخم.SLR / CL600AMGهذي صح
7-الفان والميني فان..........هوندا بس ماعرف اسمه/ هذي صح والفان إسمهODC
8-الجيوب السبورت والفخمه.بورش كايين /هذي صح.
9-الجيوب العاديه.لاند كروزر/ هذي صح
10-السيدان الكبيره. كاديلك ديفيل / S350 /هذي الفئه بتكون حق الكابرس والكراون فيكتوريا....إلخ، اللي إنت كاتبهم بتكون في السيدان الفخم الكبير.
11-السيدان المتوسطه.BMW 530 i هذي الفئه بتكون حق السيارات اللي مثل اللومينا والكامري والأكورد.
12-السيدان الصغيره.كورولا
13-السيدان الرياضي.S55 AMG
14-البيك أب( جمس سييرا)
وإذا ممكن توضح لي هل ذي الترتيب اللي إنت تبغيه أو إنت حاط السيارات كأمثله، أو هذي السيارات اللي إنت بتصوت لها؟؟؟؟

Supra_Rider

20-01-2004, 03:56 PM

فكرة حلوة

توكل على الله و نزل الموضوع

:banana:

RED Chevy

20-01-2004, 04:03 PM

السلام عليكم ورحمة الله وبركاته
هلا أخويSupra_Rider الموضوع إنشاء الله الأربعاء بيكون نازل ، بس ماقلتوا لنا تبون سيارات زود في الإستفتاء الأول؟

RED Chevy

21-01-2004, 12:45 PM

السلام عليكم ورحمة الله وبركاته
خلاص شباب بكره الإستفتاء، ويمكن اليوم الساعه 12(عشان يكون الأربعاء) خلاص موافقين على التشكيله مافي أحد عنده سيارات غير المايباخ والرولس والكادي والبنتلي؟

TOP-SECRET

21-01-2004, 01:00 PM

رد مقتبس من RED Chevy
السلام عليكم ورحمة الله وبركاته
هلا أخوي تويوتا وبس،شكلك فهمت الفئات غلط، وآنا مافهت بعد السيارات اللي إنت حاطهم ليش، آنا باعطيك مثال حق كل فئه بكم سياره:
3-السيارات الفخمه المتوسطه(E55 AMG / M5) هذي ممكن تحط ال530 والE-CASS بشكل عام الE55 والM5 هذي بتكون في فئه السيدان الرياضي.
4-السيارات الفخمه الصغيره(فولفو S60 R )،هذي ممكن نحط الفولفو العاديه والR تكون في السيدان السبورت.
5-السيارات السبورت.SL55 AMG/ هذي بتكون في الفئه اللي تحتها.(رقم6)

10-السيدان الكبيره. كاديلك ديفيل / S350 /هذي الفئه بتكون حق الكابرس والكراون فيكتوريا....إلخ، اللي إنت كاتبهم بتكون في السيدان الفخم الكبير.
11-السيدان المتوسطه.BMW 530 i هذي الفئه بتكون حق السيارات اللي مثل اللومينا والكامري والأكورد.

وإذا ممكن توضح لي هل ذي الترتيب اللي إنت تبغيه أو إنت حاط السيارات كأمثله، أو هذي السيارات اللي إنت بتصوت لها؟؟؟؟

وعليكم السلام ورحمة الله وبركاته

والله اخوي انا غلطت في رقم 3 لكن بالنسبه للرقم 4 ترى نفس المحرك الفولفو .. بالنسبه للسيدان الكبيره انا اشوف صحيح مثل الكاديلك ديفيل يعتبر من نفس فئة الفكتوريا وغيرها وبالنسبه للأس 350 فخامته مقاربه للكاديلك مو لدرجة يكون للسيدان الفخم ..... السيدان المتوسطه مادري وين الخطء فيه :OO: .. وهذي السيارات الي انا باصوت لها :p