مشكلة التضليل !!! للنقاش

[سفير الشوق]

السلام عليكم و رحمة الله و بركاته :)


أبي أعرف الحين أنا جيت لجدة وش الفرق بينها و بين الرياض ؟؟

كلنا في دولة واحدة <--- لا يا شيخ http://www.eqla3.com/vb/images/smilies/humm.gif

المهم !!

كنت مضلل في الرياض السيارة كلها كمبيوتر نفس لون السيارة و جزء من الأمامي عشان أقدر أشوف , وقفني في التفتيش و قال لي فك التضليلة من الأمام و الإثنين الأمامية ,,, كلامه سليم 100% و لا تقدر تقول له و لا شي و فكيتها ,,,


أما في جدة !!

رحت و ضللت المثلثات و الخلفية كمبيوتر نفس لون السيارة , يعني نفس حالتي في الرياض لكن الفرق إني الأن نظامي صح و لا لا ؟

وقفني أبو الشبابhttp://www.eqla3.com/vb/images/smilies/S_43.gif يقول فك التضليلة !! http://www.eqla3.com/vb/images/smilies/S_50.gif

سلامات ؟ خير إن شاء الله وش الي أفكها !! قلت تراني ما ضللت الأمامي يبو الشباب !!
قال داري و الله الضابط مبلغ عن سيارتك و يقول لازم تفكها و لا بنحجز لك السيارة و نصيحة لك فكها تراه ابن كلب و ملعون !!

وش هالألفاظ !! <---- تكفى http://www.eqla3.com/vb/images/smilies/grins.gif

قلت له : وش هالنظام الجديد , قال لي والله تضليل نفس لون السيارة ممنوع !!
بغيت أقول له يعني السيارات السودا المفروض إنها ما تضلل أسود !! بس قلت يا بن الحلاّل فك عمرك منه لا تنبلش مع هالأشكال ,,, قسم بالله ما تستاهل :mad:

قال بتفكها و لا تحتري الضابط !! قلت نحتري <--- راعي طويلة !! :p

و نحتريه طال عمره سنة لين ما جا و قام يتفلسف قلت له سالفة الرياض قال لا , أبداً !! كلنا نظام واحد ,,, ممنوع نفس لون السيارة و العاكس و الأبيض و أي لون بس الأسود الي مسموح فيه و ترا الي جاي من وزارة الداخلية بس إنك تضلل أسود الجانبي الخلفي فقط !! و الا بعد الخلفي ممنوع أسود بعد !! بس نتغاضى عنه ,,, http://www.eqla3.com/vb/images/smilies/humm.gif

طبعاً فيه نصب في كلامه , وش الي تتغاضى عنه كان مشيتها لي !!
الزبدة أكلمه من هنا من هنا ما فيه فايدة !!
قلت بس ما فيه إلا تفكها حرام هالأشكال تتكلم معها ,,,
قلت له أوكي بس يا ريت يصير بدل ما تتفلسف علي مرة ثانية روحوا المحلات و امنعوهم لو إني أدري إنها ممنوعة ما كان ركبتها من أصله و أخسر نفسي مبلغ و قدرّه !!
بكل بجاحة و وقاحة قال : خل المحلات تتكسب !! http://www.eqla3.com/vb/images/smilies/Looking_anim.gif
بالله هذا وش تقول له ؟!





يا ريت يا شباب ملاحظاتكم و تعليقاتكم و إلي عنده خلفية عن المسموح و غير المسموح من قبل الوزارة يقول لنا و يا ريت تجاوبوني على سؤال مهم !!

أنا جاي جدة توني مالي كم شهر من الرياض , الي ساكنين في الرياض خابرين وش تضلل هالعالم عاكس , فضي , أبيض , أحمر و كل شي ما قد سمعت أحد من الزملاء أو الأهل قال لهم أحد شي إلا إذا كان مضلل الإثنين الجانبية إلي قدام و الأمامي صح و لا أنا غلطان ؟؟


شي ثاني ياخي لو ممنوعة هالأنواع من التضليل لا تخلوها في البلد أصلاً , و لا شوفوا لكم صرفة !!

سؤال أخير متى هالجهلة بيغيرون طريقة تعاملهم معانا ؟؟ بأدب موب بكلام سافل و منحط و يعاملوك كأنك أقل منهم
و شكراً

[zezo]

وعليكم السلام ورحمة الله وبركاته

والله بصراحه اخوي سفير موب غريبه حركتهم معك لان بكل مكان في المملكه بنفس الحقاره و الانحطاط بالتعامل يعني لو تربط الحزام يجي يتفلسف عليك واذا رديت عليه عطاك مخالفة ارتكاب امر محظور تقول له ليه يقول لك هذا النظام:confused: :confused:

انا ابيك انت تقول لي

الحين واحد موب مثقف ولا حتى متعلم وبالعاده يكون ولا تربيه (تقريبا كلهم) يحطونهم لمراقبة النظام
وش تتوقع منهم؟؟؟؟؟؟؟ يعني حتى ما عندهم اسلوب للتعامل مع الناس يعني عسكري على باله هو فوق الناس هو صح والناس غلط
لا... على تبن(خربت الاخلاق)

والله بحياتي كلها ما مر علي الا 3 عساكر محترمين ومن جد من الفرحه بهم كنت ابحب روسهم اما الباقي كلللللللللللللللهم احقر من بعض
يعني لو اتكلم من الحين للسنه الجايه ما يكفي

لكن بالنسبه للتضليل والله مدري ولا ابي ادري (سيارته سودا :D :D )

ما اعتقد انه كلامه صح يعني اذا سيارتك حمرا تضلل(كستنائي) معليش لكن اذا سيارتك كستنائي ما تضلل نفس اللون؟؟؟؟؟؟؟؟؟

هباله؟؟؟؟؟؟؟

ما ادري والله لكن اذا الكلام كذا من الوزاره :confused: :confused: :confused:

وعالعموم ترا في كل مدينه تلقاهم يتغاظون عن اشياء في مدينه ثانيه يدققون عليها والعكس

وعالعموم الله لا يعطيهم عافيه على الي سووه اذا كانوا يتفلسفون من عندهم

تستاهل من قال لك لا تستأذن من امك قبل لا تظلل؟؟ :D

[007]

موضوع مثير للجدل..
وانا اكثر نقطة رفعت ضغطي هي يوم قال "خلي المحلات تتكسب":headshak:
لاحول ولا قوة إلابلله...وش هالعالم هذه..ما تخاف الله؟

إن لله وإن إليه راجعون...
:(

[سفير الشوق]

السلام عليكم ورحمة الله وبركاته

شكراً للي ردوا

zezo
لا بعد ما فكينا التضليلة بدا يقول لي انت مهبط السيارة و السيارة كذا شد بلد و مرة وقفوني يقولوا لي انت مركب الكشافات هذي فكها !!
وهي نفس الشي شد بلد ياخي وش هالعالم !!

007

قسم بالله شي يقهر من جد وش الي خل المحلات تتكسب !!

[حبوب بوظبي]

الله يعينكم
و الله من كثر ما أسمع عن شرطتكم
صرت اخاف اسير السعوديه بالبر :D :D :D
لأنه إلا بيوقفوك على شي


هنا لو الشرطي تم يتفلسف وايد ... و انت متأكد انك مب غلطان (<--- نادرا ما تصير)
علطول تشتغل التلفونات و توصل إلى جهات عليا
قد تؤدي بالشرطي إلى ... إلى ...

[LOVE SS]

السلام عليكم ورحمة الله وبركاته

تبي نصيحتي اخوي


سجل سالفتك من اولها لأخرها وارسل للجريدة الرياض واليوم والجزيرة ولاتخلي جريدة الا تراسلهم وتكتب اسم العسكري والضابط الي يتفلسف عليك

وراح تلقى نتيجة :D :D

صارت معي مثل السالفة لاكن اخرتها تهاوشت مع العريف وسببت له مشكلة

كنت اتمشى امام مدرستي
جاء عسكري سلتوووووح وقفني واخذ الرخصة والاستمارة والحقني المروور وش السالفة قال تعرف السالفة هناك المهم جلست قال سجلوا له مخالفات دوران مستمر ؟ قلت وين عايش انا امشي قدام مدرستي وكله دورة وحده قام يستهزء يقول سجلوا له دورة وحده
المهم بدينا بالكلام الي مايصلح اقوله هنا
وقال عشان لسانك طويل بدخل سيارتك الحجز وادخلك التوقيف واخرم التصريح حقك ورفع ضغطي خربتها و قلت له بالصوت العالي امام جميع الموجودين

تخسي وتعقب حتى مخالفة ماتقدر تسجل
اخر شي يوم شافني نشبة له قام يجرجرني بالكلام

يقول سيد وزير الداخلية اي مخالف معاه تصريح مو رخصة يسحب تصريحه
اذا كان مخالف

قلت سيدي وزير الداخليه يقول يمنع العسكري التدخين داخل المكاتب الحكومية ((((وهو كان يدخن)))ويقول يمنع يكون العسكري بدورية لحاله قال روح طالب المدير وشوف وش يقولوك طيب مريت مدير المرور وشرحت له السالفة وقلت له حتى حزام الامان مو رابط شلون يطبق الانظمة علينا ولايطبق على نفسه ارسل عسكري يجيب رخصتي واستمارة سيارتي ومشيت


تدرون الحين وينه العسكري
شالوه من الدوريات بسبب دعوات المسلمين عليه

بعد انقلابه على دورية المرور لأنه كان يلاحق واحد بمسيرة المنتخب
((((((يستاهل))))))
والي يبي اسم العسكري

بكتبه له بالبنط العرييييييييييض


تحياتي لكم واعذروني على الاطالة
والله من حر ماب قلبي

[سفير الشوق]

حبوب بوظبي


الله لا يوريك :D

LOVE SS

ياخي تراك موب في امريكا تشتكي تطلع بشي , اشتكيته للدوريات تدري وش كان ردهم :)


أكيد له وجهة نظر أمنيّة

حلوه وجهة نظر أمنية :) ما عرف يصرفها لزميله قال وجهة نظر أمنية ,,,


و و قفت دورية و سألته عن التضليلة الي أنا مسويها قال لو حطيتها على الجانبية الأمامية ممنوع قلت لا شف الي ورا فكها ضابط !!
قال و الله غريبة هي على حسب المزاج !! :damp:


يا سلام :)


و مرة وقفتني دورية قالوا لي فك الكشافات !!
لاحول و لا قوة الا بالله
قلت له ياخوي تراها شّد بلد

قال لا انت مركبها !! :shock2:

سيارتي لومينا SS


لا و بعد ما فكيت التضليلة قال لي انت مهبط سيارتك !! و أنا ما هبطتها و لا شي :mad:



يبنننننننن الحلااااااااااال وسع صدرك

[Qatif_Altima_Hks]

لويسويها معاي

والله ماافكها خلي يشيل السياره:D ماتفرق عندي:banana:

هذا صادوك على تظليل اجل وشو تقول عن غيرك صايدينه على

اسطوانة غاز:D <<<بلا فضايح

[مجنوون مورسلاجو]

يابوي والله مشكلة المرور عندنا مشكلة كل واحد يبغا يسوي اللي في راسو بس

ازا كان مزاجو حلو خلاص ما يوقف احد

ازا والله منكد ودين امو طالع يقعد يوقف خلق الله ويستعبط ويعطي مخالفة خرابيط
واغلبهم على قولك ماهم متعلمين ولا شي يابوي مرة واحد اخذ رخصتي ويصرخ في يقلي ا ش اسمك قلتلو شوف مكتوب عندك
قلي لا عشان اتاكد :D وهو ماهو داري عن الطبخة

والله زي ما قالو الشباب نزلو في جريدة

سلامو

[DaRK_MaN997]

السلام عليكم ورحمة الله وبركاته
انا اليوم صارت معي سالفه
اليوم جالس ادور بالسياره مع صاحبي المهم الدوريه الظاهر زهقانين وقفو وسوو تفتيش داخل الحاره الي عندنا
وطبعا انا مضلل السياره بالكامل اول مامريت جنبه قال لي روح مشي بدون ما انزل الزجاج اشر لي روح بيده قلت والله غريب!!!! كيف مشاني وانا مضلل المهم نزلت صاحبي الي معاي بالسياره بيتهم وانا راجع لبيتنا لازم امر نفس الطريق يعني برجع لشرطي مره ثانيه المهم وقفني وكنت قبل لا اوصل له نزلت الزجاج هذي المره لان جنب العسكري الثاني قلت اكيد بيتفلسف مسكني وقال لي رخصه واستماره عطيته جلس يطالع فيني وقال ارفع الزجاجه وهو يدري اني انا الي مريت عليه ولا وقفني المهم رفعته وشاف التضليل قال مخالف وراجع لي مره ثاني ليش مارحت من طريق ثاني اول مره اشوف واحد يشوف تفتيش ويروح ويجي انا مابي اعطيك مخالفه ومشيتك اول مره ولا وقفتك بعد ولا ابي اخسرك وافك لك التضليل واتعبك ومدري ايش
والله انه طيب ياريت كل العساكر مثله
وعطاني الرخصه والاستماره وقال لي روح
والله شي هذا العسكري
واسف على الاطاله
:glasses2:

[BLUE_STEEL]

أجــــل وش تقولــون لو واحــــد مركـــب عـــازل وتوقفــه دوريــة وتقول لــه فــك التظليــل ؟؟ المشكلـــة جايب لــه أوراق تثبــت إنــه عازل وهو مصـــر الا والا هذا تظليييييييل ؟!؟!؟!؟! :damp:

وأنوااااااع الحقارة .. :damp:

اللـــه يخلــف عليهـــم بـــس ... :mad:

[deaddly 99 yukon]

و الله انكم صادقين يا شباب انا ادرس بجامعة الملك فهد بالظهران و كل مره اروح الجامعه لازم امر بالتفتيش المهم انا كنت مظلل السياره كامله ماعدا الامامي و كل ما مريت من عندهم مخالفه كنت اقولهم انه عازل و يقولولي عطنا الي يثبت المهم آخر شي طفشت من كثر المخالفات و رحت ركبت في كول الحين اقولهم عازل و اريهم الاوراق يقولولي لا ممنوع :damp: :damp: و لازم تفكه المهم مرا لزم الا افكه قلتله لا مركبه ب 1800 وماني فاكه عطني مخالفه قال رخصتك و استمارتك و روح كلم مسؤول التفتيش رحت كلمته طلع قايله اني غلطان عليه و اني سبيته و انا ابد ما غلطت على الرجال و بعد محاولات قدرنا نطلع بمخالفه
و كل مره حالتي كذا معهم و الله طفشت وش الحل :Sad2: :Sad2:

[عاشق التضبيط]

آ آ آه بس آ آ آه :cry:

لا حياة لمن تنادي

والمشكله ان بعضهم حطوا خط تحت بعضهم عشان ماحد يبلشني :D

المشكله ان بعضهم حاميها حراميها انا اعرف واحد راعي دوريه كان ماسك حارتنا ومستوصخ على الحاره كلها شغال مخالفات تنزيل تضليل سكن استكرات تجول كل شي ولما يخلص دوامه يجيك طويل العمر بسياره منزله ومظلله كتم وكله مسكن ودواره بالحاره وطبعا الدوريات كلهم اخوياه محد يقدر يقول شي من جد شي يقهر :mad:

وبعضهم ينقهرون لما يشوفون الشباب مضبطين سياراتهم وخاسرين عليها ومخلينها زي الحلاوه وهم ماعندهم الا سيارات مكسره وعندهم السلطه ويقدرون انهم يخربون سياراتنا فشي طبيعي انهم بيزلعون لنا على كل شي يعني لاتستغربون

مانقدر نقول الا حسبنا الله ونعم الوكيل :cry:

[King_SS]

ابتسم فانت في السعودية

[ACCORD-V6]

رد مقتبس من حبوب بوظبي
الله يعينكم
و الله من كثر ما أسمع عن شرطتكم
صرت اخاف اسير السعوديه بالبر :D :D :D
لأنه إلا بيوقفوك على شي


هنا لو الشرطي تم يتفلسف وايد ... و انت متأكد انك مب غلطان (<--- نادرا ما تصير)
علطول تشتغل التلفونات و توصل إلى جهات عليا
قد تؤدي بالشرطي إلى ... إلى ...

تختلف
بعضهم اخلاق

والله هذا واحد اخلاق

والله مره مكتم السيارة خفيف شوي مب قوي مره
قالي مظلل قلت ايه
قال دور(ابحث) عن اخف من هالتظليله
لانه لو جاك واحد ثاني بيفكها وقسيمة

[bashar_255]

في السعوديه كلشي مسموح و ممنوع على المزاج و كلشي حرام حتى تثبت حليته!

مثال...

قديماً لو دخلت الحدود براً و كان عندك سلاح ممكن يسحبوه و ممكن لا و البيح بالداخل مسموح و وزارة الداخليه نايمه من هالجانب:OO:

أما الآن اذا مسكوك على الحدود ففيها حبس و تغريم و تحقيقات و مقادره نهائيه بسبب أحداث ستمبر!

بالعكس....

قديماً لو كان فيه واحد سكران يجلدوه في سوق الخميس(إذا ما عنده واسطه:D ) أما الآن فيمسكوه لين ما تخلص سكرته:OO:



هذي أمثله على وزارة الداخليه و لك الحكم و القياس;)

[الشبابي]

والله قصصكم ماهي منتهية ...
واحد من الشباب معاه لومينا اس اس وقفه دورية وقال له جيب سيارتك على الحجز واخذ الاوراق ...
وقفه الرجال وقال له : ليش ؟
قال انت مهبط السيارة ... قاله خويي سيارتي شد بلد قال له الجندي لا لو كانت سيارتك شد بلد كان صارت بمستوى ارتفاعي لومينتي وطبعا الدورية متخلف لأن حقته ال اس و حقت خويي اس اس ....







اخوكم الشبابي

[BLUE_STEEL]

رد مقتبس من الشبابي
والله قصصكم ماهي منتهية ...
واحد من الشباب معاه لومينا اس اس وقفه دورية وقال له جيب سيارتك على الحجز واخذ الاوراق ...
وقفه الرجال وقال له : ليش ؟
قال انت مهبط السيارة ... قاله خويي سيارتي شد بلد قال له الجندي لا لو كانت سيارتك شد بلد كان صارت بمستوى ارتفاعي لومينتي وطبعا الدورية متخلف لأن حقته ال اس و حقت خويي اس اس ....







اخوكم الشبابي

:laugh: :laugh: حلـــوة .. واللــه إنـــه ( قيزانـــي ) :laugh:

[HaKeM]

رد مقتبس من King_SS
ابتسم فانت في السعودية

لا وأزيدك من الشعر بيت

واحد من أصحابي عينه مريضه ومحمره قام وقفه العسكري وقله اشبها عينك حمره قله تعبانه قام يقله العسكري عينك عسلية الله حفظلك هيا

عالم فايقة وماعندهم سالفة كل شي بالمزاج:D

تحياتي:black: :black: :black:

[black scorpion]

طيب انا مضلل سيارتي زيرو زيرو كلمل السيارة وله التضليل اكثر من سنتين كل ما ادخل تفتيش امشي وما يقولوا شي واذا وقفوني اقله عازل وكم مكلفني ويمشوني:D الا تفتيش الشميسي من كم يوم وانا طالع مكة وقفني العسكري وكالعاده الخطوات المتبعة:
1- رخصة واستمارة
2- ارفع الزجاج
3-على جنب
4-اتفرج عليه وهو يكتب المخالفة
اخدتها وانا مستعجل ولا فكيت التضليل ولا شي
الوالد الله يخليه عرف بالمخالفة واجبرني اني افكه (فكيت التضليل عشان الوالد مو عشان المرور):mad: