((( _ أنا ركبت هدرز وأبي مساعده منكم _ ))) ضروري

[DIABLO SV]

بسم الله الرحمن الرحيم

السلام عليكم ورحمة الله وبركاته

انا ركبت هدرز في سيارتي اللاند كروزر .. واهو بدون اي دبات مجرد الراس .. اللي يكون موصول بالمكينه على طول وواصل للنص تقريبا بس بدون اي دبه ..

واهو ما يسوي اي صوت ابدا بس طلعت لي مشكلتين ...

الأولى .. انه الهدرز أو الاكزوز ( الراس ) تبطل والسياره كانت تمشي بخط فطلع دخان واصوات قويه .. الشي الزين انه كنت قريب من ورشه بالطريق وصلحوا السستم ..

وقالوا المشكله من " الجازجيت " يعني الربله او المطاط العازل بين المكينه والهيدرز مثل " الواشر " في انابيب المياه ..

قالوا انه الجازجيت الاصلي تبع الوكاله ما يركب عليه وفيه تجاري يركب عليه بس التجاري مشكلته انه ما يدوم اكثر من شهر ويخرب .. فشو الحل ..

الثانيه .. الحين انا ركبت الهدرز وصلحته وركبت له جازجيت تجاري مؤقتا ليما القى حل لها المشكله بس يطلع صوت مثل الضربه تقريبا " دوفف او بوفف " يعني مثل نقعة الاكزوز .. وما يطلع ها الصوت الا اذا كنت ارجع على ورا وادوس بترول شوي ..

شو تتوقعون ها الصوت ومن وين وشلون اصلحه ومع منو ؟؟؟

اتمنى من الخبراء واللي عندهم تجارب واللي عنده اي معلومه انه يفيدني لأني مستعجل وااايد وماعندي وقت كافي ؟؟

امري بيد الله وبيدكم الحين ..
اتمنى تساعدوني .

[أبوالزين]

نصيحتي لك هي انك تشيل الهدرز
وابعد عن الشر والخراب والمخالفات يا عمري و غني لو

[bashar_255]

ركب تفصيل:OO:

[DodgE]

ياتركب تفصيل
ياتدور على الأنترنت وإن شالله بتلقى.......

[oil_HKS_lio]

ركب لم تفصيل وتنحل مشكلتك

[King 4x4]

مشكله الجازجيت سهله.

فيه جازجيت لين يسمونه سليكون أسود.

ذا تقدر تحطه و تخليه ينشف و خلاص.

[WRX]

السلام عليكم ورحمة الله وبركاته

للأسف انا كنت حاب اساعدك بس والله ماعندي فكرة عن الأصوات هذي بس حبيت انبهك على حاجة وهي انك تراجع كلمتك:
امري بيد الله وبيدكم الحين ..
اتمنى انك فهمت قصدي اخخوي ومع السلامة.

[CRX]

رد مقتبس من racing_guy
نصيحتي لك هي انك تشيل الهدرز
وابعد عن الشر والخراب والمخالفات يا عمري و غني لو
ايه والله
يازين الشي لو من اصله كاله يعني مهما كان مارا يكون شغل عدل و يمشيك زي الوكاله

[DIABLO SV]

السلام عليكم ...

مشكوووووورين جدا على ردودكم لموضوعي ..

racing_guy ... CRX :-

مشكورين على ردكم .. بس الهدرز مب ممنوع عندنا اذا كان بدون صوت بس الصوت اهو اللي تخالفك الشرطه عليه واذا كان الصوت عالي بس ..

والهدرز أفضل من اكزوز الوكاله بألف مره لأنيه يكون بسيط ويطلع المحروقات بسهوله وسرعه اكبر ..

bashar_255 ... DodgE .... oil_HKS_lio :-

مشكووورين على ردودكم .. بس الهدرز اللي ركبته اهو تفصيل

WRX :-

اخوي مشكوور على تنبيهك بس انا كان قصدي انه مالي اي احد ألجأ له ومشكلتي مالها حل الا من عند الله ومن ثم عندكم انتوا باذن الله وبس

King 4x4 :-

اخوي مشكووور على ردك وتسلم على الافادة بس يا ريت تقول لي من وين اقدر احصل على ها النوع من الجازجيت وهل ها الاسم معروف يعني اذا دورت عليه بها الاسم راح يعرفونه ولا له اسم ثاني ؟

وتسلم مره ثانيه ..

مشكووووورين جدا على مشاركتكم وياي ...

بالانتظار .. :)

[حفيد الفاروق]

أخوي زين تسوي إنك ركبت الهيدرز فهي تنسم على المكينة وتريحها غير الأكزوز إلي غامت على المكينة (أكزوز الوكالة) .

واذا تبي نصيحتي روح موضوع الكينق أس أس وقوله مشكلتك تراه نشمي وما راح يقضر معاك .
وقوله عن المواقع لأنه يتعامل مع الكثير من المواقع .
وموفق

وقولي هل حسيت بفرق كبير لما غيرت الأكزوز .

[bashar_255]

ما عنيت انك تفصل الهدرز:help:

عنيت انك تفصل القاز قيت:)

[DIABLO SV]

السلام عليكم ...

هلا اخوي حفيد الفاروق ..

مشكوور على ردك وبالفعل الهدرز افضل من اكزوز الوكاله .. بس ماكو فرق كبير ملحوظ لأني ما ركبت الدبه اللي بالوسط بس تحس المكينه تشتغل اكثر لأني ركبت لها نظام كهرباء يديد وقوي ..

:) سوري اخوي بشار ما فهمت ردك عدل :)

انزين ممكن تقول لي من وين اقدر افصلهم ؟

وانا بالانتظار .. :)

[bashar_255]

روح لوحده من هالمخارط اللى في مناطق الورش:glasses: