انتربيد.. زينة .. وشينة

[انتربيد]

بسم الله الرحمن الرحيم
السلام عليكم ورحمة الله وبركاته
الانتربيد التي أملكها انتربيد م97 ES أي الفئة الأعلى وقيمتها عند شرائها تبلغ 83000ريال وهي سيارة زي أي سيارة لها سلبيات وإيجابيات فأما إيجابيتها :
1- المحرك 6 سلندر تبلغ 215 حصان عند سرعة دوران 5500 وسعة المحرك 3.5 وهو محرك رائع له قوة ممتازة وأيضاً له هدير رائع ومميز.
2- اقتصاد ممتاز للوقود.
3- ثبات رائع في المنعطفات.
4- سعة داخلية كبيرة.
5- مسجل ذو صوت رائع يحتوي على 11 سماعة وهو ماركة انفنيتي.
6- أسعار قطع الغيار الاستهلاكية تعتبر جيدة ومعقولة.
7- شكلها الخارجي في نظري مميز ولم يتأثر بقدم الموديل.

سلبياتها :
1- عدم توفر قطع الغيار في بعض المدن.
2- انخفاض سعرها بشكل كبير عند إعادة البيع.
3- وجود فاصل للسرعة عند 175كم.
4- العزل الصوتي ضعيف .. ولهذا السبب وجود مسجل قوي علشان يغطي هذا العيب.
5- حجم الصندوق الخلفي متوسط.
6- أما الوكالة فحدث ولا حرج وهي أكبر سلبية من ضمن هذه النقاط.

[S8]

تشكر على الموضوع

لي رجعه ان شاء الله :)

[A7medo]

السلام عليكم ورحمة الله وبركاته

صراحة اخوي أنت الي قلته عكس الي أنا أشوفه

أحنا كان عندنا واحد على ما أعتقد موديل 96 طبعاً أنت ذكرت أنه اقتصادي للوقود لكن الي أشوفه أنه بلاعة بترول ما في أي أقتصادية في البترول
شي ثاني أنت اتقول انه ثابت في المنعطفات ...أنا أشوف العكس :o
أحنا عندنا الوكالة في البحرين جداً سيئة لدرجة ما تتوقعها قطاع الغيار أسعارها نااااااااار

أما باقي الأشياء الي قلتها فأنا أشهد أنها مميزة خاصة السماعات صوتها روعة مايحتاج انك تستبدلهم بسماعات أقوى ممتازين جداً

أشكرك أخوي انتربيد لطرحك هذا الموضوع المميز .

[انتربيد]

بسم الله الرحمن الرحيم
أخي الكريم بالنسبة لإستهلاكها للبترول قلت أنه اقتصادي لأنه تم عن ملكي لهذه السيارة استطعت السير بها لمسافة تقدر بـ 550 كم وبسرعة 160 تقريباً وبعد ذلك تزودت بالوقود بمبلغ 55 ريال.
أما بالنسبة داخل المدينة فمبلغ 50 ريال يتكفل بأن تسير السيارة لمسافة لا تقل عن 400 كم .
أما بالنسبة لقطع الغيار الاستهلاكية مثل اقمشة الفرامل فالأمامية والخلفية على سبيل المثال وهي من نوع أقراص يبلغ 350 ريال.
وشاكراً لك اهتمامك

[VIPER GTS-R]

السلام عليكم خيوو انتربيد

عاد تدري الانتر افضل سيارة عندي لها معزة خاصة:shy: انا عندي انتربيد ES موديل 94 محركات 3.3L وبس 161 حصان:cry: وبصراحة راح اقول لكم السلبيات والايجابيات من خلال استخدامي للسيارة حدود 6 سنوات واكثر من 150000 كلم ..
اولا السلبيات واركز عليها للاهمية فقط :-
1- مشكلة نظام التبريد وتعقيدة بصراحة لعبو فيني هالورش وما خليت شي ما غيرته وبالاخر طلعت المشكلة من الراديتر يبي له تسييخ وما عرفت هالشي الا بعد ما انفجر الراديتر .. اضافه الى مشكلة المراوح ..
2- قطع الغيار شي خيالي اخر قطعة عقدتني هي بلف المكيف قيمته ب 300 ريال لانه قطعه كبيرة كذا وتركب في الثلاجة عكس باقي السيارات الامريكية اللي فيها البلف ب 15 ريال مثل الداكوتا :Sad2:
3-النور العالي مو لحد بس الواطي + انوار الضباب رائع بالمرة .
4-عدم توفرها بفتحة سقف انا اشوف انها بالفتحة راح تكون مرة كول .
5-غطاء الايرباق للراكب الامامي دايم ينعدم من الشمس
6-نظام التعليق فيها قاسي يعني مو مريح بالمرة بس رياضي .
7-الوكيل خايس بالمرة وصيانته مثل وجهه ..
8- الطلاء لخارجي لا يتحمل الحرارة والشمس يعني يبهت مع مرور السنين .
9- تحديد السرعة على 185 تقريبا
........................... تقريبا هذي العيوب اللي طرت على بالي ..
نجي للمميزات وهي كثيره بس الواضح منها :-
1- الكتروني + مجسات داخل المقصورة والتبريد قوي وبلمسة زر ويوجد فتحات بالركاب بالخلف ..
2- مسجل الكتروني طراز انفنتي ب7 سماعات ومضخم للصوت بس ناقصه السي دي ..
3- ثبات رائع جدا جدا وهذي اكبر تميز لها من بين السيارات الامريكية وغير الامريكية لدرجة اني اقارنها بالبي ام في بعض الاوقات لاني اسوق السيارتين وبصراحة جربت الكراون فكتوريا واللومينا والكابرس وغيرها من السيارات الامريكية ووحتى الكامري بصراحة ما يتقارنون معاها في هذي الميزة وانا اعتقد ان فيه مشكلة عند اخونا A7medo في سيارته عشان كذا ما لاحظ هالشي .
4-ثبات حتى في المطر ماعمري حسيت فيها اي انزلاق حتى لو كان بسيط واحيانا في المطر اسوقها بسرعة بدون اي خوف .
5-اليايات قاسية طبعا السلبيه فيها عدم الراحة المطلقة بس ايجابيتها كثيرة وخاصه في تحمل الركاب مرة ركبنا فيها كلنا واحنا 7 افراد + الامتعة كنا مسافرين وما شاء الله السيارة راسية وما تهبطت كثير عكس باقي السيارات الامريكية اللي من تحط شي ثقيل بالشنطة تطيح بالارض وبالخط تلعب ..
6- دركسيون متحسس للسرعة ويثقل مع السرعة وهذي ميزة رائعة .
اضافه الى ذلك نظام ال ABS ودبل ايرباج وجنوط 16 .. وبصراحة هالمواصفات كانت قياسية في وقتها سنة 94 والشكل الخارجي المميز خصوصا ان اللون اللي عندي اسود والمصيبة اكثر الناس كانو يحسبونها موستنج ..

هذا ما قدرت احصره لكم من واقع تجربتي والف شكر للجميع
:D
http://srt.jeeran.com/02052052-027.jpg

[PT Cruiser]

اهلين شباب
---
واحد من اخوياي معاه انتربيد 97
بس ما ادري اي فئة
الي شفته فيها :-
تقاومت معاه بالافالون ( 6 سلندر - 220 حصان )
بصراحه اقولها لكم
الانتربيد ما شاء الله شق وجهي بالقومه وبالخط
مع اني رايح على لومينا ltz قومه وخط
هذا بالنسبه للمكينه
--
بالنسبه لمكيفها
فانا ما قد شت مكيف يبرد مثلها
بصراحه ما شاء الله على هالسياره
مكيفها عالم ثاني
---
بالنسبه لقطع الغيار ف خويي متعقد من الشي هذا
قطعها ناار
--
الشكل الخارجي حلو
--
اتساعها من الداخل مره مره مره مريح
--
اممممممم
بس ما عندي شي ثاني اقوله
وسلامتكم

[Eclipse]

بالنسبة لصرفية البنزين يعتمد انت تدعس ولا سواقتك هاديه:rolleyes:

وبالنسبة للمنعطفات يعتمد داخل على سرعة 20 ولا 200:rolleyes:

يعطيك خيرها ويكفيك شرها :)

[A7medo]

أخوي فايبر أنت ذكرت أن

ثبات حتى في المطر ماعمري حسيت فيها اي انزلاق حتى لو كان بسيط واحيانا في المطر اسوقها بسرعة بدون اي خوف


بقولك شي أحنا صادتنا عقدة من هذه السيارة حتى قمنا ما نطلع فيها أيام المطر أو حتى لو طلعنا فيها ما أنزيد السرعة أكثر من 80 ...بقولك وش صار

كنت يوم من الأيام طالع مع أخوي بالأنتر وهو كان بيدخل دوار أو كانت الأرضية مبللة .. داس على البنزين ..( سبحان الله ) السيارة قامت تلعب يمين شمال .. كل ما بودي الدركسون يمين اتروح السيارة يسار أو أذا بغا أو ديها شمال أتروح يمين حتى أخذت لها فرتين يعني 360 درجة مرتين ربك ستر وقفتنا شجرة ...فصرنا انخاف انسوق السيارة في المطر صارت لنا عقدة

شي ثاني لاحظته وهو ل Air Bag دايماً يطلع على فوق أو مو بس سيارتنا وايد سيارات لاحظتهم حتى كنت اخاف يوم واحد ينفجر في وجهي قبل لا انبيعها

أو في حادث صار لنا بالأنتر بذكره لكم في وقت آخر .



سلام

[VIPER GTS-R]

رد مقتبس من A7medo
أخوي فايبر أنت ذكرت أن

ثبات حتى في المطر ماعمري حسيت فيها اي انزلاق حتى لو كان بسيط واحيانا في المطر اسوقها بسرعة بدون اي خوف


بقولك شي أحنا صادتنا عقدة من هذه السيارة حتى قمنا ما نطلع فيها أيام المطر أو حتى لو طلعنا فيها ما أنزيد السرعة أكثر من 80 ...بقولك وش صار

كنت يوم من الأيام طالع مع أخوي بالأنتر وهو كان بيدخل دوار أو كانت الأرضية مبللة .. داس على البنزين ..( سبحان الله ) السيارة قامت تلعب يمين شمال .. كل ما بودي الدركسون يمين اتروح السيارة يسار أو أذا بغا أو ديها شمال أتروح يمين حتى أخذت لها فرتين يعني 360 درجة مرتين ربك ستر وقفتنا شجرة ...فصرنا انخاف انسوق السيارة في المطر صارت لنا عقدة

شي ثاني لاحظته وهو ل Air Bag دايماً يطلع على فوق أو مو بس سيارتنا وايد سيارات لاحظتهم حتى كنت اخاف يوم واحد ينفجر في وجهي قبل لا انبيعها

أو في حادث صار لنا بالأنتر بذكره لكم في وقت آخر .



سلام


بصراحة اخوي A7medo
سيارتكم اكيد فيها شي اعتقد اندعمت قبل كذا وتصلحت او واحد من المساعدات خربان هذا شي اكيد بس صدقني السيارة ماعليها كلاممن الناحية هذي لما اسوقها وبعد كذا اسوق الكامري والله اخاف لدرجة انك ما تقدر تقارن هالسيارتين بالثبات مطلقا ..

بالنسبة لسالفه الايرباج لا تخاف ما راح يطلع لان هذي العلبة الخارجية للايرباق مو نفس الايرباق الايرباق عبارة عن كيس مطوي بداخلها ولو صار حادث لاسمح الله ترسل المجسات الامامية اشارة للكمبيوتر وهو بدوره يرسل اوامره فيتم نفخ هذا الكيس بغاس ما ادري وش اسمه المهم ان اللي يخلي الكيس يطلع هو الغاز اللي ينفخ فيه ..


اتمنى اكون افدتك وتقبل تحياتي

فيبو

[DodgE]

:D الشباب كفوا ووفوا

بالنسبه للثبات أنا كانت السياره معي من سنه 96 وكاله جديده فل أوبشن إلى 2001 يوم بعتها وبالعكس السياره ثابته جدا رغم قيادتي السيئه

وتحياتي