View Full Version : أصحاب الكوابرس واللومينا حياكم
RED Chevy
31-01-2004, 09:36 AM
بسم الله الرحمن الرحيم
السلام عليكم ورحمة الله وبركاته
ذي الموضوع كتبته عشان نبين الحقايق ونشوف الواقع، نزلت ذي الموضوع عشان كل واحد من اللي خذوا لومينا أو كابرس يتفضل ويقول لنا شنو المشاكل اللي واجهها في سيارته، وعشان يقول لنا شنو مميزاتها ولما خذ سيارته كان يعرف إنها مصنوعه في إستراليا وإنها هولدن أو لا، وشنو السبب اللي خلاه ياخذها دون باقي السيارات، وحبيت أخذ رايكم بكل صراحه، الموضوع بس لأصحاب اللومينا والكابرس وبيكون النقاش في موضوع( ليش الشف ما في سيارات غير) مع باقي الأعضاء.:think:
oil_HKS_lio
31-01-2004, 09:59 AM
كابرس 87 الحمدالله حماره شغل:D
RED Chevy
31-01-2004, 10:02 AM
السلام عليكم ورحمة الله وبركاته
هذي بدون كلام وماأظن أحد يقدر يقول عنه شي أكثر موتر متطور في أيامه( الشفر من 80 والكابرس سيتاته كهرباء، والياباني حتى الآن ماتطوروا، تبي كهرباء إدف زود)
الارهابي
31-01-2004, 10:30 AM
كابرس 85 سعودي فاكينه وكاله ( حتى اوراق الوكاله عندنا :D )
و للحين ببويه شد بلده :D
تجميع كندي :)
حق خط ما يحتاج :D يجيب على الخط 240 :banana: ( ارهاب و الناس تنحاش من قدامك بدون ما تكبس )
و في الطعوس ما يوقف
و ان بغيته حق تفحيط ما يحتاج بعد :D
و ان خشيت به بحر ما يقول اح :corsair:
و حق تمشيه ما في احلى منه
الشفر تحمد ربها ما حصلت لي فرصه اسوق كابرس من الجدد
ولا طلعت عيوبها كلها في اسبوعين بس :D
و المثل يقول
قديمك نديمك و لو جرك على الشوك :banana: :D
فوردLX
31-01-2004, 11:16 AM
رد مقتبس من الارهابي
الشفر تحمد ربها ما حصلت لي فرصه اسوق كابرس من الجدد
ولا طلعت عيوبها كلها في اسبوعين بس :D
و المثل يقول
قديمك نديمك و لو جرك على الشوك :banana: :D
خخخخخخخخخخ حلو المثل المكس:laugh:
RED Chevy
31-01-2004, 11:42 AM
السلام عليكم ورحمة الله وبركاته
حياك الله الإرهابي وحتى الآن محد يعاني من مشاكل، ومثل ماقالوا
إن نويت بالسفر عليك بالشفر.
حق بر تخمس دوس مايقول لا
صالح لجميع الإستعمالات.
الارهابي
31-01-2004, 11:47 AM
الشفر مو الهولدن :p :banana: :D
RED Chevy
31-01-2004, 12:03 PM
السلام عليكم ورحمة الله وبركاته
خل نشوف عيوب مواتر الشباب عقب نقول الشفر والهولدن، لكن الهولدن 80% شفر، وترى أرسى من القديم على الخط( كلام إخوي كان عنده 96SS ويوم جرب مشي الجديد قال إنه أرسى ومشيه أحلى) :think:
RED Chevy
01-02-2004, 10:35 AM
السلام عليكم ورحمة الله وبركاته
يلا ياشباب الشفر وينكم ؟:anger:
Dreams_Maker
01-02-2004, 01:33 PM
هلا...الشفراويه وصلوا..
:banana:
السياره: Lum. SS 2000
العيوب:
1-أكبر عيب موجود هو "الوكيل"...نصب وغش وعدم أمانه في التصليح والتشييك والتسعيير حتى..
2-مافيها فخامه من الداخل..المكيف يدوي..الكراسي تعديلها يدوي...المرايات اللي بالسقف بدون أنوار مدمجه معها :mad: ...بالرغم انها اغلى انواع فئه اللومينا...الجلد المستخدم مو طبيعي...الحافظه او الجيب "ماادري وش تسمونها" اللي ورا الأسيات الاماميه تتمدد مع مرور الزمن وشكلها يصير غير مقبول..
3-فيه أصوات بالدفرنش تطلع مع ترك الدعسه فجأه ..والدعس مره اخرى...أيضا صوت بالدفرنش "بعض الأحيان" لمن تبدل الجير..R=D=N
أغلب فئات الـSS يطلع هالصوت..فئات ال6سلندر..ماشفت منها هالشي.
4-عند المقصات اللي ورا...الكفرات تفشخ...تتباعد عن بعض مع مرور الوقت...سألت صاحبي وهو ميكانيكي..."خبير"...قالي هذا عيب مصنعي..ويبيلك كل فتره تبدل قطعه في التعليق الخلفي..."ماادري وش هي"
راح اتوقف هنا...وبرجع أكمل..
اسمحولي..
وانتظروا التكمله
:glasses2:
RED Chevy
01-02-2004, 01:41 PM
السلام عليكم ورحمة الله وبركاته
حياك الله إخوي،والحمد لله العيوب الداخليه تعدلت في الموديل الجديد، والدفريشن مالها شافتات مو مثبل قبل ( نفس نظام البورش والبنز) والتواير اللي تفشح هذي كل ماتزيد السرعه إفشحوا وإذا صادتهم مشكله الله أعلم، وأشكرك على المشاركه وحيا الله الشفراويه.
حفيد الفاروق
01-02-2004, 03:26 PM
أنا عندي لومينا موديل 99 (6 سلندر)
يعني صار لها 5 سنوات .
والحمد لله ما فيها شئ بس من داخل مو ذاك الزود دقمها فر .
ومن مميزاتها :
وسيعة من داخل وحلوة من الخارج .
وكشنها مريح وأعطالها بسيطة وما إلى ذلك .
وثابتة إلا فوق 150 كم\ساعة تكون مو ثابتة .
يعني 120 تمااااااااااام
مممممممممممممم:think:
ووكيلنا بالكويت عسسسسسسسسسسسسسل يعني عز الطلب .
والله يعينكم يا أهل السعودية على سوء خدمات وكيلكم(حسب ما سمعت من السعوديين)
بعدين نرجعلكم وكل عام وأنتم بخير
RED Chevy
01-02-2004, 03:29 PM
السلام عليكم ورحمة الله وبركاته
حياك الله حفيد الفاروق وآنا كنت متأكد إنك بترد، و مشكور على المشاركه.
( ترى مو بس إنتم وكيلكم أوكي إحنا أحسن وكاله عندنا الGM والهوندا):)
abu_nasser
01-02-2004, 03:31 PM
نحن نملك كابرس و لومينا
اللومينا ذكرت في احد المواضيع اني واجهت ثلاث مشاكل اثنتين منها كان بالسلف و مره بطارية
اما الكابرس فهي الآن بالورشة و المشكلة بالهبات :)
تحياتي لكم
RED Chevy
01-02-2004, 03:44 PM
السلام عليكم ورحمة الله وبركاته
إخوي بوناصر ماقلت لنا الموديلات، وهل التصليحات على حسابكم أو على الضمان، وأشكرك على المشاركه؟:think:
abu_nasser
01-02-2004, 04:30 PM
اللومينا البطارية على حسابنا اما السلف فكلا المرتين على الجميح ( الوكيل ) موديله 2002
اما الكابرس فهو على حسابنا موديله 2001
760IL
01-02-2004, 05:42 PM
لومينا ال اس 2002(سيارتي طبعا)
راحه مافيها(اركب اللومينا بعدبن اركب الماكسيما وشوف الفرق)
رساوه مافيها...حط تحت كلمة رساوة خطين الله لايهينك
محرك غبي .........3.8 ليتر وتسارع في 9 ثواني)ويمكن اكثر)
قير غبي اربع سرعات توماتيك(الناس وصلو لل7 تعشيقات وهم 4)
الامان الله بالخير مافيها ولا اير باق
الصيانه زفت(تصفية بواجي ب800 ريال وااخرتها اغير البواجي ب90 ريال ورجعت السياره على طبيعتها
باختصار سياره فاشله وانشاء الله كلها 4 شهور ويمكن اكثر شوي وابيعها مع العلم ان سيارتي ماشيه 35000 فقط ....
MuGeN
01-02-2004, 06:34 PM
رد مقتبس من 760IL
لومينا ال اس 2002(سيارتي طبعا)
راحه مافيها(اركب اللومينا بعدبن اركب الماكسيما وشوف الفرق)
رساوه مافيها...حط تحت كلمة رساوة خطين الله لايهينك
محرك غبي .........3.8 ليتر وتسارع في 9 ثواني)ويمكن اكثر)
قير غبي اربع سرعات توماتيك(الناس وصلو لل7 تعشيقات وهم 4)
الامان الله بالخير مافيها ولا اير باق
الصيانه زفت(تصفية بواجي ب800 ريال وااخرتها اغير البواجي ب90 ريال ورجعت السياره على طبيعتها
باختصار سياره فاشله وانشاء الله كلها 4 شهور ويمكن اكثر شوي وابيعها مع العلم ان سيارتي ماشيه 35000 فقط ....
كل هالحقد ليش أخذتها اخوي :shock2:
Dreams_Maker
01-02-2004, 07:27 PM
رد مقتبس من Dreams_Maker
هلا...الشفراويه وصلوا..
:banana:
السياره: Lum. SS 2000
العيوب:
1-أكبر عيب موجود هو "الوكيل"...نصب وغش وعدم أمانه في التصليح والتشييك والتسعيير حتى..
2-مافيها فخامه من الداخل..المكيف يدوي..الكراسي تعديلها يدوي...المرايات اللي بالسقف بدون أنوار مدمجه معها :mad: ...بالرغم انها اغلى انواع فئه اللومينا...الجلد المستخدم مو طبيعي...الحافظه او الجيب "ماادري وش تسمونها" اللي ورا الأسيات الاماميه تتمدد مع مرور الزمن وشكلها يصير غير مقبول..
3-فيه أصوات بالدفرنش تطلع مع ترك الدعسه فجأه ..والدعس مره اخرى...أيضا صوت بالدفرنش "بعض الأحيان" لمن تبدل الجير..R=D=N
أغلب فئات الـSS يطلع هالصوت..فئات ال6سلندر..ماشفت منها هالشي.
4-عند المقصات اللي ورا...الكفرات تفشخ...تتباعد عن بعض مع مرور الوقت...سألت صاحبي وهو ميكانيكي..."خبير"...قالي هذا عيب مصنعي..ويبيلك كل فتره تبدل قطعه في التعليق الخلفي..."ماادري وش هي"
راح اتوقف هنا...وبرجع أكمل..
اسمحولي..
وانتظروا التكمله
:glasses2:
نكمل..
باقي عيب واحد
5-البريكات تعتبر سيئه...إذا ماأخذنا بالإعتبار انها سياره سبورت..
يعني من 0-200...السياره سريعه جداً..ولكن من 200-0 السياره بطيئه جداً
المميزات...
1-الأداء حقها ممتاز جداً
2-الشكل الرياضي الجميل وديكورها معقول جداً...(لاأعني الماده المصنوعه)..
الأسيات مريحه جدا جدا جدا..وشكله جميل
3-على 190 وجهت الدركسون يمين عشان اتفادى سياره قدامي نزلت بوجهي فجأه..والسياره الفلانيه راحت نفس المكان اللي بروحه"بروح يمين راحت يمين بروح يسار راحت يسار (اعني السياره اللي جات في وجهي)"...لعبت شوي يمين يسار..بس ظليت ماسك الدركسون وسيطرت على الوضع.
4-إذا كان في هواء بالطريق...السياره ماتكون ثابته أبداً...أما إذا الجو معتدل...فالسياره ثباتها ممتاز جداً
هذا اللي في أقدر اقوله الآن..
وسلمتم..
:glasses:
RED Chevy
02-02-2004, 04:45 AM
السلام عليكم ورحمة الله وبركاته
حياكم الله الشفراويه، وعيدكم مبارك، أشكركم على المشاركه، ويلا كثروا وقولوا كل اللي عندكم عشان نطلع بخلاصه المشاكل وسلامتكم.
حفيد الفاروق
02-02-2004, 10:43 AM
رد مقتبس من 760IL
لومينا ال اس 2002(سيارتي طبعا)
راحه مافيها(اركب اللومينا بعدبن اركب الماكسيما وشوف الفرق)
رساوه مافيها...حط تحت كلمة رساوة خطين الله لايهينك
محرك غبي .........3.8 ليتر وتسارع في 9 ثواني)ويمكن اكثر)
قير غبي اربع سرعات توماتيك(الناس وصلو لل7 تعشيقات وهم 4)
الامان الله بالخير مافيها ولا اير باق
الصيانه زفت(تصفية بواجي ب800 ريال وااخرتها اغير البواجي ب90 ريال ورجعت السياره على طبيعتها
باختصار سياره فاشله وانشاء الله كلها 4 شهور ويمكن اكثر شوي وابيعها مع العلم ان سيارتي ماشيه 35000 فقط ....
هههههههههههههههههههه
والله ضحكتني عن جد , من كلامك أحس إن ما عندك اللومينا .
كيف ما في راحة ؟؟؟؟؟؟؟؟؟؟؟؟؟
والله كشنها راكب على ظهري عدل ومرتاح في قعدتها .
وبالنسبة للرساوة أنا أقولك صح كلامك بس اذا دست فوق 150 كم في الساعة تكون السيارة غير ثابتة بس أقل من 150 والله السيارة ثابتة, وعلى فكرة كل السيارات إلي بفئتها فوق 150 تكون غير ثابتة .
وكيف تقول المحرك غبي !!!!!!!!!!!!
روح دوس في الماكس على سرعة 180 وشوف الضغط على كم , ودوس على اللومينا 180 وراح تلقى الضغط على 3 وشوي . وراح تلقى بالماكس فوق 3 بكثييييييييير. وكلما قل الضغط كلما كانت المكينة مرتاحة .
وهل هذا يدل على غباء المحرك.
وبالنسبة للتسارع تعتبر مقبولة لأنها دفع خلفي أما الماكس سحب أمامي . فأكيد الماكس بالتسارع أحسن (حسب القوانين الفيزيائية ان السحب الامامي أسرع من الدفع من الخلف)
وبالنسبة للقير صح كلامك القير 4 سرعات ما يصير لازم 10 سرعات أو 20 سرعة مثل الماكس والهوندا الخ.....
وبالنسبة للصيانة فهذي على الوكيل فعندنا في الكويت الوكيل عسسسسسسسسسسسسسسسسسسسسل .
وبانتظار ردودك .
واذا تبي العداد 180 والضغط على 3 وشوي أنا حاضر . (لأني مصورها بجوالي)
:banana: :banana: :banana: :banana:
luminaltz
02-02-2004, 12:30 PM
السلام عليكم
كل عام وانتم بخير بالاول ويعوده علينا وعليكم بالصحه والعافيه ان شاء الله
انا بصراحه عندي لومينا ال تي زد ما شيه فوق 160 الف كم وما عانيت من مشاكل كبيره اللهم بس السفايف دايم اغيرهم م ا ادري ليش يستهلكوا بسرعه
طبعا ا التي زد افخم نوع في اللومينا ...الكراسي مخمل والمكيف الكتروني بس الديكور مو لذيك الدرجه بس الجديده حلو
السياره رازحه في الشارع ايه نسيت الكراسي اوتو بعد
بالنسبه لعيوبها القير والعادم ...ما ادري في قوه في المكينه بس ما راضيه تطله بسبب العادم والقير ....الوكيل مشا حالك هنيه في السلطنه....مشيها سلس في الشارع واحلي شي التسارع عند الدوسه المتوسطه وهاذي ميزه في الامريكي عموما
وسلمتوا
حفيد الفاروق
كون أن سرعة المحرك 3000 RPM عند سرعة 180 كلم/ساعة هذا يدل على أن نسب القير طويلة ، وهذا من فوائده أن أستهلاك البنزين بيقل وصوت أزعاج الطريق بيقل ، لكن له تأثير كبير في أداء وتسارع السيارة وخصوصاً عند التجاوز والسيارة محملة بالركاب....
هذا القير بهذه النسب هو جيد لمحرك الـLS1 لكن موديل الـV6 في نظري يحتاج لقير أفضل......
يعني بأمكان GM تعديل القير بتقصير النسب وإضافة خاصية الـOVER DRIVE .....
أما المحرك فالصراحة المفروض يكون مستوى العزم فيه أكبر من كذا ، 3,8 لتر والعزم في مستوى أغلب محركات الـ3,0 لتر اليابانية!!!
أيش فائدة الـ0,8 لتر الإضافية؟
غير القوة الحصانية........ ما يحتاج أتكلم.
مؤيد اف1
02-02-2004, 01:24 PM
رد مقتبس من NFS
حفيد الفاروق
كون أن سرعة المحرك 3000 RPM عند سرعة 180 كلم/ساعة هذا يدل على أن نسب القير طويلة ، وهذا من فوائده أن أستهلاك البنزين بيقل وصوت أزعاج الطريق بيقل ، لكن له تأثير كبير في أداء وتسارع السيارة وخصوصاً عند التجاوز والسيارة محملة بالركاب....
هذا القير بهذه النسب هو جيد لمحرك الـLS1 لكن موديل الـV6 في نظري يحتاج لقير أفضل......
يعني بأمكان GM تعديل القير بتقصير النسب وإضافة خاصية الـOVER DRIVE .....
أما المحرك فالصراحة المفروض يكون مستوى العزم فيه أكبر من كذا ، 3,8 لتر والعزم في مستوى أغلب محركات الـ3,0 لتر اليابانية!!!
أيش فائدة الـ0,8 لتر الإضافية؟
غير القوة الحصانية........ ما يحتاج أتكلم.
الياباني 4 بلوف لكل سلندر اما الامريكي النص :D وهذي من رايي اكثر شي أثر فيه:cool:
RED Chevy
02-02-2004, 01:56 PM
السلام عليكم ورحمة الله وبركاته
إخوي NFS حياك الله، ومؤيد حياك الله بعد، وكلامك إخوي عن القير ترى فيه أوفر درايف، والمعروف عن المحرك إن كل ماقلت الدوروات يكون مرييييييييييح، وعزم اللومينا 306 عند 3600 لفه، والأكورد عزمها 288 وهو آي فيتك وفيه أوفر درايف لكن على 5000 لفه وشوف الفرق.
أخواني
أنا كان ردي تعقيب على رد حفيد الفاروق على تعجبه من جملة "المحرك غبي".
طبعاً الكلام هنا عن محرك الـV6 ، لأنه صحيح المحرك هذا موجود من أيام الثمانينات والتسعينات بدون تغييرات جذرية ، يعني أحنا نتكلم عن تكنولوجيا صار لها أكثر من 15 سنة.
شوف محرك الـLS1 ، هو طلع سنة 97 على الكورفيت C5 وبدأ تعميمه على باقي الموديلات كالكمارو والفايربيرد واللومينا والكابريس .
والأن تم الأنتهاء من المحرك الجديد LS7 بسعة 6 لترات وعزم (40X رطل×قدم و 40X حصان) وهذا المحرك سيتم تزويده في الكورفيت الجديدة (أعتقد أنها بتنزل في الأسواق قريباً)...
ومع هذا يظل محرك الـV6 كما هو بدون تطوير يمكن بعد 5 سنوات بيصير تغيير لكن المنافسين اليابانيين بيكون وصلوا فين؟
على العموم المستهلكين في أسواقنا لا تهتمون بقوة المحركات أو التقنية المرتبطة فيها ، وأنما يخافون من شيء أسمه تطور (هم يسموا التطوير "تعقيد" ، يكفي أن البعض لا يزال يفضل محركات الكاربوريتور على محركات البخ الألكتروني!!).
مؤيد أف 1
2 صمام لكل سليندر ، هل ينقص GM في تطوير هذا المحرك؟
RED Chevy
شفت مستوى العزم الاقصى في محرك الكامري V6؟ وشفت عند أي سرعة يكون هذا العزم؟
(على فكر محرك الكامري يولد عزم أكبر من الماكسيما والأكورد ، لكن أداء هذه السيارات معروف عند الأغلبية والشيء الغريب أن أقل واحدة فيهم في العزم أسرعهم!!).
وأنت ذكرت مقارنة بين محرك اللومينا والأكورد V6 وبالتحديد أقصى عزم مستخرج ، لكن هذه الأرقام لوحدها لا تكفي في الحكم على أداء المحرك والسيارة ككل.
تعرف ليش؟
لأنك بهذي الأرقام لا تعرف مستوى العزم على باقي مستوى سرعة دوران المحرك ، فمثلاً:
في اللومينا عند سرعة 4000 RPM كم مستوى العزم؟
عند 2500؟
عند 3000؟
عند 3500؟
عند 4000؟
عند 4500؟
عند 5000؟
وعند 5500؟
ونفس الشيء ينطرح على الأكورد ....
يعني هذي الأرقام لا تعطي صورة واضحة عن أداء المحرك وإلا بوجود رسم الـDYNO علشان تشوف المستوى الحقيقي....
وخلينا نروح لشغله ثانية ، القوة الحصانية في الأكورد أعلى بفارق ملموس (240 حصان مقابل 215 يعني أكثر بنسبة 11%).
يعني عزم الأكورد أقل وبقوة حصانية أعلى يخلينا نستنتج أن مستوى توزيع العزم في الأكورد أفضل وهذا بيفيدها أكثر في التسارع....
ومن ناحية ثانية قير الأكورد الأقصر في النسب ، هذا من شأنه يعوض الفرق في العزم وبالتالي يحسن القوة الحصانية (على العجلات) إللي هو في الأصل أفضل في هذه النقطة.
الـOVER DRIVE:
أنا سقت اللومينا كذا مرة ما لاحظت فيها OVER DRIVE ، إللي أقصده أنه بعد التعشيقة الرابعة لازم يكون في تعشيقة إضافية وظيفتها تخفيض سرعة المحرك بشيء بسيط وخصوصاً لما تمشي بسرعة ثابتة على الخطوط السريعة ، لما تريد تزيد السرعة ولو بالضغط على خفيف على دواسة البنزين تلاقي القير من نفسه يرجع للغيار الرابع وهذا الشيء ما قط شفته في اللومينا (هذا الشيء ملاحظ في السيارات اليابانية المزودة بالـOVER DRIVE).
خلاصة الكلامي: اللومينا V6 بهذا المحرك وبهذا القير الصراحة لا تصلح إلا أن تكون سيارة عائلة أو شخص يحب يطوف سيارات الأربعة سليندر ;)
_______________________________________
وزن الأكورد = 3384 رطل = 1535 كلغ (http://www.hondacars.com/models/specifications.asp?ModelName=Accord+Sedan)
وزن اللومينا أل تي زد = 1515 كلغ (http://www.gmarabia.com/content_data/LAAM/SA/ar/GBPSA/chevrolet/models/lumina/specification/lumina_capacities.htm)
RED Chevy
02-02-2004, 06:55 PM
السلام عليكم ورحمة الله وبركاته
أشكرك إخوي NFS على المشاركه، بس القير في الV6 يمكن يحتاج تعديل، لكن في الثمانيه ماأظن، لأن المحرك يكون على سرعات عاليه ودورات منخفضه( 120=2000تقريباً) لكن سياستهم إذا حصلوا محرك ناجح يتعمم على أغلب السيارات ويكون شغال لمده طويله( البنز إستخدموا ذي السياسه مع ال320، نزل من أول التسعينات ولي يومنا شغال وناجح وطوروه بس في الS/SLK/ML/SL، أما باقي الطرازات ماشيه على القديم ومنافسينها تطوروا) وكلامك صح اللي بياخذ لومينا سته يكون واحد موراعي قومات إذا راعي قومات ماله غير حرفينSS، وعلى ماأظن إن نفس المحرك يستخدم في أمريكا بسوبر جارج.
ترى المكينه الجايه LS2 مو7، والكورفت قريب تقريباً عقب 8شهور.
RED Chevy
03-02-2004, 05:09 PM
السلام عليكم ورحمة الله وبركاته
وين الشفراويه ردوا إخفوا:anger:
RED Chevy
05-02-2004, 07:53 AM
السلام عليكم ورحمة الله وبركاته
للرفع أشوف إختفت كل المواضيع ليش حذفتوها يامشرفين؟
موضوع ليش الشفر ماإنتهلى ولليحين إحنا نتناقش.
حفيد الفاروق
05-02-2004, 08:04 AM
أخواني بغيت أعرف شنو محركات LS2
وهل راح تنزل باللومينا والشفر ولا بس الكورفيت وياريت معلومات عن المحرك وجزاكم الله خير :p
الارهابي
05-02-2004, 09:13 AM
رد مقتبس من مؤيد اف1
الياباني 4 بلوف لكل سلندر اما الامريكي النص :D وهذي من رايي اكثر شي أثر فيه:cool:
:think: بس من ناحيه ثانيه بلوف الامريكي كبيره
حتى بعض الروس ما تركب الا على bore محدد لانك لو ركبتها على bore أصغر بتضرب في جدران السلندر
لو تنظر لهذي المسئله بنظره مختلفه
ترى المحرك يخسر نسبه مو بسيطه من قوته
عشان يشغل نفسه خصوصا في تشغيل الvalve train
يعني حمل 32 بلف على دوران المحرك مع سبرنقاتهم و روكراتهم و كاماتهم و كل شي
اكيد اكثر من حمل محرك بسيط ببلفين بس :rolleyes:
بعد من ناحيه الصيانه و التلغيم :D
بتغير كم بلف
كم ربله بلوف
كم سبرنق و توابع السبرنق ( locks , retainers ......... الخ )
كم روكر ارم ( بعضهم يجو في shaft )
شغل المخرطه ( valve seats , valve guids )
قارن التكلفه لو كان ودك تركب valve train كامل من التيتانيوم :D ( اقوى و اخف في الوزن ) بين هالمحركين
على فكره
في شركه مبدعه
صممت روس 32 بلف للشفر ( سمول و بق بلوك ) و الفورد و اعتقد الدودج معاهم بعد
و تستخدم كام واحد بس
لكن غيرت زاويه الراس الاصليه
و يقولوا ان بالتغيير من احد الروس المنافسه الى الراس اللي تصنعه هالشركه
كسبوا 200 حصان زياده على محرك شفر بق بلوك :D
و سعره رخيص ما شاء الله بس 7000 دولار للطقم :eek: :banana:
RED Chevy
05-02-2004, 04:20 PM
رد مقتبس من RED Chevy
السلام عليكم ورحمة الله وبركاته
للرفع أشوف إختفت كل المواضيع ليش حذفتوها يامشرفين؟
موضوع ليش الشفر ماإنتهلى ولليحين إحنا نتناقش.
الحمد لله المواضيع مانحذفت بس الخلل كان في الجهاز اللي أشتغل فيه، وأتراجع عن كلامي اللي فوق.
RED Chevy
05-02-2004, 04:23 PM
رد مقتبس من حفيد الفاروق
أخواني بغيت أعرف شنو محركات LS2
وهل راح تنزل باللومينا والشفر ولا بس الكورفيت وياريت معلومات عن المحرك وجزاكم الله خير :p
إخوي حفيد الفاروق الLS2 بينزل على الC6 وبيكون 400 حصان العادي( موZ06) وعن إن بيركب على الكابرس واللومينا مادري، بس يمكن نفس الLS1 إبتدى في الC5 وبعدين تفرع للباقي وإن شاء الله الشباب يفيدونا أكثر إذا في معلومات غير.
RED Chevy
07-02-2004, 10:39 AM
السلام عليكم ورحمة الله وبركاته
وينكم شباب الشفر نبي مشاركتكم.:anger:
أبوعدنان
07-02-2004, 07:23 PM
انا عندي كابرس 2001 SS
الانوار الاماميه الواطي ما تنور الا على مسافه قصيره جدا واذا رفعت
النور تعمي الذي امامك واستفادتك محدوده
الفرامل تحتاج الى خرط الدسكات (الهوبات) بكثره يعني بعد
فتره وجيزه يعني 30,000 كيلو تحس بالدركسون (السكان)
يهتز عند دعس الفرمله وهذ المشكه تحدث عند الفرمله بقوه
عند السرعه العاليه فتحتر الدسكات ونظام التهويه فيها غير
جيد
بالنسبه للنور هل تحسن في الموديلات الاخيره ؟
يمكن الاخوان اللي عندهم موديلات جديده يكون عندهم ملاحظه
وبالنسبه للفرامل يوجد دسكات نوع جيد (مخرم ومخطط) عند شركه
التقوى يمكن يحل مشكله الفرمله
وبالنسبه للرساوه فاذا انت راعي سرعه لازم تشتري نظام تعليق
كامل (عمود توازن ومساعدات الخ) لانه في السرعه العاليه
140 فما فوق مافيه ثبات
فيه واحد من الاخون اشترى طقم التعليق وكلفه حوالي 6000 ريال
ولكن السياره فرقت فرق شاسع
ام العبث
07-02-2004, 08:06 PM
السلام عليكم
اخوي كان عنده لومينا اس اس حمرا
و توفى الله يرحمه :cry: بسبه هالسياره
الله يلعن اللي صنعها
:( :cry:
A7medo
08-02-2004, 12:23 AM
رد مقتبس من ام العبث
السلام عليكم
اخوي كان عنده لومينا اس اس حمرا
و توفى الله يرحمه :cry: بسبه هالسياره
الله يلعن اللي صنعها
:( :cry:
رحمة الله عليه
ويش اتقوول ويش اتخلي :(
RED Chevy
08-02-2004, 07:13 PM
السلام عليكم ورحمة الله وبركاته
بخصوص الأنوار إخوي بوعدنان تحسنت بشكل كثير( زاد إنتشارها وصارت عدسات وتعطي ألوان) والسرعه موترنا ماطاف 120:D
إختي أم العبث الله يرحمه ويسكنه فسيح جناته.