واحد من الشباب عنده Z350وراعي شفر اس اس يتهدد عليه يقاوم ولا لا؟

[فاهم]

السلام عليكم ورحمة الله وبركاته

شلونكم شباب

الموظوع واحد من الربع مطلعله الزد الجديد 2004 ولحين ماشي فيه تقريبا 2500 ولموتر مشالله دايم اخذه منه وفتر فيه:D

المهم في واحد ثاني هم من الربع عنده شفر اس اس 2003 وقاعد يتهدد على الزد؟

يقوله قاوم يا رجال وراعي الزد متردد ونا قلت حق راعي الزد لاتقاوم يمكن ينتف حواجبك:laugh:

انا عارف انه الاس اس ثقيل وزد خفيف بس مكينة الاس اس اقوى وزد توه جديد مانعرف قوته عدل

ابي رايكم نقاوم الرجال ولا لا وملاحظه انا الي راح اسوق الزد بالقومه وزد تبترونك مو قير عادي

نصيحتكم شباب
:( <----من يمسح دمعت هذا الخائف:D

[الارهابي]

الزد تسارعه من 0 - 100 في كم ثانيه

[WRX]

السلام عليكم ورحمة الله وبركاته

الزد يجيب المية في حوالي 5.5 واللومنا علة قولهم في حوالي 6.0 على قول اصحاب اللومنات الي هنا في المنتدى (بس على فكرة انت ماحددت بالشفر هذا هل هوة لومنا ولا كابرس ولا ايش!!!)بس في جميع الأحوال اذا مو متعدل يتوكل على الله ويجرب بس لا ينسى الفديو هاااااااا
بس ياليت يستنى الين مايعدي 10000 علشان السياره تاخذ كاااامل عزمها....

[alhalooo]

الزد الجديد بيكون قوي ويمكن يقوم على الأس أس بس ما أدري بيكون في تنافس يعني بكون في مستوى أنشاء الله

[King 4x4]

الزد الجديد شايف له مقطع و هو يصف جنب كمارو أس أس.

قل لخويك يتوكل بس و بيض وجهنا في التعشيق :D

[CAMARO_350z]

اخوي King 4x4
ممكن اتحط الفيديو حق القومة اذا الاثنين ستوك
الزد بيضها الصراحة مع اني احب الاثنين

[King 4x4]

أخوي المقطع مو عندي الحين.

حاطه في جهاز ثاني.

بس والله ان الكمارو أس أس في القومه انه جنب الزد بعدين الكمارو يروح شوي شوي عن الزد.

والقومه لين ال120.

و اثنينهم ستوك.

[until the end]

السلام عليكم ورحمة الله وبركاته
والله خلي صاحب الزد يتوكل اشوف ان الزد اسرع اذا ماكان الشفر مزود
:banana:

[RED Chevy]

السلام عليكم ورحمة الله وبركاته
والله إخوي قوله يتوكل على الله ويجرب، وأعتقد الزد بيطلع في القومه إذا كان قير عادي لكن إذا أوتو أتوقع الشفر، وبتكون قومه قويه من الطرفين وبالتوفيق.:think:

[الأكورد العنيد]

السلام عليكم ورحمة الله وبركاته

الزد قوته 290 حصان

و اللومينا 325 حصان

فرق قوه لصالح اللومينا و الوزن لصالح الزد

و الزد اكيد قدام اذا كان الاثين ستاندر

[فاهم]

بسم الله الرحمن الرحيم

الموتر طال عمركم شفر كابريس اس اس مديل 2003 نسيت اذكر اسمه اسف




الارهابي

والله ماندري جم بس على ما اعتقد 4 او 5 ثواني

WRX


اسف ماذكرت اسم الموتر الي اهو كابرس 10000 حيل بعيده الله يهداك ولفيديو والله صعبه لانه ماعندي خبره بسوالف هذي
:)

alhalooo


الله يسمع منك
:banana:

King 4x4


والله اذا على كلامك صاف جنمب كمارو اس اس بنقاومه وحنى نضحك بعد
اي انا اعجبك بتعشيق التبترونك

:D

until the end


المواتر كلهم جدد ولا واحد فيهم مزود والله يسمع منك ونطلع عليه

:)


RED Chevy

الزد قير اوتو طال عمرك وان شاء الله نقدر نكسر خشمه

الأكورد العنيد


كلهم ستوك ولا واحد ملغم ونا الشي الوحيد الي رافع معنوياتي انه الزد اخف


:)


نبي تشجيع اكثر ياشباب نبي معلومات تخليني اقاومه ونا مطمأن
:banana:

[زورو الامارات]

السلام عليكم ورحمة الله وبركاته

اللومينا في القومه بس

وبعدين الزد تعال شوفه :)

[MAXIMA 020]

انا ما شفت شي بس جاني واحد من الشباب يقولي صارت قومه في الخبر بين الزد ولومينا اس اس النتيجه للزد وبفارق قوي

لا تستهين بالزد ترى الي بوسط الكبوت مش بسيط:banana:

[MuGeN]

Z350 All The Way ..

[SKYLINE GTR]

الزد

وبعدين ترى ما فيه فرق في الوزن بين اللومينا اس اس والزد الجديد ، وزنهم متقارب جدا

[infiniti]

الزد و اللومينا كلهم في بحر 1500 كيلو يعني مافيه فرق كبير بالوزن كلها 40 او 50 كيلو .

اتوقع الزد اذا كان قير عادي
و اللومينا اذا كان الزد تبترونيك .

[HaKeM]

أخوي فاهم توكل على الله

وشغلة الفيديو سهلة أنته صوره بالكمرة الفيديو وبعدين الباقي سهل شباب سوالف يعلموك كيف تحوله للكمبيوتر

تحياتي:banana:

[WRX]

السلام عليكم ورحمة الله وبركاته

دام كابرس معناته توكل على الله اما بالنسبة للفديو فأنت حاول تصورة باي كمرت فديو والباقي خله علينا بس صور بالله...

[oil_HKS_lio]

والله لو ان الزد قير عادي اقول الزد قدام بس مدام تماتك اتوقع متساويين في القومه والخط الزد قدام

[الأكورد العنيد]

اخوي قوم بقلب جامد و الوزن في صالحك :banana:

و ننتظر اخبارك بعد تكسير راس الخرفان الاستراليه :D

[SLR]

ههههه اللي يسمع الموضوع يقول جريمة قتل صايره :laugh:

[King 4x4]

رد مقتبس من SLR
ههههه اللي يسمع الموضوع يقول جريمة قتل صايره :laugh:

الله يرج عدوك خليتني أفقع ضحك :laugh:

[NFS]

إذا الزد كان قير أوتو (تبترونيك) أتوقع اللومينا تطلع (خصوصاً خط).

[WRX]

السلام عليكم ورحمة الله وبركاته
إذا الزد كان قير أوتو (تبترونيك) أتوقع اللومينا تطلع (خصوصاً خط).
لو لومنينا اقولك يمكن بس ياعالم هذي كاااااابرس والله كابرس السياراه العائلية ماهي سبور زي اللومنا حتى...

[TOP-SECRET]

الزد بيقوم .. تمت التجربه بالقير العادي... اخوي فاهم الزد اوتو ولا عادي اذا عادي بيقوم عليه بالراااااحه وفي الخط صعب يجيبه الشفر .. اما اذا اوتو ماعندي خلفيه بالموضوع بس اتوقع الزد بعد..:banana:

[mustang cobra]

بسم الله الرحمن الرحيم

كابريس قومه والزد خط وهذا الله اعلم

[NFS]

:)

أنا ومعظم الشباب إللي ردوا أفتكروا أن السيارة لومينا مش كابريس ;)

[فاهم]

بسم الله الرحمن الرحيم

الشباب يقولون لومينا:OO:

يا جماعه كابريس مو لومينا

عندي لكم بشاره اليوم صارت القومه وبحط موضوع الحين عن القوووومه:D :D

[الشبابي]

قل له لا يخاف وترى تسارع الجير العادي في 5.4 ثواني وبالراحة يشيل الاس اس لكن لا يجرب الان و خله يلين السيارة صح ويمسكها خطوط احسن له ....














اخوكم الشبابي

[TOP-SECRET]

رد مقتبس من الشبابي
قل له لا يخاف وترى تسارع الجير العادي في 5.4 ثواني وبالراحة يشيل الاس اس لكن لا يجرب الان و خله يلين السيارة صح ويمسكها خطوط احسن له ....














اخوكم الشبابي

http://www.swalif.net/sforum1/showthread.php?s=&threadid=182999

راجع هذا الرابط اخوي الشبابي

:banana:

[فاهم]

الشبابي

هلا والله طال عمرك ومشكور على ردك ولقومه خلاص خلصت ورابط حاطه لك اخونا تويوتا:)