باركولي ركبت مكينه يديده لسيارتي

[بوخالد]

السلام عليكم ورحمة الله وبركاته

باركولي ياجماعة الخير ركبت مكينه يديده لسيارتي المارك 2
وهي 1j-GTE قيرعادي والصراحه مكينه عجييبه
وما انتظرت اني امرنها على طول ترايست ويا هاي السياير ورحت عنهم
:banana:

1-اكورد 2004 قير تماتيك (قومه وخط)
2- لكزس 400 (قومه وخط)
3-مكسيما 97 على الماشي (خط)
4-مكسيما 2004 قير عادي على الماشي (خط)
5- جيب شيروكي 2003 على الماشي (خط)

قووووووووولو ماشالله :anger:
ههههههههههههههههه

وان شالله ياي دور الSS
:corsair:

والسموووحه :p

[Corvette_Stingray]

ماشالله ..

حط لنا صورة سيارتك وصورة المكينة الجديدة اذا تقدر

[Third Eye]

مبروك أخوي

وياليت لو تقدر تتحفنا بالفيديوهات


:)

[بوخالد]

هلا والله

والله حاليا ماصورت السياره حتى فيديو ما صورتها
بس بحاول ان شالله

[WRX]

السلام عليكم ورحمة الله وبركاته


مبروووووووووك والف مبروك وتستاهل...
بس طبعا لاتنسى لنا الفديوهات
وياليت شوية معلومات عن المكاينة الي لقيتها يعني اكيد انك درت وشفت ولا؟؟؟

[بوخالد]

هلا اخوي wrx
الله يسلمك هاي مكينه السوبرا موديل 93 وفوق
وقوتها 2.5 280 حصان توين تيربو

[MuGeN]

حلوو حلوووو عليك بهم :D

ما شاء الله موفق أخوي ;)

[BMW540I]

على البركه :))))))) يعطيييك خيرها ويكفيك شرها

[HaKeM]

مبروك اخوي بوخالد الله يعطيك خيرها ويكفيك شرها

لكن بكم أخذت المكينة؟

تحياتي:D

[WRX]

السلام عليكم ورحمة الله وبركاته

في واحد نزل موضوع على انه يبغى ينزل مكينة السوبرا على الماك 2
اضن انه انت ولا...
وماني قايل بكم لقيتها بس ابغى اعرف هية نفسها الي كتبت عنها المرة الأولى؟؟؟

[A7medo]

مبروك عليك

يوم الى لل SS

[password]

السلام عليكم

شو الفرق بين هاي المكينة ومكينة المارك العادية 2500 تون توربو موديل

1991؟

[KALBAWY]

بس ما اضنك تروح عن ss جير عادي :banana: