View Full Version : حبيبتي من انتي
زورو الامارات
08-02-2004, 03:21 PM
بسم الله الرحمن الرحيم
حبيبتي
لا هنتي
حبيبتي من انتي؟
ومنهو هايم فيك
ومنهو يتمنى قربي
ومنهي ذيك الي
تتباهى بك انتي
اكيد انتي
ومنهو طبعه
هادي وذوقه عجيب
اكيد انتي
منهو احلى
انتي ولا انتي ؟
لا اكيد انتي
وانتي
ومنهو لي شافني
استحى وصار اجمل ؟
اكيد انتي
ومنهو يتدلع عليّ
وساعات يقسى
وينسى
اكيد انتي
انتي من انتي
صحيح من انتي؟
وشلون كنتي
ووين رحتي؟
طبعك
ووصفك
وجمالك
كله لك انتي
خدودك
آه من خدودك
ورد متفتح
معطر
احمر واصفر
اكيد هذي انتي
اخاف انك حلم عابر
لاني ماني مصدق عيوني
معقول هذا انتي ؟
ايه هذا انتي
وانتي وانتي
مره ثانيه
من انتي ؟
احترت فيك
مدري وش كنتي
ولا من انتي
كل الي اعرفه
انك صرتي حياتي
ومستقبلي
وكلي لك انتي
اخيراً عرفتك
اخيراً فهمتك
هذي هي انتي
خالد
29 يناير
2004
دبي
إرث أحزان
08-02-2004, 04:04 PM
بسم الله الرحمن الرحيم
السلام عليكم ورحمة الله وبركاته
----------------
كل الي اعرفه
انك صرتي حياتي
ومستقبلي
وكلي لك انتي
اخيراً عرفتك
اخيراً فهمتك
هذي هي انتي
------------------------
أخيرا :D
خفة وجمال .... روعة وعفوية ....
لكلماتك بريق .... لم يخبو ....
تحياتي
shahnaz
08-02-2004, 08:03 PM
http://www.mowjeldoha.com/mix-pic/borders/www.mowjeldoha.com-borders-37.gif
عذوبة ورقة هذه حروفك
امتزجت بشفافية القلب المحب
:
http://www.alsareha.net/vb/images/uu.gif أخي .. زورو الامارات ..http://www.alsareha.net/vb/images/uu.gif
أرق تحيــة وأعذبــها لك ..
وكما عودنا قلمك
بوح رائع لأحاسيس رائعة
:
كل التقدير
http://www.mowjeldoha.com/mix-pic/borders/www.mowjeldoha.com-borders-36.gif
زورو الامارات
10-02-2004, 02:56 PM
السلام عليكم ورحمة الله وبركاته
شكرا ارث احزان
وشكرا شهناز
جزاكما الله خير
لنعمل على تنشيط القسم قليلا:)
فراشة الربيع
15-02-2004, 01:46 PM
أخيراً عرفتني !!
بس أنت من هو أنت ؟؟
أنت عيوني وألا غلاتي
أنت العمر كله ؟؟
أنت الأمل كله ؟؟
هو أنت اللي لاقالوا اسمك
طار قلبي من محله ؟؟
يمكن تكون أنت غناتي
من هو أنت ياحياتي ؟؟
يا معذبني بحبك ...
خاف فيني ربك ...
من هو اللي لاشافني
صار أثقل .. ؟
ومن هو اللي لاغبت عنه
راح يسأل ؟؟
أنت من أنت ؟؟
عيونك ..
آه من عيونك
بحر صافي ماتكدر ..
أكيد هذا أنت ..
أخاف تكون طيف زاير ..
أخاف توهمني بحبك
وأحبك ثم ترحل
وتتركني ألاعب ذكرياتي
من هو أنت ؟؟
زورو الامارات
15-02-2004, 02:28 PM
السلام عليكم ورحمة الله وبركاته
فراشة الربيع ماشاء الله عليكِ
ماشاء الله تبارك الله
ردي قوي بمعنى الكلمة بصراحه
خليتيني اقرا الرد اكثر من مره
كأن الي كتبت لها هالكلام ردت عليّ
======================================
منهو انا
انا لك انت
بس انت
انا العاشق
انا المنتظر
انا لك القمر
انا لك مثل
غابة ومطر
انا ظلك والعمر
انا حبيبك
ونصيبك
وصاحبك في السفر
مستحيل انسى حبك
مستحيل يخفى القمر
مستحيل ارحل
عنك وانسى الامر
حبي لك ماهو وهم
او سراب
حبي لك اكبر من ارض وتراب
حبي لك شي كبير
مثل البحر طول عمره شاب
اذا سألتيني من انا
فبقول لك حب صادق مايهاب
خالد
14 فبراير 2004
دبي
فراشة الربيع
17-02-2004, 04:15 PM
أنت العمر
وأحلى قدر
أنت العزيز الغالي
أنت بس اللي في بالي
يا أنت !!
أخاف تروح وتنساني
ووتتركني لأحزاني
أخاف يا أنت ..
تتركني أحارب زماني
أخافك تختفي فجأة
وتبعد من أحضاني
أخاف يا أنت ..
تقول لي أنسي
روحي خاطري عافك
روحي القلب ماعاده
لك أنتِ
ابعدي عن دنياي
وارحلي بعيد هناك
وانسي أنك عرفتيني
يا أنت بتنساني ؟؟؟
زورو الامارات
18-02-2004, 02:01 PM
بسم الله الرحمن الرحيم
قالت تنسى
قلت مستحيل انسى وانسى
قالت تغيرت
قلت اكيد
من حبك يتغير
قالت تحب غيري
قلت اكيد احب وحده اسمها انتي
قالت لي اكيد تحبها ؟
قلت اكيد وابصم بالعشر الي بيديني
قلت لها غمضي عيونك و تمني ؟
قالت بعد ما استحت
ابيك يمي
قلت بعد تمني
قالت ابيك تكون همي
قلت لها العفو ما ابي صدرك يضيق فيني
قالت لي انت شتقول فيني ؟
قلت لها القمر من اشوفه دمعة عيني
قالت تجاملني
قلت لا والله ابد ياسماي وحنيني
قالت خلاص بسكت ما اقدر اجاري حبيبي
مقدر خلاص اتحمل بعادك سنيني
ابيك يمي ابيك حبي ابي نورك يبيني
فراشة الربيع
21-02-2004, 03:46 PM
لو أعيش العمر كله معاك
وأغرق أنا يالغالي بهواك
بظل أعزك
وبظل أودك
وبتظل أنت بحياتي ملاك
أنساك هذا مستحيل
وشوقي لك أكبر دليل
ببقى معك لآخر يوم
حتى لو يجافيني النوم
وببقى أردد يوم وراء يوم
معك للأبد يا أغلى إنسان
معك على مر الأزمان
معك حتى يلفوني بين الأكفان
وأعلن الإنسحاب ... :)
زورو الامارات
21-02-2004, 06:16 PM
السلام عليكم ورحمة الله وبركاته
اشكرك جدا جدا يا اختنا فراشة الربيع استمتعنا بالردود والمحاورة
جزاكِ الله خير
ومادري هل فضلتي الانسحاب ليتك استمريتي :)
ان شاء الله القادم اجمل
------------------------------
انسحبتي بكل فخر وكبرياء
انسحبتي وراسك مرفوع
انسحابك هو قمة الذكاء
واستمرارك فعل مضارع مرفوع :)
------------------------------