تحكم بكمبيوتر اللومينا بنفسك من غير ميكانيكي

[حفيد الفاروق]

السلام عليكم ورحمة الله وبركاته

كيف حالكم اخوني

عندي حركه لأصحاب اللومينات تمكنهم من فتح خيارت اكثر في كمبيوتر السياره

طريقة تشغيل الحركات الاضافيه

نحتاج يدينك الثنتين كلها

1:- ضع المفتاح في السويتش
2 :- اضغط على زر MODE وزر السهم الي فوق 8 معاً
3:- ادر المفتاح وشغل السياره
4:- ارفع يدك عن الزرين ( MODEوالسهم الي فوق 8 )

((سوف تطلع لك القائمه الجديده ))


1:- اول مايطلع لك ارقام الي هي تاريخ برمجة السياره
اضغط على زر MODE

2:- رقم برمجة السياره مثل ماهو موجود عندي (pn 6574)
اضغط على زر MODE

3:- الظاهر انها كهرباء لاكن ما ادري حقت ايش
اضغط على زر MODE

4:- على ما اعتقد انها كهرباء البطاريه
اضغط على زر MODE

5:- لا اعلم عنها شي
اضغط على زر MODE

6:- لا اعلم عنها شيء
اضغط على زر MODE

7:- لا اعلم عنها شيء
اضغط على زر MODE

8:- اظن انها معدل استهلاك البنزين
اضغط على زر MODE

9:- ذي حرارة المكينه
اضغط على زر MODE

10:- ذي سرعة السياره وذي اهم ما اعجبني فيها يعني تطلع سرعتك الي انته ماشيها بال ارقام إلكترونياً في الشاشه الصغيره الي تحت العداد
اضغط على زر MODE

11:- ذا الار بي ام
اضغط على زر MODE

12:- ذا التحكم بالبور off او on وذى في الموديلات الي فيها بور فقط (يعني لو تبي تعطي السياره واحد وما تبيه يشغل البور تقفله من هني ومعاد يشتغل البور )
اضغط على زر MODE

13:- لا اعلم عنها شي
اضغط على زر MODE

14:- لا تخاف عندما تختار ذي هذه يخلي كل شي يشتغل بالطبولن ويشغل الجرس
خلاص ذا كل شي ولو ضغطت زر MODE ترجع من الاول

==================================================
===
ومن شان تشيل الخيارات ذي اضغط على السهم الي إلى اعلى والسهم الي إلى اسفل سوى وشيل يدك عنهم وخلاص ترجع مثل اول

:. ملاحظه مهمه
ذي الخيارات ماتبقى على طول يعني اول ماتطفي السياره خلاص ترجع مثل اول
وكل ماتبي تشغلها تسوي الخطوات الي فوق قبل تشغيل السياره


وشاكرين حسن مشاهدكم
اخوكم فيصل (عاشق لوميـSSـنا )

والشكر الكثير لمن دلني على الحركات اخوي العزيز محمد
وتم تجربت الحركات ذي على موديل (99، 2000،2001.2002) وانشاء الله ابي اجربها اليوم على لومينا 2004 واقلكم

ومع الف سلامه


منقوووووووووووووووووووووووووووووووووووووووووووووووول

[RED Chevy]

السلام عليكم ورحمة الله وبركاته
والله ياحفيد أكثر شي أخاف منه هذي الأزرار في الوكاله قال لا تلمسوهم، وآنا حاولت أتعبث فيهم لاكن ماوصلت لنتيجه خفت أسوي الحركه وأعفس السياره.

[حفيد الفاروق]

أنا توني سويت الحركة وطلعتلي شوية أرقام .

وواحد من الشباب عنده كورفيت موديل 2001 مستورد من قطر .
تعبث بابدقم إلي على الجانب وتسكرت مرة وحدة السيارة .

وأقولك الصراحة هالسيارة تعبانة ومعقدة (الكورفيت) أحسن سيارة كانت الكمارو مو معقدة ولا شئ بس الصراحة حرام عليهم يوقفون تصنيعها وخاصة الكمارو الأس الأس قوية وزينة للتلغيم .
بس الحين البديل للكمارو هو اللومينا أس أس رخيص وزين للتلغيم (على كلام أخونا الكينق) .
وأتمنى إن ينزل الللومينا 400 حصان وحط له سوبر جارجر بس خلاص تودع البورش الكريرا (مثل ما شفنا الفيديو كيف أخو الكينق يلعب بالبورش الكريرا بعد مو البوكستر ) .

[الشبابي]

اخوي حفيد الفاروق ...
الحركات هذي منشرة بين الشباب ...
الظاهر ان اللومينا بينزلون لها كلمات سرية بمجلات البلاي ستيشن ولا جيم شارك .... هههههههههههه ( امزح ) ...
بس على فكرة اذا تبي تشوف قوة البورش اللي تتكلم عنها ...
جيب لومينا اس اس بسوبر شارج وبورش شد بلد وخليهم يقومون وقت المطر وشوف كيف تقنيات الالمان ...








اخوكم الشبابي

[Third Eye]

رد مقتبس من الشبابي
اخوي حفيد الفاروق ...
الحركات هذي منشرة بين الشباب ...
الظاهر ان اللومينا بينزلون لها كلمات سرية بمجلات البلاي ستيشن ولا جيم شارك .... هههههههههههه ( امزح ) ...
بس على فكرة اذا تبي تشوف قوة البورش اللي تتكلم عنها ...
جيب لومينا اس اس بسوبر شارج وبورش شد بلد وخليهم يقومون وقت المطر وشوف كيف تقنيات الالمان ...








اخوكم الشبابي

:laugh: :laugh: :laugh: :laugh:

LOOOOOOOOL

[كورفييت]

و الله حركة حلوة عداد الكتروني:corsair:

[LUMINASS2003]

السلام عليكم ورحمة الله وبركاته

هدي الحركة جربناها على لومينا اس اس 2001 و استوت فيها و انا عندي اس اس 2003 ما تقدر تسويها فيها لانك اذا ضغطت على MODEبتطلع لك قائمة ثانية حق المسجل و دي الشغلات
و سمعت من واحد اتصل الى الوكالة و قال ليهم عادي اسوي دي الحركة قال ليه لا لانها تخرب السيارة و حتى وقت الحادث لا سمح الله ما يطلع الايرباج مع ان حنا الى الحين نستخدمها على 2001 و لا شفنا مشاكل
:think:

[922]

ميزة جداً ممتازة

وشاشة المعلومات المفروض تكون في كل سيارة جديدة



++++++++++++++++++++++++++++++++++++++++

مب بعيدة يرد واحد متعصب ويقول
:
====================

هذا عيب مصنعي وخطأ حيث السائق يبحث فيها ويترك الشارع ويتسبب
في حادث وهذا يثبت على ضعف الامان

====================

:anger: :anger:
:laugh: :laugh: :laugh: :laugh:

[Corvette_Stingray]

برمجة الوكالة احلى ...