معهد سوالف للسيارات

[الامير الاحمر]

بسم الله الرحمن الرحيم

السلام عليكم ورحمة الله وبركاته

انا عندي اقتراح يا شباب
انا عن نفسي ما اعرف وايد اشياء عن السيارت من جميع النواحد و ودي اتعلم كل صغيرة وكبيرة عنها
وحسب معلوماتي الي مشاركين بالمنتدى كلهم خبراء بالسيارات او نصهكم عندهم خبرة طويله في هاذا المجال


انا اليوم في هاذا الموضوع راح نفتح المجال للكل انه يسأل عن كل شي بالسيارات
اول سؤال عندي هوه
العداد الي مكتوب عليه ال rpm
حق ايش

وياليت محد يستحي المنتدى منتداكم والكل يشارك
:p

[abu talal]

العداد الي مكتوب عليه ال rpm
هذا يقيس لك ضعط المكينه

[الامير الاحمر]

شكور ابو طلال على المعلومة المفيده

[عاشق(BMW & لومينا)]

السلام عليكم
العداد الي سألت عنة مع احترامي الى الأخ abu talal انا معلوماتي عن RBM انة يقيس عدد دورات المكينة مو الضغط نفس ما قال الأخ ابو طلال او يمكن انا اطلع غلطان
البركة في الشباااب بس انا صراحة متأكد من معلوماتي :glasses:

[الامير الاحمر]

ين المختصين نبغى جواب شافي واكيد
ومشكور على المعلومة عاشق البي ام واللومينا
بس نبغى الجواب القاطع:corsair:

[RED Chevy]

السلام عليكم ورحمة الله وبركاته
هلا إخوي، سؤالك ذي تكلمنا عنه في مواضيع كثير ودخل على ذي الموضوع وبتحصل اللي يفيدك (http://www.swalif.net/sforum1/showthread.php?threadid=183720)
ومشكور على موضوعك.

[القرن الجديد]

هذا ياأخي طول الله عمرك

عدد دوران المكينة دورة كاملة


اي ان

1 دورة للمكينة =2 x دورة البستم


اتمني اني افدتك ;)

[NFS]

السلام عليكم ورحمة الله وبركاته

الـRPM أختصار REVOLUTION PER MINUTE وهي بمعنى (دورة لكل دقيقة).

وهي وحدة قياس سرعة دوران المحرك.

وبما أن جميع محركات السيارات هي محركات رباعية الأشواط ، فأن لكل دورة واحدة من دورة المحرك ينتج عنها دورتان لعمود الكرنك.

فمثلاً محرك الفيراري مودينا 360 ، أقصى سرعة لهذا المحرك هو8500 RPM ، أي أن عمود الكرنك يدور بسرعة 17,000 RPM!!!

يا ترى سرعة البساتم في هذه الحالة كم تكون؟؟


الجواب رقم خيالي ومع هذا المحرك يعمر مثله مثل أي محرك أخر :)


شكراً للتفوق والهندسة المتقنة :banana:

I LIKE ENGINEERING:glasses2:

[الارهابي]

Piston Speed Calculator

http://davewin.com/tech/mean_piston_speed.shtml


لاحظوا انه كل ما قل الستروك ( طول شوط الكرنك )
كل ما تقل سرعه البستم
بمعنى اخر تقل سرعه الاجزاء الدورانيه في المحرك

= عمر اطول

[حفيد الفاروق]

رد مقتبس من القرن الجديد
هذا ياأخي طول الله عمرك

عدد دوران المكينة دورة كاملة


اي ان

1 دورة للمكينة =2 x دورة البستم


اتمني اني افدتك ;)

صح كلامك أخوي اذا دار عامود الكرنك دورتين كاملتين يتحرك المكبس أربع مرات (لإحداث الأشواط الأربعة)

وانت لما تشوف الوحدة rpm معناه revoloution per minute
هذي الاختصار ومعناه دورة في الدقيقة.
وفي دورة بالثانية (بس رقمها وايد كبير)
وفي دورة بالساعة بعد (بس اختلاف وحدات)

وفي مكاين ثنائية الأشواط (الدراجات النارية) لازم يلف عامود الكرنك لفة وحدة كاملة لإحداث الاحتراق .
ويكون بعلمك ان عامود الكرنك هو إلي يشغل أغلب الأشياء في المحرك (الكمبريسور والمضخة الماي) .
واذا تبون شرح عنه أنا حاضر .

[MuGeN]

من زمان أبي أسأل أنا ::

وش فائدة حساب قوة العزم للسيارة ؟

و هل يعتمد تسارع السيارة على قدرة العزم ؟

[الامير الاحمر]

مشكورين شباب على الرد الشااااافي:p
وياليت لو نشوف مشاركات اكثر واسأله اكثر علشان كلنا نتعلم
:banana: :banana: :banana: :banana:

[حفيد الفاروق]

رد مقتبس من MuGeN
من زمان أبي أسأل أنا ::

وش فائدة حساب قوة العزم للسيارة ؟

و هل يعتمد تسارع السيارة على قدرة العزم ؟

شوف يالطيب
العزم وظيفته بالسيارة هو انه يقوم بتحريك السيارة من السكون إلى تسارع , فما تشوف لما تدوس من الصفر فجأة تسمع صوت حنه قوية هذا هو التورك قاعد يحول السيارة من الصفر إلى تسارع بأسرع وقت .

هذا إلي عندي .:think:

[الامير الاحمر]

سؤاااال اخر



وش وضيفة التوربو بالتحديد
هل يعمل مثل عمل الغاز ولا غير :think: :think:

[حفيد الفاروق]

ما عندي معلومات عن الضواغط لأني ما درستها (أخذتها هذا الفصل الدراسي)
ادخل هني والكينق أس أس
http://www.swalif.net/sforum1/showthread.php?s=&threadid=174418
وموفق

[أبوالزين]

انا بصراحة سمعت انه التوربو يعمل على إدخال الهواء الحار اللي طالع من المكينه مره ثانيه للمكينه
و من كذا يحتاج تحط إنتر كولر علشان يبرد
و اتمنى اني افدتك

[RED Chevy]

رد مقتبس من MuGeN
من زمان أبي أسأل أنا ::

وش فائدة حساب قوة العزم للسيارة ؟

و هل يعتمد تسارع السيارة على قدرة العزم ؟
إخوي MuGeN العزم هو عنصر مهم لتحريك الموتر، وكل مازاد يقدر يشيل وزن أكثر، يعني السيارات الثقيله تحتاج عزم كبير حتى لو كانت القوه الحصانيه ضعيفه، بإختصار، كل مازاد العزم زادت قوة السياره لكن مو كل السيارات تحتاج عزم كبير مثللً الs2000 ماتحتاج عزم بقد القوه الاحصانيه لوزنها الخفيف، لكن نجد لإن عزمها جيد بسبب الأنظمه اللي في محركها، وإنشاء الله أكون فدتك.

[MuGeN]

مشكورين إخواني :) ..

عندي سؤال ثاني ::
http://images.cardomain.com/member_images/12/web/456000-456999/456440_14_full.jpg

سمعت من واحد إن أخوه عنده نفس هالسيارة ركب فتحة على الكبوت ( مقدمة السيارة ) قامت مع موستنج الفرق أقل من نصف عمود ؟؟ فهل الفتحة أو ( النفخة ) تعطي قوة ملحوظة لهذي الدرجة ؟

[RED Chevy]

السلام عليكم ورحمة الله وبركاته
الله يهداك الفتحه ذي عشان تدخل هوا زود لتبريد المحرك ومالهاة دخل بالقوه إلا إذا كانت الفتحه لسوبر

[الامير الاحمر]

وينكم شباب:o