الى اصحاب Lumina SS الدخول للاهميه القصوى !!!!

[رزين]

السلام عليكم

انا ناوي انشالله اشترى لومينا اس اس 2001 او 2002 >>>>>>>> افضل شكل عندي
وبعض الشباب خوفوني منها .... يقولون عمرها قصير و وتخرب بسرعه
مثل السفايف والشيال ..... والكهربا .... الخ
انا حبيت الى عنده خبره بالومينا اس اس يعطيني الخبر الاكيد
والله السياره في بالي وساحرتني بالمره ..... بس محتار من كلام الناس .. والله يستر
انتظر تعليقاتكم ومشكوورين

[RED Chevy]

:think: إذا بتمشي على كلام بعض الناس مابتشتري اللي بخاطرك، وإنت قلت أصحاب اللومينا وآنا مو من أصحابهم بس بقول اللي يمكن يفيدك، سيارة قوية حلوة رياضية شبابية تمر تخلي الشباب يفتحون حلوجهم لو مافيها ولا شي زود.

الشباب اللي عندنا وعندهم لومينا محد يشتكي منها أبد غير شغلات بسيطة عدى تويوتا وبس كنت عنده وطق القير وتصلح على الضمان، السيارة بنظري بتريحك والله العظيم رفيج إخوي لعن والدين اللي جابوها ينزل من الرصيف وهو دايس ويركبها على أرصفة ويخمس بها ومايعرف شي إسمه دلع الrpm دايم فوق، لكن شنو المشكلة اللي صادته المكينة تمت تسرب شوي آيل وجابوا وحدة جديدة من أمريكا وبدلوها وبس:)

[الأنصاري]

ما انصحك في لومينا اس اس مستعملة ابدا

لسببين
الأول ان الي يستعمل هذة النوعية من السيارات شباب وطبعا اكيد الإستعمال خشن
الثاني الومينا سيارة تمرنها على يدك عشان يطلع عزنها وفي العادة الموديلات القديمة يكون ملعون شكلها وعزمها طايح

اذا ناوي خذ جديدة او وحدة مرتجعة في الشركة تكون ضامنها

من ناحية المشاكل لازم بتواجهك الا لو كنت محافض والله اعلم

[الشبابي]

برأيي اذا معزم على اس اس توكل على الله ...
لكن نصيحة انتظر شوي لأن اللومينا تتغير كل سنتين ومنها تاخذ الشكل الاجد ... كل كم شهر وينزل الشكل الجديد ومنها تاخذها فل كامل وان شاء الله يحسنون فيها كثير ....










اخوكم الشبابي

[BENZ]

خويي معة 2003 وتوة امس مطلعها من تريستار موضب الجير

لالالاتستغرب هذي المرة الثانية اللى يوضب فيها الجير

المرة الاولة زينها على حسابة الخاص 4000ريال والمرة الثانية

زينها على الضمان ويوم طب الجير اول مرة راح على الوكالة

كان شايل دبات الكنداسة ويوم شافها المهندس قال مانصلحها على الضمان هههههههههههههه:help: :help:

يقول لانك شايل دبات التلوث :OO: :OO: :OO:

طيب وش لهم شغل الولد هاوي نغم :banana: :banana: :banana:

اكيد البعض منكم مستغرب والبعض مكذب لاكن واللة اني ماقلت لكم غير الحقيقة ........وسلامتكم

[W351]

السلام عليكم ورحمة الله وبركاته

اخوي رزين اللومينا سياره حلوه اذا انك بتستخدمها استخدام معقول

واكبر مشكله فيها معروفه والحل موجود الا وهي ان الجير مافيه

مبرد للزيت يعني ركب مبرد وانتهت المشكله والشغله ما تكلف 500

ريال, ومثلك عارف الشباب تنزيل في القير وخذ لك اربع خمس قومات

ورا بعضها وما فيه تبريد للزيت يعني سلم على الكلتشات لكن لو بتركب

مبرد وبتستخدم استخدام معقول ( ما اقولك لا تدوس او لا تقاوم ,خذ

راحتك بس احترم السياره شوي وبتحترمك) والله يوفقك

ووووو ووووووووو






وبس

[مؤيد اف1]

رد مقتبس من صقوري
خويي معة 2003 وتوة امس مطلعها من تريستار موضب الجير

لالالاتستغرب هذي المرة الثانية اللى يوضب فيها الجير

المرة الاولة زينها على حسابة الخاص 4000ريال والمرة الثانية

زينها على الضمان ويوم طب الجير اول مرة راح على الوكالة

كان شايل دبات الكنداسة ويوم شافها المهندس قال مانصلحها على الضمان هههههههههههههه:help: :help:

يقول لانك شايل دبات التلوث :OO: :OO: :OO:

طيب وش لهم شغل الولد هاوي نغم :banana: :banana: :banana:

اكيد البعض منكم مستغرب والبعض مكذب لاكن واللة اني ماقلت لكم غير الحقيقة ........وسلامتكم


هذا الي تتكلم عنه يطبق الطبلون وبعدين مره وحده يحدفها في 1 شي طبيعي يخترب الجير :)

[مؤيد اف1]

رد مقتبس من الشبابي
برأيي اذا معزم على اس اس توكل على الله ...
لكن نصيحة انتظر شوي لأن اللومينا تتغير كل سنتين ومنها تاخذ الشكل الاجد ... كل كم شهر وينزل الشكل الجديد ومنها تاخذها فل كامل وان شاء الله يحسنون فيها كثير ....










اخوكم الشبابي

اللومينا ماتتغير كل سنتين الالفين تغيرت عن 2001 2002 عشان خلفيتها كانت مش ولا بد..اما الموديل الحالي اتوقع انه يطول شوي لانه ممتاز وحلو:D ولو بيتغير كان شفنا صور على النت:cool:

[مؤيد اف1]

وغير كدا هولدن مطلعه طراز وايجون (بوكس) اس اس يعني جديد بس بنفس الشكل على الاقل في 2005 بتتغير:)

[مؤيد اف1]

بالنسبه للومينا ترا اعطالها مو زي الي ينقال عنها لان الشباب مايقصرو فيها كله دعس يفكرو السياره الي عندهم سبور ..تخيل واحد في يوم واحد يطلع 20 قومه يوم الخميس وكله حرق نمر وتنزيل جير وماشاء الله للحين سيارته ماعطل فيها لاجير ولامكينه:D

[الشبابي]

اخوي رزين ...
ليه ماتاخذ لك كابريس اس اس ؟؟؟
ترى الكابريس بالخط اقوى من اللومينا عن تجربة .... ومن ناحية ثانية ينفع للعائلة ومن الداخل واسع .... ويتغير كل 4 سنين ...
واذا كنت معزم فلازم تاخذ جديد وتحافظ عليه وخصوصا مبرد الجير تحتاجه ...


اخوي صقوري ...
للأسف مشكلة الجير مشكلة وصاحبي معاه لومينا اس اس 2003 بدأ الجير للأسف يفوت عنده مع انه ماشي الان 30 الف ... ولو راح الجير الله يعينه لأنه توه مطلع السيارة من حادث ومصلحها بالشركة بمبلغ كبير .... مع العلم ان سيارة ابوه كابريس اس اس قبل شهرين مغيرين الجير حقه ....

اخوي w531 ...
انا معاك في هذا الرأي واعتقد انه اذا ركبت مبرد للجير من النوعيات الزينه بتروح المشكلة ، خصوصا ان اغلب السيارات الامريكية تجي من بلدها اختياريا بمبرد للجير .... وهذي الفكرة مافاتت عننا لكن خويي يخاف يركبه فيلغون عليه الضمان ... نفس حكاية دبة التلوث ...


اخوي مؤيد اف 1 ...
ما اعتقد هذا الشئ وروح موقع هولدن وبتلاقي هناك السيارات المستعملة وتأكد منها ... وبعدين يا رجال ما هي فارقة لأن اشكال اللومينا والكابريس ماشاء الله دائما حلوة ....






اخوكم الشبابي

[®Lumina ss 2002]

انا بصراحة عندي لومينا اس اس 2002 والله ولا مرة شكيت منها لاني محافظ عليها وماشية عندي تمام ولا عطل في الغير ولا مكينة من يوم ما طلعتها من الوكالة والحمد لله شوف موتر ما عليه اي كلام وخاصة 2002 وايد حلو وخاصةخلفيتها وايد حلوة احسن من 2003 وهذا برأي خاص وانا اقولك توكل على الله بس دور لك موتر نظيف واسأل ناس عن راعي الموتر اذا كان يحافظ عليها ولا لا

[الامير الاحمر]

انصحك بال 2002
الصراحة اشوفها احسن موديل من ناحية الخلفية
وانشاء الله تتوفق فيها
:)
:p
:)
:p


تحياتي
:banana:



sS :banana: :banana:

[الشبابي]

2003 احلى بكثير ... ولاحظ اللمبات ماتنحرق مثل الموديل القديم ...














اخوكم الشبابي

[MuGeN]

رد مقتبس من الشبابي
2003 احلى بكثير ... ولاحظ اللمبات ماتنحرق مثل الموديل القديم ...














اخوكم الشبابي

صح كلام الشبابي .. أنا لما أشوف لومينا لازم أشوف اللمبات خاصة الخلفية :D .. حتى أخوي كان يتأذى من هالسالفة :laugh:

الشكل الجديد أكيييد 2005 لأن اللومينا شكلها يقعد سنتين بس :eek:

ترى السيارة حلوة .. ما أنصح بالمستعملة إلا إذا كانت نظيفة بمعنى الكلمة ... و اسأل عن الجير هل هو مبدل أو لآ (( لأنه يدل على إستخدام راعي السيارة )) ...

بالنسبة للجير .. أعرف واحد كان يفحط و يسرع يوصلها 180 و كل مشي بالسيارة ... قعدت معاه سنة كاملة بدون ما يطيح الجير مع إنها كانت 2000 :D .....

(( ما كملت السنة لأن السيارة انباعت ;) )

[RED Chevy]

من قال لكم كل سنتين تتبدل:anger:

كل سنتين تدخل تعديلات بسيطة مثلاً 2000 كان شبك من ورى 2001 عدلوا شكلهم وهم كانوا موجودين ي السته من 98 يعني سنيتن وبدلوا الليتات، بعدين 2001 2002 وتبدلت لأن صار لها 5 سنين و 2004 نفس الشكل 2005 بيكون تغير بسيط 2006 السنة الأخيرة وفي نصها ينزل الموديل الجديد:D