ولد خالتي مسوي حادث .. اللي يحبون الياباني يدخلون !!

[Corvette_Stingray]

السلام عليكم ورحمة الله وبركاته ..

أسأل الله السلامة من كل شر و أسأله الصحه و العافية لكل شبابنا ..

الإسبوع اللي فات كان ولد خالتي ماشي بسرعة 80 كلم أو 90 كلم ...

و طلع عليه واحد و قعد يدعمه من ورا تقريبا 3 مرات !! :confused:

لي ما فقد السيطرة على السيارة .. والسيارة من نوع هوندا سيفيك

لي ما دعم ( صدم ) جدار من الحد وهذا اللي زاد من قوة الحادث ..

وهو أحين في المستشفى عنده 3 كسور في رجله اليمنى و كسر في الرقبة وكسر في الأنف و إلتفاف في الحوض ..

و شوفو شنو صار في السيارة و ابيكم تقارنون لو كانت كابريس موديل 89 على سبيل المثال ..

http://www.arab7.com/up/file/10876752359.jpg

http://www.arab7.com/up/file/10876753047.jpg

http://www.arab7.com/up/file/10876753384.jpg

http://www.arab7.com/up/file/10876754555.jpg

http://www.arab7.com/up/file/10876754926.jpg

http://www.arab7.com/up/file/10876755288.jpg

ولما والده راح الوكاله قال لهم وين نظام السلامة اللي تتكلمون عنه قالو له الشركة ما صنعت السيارة حق زوايا الجدران :confused:

:headshak: لا حول ولا قوة الا بالله احين حطو عذهم ان زاوية الجدار هي اللي تسببت في قوة الحادث ..

مو كأنه السيارة مصنوعه من كرتون :anger:

[grandv8]

السلام عليكم ورحمة الله وبركاته

حمدالله على سلامة ولد خالتك ان شاء الله في الحديد ولافيه ،واللهم اشفيه وعافيه .

ترى الحوادث مافي شي اسمه ياباني ولا امريكي ولا الماني الحادث حادث وهذا قدر مكتوب له.

مهم الواحد يحاسب عمره الف حساب ويسوق على مهله ، والسيارة عبارة عن كتلة حديد والانسان بيروح بلمحة عين اما الحديد تقدر تجيبه والانسان راح ومايرجع.

الله يشفيه ويعافيه ويوقم بالسلامة ويرجع سالم غانم لااهله.

[مؤيد اف1]

الله يشفيه في الحديد ولا فيه..

كان يقدر يحد من الاصابات الي صادته بشيئين..ان يربط حزام الامان لانه يفيد كثير في الحوادث مو زي ماتفكر الناس انه ماله داعي وان الي يلبس حزام شخص متقيد بالقوانين اكثر من اللازم والشي الثاني المفروض اذا حس الواحد انه بيصدم يشيل يده من الدركسون وباين انه ماربط الحزام عشان كدا ماشال يده من الدركسون وشوف كيف صار شكل الدركسون..هذا مو دفاع عن الياباني ولا اي سياره الحين السيارات كلها ورق لاتقولي الماني ولا يحزنون الي بيجيك بيجيك سواء كنت في سياره يابانيه ولا المانيه والمقدر بيصير..ومره ثانيه ياشباب لاتستهينو بحزام الامان:headshak:


والله يكفينا ويكفيكم شر الحوادث والله يشفي جميع المصابين..

سلامتكم:)

[loolicpolic]

الله يشفيه إن شاء الله..

الصور ما ظهرت!


تحياتي..

[until the end]

رد مقتبس من grandv8
السلام عليكم ورحمة الله وبركاته

حمدالله على سلامة ولد خالتك ان شاء الله في الحديد ولافيه ،واللهم اشفيه وعافيه .

ترى الحوادث مافي شي اسمه ياباني ولا امريكي ولا الماني الحادث حادث وهذا قدر مكتوب له.

مهم الواحد يحاسب عمره الف حساب ويسوق على مهله ، والسيارة عبارة عن كتلة حديد والانسان بيروح بلمحة عين اما الحديد تقدر تجيبه والانسان راح ومايرجع.

الله يشفيه ويعافيه ويوقم بالسلامة ويرجع سالم غانم لااهله.

[Corvette_Stingray]

مشكورين على ردودكم ..

والظاهر ان الصور ما طلعت راح أحاول انزلها من جديد ..

الحمد لله احنا مؤمنين ونؤمن بالقضاء والقدر لكن مو معقوله كان يسوق 90 تقريبا و يصير جذي بالسيارة ..

[922]

الله يقومه بالسلامه ويكفي الجميع الشر

رد مقتبس من Corvette_Stingray
و طلع عليه واحد و قعد يدعمه من ورا تقريبا 3 مرات !! :confused:


واحد سكران او بينه وبين ولد خالتك مشكلة الله لايوفقه عموماً

رد مقتبس من grandv8

السلام عليكم ورحمة الله وبركاته

حمدالله على سلامة ولد خالتك ان شاء الله في الحديد ولافيه ،واللهم اشفيه وعافيه .

ترى الحوادث مافي شي اسمه ياباني ولا امريكي ولا الماني الحادث حادث وهذا قدر مكتوب له.

مهم الواحد يحاسب عمره الف حساب ويسوق على مهله ، والسيارة عبارة عن كتلة حديد والانسان بيروح بلمحة عين اما الحديد تقدر تجيبه والانسان راح ومايرجع.

الله يشفيه ويعافيه ويوقم بالسلامة ويرجع سالم غانم لااهله


مؤيد اف1
ياشباب لاتستهينو بحزام الامان



Corvette_Stingray
ماامداك ترجع للمنتدى "الله يستر بس"

[Corvette_Stingray]

902 مشكور على ردك الطيب ..

اللي شافو الحادث يقولون انه كان صديقه :confused:

وتعرف ابليس موجود وصار اللي الله مقدره والحمد لله على كل حال

[RED Chevy]

مشكور ياحمد على الصور ولاتحط في بالك إنه لو كان كابرس يكون أقل;)

هو صحيح أقل بكثير عن هذي الأضرار لكن اللي الله كاتبه بيصير لو كان في كابرس أو في دبابة:)

الحمد لله على سلامته وهو أهم شي السيارة تتعوض:(

[922]

رد مقتبس من RED Chevy
مشكور ياحمد على الصور ولاتحط في بالك إنه لو كان كابرس يكون أقل;)

هو صحيح أقل بكثير عن هذي الأضرار لكن اللي الله كاتبه بيصير لو كان في كابرس أو في دبابة:)

الحمد لله على سلامته وهو أهم شي السيارة تتعوض:(

انا اخالفك الرأي تماماً "الله يعنني وشلون باقنعك"

لو كانت الاضرار بسيطة في السيارة راح يتأثر السائق بشكل اكبر

بينما العكس صحيح

:p

[922]

رد مقتبس من Corvette_Stingray
902 مشكور على ردك الطيب ..

اللي شافو الحادث يقولون انه كان صديقه :confused:

وتعرف ابليس موجود وصار اللي الله مقدره والحمد لله على كل حال

يؤ

شكل مزحهم مزح صعايدة

[TOP-SECRET]

لاحول الله ولا قوه الا بالله العلي العظيم..الحمد لله على سلامه ولد خالتك وفي الحديد ولا فيه..الله يكفينا شر الحوداث

[SL500]

رد مقتبس من TOYOTA - OBAS
لاحول الله ولا قوه الا بالله العلي العظيم..الحمد لله على سلامه ولد خالتك وفي الحديد ولا فيه..الله يكفينا شر الحوداث :headshak:

[Corvette_Stingray]

TOYOTA - OBAS تسلم يا خوي ..

RED Chevy انا معاك 100% في ان اللي الله كاتبه راح يصير 100% ..

لكن المشكله في هذي الشركات اليابانية انهم قاعدين يفاشرون بأنظمة السلامة وسياراتهم قاعدة تذبح الأوادم .. ليش ؟؟؟؟

[black scorpion]

الحمدلله على سلامته وان شاء الله يقوم بالسلامة
الحزام ياشباب مهم لدرجة كبييييرة
ممكن طلب انك تسأل ابن خالتك لمن يقوم بالسلامة ان شاء الله انه كان رابط حزام الامان ولا لا؟

[Corvette_Stingray]

black scorpion لا :headshak:

[zezo]

الحمدلله على سلامة ولد خالتك والله يشفيه


الله يكفينا شر الحوادث والسواقين المتهورين اجل اذا كذا صديقه كيف لو عدوه جد مزح صعايده

[Dentist]

رد مقتبس من grandv8
السلام عليكم ورحمة الله وبركاته

حمدالله على سلامة ولد خالتك ان شاء الله في الحديد ولافيه ،واللهم اشفيه وعافيه .

ترى الحوادث مافي شي اسمه ياباني ولا امريكي ولا الماني الحادث حادث وهذا قدر مكتوب له.

مهم الواحد يحاسب عمره الف حساب ويسوق على مهله ، والسيارة عبارة عن كتلة حديد والانسان بيروح بلمحة عين اما الحديد تقدر تجيبه والانسان راح ومايرجع.

الله يشفيه ويعافيه ويوقم بالسلامة ويرجع سالم غانم لااهله.


صدقت والله

وأتمنى ترجع للموضوع المثبت أول الصفحه بخصوص سبب ابتعاد الأعضاء عن المنتدى واحد ورا الثاني !!


والله يقومه بالسلامه انشالله

[SLR]

رد مقتبس من Corvette_Stingray

ولما والده راح الوكاله قال لهم وين نظام السلامة اللي تتكلمون عنه قالو له الشركة ما صنعت السيارة حق زوايا الجدران :confused:

مو كأنه السيارة مصنوعه من كرتون :anger: [/B]

هوندا سيفيك وسلامه!!!

هوندا سيفيك ومع السلامة...

[الفجر mtr البعيد]

خطاه السو انشالله وجعل ربي يخليها اكبر المصايب

[DodgE]

لاحول ولا قوة الا بالله

الحمد لله على سلامته والله يشافيه بأقرب وقت

[180B]

ما يشوف شر


في وين امسوي الحادث

[Dreams_Maker]

صديقه ويدعم فيه 3مرات؟؟

لو انا منه اجيب تريله واركب فوق سيارته..وأطحنه هو وسيارته :D


ماله داعي صراحه هالحركه...

والله يقومه لكم بالسلامه...وإنشاءالله تكون آخر المصائب والأحزان


وتحياتي

[السائق المثالي]

سلامات والله ،
الله يكتب له الشفاء العاجل ويرده لكم بالسلامة

أما أنظمة السلامة فمثل ما تفضلوا الشباب ،
وقت الحادث ما بينفعك انت راكب الماني ولا ياباني ولا حتى سنغفوري
الحديد واحد .. والتهور ايضا واحد

[Corvette_Stingray]

SLR مشكووووووووووووووور اخوي على ردك الطيب وكلامك صحيح 100%

الفجر mtr البعيد خطاك الاش

تسلم اخوي DodgE الله يسمع منك

Dreams_Maker اي والله أحين صديقه محبوس في الشرطة لما يتعافى ولد خالتي بعدين يطلع

RX331 صح كلامك لكن سيارة عن سيارة تفرق أعطيك دايو وابيك تسوق 90 كلم وتدعم في أي جدار من السمنت وبعطيك شفر وبنفس السرعة ..

شنو راح تختار لهذا الإختبار البسيط للسلامة ؟؟؟؟؟؟؟؟؟ وهذا السؤال للأخوان بعد :banana:

[black scorpion]

السيارات الجديدة مصممة انها تمتص الصدمة يعني تنعدم من الخارج لكن المنطقة الداخلية تصل اليها اقل الاضرار (ما يسمى القفص الحديدي) طبعاً هم لمن يجربوا انظمة الامان في اي سيارة بيحطون دمى لكن حتى الدمى رابطة احزمة الامان . فعلى اساس النتايج بيقرروا درجات الامان في السيارة. الايرباج من دون حزام امان بيكون احتمال ضرره اكبر من فائدته الحزام والايرباج يكملان بعض
مع تمنياتي للجميع بقياده امنه.

[Corvette_Stingray]

تسلم لي اخوي black scorpion على ردك الطيب

[kaser annassr]

بسم الله الرحمن الرحيم
والله يا شباب المكتوب مامنو مهروب
بس الأسباب لازم ناخذ فيها
يعني لو كان معو مرسيدس أو سيارة ألمانية أخرى أعتقد أنو إن شاء الله الأضرار بتكون أقل
وفي الأخير المكتوب ما منو مهروب بس أعقل وتوكل كما قال صلى الله عليه وسلم
والحمد لله على السلامة

[Corvette_Stingray]

180B مدينة حمد ورا المنتزه دوار عشرة ...


kaser annassr كلامك صحيح 10000%

[BoSaLem]

اول شي حمدالله علي سلامته

ثاني شي قارن سعر السياره بسياره ثانيه مثل ما تقول الكابرس؟

اكيد بيفرق صعب يحطون وسائل السلامه مثلها مثل اللكزس

شوف سعر السيفيك وسعر الكزس

وشكرا :cool:

[Imaj]

في الحديد ولا فيه.. وأهم شيء أنه بخير وقطعة واحدة..:)



ويا شباب لا تنسون حزان الآمان.. أنا صارتي لي حوادث وصدقوني لولا الله ثم حزام الأمان كان ضرب راسي في الدركسون ورحت فيها>>>أقل شيء يمكن يغمى علي.




واتفق معك السيارات اليابانية كرتون ولكن أيضا الأمريكية الجديدة وخصوصاً الصغيرة مثل الكافلييه:headshak:





سلام :banana:

[MR_ZR1]

الله يقومه بالسلامه

اما لو كان في كابرس من القدم الجدار راح يتعور من الكابرس ويقول "اح" :laugh:

[Corvette_Stingray]

BoSaLem مو مشكله في فرق في السعر لكن انت قاعد تدفع يعني لازم تحصل شي عدل ..


طيب اذا على السعر بشترى كابريس موديل 85 ب350 دينار !! وبروح أدعم فيه .. وين المشكله ؟؟؟؟


Imaj الله يسلمك من كل شر يا خوي


MR_ZR1 كلامك مضبوط 100000%

[ViPeR_4_LiFe]

اهم شي ولد خالتك

بندعيله ان شاء الله يقوم بالسلامه

وياريت الشباب بعد يدعونله بالشفاء وانه يقوم بالسلامه

[Corvette_Stingray]

تسلم اخوي ViPeR_4_LiFe على ردك الطيب ..

الصراحة كان أحلى رد منك وان شاء الله يقوم بالسلامه

[NFS]

السلام عليكم


الله يشفي أبن خالتك ويطلعه من المستشفى بالسلامة.


أخوي كورفيت ستينغري ، عندي عدة تعليقات على بعض النقاط أن شاء الله تتقبلها بصدر رحب.

أيهم أهم عندك عند حدوث حادث مروري ، التلفيات المادية في السيارة أو الأضرار في أجسام الركاب؟

إذا كانت التلفيات المادية في السيارة هي الأهم ، فلا يوجد داعي لأن تقرأ باقي الكلام الموجود في ردي هذا.

----------هنا نهاية رد NFS--------------









أما أذا كان حياة الركاب هي الاهم ، فأنا أدعوك لقراءة بقية الرد ،

أنت تعرف أن أصدام سيارة تسير بسرعة معينة في جسم صلب مثل جدار أو شاحنة متوقفة فأن معظم أو (كل) الطاقة الناتجة سوف تستقبلها السيارة .


هنا يأتي دور تصميم هيكل السيارة ووسائل الأمان في إبعاد (طاقة الأصطدام) عن الركاب ، طبعاً خط الدفاع الأول في أستقبال هذه الطاقة هو هيكل وجسم السيارة ، ومعظم سيارات اليوم والتي حصلت على ألقاب مثل التنك والكرتون والقرطاس فأنها تمتصص جزء كبير من طاقة الأصطدام هذه ، لكن هذا الهيكل له حدود معينة ومن بعدها فأن باقي الطاقة (الغير ممتصة) تنتقل إلى مقصورة القيادة ، هنا يأتي خط الدفاع الثاني وهي أنظمة السلامة الداخلية مثل الأكياس الهوائية والأحزمة الأمان وغيرها من الأنظمة الأخرى .

في النهاية تكون السيارة (والمتمثلة في هيكلها وجسمها وأنظمتها ) قد أمتصت القسم الأكبر من طاقة الأصطدام بحيث أن أجسام الركاب تتلقى ما تبقى منها.

طبعاً السيارات المزودة بقائمة طويلة وعريضة من الأنظمة يكون مستوى الأمان فيها مرتفع مقارنة بالسيارات ذات التجهيزات الأقل.


<<<والأن دعنا نقارن هذا الكلام على كابريس موديل 89>>>

أولاً: وزن الكابريس 89 أكبر من سيارة أبن خالك من جميع النواحي (أكبر في الوزن والكتلة) معنى هذا أن طاقة الأصطدام ستكون أكبر ، أرجع للفيزياء!!

إذا كان عندنا جسمين يسيران بنفس السرعة ، أحدهما كتلته أكبر من الأخر وكل واحد منهما أصطدم في جسم صلب ، فأن الطاقة الناتجة من الجسم ذو الكتلة الأكبر تكون أكبر.

ثانياً: عند أصطدام الكابريس بالجدار ، فأن جسم السيارة لن يمتص إلا جزء قليل من طاقة الأصطدام ، وباقي هذه الطاقة ستستقبلها أجسام الركاب وخصوصاً أن تجهيزات الأمان في الكابريس تساوي (صفر!).

ثالثاً: لماذا قارنت السيفيك بالكابريس89؟ لا يوجد أي وجه مقارنة بينهم لا من ناحية الحجم ولا الوزن ولا التجهيزات ولا حتى الموديل!

لذلك أنا أقول : أبن خالك كان محظوظ أنه كان في سيارة من سيارات القرطاس ولم يكن في كابريس 89! (الله أعلم أيش بيكون حاله)!



ودمتم في رعاية الله وحفظه.

[Corvette_Stingray]

NFS مشكور على ردك ..

لكن انا اللي يهمني الاثنين سلامة الراكب والأضرار الناتجة ..

والهوندا فاشلة في الأثنين ..

السيارة تكنسلت وولد خالتي في المستشفى مو قادر يحرك عضو من جسمه :anger:

والكلام اللي انت قلته عن السلامة ما يطابق الهوندا نهائيا :blink:

[black scorpion]

رد مقتبس من Corvette_Stingray
NFS مشكور على ردك ..

لكن انا اللي يهمني الاثنين سلامة الراكب والأضرار الناتجة ..

والهوندا فاشلة في الأثنين ..

السيارة تكنسلت وولد خالتي في المستشفى مو قادر يحرك عضو من جسمه :anger:

والكلام اللي انت قلته عن السلامة ما يطابق الهوندا نهائيا :blink:



اول شي لا ننستطيع ان نقول تصميم او نوع او شركة السيارة السبب الرئيسي في الاصابات التي اصيب بها ابن خالتك اي نعم قضاء وقدر لكن فعل الاسباب لا ينافي التوكل يعني اذا كان ابن خالتك رابط الحزام صدقني ان الاصابات رح تكون ان وجدت عبارة عن رضوض.الله يشفيه ويعافيه ويدفع عنه و عننا كل مكروه.

[Imaj]

اقتباس:
ثانياً: عند أصطدام الكابريس بالجدار ، فأن جسم السيارة لن يمتص إلا جزء قليل من طاقة الأصطدام ، وباقي هذه الطاقة ستستقبلها أجسام الركاب وخصوصاً أن تجهيزات الأمان في الكابريس تساوي (صفر!).



ودي أعرف ليش ما تعرف شيء في سيارات GM


وشكراً








سلام :banana:

[Corvette_Stingray]

Imaj :D


كل واحد وتخصصه :banana:

[NFS]

السلام عليكم

Corvette_Stingray

أنت قلت أنه يهمك الأثنين ، في سيارة تلبي المتطلبين معاً؟
أنت قاعد تطلب المستحيل !

وذكرت في ردك ، أن الكلام المذكور لا ينطبق على الهوندا ....

ممكن لو تكرمت تشرح لي الأسباب (بالتفصيل) كيف أن الكلام لا ينطبق على الهوندا؟

في أنتظار ردكم الكريم .....




Imaj

شكراً على مداخلتك القيمة في الموضوع والتي زادت من معلوماتي عن سيارات GM .


الصراحة بعد ردك هذا الطويل والمفصل تفصيلاً كاملاً والذي كان يتناسب مع معلوماتي السطحية عن سيارات GM والإضافة القيمة (التي لا تتجاوز نصف سطر ) أعتقد أن الجميع تعرف على تجهيزات الأمان في سيارة شيفرولية كابريس موديل 89 .


عزيزي Imaj

عندك رأي مخالف أو تعليق على نقطة معينة ، أدخل في الموضوع ولا تستحي ، فمنتديات النقاش لم توضع إلا لتبادل الأراء والأفكار ، فإذا رأيت نقطة إو عدة نقاط تحتاج إلى تصحيح أو تصويب أو تنبيه ، تفضل ،

أدلُ بدلوك....

لا أحد يولد عالماً ،،،، وجل من لا يخطأ

[Corvette_Stingray]

اخوي العزيز NFS ..

انت قلت لي في شرحك لنظام السلامة للهوندا انه يمتص الصدمة بحيث انها تحمي الراكب من الإصابة البليغة ( هذا اللي فهمته من شرحك ) ..

طيب مقارنة مع كلامك بالحادث ..

فالهوندا تكنسلت وولد خالتي محله ما يقدر يحرك عضو من جسمه !!

فأي صدمة اللي امتصتها السيارة ..

لو بتقول لي الحزام طيب ما سوينا شي حتى الكابريس بالبس فيها حزام وبقول الحزام راح يحميني :blink:

والخبره عندك يمكن آنا غلطان يا خوي ..

اذا في غلط في كلامي صحح لي غلطي وانا حاضر :help:

[Imaj]

من واقع تجارب على مدى السنين. وجدت السيارات الأمريكية وخصوص الكابريس من أكثر السيارات سلامة..

الجسم صلب. قفص السلامة أشد صلابة. وجدت حادث لكابريس منقلب اللي داخل السيارة قدروا يخرجون بكل سهولة مو مثل بعض السيارات التندة ما تتحمل الضغط. شفت حادث لواحد ثمنيناتي وأخر لتسعيناتي. والتندة تحملت بطريقة مذهلة ما انطبقت على اللي بداخلها.

بعدين معلوم لدى الجميع ان الأمريكي ما في أفضل منه في السلامة وخصوصا في الطرق السريعة ( ما تنكرنا للألماني). خصوصا لو ضرب عليك تاير مو مثل كثير سيارات تقعد تتقلب.

يعني الكلام بشهادة الكثيرين ونت بنص سطر تنكر سلامة الكابريس؟











سلام :banana:

[Corvette_Stingray]

الكل يشهد ان الامريكي أكثر سلامة من الياباني ..

إلا إذا الله أمر بشي ثاني فهذا كلام ثاني ...

[RED Chevy]

رد مقتبس من NFS
السلام عليكم

Corvette_Stingray

أنت قلت أنه يهمك الأثنين ، في سيارة تلبي المتطلبين معاً؟
أنت قاعد تطلب المستحيل !




صح لسانك يا جاسم، بس قبل كل شي مدى الأضرار في السيارة يكون قليل+حماية=ممكن نحصله في بعض السيارات القليلة جداً...

نقدر نقول الأجياب الكبار+الوانيتات( لأنهم حديد وبهم أنظمة سلامة)


بخصوص الكابرس وقوة البدي هذي مافي خلاف عليها، آنا صادني حادث في سيارة( حادث جد عني مو أي كلام) في الكابرس مال الوالد82 قبل التاريخ:D

كنا 3 في السيارة آنا والخال وإخوي، آنا ورى... محد لابس الحزام...

السرعة ممكن 80...

بريك مفاجئ من اللي جدامنا( بيك أب)

طراااااااااااااااااااااااخ:eek:


الشفر تعور فيه الصدام الأمامي طاح على صوب، البيك أب العكس:D

قبل الحادث خالي حاول يتفادى البيك أب فر السيارة وتفتر فرتين بالشارع وتصفق كورونا تتوقع وش صار لها؟

طارت:D


طارت من الشارع ووقفت على الرصيف( الرصيف طبقتين ورفيع وايد:D )

النتايج بدون إصابات تذكر:cool:

حتى رضوض محد صاده في السيارات الثلاث، الكورونا أتوقع كانت لابسة الحازم الباقي:headshak:
______________________________________________


هل نعتبر الكابرس حمى الركاب أو لا؟

الكابرس اليديد جدام عيني داعمته سني من ورى الكابرس شموخ بسيطة في الصدام الخلفي+السني تعور بشدة والكبوت صار مثلث:rolleyes:

ولو نشوف صور الكوابرس اليديدة في أغلب الحوادث نشوف المقصورة ماتعورت؟:banana:

الوجه ينعوي والموتر يروح ملح لكن المقصورة شبه ماصادها شي:cool:

لو شفت صورة حادث المونارو اللي في إستراليا ماشي 200 وصدم في شجرة المقصورة ماجاها شي كبير:banana:

هل نعتبر إن هالسيارة تحمي ركباها وتحمي نفسها؟

الهوندا بالمقابل اقوى بودي في السيارات اليابانية:banana:

بيت جيرانا صايدهم حادث خشن وايد بأكورد ستيشن وبدون حزام بعد والإصابات رضوض بس:)

كل شي قضاء وقدر لو كنت في دبابة أو سيرون;)

دام التايتانك غرقت ماتبون سيارة تتعور:D

[Corvette_Stingray]

تسلم اخوي عبد الرحمن على ردك اللي اكثر من حلو ;)

في النهاية أقول ان اي شي الله كاتبه راح يصير ..

وخلاص ما نبي نطول في السالفة لان المشكلة انتهت والكل عرف المقصود :banana:

[Mr_CoRvEtTe]

سلااااااااااااااااااااااااااامات مايشوف شر حمووووووووووووووووود

الله يقومه بالسلااااااااااااااااااااااااااااااامه

[Mr_CoRvEtTe]

سلااااااااااااااااااااااااااامات مايشوف شر حمووووووووووووووووود

الله يقومه بالسلااااااااااااااااااااااااااااااامه