View Full Version : سردال-CL600-NFS-M5-ERT-007-King_SS
RED Chevy
20-06-2004, 07:20 PM
السلام عليكم ورحمة الله وبركاته
الشباب اللي ذكرت أساميهم فوق أول شي أمسيكم بالخير وعساكم بصحة وعافية...
المهم...
وآنا أتصفح تايرخ سوالف في الصفحات القديمة لاحظت وجود عدة أسماء لكن أغلبها إختفى واللي بقى لنا من ماضي سوالف أعتقد ينحصر بكم وبعض الأعضاء الباقيين...
سوالف حالياً عارفين وضعها، إنتوا الخير والبركة...
إنتوا أعمدة المنتدى، وإنتوا أساسه...
هل تتركون في لحظات ضعفه؟
الكلام موجه لكم عامة بس(007 أعذره عنده ظروفه)...
هذي الموضوع طلب مني لكم...
لاتتركون سوالف فهي بحاجة لكم...
سردال:
إنت أول واحد موجه لك الكلام ومثل ماتشوف وضع المنتدى تحسن وأتمنى رجوعك للمشاركة في القسم وسالف عامة.....
CL600:
فوق كل شي بينك وبين الشفر:D المنتدى يحتاجك ويحتاج نشاطك ولاتقطع حسسنا دوم بوجودك...
NFS: إنت ياجاسم الحاضر الغائب يوم نشوفك و10 لا إنت خبرة كبيرة ومكسب أتمنى إنك تكثف حضورك....
M5: آخر رد لك زعلني ولاتتخلى عن سوالف وأعضاهئا مهما كان السبب تذكر أيام أول وخلك معنا ونبيك ويانا...
King_SS: بوروان ليش القطيعة، لك مدة ماترد إلاا على أسئلة الشباب أو آخر أخبار سياراتك المنتدى يحتاجك ويحتاج خبرتك أرجوك إرجع مثل قبل وأتحفنا بمواضيعك...
ERT: إخوي حصلت إسمك في أول صفحات القسم وأحين مانشوفك إلا نادر عسى المانع خير...
007: إنت نفس جاسم الحاضر الغائب نشوفك يوم وسنة لا، إن شاء الله ترجع مثل قبل وتتحفنا بتجاربك ونشاطك...
____________________________________
هذي نداء مني لكل عضو قديم في سوالف البركة فيكم إنتوا ولاتخذلون سوالف السيارات...
سوالف محتاجتكم لاتخذلونها....
سوالف محتاجة لكل عضو بها ومو ناقصة مشاكل وحروج أعضاء...
____________________________________
خاص للمدعو 560SEL: لاتفتح لنا باب خروج الأعضاء خلك معانا وسوالف محتاجة خبرتك وأدري إنك تقرى كلامي أحين المنتدى وشبابه يحتاجونك وبسببك خلو القسم الفرعي للفيديو بس:D
____________________________________
TOP-SECRET
20-06-2004, 08:10 PM
انا معاك والله ياعبدالرحمن وان شاء الله نشوف الشباب معانا في سوالف مره ثانيه:(
الفجر mtr البعيد
20-06-2004, 09:01 PM
والله امنيه من القلب كلامك يا عبدالرحمن
وبارك الله فيك
السائق المثالي
21-06-2004, 05:31 AM
هلا يا وجيه كيفك :rolleyes:
كلامك على العين والراس من فوق . وانا اقول اذا الشباب ما رجعوا واعادوا المنتدى كما كان مين اللي بيرجعه كما كان . اذ1كرهم كانوا حريصين على سوالف فليش الآن تبدلت مواقفهم ؟ انا اتمنى انهم يرجعوا ويكتبوا كل اللي صدورهم وصدقوني كلامهم أوامر تتنفذ فورا وأنا اول من ينفذها حتى لو يبونا نترك سوالف والله ماعندي مانع بس اللي يهمني انهم يرجعوا لانهم برجعوهم بيرد المنتدى مثل اول وازين بعد:banana:
RED Chevy
21-06-2004, 08:00 AM
مشكورين ياشباب وماقصرتوا بس للأسف ولا واحد منهم رد:(
grandv8
21-06-2004, 08:31 AM
السلام عليكم ورحمة الله وبركاته
اخوي عبدالرحمن والله شباب يمكن عندهم ظروف او مسافرين .
في اشخاص تحصلهم من وقت لاخر يردون علينا بالمنتدى.
ان شاء الله مانع خير؟
A7medo
21-06-2004, 08:55 AM
بس لاتنسون اخونا الأرهابي .
RED Chevy
انا اعرف سبب تغيب 3 اعضاء .....
تبغاني اكتب السبب ؟ واوضح لك ؟ بس بشرط بدون زعل ؟
ووالله اني ساكتب الاسباب كما قالوها لي بالتمام ان شاء الله
السلام عليكم ورحمة الله وبركاته
شكراً يا Red Chevy على سؤالك وطرحك للموضوع ،
بأختصار ، مشاركتي في القسم قلت لعدة أسباب:
(1)- أنشغالي في أمور الدنيا.
(2)- كثرة المواضيع الغير هادفة ، مثل: السيارة X أسوء سيارة أو ليش الشركة Y ماتحط أو تسوي الشغلة الفلانية في سياراتها ، أو ليش الشركة Z تستخدم التقنية R ؟ أكيد هي فاشلة!
(3)- بعد 4 سنوات من متابعة منتديات السيارات ، 80% من المواضيع بالنسبة لي مكررة.
لهذا أنا أشارك في التي أحسن أني سأستفيد منها أو عندي معلومة قد تفيد غيري...
ودمتم.
RED Chevy
21-06-2004, 04:46 PM
السلام عليكم ورحمة الله وبركاته
grandv8:إن شاء الله المانع خير بس هذي اللي بقوا لنامانبي نخسرهم:(
A7medo: هذي مانسيته وهو في بالي:D حد يقدر ينساه بس هو هذي عوايده يختفي ويرجع فجأة بردين ويرد يختفي:D
S8: 3 من اللي كتبت أسمائهم؟
وآنا أعرف سبب تغيب 2 بعد...
ماجد واللي يعافيك والله ترى ملينا وبسنا مشاكل والله تعبنا خلاص يا ريال، خل مرسيدس وgm في حالها ومانبي مشاكل زيادة...
3 سنوات وإنت ماحاط في بالك غيرهم خلاص يا ولد الناس...
كفاية بس كفاية عندك المنتديات الثانية لكن أرجوك وقف هالشي في سوالف...
NFS: هلا فيك جاسم ومشكور على الرد ومقدرين ضروفكم لكن على الأقل نبي نحس بتواجدكم معنا...:)
عاشق التضبيط
21-06-2004, 06:51 PM
رد مقتبس من RED Chevy
____________________________________
هذي نداء مني لكل عضو قديم في سوالف البركة فيكم إنتوا ولاتخذلون سوالف السيارات...
سوالف محتاجتكم لاتخذلونها....
سوالف محتاجة لكل عضو بها ومو ناقصة مشاكل وحروج أعضاء...
____________________________________
____________________________________
مشكوور اخوي RED Chevy على اهتمامك بالاعضاء
بس انا ماني معك بان سوالف محتاجه لكل عضو فيها
انا من ناحيتي سوالف محتاجه للاعضاء اللي منهم فايده او على الاقل اللي مامنهم ضرر بس الاعضاء اللي ماشفنا منهم الا المشاكل الله لايردهم ورجااء خاص مني لاتقارن واحد فعال مثل سردال بواحد ؟؟؟؟ بدون ذكر اسامي اللي يشوف نفسه صح واللي يكون بصفه صحيح وباقي الناس غلط او اللي يعارضه غلط ولا يقبل النقاش هذا تركه للمنتدى مكسب للمنتدى
لان منتدى سوالف موب منتدى دعايات او ربحي عشان عدد الاعضاء يكون مهم
CL 600
21-06-2004, 07:00 PM
الأخ العزيز : RED Chevy
بصراحة أشكر لك اهتمامك بالمنتدى وبأعضاءه ..
الحقيقة يا أخي العزيز سبب قلة مشاركاتي ترجع لعدة أشياء :
منها ..
* أنا إنسان أحب النقاش الهادف حتى لو وصل الموضوع إلى 100 صفحة سواء عن GM أو مرسيدس ..
ولكن للأسف بعض الأعضاء يبدأ في السخرية والبعض يبدأ بالطعن في أخيه .. والآخر يأتي ببعض المعلومات التي ليس لها أساس من الصحة .. ليؤكد ما يقوله .. إلخ .
إخواني الأعزاء أتمنى أن يتذكر كل شخص عندما يناقش .. أنه يناقش أخوه المسلم .. أي يجب أن يكون بيننا مودة ولطافة في التعامل مع بعضنا .. يجب علينا أن نرتقي بكتاباتنا ..
إخواني الأعزاء .. سائني طعن بعض الإخوة في المنتديات الأخرى هذا المنتدى .. بحجة أنه لا فائدة منه وأنه كلام فاضي وأنه ليس مثل الأقسام الدينية والأدبية ..
أقول لهم شيء بسيط للغاية ..
منتدى السيارات .. ليس فيه مايتعارض مع شريعتنا الإسلاميّة طالما ليس فيه غيبة أو نميمة أو شحناء .
وللعلم إذا أشغل الإنسان نفسه بمثل هذه المنتديات وابتعد عن منتديات الفساد مثل منتديات الأغاني والمطربين والفنانين .. وغيرها
يكون بذلك قد حصل على الأجر .. بإذن الله تعالى .
أخي العزيز : RED Chevy
إذا كان في مشاركاتي في هذا المنتدى سبباً في وقوع شحناء بيني وبين أخ مسلم لي .. فأنا في غنى عن المشاركة .
وهذا سبب إنقطاعي في أغلب الأوقات .. وعفى الله عن ما سلف .
وأقولها بكل صراحة .. سيبقى المنتدى بخير بوجود مثلك فيه .
تحياتي لك ,,
ماجد
RED Chevy
21-06-2004, 07:17 PM
السلام عليكم ورحمة الله وبركاته
عاشق التضبيط: إي واله يا عاشق صدقت بها وفاتتني، بس الله يهديهم...
ومثل ماقلت حتى لو ماكانت له فايدة على الأقل بدون ضرر...
شاكر لك ردك الكريم وماقصرت يالغالي وإنت هم عزيز وغالي وإنت من أكثر الناس اللي نحتاجهم هاليومين:)
CL 600: هلا فيك يا ماجد ومشكور على ردك الطيب، وعن النقاش هذي كنت أيام الحماس مثلك أوصل النقاش صفحة 2 3 مو مهم عندي لكنة أحين عرفت شغلة وأنصح بها الكل هني وبباقي المنتديات...
إذا شفت موضوع به مشاكل أو تحس إنه بيسوي مشاكل بكل هدوء إقراه وإطلع كأنك ماشفته...
النقاش الهادف مطلوب لكن للأسف مانحصله، وصدقني لو في مواضيع تستاهل تلاقي الكل يشارك بكل عقلانية لكن المنتيجة تعتمد على السبب اللي هو الموضوع لو كان الاساس صح الموضوع بيستمر صح ولا شي يهزه
:)
والمنتدى مثل ماقال عاشق يحتاج أي عضو مفيد أو على الأقل غير مضر وإنت ماشفنا منك إلا كل خير:)
RED Chevy
27-06-2004, 07:19 PM
في ناس ماردت ليلحين؟؟؟؟
ACCORD-V6
28-06-2004, 09:29 AM
وماراح ترد
فيه ناس تكبرت
وفيه ناس ضروف
الله اعلم الله اعلم
الله يستر من القادم
الامير الاحمر
28-06-2004, 12:19 PM
بسم الله الرحمن الرحيم
السلام عليكم ورحمة الله وبركاته
فعلا المنتدى غير زمان
اول كنا نشوف موضوع فيه الفايدة والكل يشارك في مثل موضوعات king_ss
او الاخ NFS
موضوعات تعني بالسيارات
تحس انك تستفيد لما تدخلو وتشارك وتبدي رأيك بكل اناقة واحترام
والحين للاسف ...:(
الكل يدخل علشان يثير المشاكل
واسمحولي على التطويل
وانشاء الله ما اكون غلطت على احد
تحياتي :p
RED Chevy
30-06-2004, 06:19 PM
السلام عليكم ورحمة الله وبركاته
مشكورين ياشباب على الردود:
ACCORD-V6: أي والله مانقدر نقول غير الله أعلم :headshak:
الامير الاحمر: أي والله صدقت، لكن إحنا صحيح حصلنا أعضاء كثيرين ممتازين لكن الأعضاء القدام هم الأساس والمنتدى محتاجهم:(
انا موجود :D ... كنت مشغول كثيرررررر واااجد :glasses:
RED Chevy
01-07-2004, 05:05 PM
رد مقتبس من ERT
انا موجود :D ... كنت مشغول كثيرررررر واااجد :glasses:
:D
ياالله عاد نبي نشاط صاروخي:D