922
23-06-2004, 08:02 PM
مغامرة نقل ملكية
بعد ماكتبت عقد شراء سيارتي قالي صاحب المعرض تبي المعقب يخلص لك النقل بخمسين ريال والا انت بنص ساعة تخلصهافكرت شوي وطقيت صدري قلت انا ابخلصها وش خمسين انا اولى فيها اوطلع من عنده وادق سلف لمررو الناصرية وابعد عنه بحدود ميتين متر لاسباب امنيه سادين الشارع بصبات "خرسانه"
واطلع اوراقي وامشي وادخل القسم واسئل عن نقل الملكية قالوا سدد مخالفاتك اول قلت طيب وادخل قسم الحاسب الالي والقى 9 شبابيك ومافيه الاموظف واحد والناس هواش عليه ويمدون صور البطاقة واطلع صورة بطاقتي وياخذه العسكري بعد ربع ساعة من المد والمزاحمه وقال اجلسوا كلها 5 دقائق وصارت 5 ساعات وكل شوي يامتعطل الكمبيوتر او الورق خلص وتطلع برنت المخالفات والقى مخالفاتي ب 500 ريال وطبعاً مخالفات الاجانب بالالاف قلت مو مشكلة اهم شي اخلص واطلع من عندهم واروح القاعة اللي بعدها وفيها سداد المخالفات والقى طابور على قسم البنك وامسك الطابور ساعتين واخر شي سددت المخالفات وقالوا رح سدد 150 لموظف البلدية اللي كان يكلم في الجوال وبعد تلميحات له ومد الاوراق عطاني وجه وكتب ايصال ماني متأكد انه عربي وباقي الخطوة الاخيره وهي التسجيل ولما جا ابو عسكر يسجل الكمبيوتر تعطل على حظي ولما اشتغل الكمبيوتر قال مااقدر اكمل معاملتك لان عنك مخالفات قلت مسددها قبل شوي قال لازم 3 ساعات عشان تسقط من الكمبيوتر قال تعال بكره ....
واجيهم بكره وابو عسكر غير موجود وانتظرته ساعة ولما شرف حظرته طلع الكمبيوتر متعطل وانتظرته ساعة وبالاخير سجل معاملتي وعطوني استمارتي ........وختمت من المدير والشهاده لله ماخذت الا نص ساعة بسب وجود زائر له
انا اللي قاهرني حق التصوير يصور الصوره بريال والملف بريالين وكل شي دبل سعره ليش عشاني مظطر اصور واشتري من عنده
ملاحظة اغلب العساكر معهم جوال الباندا 6600 تتوقعون كلهم شارينها بالجمله وماخذين تخفيض
وبالختام
لاتنسى اثباتتك وقاروة ماء بارده لترين وقلم حبر ناشف "للكربون"
اتمنى توصل كتابتنا للمسؤلين
اخوكم 902
بعد ماكتبت عقد شراء سيارتي قالي صاحب المعرض تبي المعقب يخلص لك النقل بخمسين ريال والا انت بنص ساعة تخلصهافكرت شوي وطقيت صدري قلت انا ابخلصها وش خمسين انا اولى فيها اوطلع من عنده وادق سلف لمررو الناصرية وابعد عنه بحدود ميتين متر لاسباب امنيه سادين الشارع بصبات "خرسانه"
واطلع اوراقي وامشي وادخل القسم واسئل عن نقل الملكية قالوا سدد مخالفاتك اول قلت طيب وادخل قسم الحاسب الالي والقى 9 شبابيك ومافيه الاموظف واحد والناس هواش عليه ويمدون صور البطاقة واطلع صورة بطاقتي وياخذه العسكري بعد ربع ساعة من المد والمزاحمه وقال اجلسوا كلها 5 دقائق وصارت 5 ساعات وكل شوي يامتعطل الكمبيوتر او الورق خلص وتطلع برنت المخالفات والقى مخالفاتي ب 500 ريال وطبعاً مخالفات الاجانب بالالاف قلت مو مشكلة اهم شي اخلص واطلع من عندهم واروح القاعة اللي بعدها وفيها سداد المخالفات والقى طابور على قسم البنك وامسك الطابور ساعتين واخر شي سددت المخالفات وقالوا رح سدد 150 لموظف البلدية اللي كان يكلم في الجوال وبعد تلميحات له ومد الاوراق عطاني وجه وكتب ايصال ماني متأكد انه عربي وباقي الخطوة الاخيره وهي التسجيل ولما جا ابو عسكر يسجل الكمبيوتر تعطل على حظي ولما اشتغل الكمبيوتر قال مااقدر اكمل معاملتك لان عنك مخالفات قلت مسددها قبل شوي قال لازم 3 ساعات عشان تسقط من الكمبيوتر قال تعال بكره ....
واجيهم بكره وابو عسكر غير موجود وانتظرته ساعة ولما شرف حظرته طلع الكمبيوتر متعطل وانتظرته ساعة وبالاخير سجل معاملتي وعطوني استمارتي ........وختمت من المدير والشهاده لله ماخذت الا نص ساعة بسب وجود زائر له
انا اللي قاهرني حق التصوير يصور الصوره بريال والملف بريالين وكل شي دبل سعره ليش عشاني مظطر اصور واشتري من عنده
ملاحظة اغلب العساكر معهم جوال الباندا 6600 تتوقعون كلهم شارينها بالجمله وماخذين تخفيض
وبالختام
لاتنسى اثباتتك وقاروة ماء بارده لترين وقلم حبر ناشف "للكربون"
اتمنى توصل كتابتنا للمسؤلين
اخوكم 902