سؤال بخصوص فلتر الK&N بعد تجربتي له !!

[opel005]

سلام عليكم ..

انا ركبت فلتر بسيارتي من نوع K&N طبعا معروف الفلتر بجودته وبانه يزيد من عزم السيارة .. اللي لاحظته بعد ماركبته انه صار تسارع السيارة صار اضعف من اول !! :confused: رجعت لراعي المحل اللي شريته منه قال انه العامل اللي ركبه لك ركبه بمكان غلط ( حاطه جنب المكينة بالظبط) المهم قام وحرك مكانه وخلاه قريب من الرفرف تقريبا .. حسيت انه احسن من اول لكن برضه اضعف من يوم قبل اركبه .. قالي السبب معروف انه عشان الحرارة عشان كذا مايعطيك بالشكل المطلوب طبعا شلت الفلتر الاول كان جوا دبه وكان فلتر مربع .. النوع اللي اخذته الشكل المخروطي .. وخليته مكانالقديم بس طبعا مكشوف يعني تجيه حرارة برضه القديم كان فيه زي الخرطوش يجي من مقدمة السيارة ورا الصدام الامامي وقبل المروحه وظيفته انه يسحب الهوا من برا ويدخله داخل الدبه حقت الفلتر ويبرد عليه ..

السؤال اللي ابي اطرحه بعد كل هالكلام هل يحتاج اني اغطي الفلتر عشان يأدي دوره المطلوب ولا الحرارة ماتأثر عليه والمشكلة بالفلتر ؟؟
الحقيقة جربت السيارة وهي بارده(بس اللي امشي فيها شوي) بالفعل أعطتني اداء وعزم احسن بكثير من بعد فترة من المشي(طبعا من الزيرو) ..

اتمنى تفيدوني لاني الصراحه تحطمت بعد ماجربته وتحسفت اني شريته وفكرت اني ارجع الاصلية لانها احسن بالعزم ..

نأسف على الاطلة ...

تحياتي ..

[DodgE]

هلا اخوي
انا اعطيك نصيحه بس لازم تشوف واحد شغله نظيف

سو لك بايب يوصل للشبك الأمامي السفلي ماحوله شي تحطه وترتاح
في طرق اخرى بس هذا افضلها واسهلها

تحياتي

[mill_955]

والله انا مركب واحد وماشالله من احسن مايكون

لكن انت تأكد من حجمه هل هو مناسب لانه زي ماتعرف يجي احجام كثيره

لاني مره ركبت حق لومينا على جمس والعزم طاح

[HEMI_RETURNE]

اخوي المساله كلها تتعلق بكمبيوتر السياره بسبب انه كان متعود على الفلتر القديم وكمية الهوا الي كانت تدخل وبالتالي كل الي تحتاجه انك اتعيد برمجة الكمبيوتر حتى يتعلم من جديد ويبرمج نفسه على كمية الهوا الاكبر من فلتر الk&n علعموم كل الي مطلوب منك اخوي انك تفصل البطاريه لمدة 30 ثانيه وتخلي مفتاح سيارتك على ال on وبعدين ترجعه على ال off وترد تركب بطاريتك وحتى يرد يتعلم الكمبيوتر لازم تمشي فيها مسافة 200 كيلو على الاقل بس مو شرط متواصله
وعلعموم هذا دواك وعلى الله شفاك

[opel005]

DodgE
اخوي انا فكرت بتفكيرك .. نسيت اقول شي انه التوصيلة او الخرطوش موجود الى الان ماشلته بس مجرد اني شلت الدبة اللي فيها الفلتر ولا الخرطوش باقي مجرد اني فصلته من الدبة .. انا حاولت اني اقربه واثبته على نفس الفلتر الجديد بس طبعا مع الحركه ينفلت من الفلتر مو ماسك فيه وشي ثاني انه يجي على جزء بسيط من الفلتر وبالتالي جزء يكون بارد اللي هو مقابل فتحة الخرطوش وباقي الفلتر حار .. فكرت اني اسوي دبه واسوي فتحتين ويكون الفلتر داخل الدبة وبرضه خرطوش الهوا داخل على الدبه ... بس السؤال هل الطريقة هذه مجدية ؟؟

mill_955
بغيت اسالك اخوي هل الفلتر مكشوف ولا لا ؟ وهل هو قريب من المكينة ؟؟
بالنسبه للحجم انا اتوقع انه مناسب لانه حتى هو يوم شاف قال هذا انسب شي لك وحجمه زين واللي فهمت انه برضه نفس الحجم راكب على لومينا له .. علما انه سيارتي اوميغا يعني ما اتوقع تفرق كثيير ..

HEMI_RETURNE
ممكن نجرب هالطريقة ونشوف النتايج

تحياتي ...

[Black Chevy]

اخوي بالاول شنو نوع سيارتك؟؟

لانه في بعض المواتر فلترهم يكون اقوه و افضل من K&N..يعني مثل الي عنده اودي تي تي ماراح ينفعه بالعكس راح يضره فماكو اله يركب فلتر بورش.و بعدين اخوي تره الفلتر اولا اكيد مو افضل للسياره من الاصلي و ثانيا بالكثير بيزيدك 20 حصان و على حسب عزم سيارتك يعني يمكن يزيدك 2 حصان و يمكن 10 و يمكن 20...

انا اعتبر الفلتر و سستم القزوز اكسسوارات للتيربو او السوبر جارج:D


تحياتي

[black scorpion]

شوف موقع www.kandn.com تلاقي خانات تختار فيها نوع السيارة و مقاس المحرك ويعطيك رقم الفلتر اللي يركب عالسيارة.
1-تروح على search for prouduct

2- تختار شركة السيارة
3- select model تختار موديل سيارتك
4- مقاس المحرك
ويطلع رقم الفلتر اللي يركب لسيارتك:)
ارجو اني اكون افدتك
:think:

[mill_955]

اخوي opel005

بالنسبه للفلتر اللي عندي فهو من النوع المكشوف وطريقة تركيبه نفس اللي بالصوره بالظبط

http://memimage.cardomain.com/member_images/3/web/543000-543999/543079_9_full.jpg

ولو تلاحظ انه فيه حاجز اسود جنب الفلتر عشان مايسحب الهوا الحار اللي جنب المكينه

[الارهابي]

رد مقتبس من Black Chevy
اخوي بالاول شنو نوع سيارتك؟؟

لانه في بعض المواتر فلترهم يكون اقوه و افضل من K&N..يعني مثل الي عنده اودي تي تي ماراح ينفعه بالعكس راح يضره فماكو اله يركب فلتر بورش.و بعدين اخوي تره الفلتر اولا اكيد مو افضل للسياره من الاصلي و ثانيا بالكثير بيزيدك 20 حصان و على حسب عزم سيارتك يعني يمكن يزيدك 2 حصان و يمكن 10 و يمكن 20...

انا اعتبر الفلتر و سستم القزوز اكسسوارات للتيربو او السوبر جارج:D


تحياتي

من وين جايب هالكلام عن الاودي تي تي :D

و بعدين وش هالفلتر اللي يزيد 20 حصان

دلنا عليه :D

[infiniti]

opel005

تركيب فلتر في اجواء مثل الخليج غير منطقي جدا و غير مفيد .

الفائده من تركيب الفلتر هي ادخال كمية اكبر من الهواء الى داخل الثلاجه الى هذا الحد لايوجد شي غير طبيعي.
اذن اين يكون الغلط ؟
الغلط هو عند تركيب الفلتر في اجواء ساخه سيضعف من قوه السياره و السبب هو زياده حراره الهواء الداخل الى المحرك و المعادله تقول
كلما انخفضت درجه حراره الهواء الداخل الى المحرك بمقدار 15 درجه فهرنهايت زادت قوة المحرك حصان واحد و العكس صحيح .
ماهو الحل ؟
الحل هو تركيب (Cold Air Intake)
و المقصود هو سحب الهواء من خارج المحرك و بالتالي الحصول على هواء بارد نسبيا اما اقصى نسبة يمكن الحصول عليها هي مابين 3 الى 7 حصان بالنسبة الى اجواء ساخه .

هناك انواع مختلفه من Cold Air Intake منها القصير و الطويل
القصير يكون داخل المحرك لاكنه بعيد نسبيا عن حراره الاكزوست (لا انصح بتركيبه )
النوع الطويل و هذا جيد في استخراج القوه و السبب لانه يصل الى منطقه خارج المحرك عادة يكون اسفل الصدام الامامي مما يمكن من سحب هواء ابرد .

في هذه الصوره النوع الطويل
http://store6.yimg.com/I/racinglab_1794_40492084

و هنا النوع القصير

http://store6.yimg.com/I/racinglab_1797_40007966

كما يفضل عزل المواسير بمواد عازله لأداء افضل .
مع الالتفات الى عدم وجود اي تهريب هواء في المواسير او قطع التوصيل

[Pure_Intimidation]

Be more creative and make a heat shield for the filter.

[Black Chevy]

اخوي الارهابي كلامي عن الtt مو يايبه من عندي..اولا ولد عمي عنده tt و انا وياه رحنه الوكاله..نفس الوكاله عندنه اهي وكاله بورش.

و بعدين انا ما قلت او الشوته تعطيك 20 حصان..قلت يمكن تعطيك 2 حصان او 10 و يمكن عشرين على حسب عزم سيارتك..يعني يوم تركبه على مكسما غير عن يوم تركبه على كورفيت....

و الكلام الي قلته من واحد يشتغل بشركه سوبرشوب...يعني اسمحلي لو الكلام مو ماخذه من واحد ثقه ما كان قلته...

تحياتي لك

[Ammaretor]

موضوع مفيد يا اخوانى و شكرا للجميع على الافادة....


اما عن راى فانا راى ان الفلتر الطويل مع عزل المواسير هو الحل الامثل
.
تحياتى]

[TOP-SECRET]

:D انا جربت الفلتر الصراحه مافيه غير الصوت:D ماحس شي تغير في السياره:p


:D

[بريداوي الى الابد]

اخوي انت فك القربه اللي فيها الخرطوش اللي يسحب

واربط الفلتر المربع بمكانه كذا راح يكون موجه لتحت شوف فيه قفيز

حله شوي واقلبه الفلتر حتى يكون اتجاهه فوق

وشوف النتيجه انا اسوي كذا بسيارتي خذ صوت وقوة

[silver]

زي ما قال infiniti ركب لك CAI ... وفي موضوع كان حاطه الأخ MAD MAX فيه صور حق سيارته المكسيما وكان في صور على ما اظن حق CAI شوف الموضوع علشان تاخذ فكرة عنه

شيء ثانية ... ما اظن أن الفلتر لحاله راح يعطيك فرق ملموس ... لازم تركب شغلات معاه قزوز وبواجي ويالله يمكن توصل 20 حصان :OO:

[CRX]

هلا و غلا
الموضوع افادني كثيرا وشكرا على كل من اثرانا بمعلومات قيمه
:banana:

[opel005]

مشكوورين شباب على الردود والتوضيح ويعطيكم العافية ..

بالنسبه اخوي mill_955 من وين احصل زي الفاصل هذا الموجود بالصورة ؟؟

تحياتي ...

[mill_955]

اخوي opel005

بالنسبه للفاصل هو جا مع الفلتر انا شريت الفلتر وجا معه الماصوره والفاصل وباقي القطع اللازمه للتركيب