View Full Version : تجربه سياره جديده ارجوا من الجميع المشاركه للأهميه
infiniti
26-06-2004, 11:27 AM
بسم الله الرحمن الرحيم
الاسبوع القادم سوف اتمكن من تجربة نيسان التيما الجديده بالمحركين 4 و 6 سلندر و اطلب من الجميع ابداء مقترحاتهم قبل التجربه و ذكر ما يودون ان يتم التركيز عليه و انا بدوري سأقوم بتدوين الملاحظات سواء كانت مهمه او غير مهمه و اعني من هذا الموضوع ان تكتبون ما تودون معرفتة من تفاصيل التجربه او التأكد من مواصفات معينه او ماشابه ذلك .
التجربه ستكون مطوله و مفصله سأقوم بالتصوير العادي بالاضافه الى مقاطع فيديو و تقرير كامل عن التجربه مع ذكر عيوب السياره و حسناتها و ماينقصها .
في انتظار ملاحظاتكم .:glasses2:
mill_955
26-06-2004, 11:33 AM
اخوي infiniti
ابيك تشوف لي اذا كانت السياره يجي فيه ستاره خلفيه و نظام تراكشن لاني انا جربت وحده 6 سلندر وماكان فيها الحاجتين هذي فابيك تتاكد لان النوع اللي جربته ماكان افخم نوع
Dreams_Maker
26-06-2004, 11:50 AM
التسارع
فاعلية البريكات
سرعة تجاوب المحرك مع الدعسه
سرعة التبديل
هل فيه أصوات غربيه تطلع من السياره...سواء الدفرنش او الجير
كيف الديكور الداخلي؟؟..هل متماسك ولا مع المطبات تطلع اصواته..
السياره على الطريق هل ناعمه؟؟..او خشنه..(بمعنى آخر..هل تعليقها رياضي أو لا)..
أيش الفرق بينها وبين الماكس في القياده..
الأنوار زينون أو لا؟؟
جودة التكيف؟
النظام الصوتي؟..جودته.. وخصوصا على سرعات عالية..
المقاعد الخلفيه مريحه او لا..
وإعذرنا طولنا عليك..
والله يعطيك العافيه...وخذ وقتك مع التقرير..
والله يوفقك..وترجع لنا بالسلامه..:D
أخوك
الدفع امامي والا خلفي>>>
نظام التراكشن....
نظام البريك ABS
البودي وقوة صلابته اللي هو اهم شي..
صوت المحرك
فتحات الكزوست كم عددها..
التهويه الخلفية بتحكم؟؟؟
الضوء العالي زينون ام لا؟؟؟ وهل فيه خاصية الالتفاف عند المنعطفات..
الاضواء الخلفية هل هية بنظام LED
نظام حساسات الباركنج ؟ هل توجد شاشة عرض ام جرس فقط..
نظام التشغيل هل بملسة واحدة ام بتواصل قبض المفتاح لغاية ماتتشغل السيارة..
نظام التكييف هل هو مزدوج للراكبين الاماممين مع تحديد الحرارة لكل فرد؟؟
الريموت كنترول هل ملتصق في المفتاح الرئيسي ام على شكل ميدالية..؟؟
واخلي الباقي عالاعضاء الكرام...
تحياتي لك مقدما مشكور عالتجربة...
SLR
infiniti
26-06-2004, 11:59 AM
mill_955
ستاره خلفيه على حسب كاتلوج الوكالة غير متوفره
TCS موجود في 6 سلندر TYPE 2 اعتقد مع الجير الاوتو فقط (بصراحه ماني متأكد من القير العادي متوفر او غير متوفر )
Dreams_Maker
ملاحظاتك تسجلت في القائمه .
الله يسلمك :laugh:
infiniti
26-06-2004, 12:07 PM
SLR
الدفع امامي
نظام التراكشن متوفر في 6 سلندر TYPE 2
ABS متوفر بالاضافه الى مساعد الفرمله الالي BA و توزيع الكتروني للفرمله EBD
فتحات الاكزوز في سته سلندر عددها 2 واحد جهة اليمين ولثاني جهة اليسار
في محرك 4 سلندر فتحتين في جهه واحده .
التهوئه الخلفيه بدون تحكم .
الضوء العالي هالوجين و الواطي زينون مع خاصيه رفع او خفض النور من الداخل .
لايوجد خاصيه الالتفاف مع المنعطفات .
الانوار الخلفيه عاديه بدون LED
نظام التشغيل عادي توصل المفتاح للاخر .
نظام التكييف شامل بدون تحديد الحراره للراكب و السائق .
الريموت على شكل ميداليه .
ماتلاحظ ان اغلب المواصفات اللي طلبتها خاصه في الفئه السابعه :laugh:
بعض الاسئله اللي ما جاوبت عليها في هذا الرد ان شاء الله اتأكد منها و تشوف الرد في التجربه الاسبوع القادم .
RED Chevy
26-06-2004, 05:18 PM
مازيد على طلبات الشباب بشي لكن أبيك تقيمها من 100 كم تحصل:D
وأهم شي تسارع الستة وشوف لك لومينا ss جرب معها:D
TOP-SECRET
26-06-2004, 06:13 PM
لو تكون التجربه مصوره بيطلع الموضوع 100% طبعا مع اقتراحات الشباب وطرح رايك الخاص بالسياره والي شفته فيها على ارض الواقع:)
مؤيد اف1
26-06-2004, 06:26 PM
عندي شي واحد :D .. امشي 120 وتخيل نفسك تتجاوز ولد في الشارع او سياره وشوف تصرف السياره :think:
جداوي كول
26-06-2004, 10:48 PM
والله تعبااااااااااااااانه
من ناحيه الرساوه
السياره والله احسها مرررررررررره خفيفه
بس من انحيه المكينه اليييييييييييييييييييييييمه على 6 سلندر:think:
king_prelude
26-06-2004, 11:47 PM
بسم الله الرحمن الرحيم
شف لك ساحه فاضيه و امشي 120 ( و اضغط لبريك كله و لف السكان بأسرع ما يمكن:D ) و صورها فيديو من بره خلنا نشوف ثباتها :D في اللحظات الحرجه هل مثل ثبات الأنفنيتي Q45 الشكل الأخير !!
نقطه ثانيه .. هل السياره مشيها وسواقتها حلوه ( في السكان و احساسك بالشارع ) هل هي ممله مثل المكسيما أم لا ؟؟
جرب السياره في المنعطفات و انت داخل منعطف 160 مثلا و داعس هل انظمة الثبات المتوفره على الV6 تعطي السياره رساوه فعاله على المنعطفات الشديده و الخطره ؟! لو تخلي احد يصورها فيديو بعد يكون احلى خلينا نعيش جو التجربه :D
هل الجلوس في المقاعد الأماميه و الخلفيه مريح مثل المكسيما ؟ ام تتفوق على المكسيما ؟
السياره يابانيه يعني المكيف ممتاز ... هل فيه فتحات تهويه للأرجل لركاب المقاعد الخلفيه ولا بس الفتحات العلويه ؟
لو تقاوم مع لوومينا ss وتصورها بعد أو تعطينا النتيجه بس ..
ياليت لو تصور السياره من تحت :D امزح:D
مشكور على طرحك لهالموضوع عشان تكون تجربه حلوه ومميزه مثل صاحبها
تحياتي
والله انا ما ازيد على الشباب شي الشباب كفوا ووفوا
لكن انا احط مليون خط تحت التسارع وياليت لو يكون معك تايمر
وكلام الشباب لو تقاوم لومينا اس اس انا اقول لو تشوف واحد من الشباب الي هنا اذا فيه احد يتبرع يعطي خبر وتجرب معاه على شان تكون التجربه احلى
ومع الفيديو تطلع ولا احلى
ويسلمو اخوي انفنتي مقدما على التجربه
ACCORD-V6
27-06-2004, 02:10 AM
اهم شي الصور تكون حلوه
وصورة للRPM على سرعات متعدده
وان يوضع الموضوع في سوالف
مب رابط لمنتدى ثاني
والف شكر
السلام عليكم
في أمكانية تجرب مع واحد عنده أكورد :D
Dreams_Maker
27-06-2004, 04:49 AM
رد مقتبس من king_prelude
بسم الله الرحمن الرحيم
شف لك ساحه فاضيه و امشي 120 ( و اضغط لبريك كله و لف السكان بأسرع ما يمكن:D ) و صورها فيديو من بره خلنا نشوف ثباتها :D في اللحظات الحرجه هل مثل ثبات الأنفنيتي Q45 الشكل الأخير !!
نقطه ثانيه .. هل السياره مشيها وسواقتها حلوه ( في السكان و احساسك بالشارع ) هل هي ممله مثل المكسيما أم لا ؟؟
جرب السياره في المنعطفات و انت داخل منعطف 160 مثلا و داعس هل انظمة الثبات المتوفره على الV6 تعطي السياره رساوه فعاله على المنعطفات الشديده و الخطره ؟! لو تخلي احد يصورها فيديو بعد يكون احلى خلينا نعيش جو التجربه :D
هل الجلوس في المقاعد الأماميه و الخلفيه مريح مثل المكسيما ؟ ام تتفوق على المكسيما ؟
السياره يابانيه يعني المكيف ممتاز ... هل فيه فتحات تهويه للأرجل لركاب المقاعد الخلفيه ولا بس الفتحات العلويه ؟
لو تقاوم مع لوومينا ss وتصورها بعد أو تعطينا النتيجه بس ..
ياليت لو تصور السياره من تحت :D امزح:D
مشكور على طرحك لهالموضوع عشان تكون تجربه حلوه ومميزه مثل صاحبها
تحياتي
LOoooooooooooooOL
تبي تذبح الرجال..
:D
silver
27-06-2004, 04:55 AM
افتح كتلوج السيارة وكتب وصور لنا كل شيء تلقاه مذكور في الكتلوج :) ... (اقصد كتيب مالك السيارة) :)
king_prelude
27-06-2004, 05:18 AM
:D
شباب مو كأنكم نسيتوا شغلات مهمة جداً!
وهي:
كيف ثبات السيارة لما تمشيها على كفرين!
هل الهندبريك ينفع للتعقيد والتخميس؟
الهرن (البوري( ينفع للأعراس وتشجيع المنتخب والجريات؟
طبعاً إذا السيارة فشلت في هذي النقاطة فأكيد ما تنفع!!
:think:
until the end
27-06-2004, 06:01 AM
السلام عليكم ورحمة الله وبركاته
ما ابغى ازيد على الشباب بس اتاكد من المكــــــــــــــــيف :think:
السلام عليكم ورحمة الله وبركاته
اهم شئ بالنسبة لي تشوف رساوة السياراه على سرعات عالية ومنخفظة وكيف مستوها في الخط من داخل السياره
على فكرة سمعت انها تفصل على 200هل صح اول لا؟؟؟
ومشكور مقدما زياد....
السلام عليكم ورحمة الله وبركاته
ايه صح نسية
بس ياليت تسأل على صرفيت بنزين الـ6 سلندر :help:
infiniti
27-06-2004, 12:58 PM
RED Chevy
ان شاء الله سيتم تقييم السيارة بنسبة عادله بعيدا عن عشقي القديم لنيسان .
ان شاء الله بحاول اجرب مع لومينا SS بس وين تلقى ستوك بالدمام !!!
TOYOTA - OBAS
التجربه بتكون مصوره بالفيديو و الصور
اما عن التقييم سيكون منصف بأذن الله .
مؤيد اف1
هذا المقطع سيكون مصور بالفيديو لقطع الشك باليقين
(نفس هذي الفكره عملتها في Q45 قبل سنتين تقريبا )
جداوي كول
هل جربت السياره في جدة ؟
كيف كان انطباعك عن السياره في السرعات العاليه ؟
king_prelude
التجربه ستكون مطوله و مفصله ستكون هناك لقطات كثيره مصوره بالفيديو
اما عن احساس السكان في الشارع خاصه الشوارع الخشنه يهمني جداا
معلومه (ماكسيما 2004 معزوله بنسبة 30% اكثر من موديلات 2003 )
المنعطف الشهير في كورنيش الدمام (عند فن تايم بيتزا)
سيكون محل التجربه على سرعات عاليه مع فرمله في نفس المنعطف
(ادري تقولون هذا بايعها و مخلص ):D
zezo
التايمر موجود و ان شاء الله اقدر اجرب مع لومينا اس اس .
ACCORD-V6
سيتم تصوير RPM على جميع السرعات بالفيديو .
سيتم وضع الموضوع في منتدى نيسان ارابيا و منتدى سوالف حصريا .
NFS
تحب الحرش :D على العموم كلمني على جوالي في اقرب فرصه .
Dreams_Maker
عادي وسع صدرك انا بايعها في هذي التجربه .
:eek:
silver
200 صفحه :eek: اصورها كلها ؟
NFS
بحاول اخذ موعد مع واحد من العرابجه اكيد هذا تخصصه في التجربه :laugh:
until the end
سيتم قياس برودة المكيف بجهاز عالي التقنيه
:cool:
WRX
ما اتوقع تقفل الى 200 بس بجرب و اشوف الثبات.
WRX
الصرفيه اكيد تكون عاليه لان بالتجربه بفقع وجه السياره :laugh:
تم تسجيل جميع الملاحظات و ان شاء الله تشوفون طلباتكم من خلال التجربه .
king_prelude
27-06-2004, 03:36 PM
رد مقتبس من NFS
شباب مو كأنكم نسيتوا شغلات مهمة جداً!
وهي:
كيف ثبات السيارة لما تمشيها على كفرين!
هل الهندبريك ينفع للتعقيد والتخميس؟
الهرن (البوري( ينفع للأعراس وتشجيع المنتخب والجريات؟
طبعاً إذا السيارة فشلت في هذي النقاطة فأكيد ما تنفع!!
:think:
عادي البوفيه مفتوح:D
king_prelude
27-06-2004, 03:47 PM
بسم الله الرحمن الرحيم
المنعطف الشهير في كورنيش الدمام (عند فن تايم بيتزا)
سيكون محل التجربه على سرعات عاليه مع فرمله في نفس المنعطف
(ادري تقولون هذا بايعها و مخلص )
حلو الانفنيتي Q45 الشكل الأخير تخش فيه 180 بالراحه بس رص البنزين شويه :D ( لا تصير مجنون و تفرمل تروح فيها ) و اهم شي لا يركب معاك واحد يخاف :D
حبيت اسألك اخوي انفنيتي قلت المكسيما 2004 عزل الاحساس بالشارع أكثر ؟ كيف ؟ هل تم زيادة ربلات أو اشياء أخرى من القطع السفليه في السياره ؟ اذا عندك علم عطنا خلفيه عنها :p
تحياتي
SKYLINE GTR
27-06-2004, 04:12 PM
^
^
^
وين تخش فيه ؟ الجدار ؟ :D
ابي اسألك نفس سؤال اخوي الغالي عن العازولية وشلون صارت اكثر في 2004 ؟
infiniti
28-06-2004, 12:59 PM
king_prelude
كأن كنت راكب معاي و انا اجرب Q45 في نفس المنعطف:D
الشباب اللي يسألون عن زيادة العزل داخل مقصوره المكسيما 2004
هذي الصوره من موقع نيسان الشرق الاوسط
http://www.nissan-me.com/maxima/gallery/press_maxima_1_640.jpg
طبعا في الكاتلوج لم يتم ذكر نسبة زياده العزل لاكن في كتيب الصيانه الخاص بمراكز صيانة نيسان موضح نسبة العزل 30% زياده و اماكن المواد العازله الجديده اسفل الفرش الداخلي الفايروول (الحاجز بين المحرك و المقصوره ) في سقف السياره الرفارف من الداخل جهة المقصوره تمت زيادة المواد العازله للاصوات
black scorpion
28-06-2004, 07:15 PM
بالنسبة للألتيما اليوم جربت ال 6 سلندر بس جير اوتو في المضمار التابع لشركة ساماكو وكان لي التعليق التالي:
المناورات الاولى اخدتها وانا مسرع ما فيها اي مشاكل بس في اول منحنى دخلته وانا مسرع ولاف الدركسيون وفرملت عشان قدامي منحنيات اخرى في نفس المنحنى يعني مناورة في منحنى, السيارة تمشي على قدام وانا لاف الدركسيون وداعس فرامل يعني سحبت على قدام.
لمن جيت اسلم السيارة قلت له على الملاحظة وكتبتها عارفين ايش كان رد المسؤول عن التست درايف؟؟؟؟
قال انها مهي بورش:OO: :OO:
king_prelude
28-06-2004, 07:46 PM
رد مقتبس من infiniti
king_prelude
كأن كنت راكب معاي و انا اجرب Q45 في نفس المنعطف:D
الشباب اللي يسألون عن زيادة العزل داخل مقصوره المكسيما 2004
هذي الصوره من موقع نيسان الشرق الاوسط
http://www.nissan-me.com/maxima/gallery/press_maxima_1_640.jpg
طبعا في الكاتلوج لم يتم ذكر نسبة زياده العزل لاكن في كتيب الصيانه الخاص بمراكز صيانة نيسان موضح نسبة العزل 30% زياده و اماكن المواد العازله الجديده اسفل الفرش الداخلي الفايروول (الحاجز بين المحرك و المقصوره ) في سقف السياره الرفارف من الداخل جهة المقصوره تمت زيادة المواد العازله للاصوات
اخاف انت البيّاع تبع الانفنيتي اللي كان راكب وياي وخاف هههه :D
السلام عليكم ورحمة الله وبركاته
الصرفيه اكيد تكون عاليه لان بالتجربه بفقع وجه السياره
افقع وخذ راحتك (دفع حاجة من جيبي انا:damp: )لا بس انا الصراحة خايف من ان تكون صرفيتها عالية يعني ياليت تسأل في الوكالة فضلاً لا امر (حلوة دي ها;) ) وفي حاجة كمان وهي قيمة السيارة استاندر 6سلندر كم؟؟؟؟:think:
معليش بأتعبك شوي لاكن وكالتهم هنا اتوقع ما وصلهم خبر انوا الألتيما بتنزل:blink:
Corvette_Stingray
29-06-2004, 08:05 PM
ابيك تقوم مع كورفيت :D
الشباب ما خلو شي الا قالوه ..
أسأل الله ان يحفظك في هذي التجربة اللي بتسويها ...