وينكم يا خبراء التيربو؟؟؟؟؟؟؟؟؟؟

[Mark2]

السلام عليكم ورحمة الله وبركاته

بغيد استفسر عن التيربو

انا عندي مكينة 2.0 لتر Twin turbo من الوكالة بغيد احط علي المكينة سنكل تيربو بس اخاف ان المكينة ما تستحمل شورايكم واذا كانت تستحمل شو من انواع التيربو الى بحطة؟د



:help: :help:

[Mark2]

:sleep: :sleep:

[بوخالد]

هلا اخويه مارك
اذا بغيت اتركب سنقل
لازم اتبدل سوالف في المكينه مثل البساتن....الخ عسب تتحمل السنقل
ولازم اتكبر الانتركولر وتركب بيبات المنيوم وتحط اكزوز سيستم

واذا ما سويت هالاشياء اقل من شهر والمكينه في امان الله :rolleyes:

والسمووحه

[A7medo]

بس يالطيب انت ماحددت حجم التيربوا الي راح اتركبة

شي ثاني كم احجام التيربوات الي راكبين حالياً او كم الضغط الي اتطلعه المكينة حالياً

[Mark2]

هلا بوخالد

اتوقعت انك بدرد على الموضوع

;)

بس انا سمعت ان المكينة تستحمل
واذا ركبت السنقل بركب بوست كنترول عشان اتحكم في التيربو

بس بسألك الكير الي مركبنه على المارك مالك صغير ولا كبير وشو مشي الموتر يعني يحكر وايت؟

والسموحة

[Mark2]

هلا اخوي A7medo

التيربو الي عندي نوعه c-12 يعني صغير والضغط الحالي 10.5

:)

[بوخالد]

هلا اخويه مارك
هاي المكينه 2.0 تعبانه بالمره ياريال انا ركبت قبل سنقل 7m على هاي المكينه وراحت فيها وطي ما كملت شهر الا والمكينه موليه
بسبة انه المكينه ما استحملت هالسنقل الحتر
فكيف يوم بتركب سنقل محترم!!
واذا انته بتركب بوست كنترول وبتخف على البوست شو الفايده عيل ما بتحصل مشي محترم الا يوم ترفعه
وعلى فكره السنقل ما بيفتح وياك بسرعه شرات التون
بس اذا خاطرك اتركب توكل على الله


وبالنسبه للقير انا مركب قير العود وهو طبعا مب حاكر شرات الصغير
ومشيه ماشالله زين

والسمووحه

[A7medo]

رد مقتبس من Mark2
هلا اخوي A7medo

التيربو الي عندي نوعه c-12 يعني صغير والضغط الحالي 10.5

:)

والي ناوي اتركبه كم حجمه

انا مو لي ذاك الزود خبرتي في التيربوا بس انت خلك معانا و انشاء الله تلقى الحل .

[Mark2]

هلا اخوي بوخالد

انا الحين بشل الفكرة من راسي واخلي الموتر على حاله لأن الموتر احين محجوز في الشبك عشان انا امسوي بلاوي ........ ايييييييييه خله على الله

المهم انا امركب كير عادي ابصراحة يحكر عندي وايد يعني امشي 100 كم rpm عند 3 والغيار الخامس اكيد الي امركبنة صغير

:) :)