التيرسل تشرب بنزين بشكل غير طبيعي

[جلكسي]

السلام عليكم
اخواني انا عندي سيارة تويوتا تيرسل

فحصتها قبل فترة وكان من ضمن المشاكل انها تحتاج تصفية كبريتر

عالعموم المشاكل اللي كانت في السياره هي

هزه عند الريوس وهذي تصلحت بتغيير البواجي واسلاكها

بقت مشاكل عويصه

الأولى اذا جيت ابقى امشي احط القير في d السياره تنقز او تنتع نتعه بصراحه تعور القلب

والثانيه بعد سرعه 120 تهتز السياره او بالتحديد عند 120

طلعت مشكله ثالثه وهي كل يومين اعبي بنزين حيث التيرسل معروفه بصرفيتها القليه جدا جدا

ومشاويري قليله ويسحتال تكون تصرف بالطريقه هذي خاصه ان مشاويري حتى لو على كابريس 8 سلندر ما تصرف ولا اعبي كل يومين

وديتها لميكانيكي وقالي هذي يبقى لها


اصـــلاح كــبريــتر


تتوقعون ان هالمشاكل فعلاً من الكبريتر وهل فعلا الكبريتر اذا كان وصخ او يحتاج تصفيه يكون له دخل في صرفية البنزين

ارجوا من الخبراء او المجربين الرد باسرع وقت لأن بصراحه البنزين عذبني كل يومين اعبي فل



ارجوا الرد بأسرع وقت وجزيتم خيرا

[A7medo]

صراحة انا سقيت تيرسل ما تصرف ابد اتصب فيها في او تنساها

بس غريبة قصتك

يمكن ال Jet في الكربيتر يبيلهم تبديل

اما عن النقزة يمكن اكون عندك ال Tourqe converter مو صاحي

شوف باقي الشباب يمكن يلقون لك حل

بالتوفيق

[king_prelude]

بسم الله الرحمن الرحيم

أخوي

افحص السياره عند الوكاله أو عند ورشه كويسه و مشهوره .. حتى لو الفحص غالي بس اهم شي مكان زين يحدد لك ويش الخربان في السياره بالضبط و الأفضل روح الوكاله


بالنسبه للنتعات يمكن كراسي المكينه أو كراسي القير :think:

نصيحتي بدل ما تضيع وقت تسأل في المنتدى افحصها عند ميكانيكي




حيو

[black scorpion]

المشكلة اللي في الجير احتمال من كراسي الجيربوكس.
الصرفية غريبة قصتها انت اعمل الجزء الباقي من تصفية المكينة يعني غير فلتر البنزين وفلتر الهواء, والبواجي والاسلاك انت غيرتها يمكن يبغالها وزن ديلكو اتأكد من ضغط الهواء في الكفرات انه صحيح ومتساوي
و الكربريتر شوف الشباب ايش يفيدوك فيه وان شاء الله تنحل مشكلة الصرفية.:)