سوالف للجميع - بوعبود جاي الإمارات نبي نصيحتكم بسرعه

الأنصاري

01-07-2004, 04:46 PM

انا جاي الإمارات مع بعض الشباب حابين نقوي الإنجليزي لذلك سجلنا فاحد الجامعات في الشارقه _______

المهم انا جاي طريق بر بالاند لذلك ابي نصيحتكم ايش افضل طريقة الواحد يحافظ على مقدمة السيارة من الرمال هل افضل طريقة استخدام الصابون مثل العالم ولا ممكن يضر

الله يعين على 700 كيلو تقريبا من قطر والإمارات ومن التفتيش في حدود السعودية والإمارات

وطبعا ما وصيكم في افضل محلات التزيين والي تبيع رنجات ايضا وخلونا نشوفكم يا شباب الإمارات

واي واحد يوصي على شئ انا حاضر

غريب السيف

01-07-2004, 05:34 PM

السلام عليكم ورحمة الله وبركاته
هلا بك اخوي بوعبود في بلدك الثاني وتنمى لك اقامه طيبه واستفادة
قصوى في البلاد واحنا حاضرين لاي شي لاهل قطر والخليج

وبالنسبة لمحلات الزينة تراها بالهبل في دبي والشارجة وخاصة دبي جنب فندق حياة ريجنسي وللاند كرزر بشكل خاص متوفر لها كل شي

اما بخصوص الرنجات فيه التقليد وتحصله في صناعيه الشارجه بالهبل وافضل محلين هما الخوانيج وبرستيج وعندهم كل الانواع اما الاصلي اتحصله في دبي وفي اماكن مختلفة منها شارع الشيخ زايد جنب معارض السيارات والرنجات اصلية تتراوح اسعارها مع الاطارات من 6 الاف وحتى 20 الف لحجم 22 انش

وحياك مرة ثانية في بلادنا
واي شي زيادة
راسلنى على ايميل
drinks_f@hotmail.com

TOP-SECRET

01-07-2004, 06:00 PM

تروح وترجع بالسلامه ان شا ءالله وبالتوفيق:p

RED Chevy

01-07-2004, 06:21 PM

رد مقتبس من TOYOTA - OBAS
تروح وترجع بالسلامه ان شا ءالله وبالتوفيق:p

عن المسافة تراها هينة:D

وش تقول للي بيطلع من البحرين:D

حط اللوكس ولاتخلي في بالك شي ثاني أفضل حل:D

والدرب الله يوصلك بالسلامة وحاسب لا تطير:D

الأنصاري

01-07-2004, 06:22 PM

مشكور اخوي غريب السيف والله ماقصرت وانا اضفتك عشان نتعرف عليك اكثر

حبيبي تويوتا وبس الله يسلمك يا الغالي وانشاء الله تتوفق في الإمتحانات

uae speed

01-07-2004, 06:22 PM

يا هلا والله .. بتنور الامارات :)
بخصوص المحلات .. أسأل عن شارع bmw في الشارجه ..
وخذ لك لفة فيه وشوف :)

في دبي .. عندك مقابل فندق حياة ريجنسي ..
كله محلات زينة بس الله يعينك على الزحمه والأرف :D

وحياك الله :)

الأكورد العنيد

01-07-2004, 06:45 PM

المهم انا جاي طريق بر بالاند لذلك ابي نصيحتكم ايش افضل طريقة الواحد يحافظ على مقدمة السيارة من الرمال هل افضل طريقة استخدام الصابون مثل العالم ولا ممكن يضر

---------------------------------------------------------------------------

حط برقع

Prelude 4 Life

01-07-2004, 08:55 PM

انسى سالفة الصابون :headshak:

خط السعودية-الامارات ماينفع وياه الا برقع.... وضد الرصاص بعد :D
ولاتنسى تغطي المرايات الجانبية

انا الحين ثالث مرة برش الوجه والسبة خط الامارات... حتى الزجاجة الامامية ماسلمت ويبغي لها تبديل.

اهمشي تحط بالك على الطريق والتريلات خصوصا داخل السعودية :p

grandv8

01-07-2004, 09:37 PM

السلام عليكم ورحمة الله وبركاته

منور الامارات اخوي بوعبود وان شاء الله انجوفك بالامارات واهل قطر كلهم ،بالنسبة اذا جاي عن طريق البر واذا انت طالع من قطر اول الصبح حط له صابون لوكس للاواني لون الاخضر ،هذا احسن شي للسيارة وكثر منه على واجهة السيارة واذا كان عندك غطاء خاص لليت الرئيسى بيكون احسن ،والبرقع بعد زين ،بس طريق قطر الى حدود الامارات طريق واحد رايح وجاي والحين شغالين خط ثاني.
اما بالنسبة للزينة شارع نايف بدبي كل شي تبغيه تحصل عندهم،والشارقة تحصل عندهم ريتغات شارع بي ام دبليو.
اذا تبغي اي شي نحن بالخدمة.
هذا بعد ايميلي
grandv8@hotmail.com

تحياتي:)

loolicpolic

02-07-2004, 12:14 AM

رد مقتبس من TOYOTA - OBAS
تروح وترجع بالسلامه ان شا ءالله وبالتوفيق:p

الأنصاري

02-07-2004, 06:04 AM

RED Chevy الله يسلمك والي بيطلع من البحرين بياخذله ساعتين زيادة:D :D

uae speed الله يحيك وخليك ومشكور على مشاركتك

الأكورد العنيد مشكور على النصيحه

Prelude 4 Life شكلك ماخذ موقف :D

grandv8 مشكور اخوي وهذا مايدل على طيب اصلك وانا بضيفك عندي عشان نتعرف عليك اكثر

مشكورين جميعا بخصوص المحلات الي في دبي عارفها كلها بس الي في الشارقة بدون عليها

والله يعين في الخط خصاصه في السعودية خط الشاحانت يخوف :OO:

ACCORD-V6

02-07-2004, 06:14 AM

احسن حل

البرقع

جربته وارتحت

الصابون بيخرب البويه
بعدين الصابون مايفيد زي البرقع

البرقع افضل واقوى حل

وماراح يكلفك ولا 100 200 ريال

واسف جدا على الاطالة
وتروح وترجع بالسلامة

الأكورد العنيد

02-07-2004, 07:57 AM

و زي ما قالو الشباب برقع و لا تنسى المرايات الجانبيه

الأنصاري

02-07-2004, 08:49 AM

ACCORD-V6
الأكورد العنيد

مشكورين شباب لو حصلت وقت ممكن اركب برقع بو لو ماحصلت يمكن احط صابوون وامري على الله

king_prelude

02-07-2004, 08:54 AM

الله يساعد أبو عبود ويسهل امورك

وتروح وترجع بالسلامة

وإذا حطيت صابون أول ما توصل الإمارات على طول شوف لك أقرب مغسل عشان تشيله لك لأنه يكتب البوية

وسلالالالام

محمد دريهم

02-07-2004, 12:08 PM

تروح وترجع بالسلامه بو عبود..

انت وراك 700 كيلو..هذي جدا طبيعيه :D ..

خخخخ<<<وراه بعد اسبوعين 1700 كيلو...

لكن نصيحتي لك تحط فيري على الوجه ...الين توصل وتشيله..

ونصيحتي لك لاتحط برقع على الوجه...لانه يرفع حرارة السياره...

والله يرجعك سالم

الأكورد العنيد

02-07-2004, 03:52 PM

السلام عليكم ورحمة الله وبركاته

اخووووي KING_V6 البرقع فيه فتحات تدخل الهواء

و الصابون زي ما قالو الاخوه Prelude 4 Life و king_prelude يخرب البووويه

انتربيد

02-07-2004, 06:17 PM

تروح وتجي بالسلامة ولا تنسى أهم شيء دعاء السفر
ولا تشيل هم الـ 700 كم تراها في السعودية تعتبر عندنا تمشية لأنه أخوك بيسافر بعد أسبوع من المدينة إلى دبي والمسافة تقريباً من المدينة إلى دبي 2000 ذهاباً فقط .
ولكن نتمنى لكل مسافر الذهاب والعودة بالسلامة وأن يرجع سلام غانم إلى أهله.

محمد دريهم

03-07-2004, 07:04 AM

اخوي الاكورد العنيد..

انا اكثر واحد يفهم بالخطوط وهذا تخصصي :D ..

<<<<يضرب مشوار يومي 200 كيلو...

المهم...الفيري انا احطه بعض الايام اللي يكون الجوي فيها غبار..

والسياره لها سنه و9أشهر..وبويتها من أفضل مايكون..

وهذا افضل حل في وجهة نظري..

أنا فصلت برقع لسيارتي ...لكن لاحظت ان السياره على طول مروحة التبريد فيها شغاله وخفت عليها...

بالرغم من وجود فتحات تهويه

الأكورد العنيد

03-07-2004, 09:54 AM

اخووي KING_V6 لا تعصب حالك :D

خط الامارات شوي يختلف زي ما قال Prelude 4 Life

و الصابون ينفع لمائة كيلو متر لانك بتشيله على طول يعني مابياخذ اكثر من ساعة

اما 700 كيلومتر يعني حوالي 6 ساعات بيكون العج طير الصابووووون :D و البرقع احسن و اكيد اخونا بيسافر في الليل

و البرقع بالنسبه لي شكله مب حلو و لازم تركبه زين و لكن يفيد للعج و انا جربته من خط الرياض للقطيف في هواء قووووي

تحياتي

demore

03-07-2004, 05:45 PM

اقرب وحياك الله بالامارات

وان شاء الله تحصل الي تباه والشباب ما قصرو واذا محتاي مساعده ترى الشباب حاضرين

وهذه ايميلي bin_faisal_z07@hotmail.com

اوكيييه وي آر ويتنغ خوش انجليزي:laugh:

Mr_CoRvEtTe

03-07-2004, 06:03 PM

هلااااااااااااااااااااا
بو عبود مدام صرت جارنا يعني لازم تزورنا في مسقط :D

922

04-07-2004, 11:30 PM

ليش ماتحط شحم

وقبله طبقة من ملمع

والله بتصير رشة مو طبيعية

بس الله يعينك على الغسيل

الأنصاري

06-07-2004, 12:31 PM

الحمد لله وصلت بالسلامة واستقريت والطريق كان مريح ما في مشاكل في المراكز الحدودية وكنت ماشي على سرعة 160 بس ما شاء الله اشهد ان الند في السفر ولا احلى رساوة وثبات ومكيف عجيب

صحيح استخدمت الصابون واول ماوصلت غسلت السيارة

الزحمه غريبه ورهيبة في دبي والشارقة

وسعر البتروووووووووووووول نااااااااااااااااااااااااااااااااااااااااااااااااااااار

انا كنت احط في الخزان الأساسي في الند 50 ريال واذا فولت السيارة خزانيين 85

بس في الإمارات الخزان الوحد 90 درهم والإثنين 160 مادري اشلون عايشين الإماراتيين بهذة الأسعار والله نار الله يخلي ال4 سلندر

grandv8

06-07-2004, 12:40 PM

السلام عليكم ورحمة الله وبركاته

حمد الله على السلامة ونورت الامارات ودبي والشارقة ومرحبابك اخوي بينا،والزحمة عدنا زحمة الله لايوريك يوم تطيح بالزحمة والله يعينك بس مع فورويل تحس انه يخرجك من المأزق،والحدود يوفر لك كل شي وتسهيلات حلوة.
البترول عدنا نار وشو نسوي والله الواحد يسر مشوار ويحط بترول زيادة من الزحمة والله يعينا،شي يترول نوعين 4.75 درهم للجالون والثاني 5.25 درهم للجالون.
بس تحس انه بترول مثل الماء يتبخر،والاسعار نار مثل صيفنا حار.
اخوي لازم انجوفك وانتعرف عليك اكثر.
واي مساعدة انا موجود ورقبتي سدادة

تحياتي
محمد
:D