View Full Version : سيارة جديدة
abo khalid
18-07-2004, 11:04 AM
السلام عليكم ورحمة الله وبركاته
اولا اعرفكم على نفسي ابو خالد متزوج و عندي ولد في تمهيدي :) من السعودية
احببت اخذ رايكم بعد ما ذكر لي ولد اخوي عن موقعكم الكريم انه فيه خبره في السيارات
المهم انا عندي عائلة و قدمت طلب على سائق و اخذت لفه في المعارض عشان اشتري سيارة للسائق المهم خلال جولتي لقيت سيارة هيونداي سوناتا 2001 اوتوماتيك قزاز كهرب مع ضمان بـ22 الف ريال
ولا اخفيكم ان ميزانتي متواضعه للغايه بسبب اني قاعد ابني بيت لي فماقدر اشتري سيارة باكثر 30 الف ريال طبعا راح اخذ قرض و اطلعها
برايكم السيارة ممتازة و تنفع لسواقين و الا لا ؟
بعد لقيت عرض حلو وهو اوبل اوميغا اوتوماتيك موديلها 2000 بـ30 الف ريال ماشيه 50 الف و عليها ضمان ثلاث سنوات من الافضلية (الجميح)
و شكرا لكم
السوناتا زينه مو بطاله
الأوبل لا تقرب لها أبدا حتى لو ب 10 آلاف لا تشتريها بتوجع راسك ألكترونيات كثيره في السياره و يبغا لها صيانه في الوكاله و الوكيل تعبااااان (( الجميح اسأل عنه وشوف) و وجع راس ولا بتحصل لها قطع غيار بره الوكاله .. وصيانتها غاليه نوعا ما .
انصحك بالأكورد موديل 98 او 99 او 2000 اسعارهم بين ال 20 و ال 28 ألف على حسب النظافه و مشي السياره .. السياره عمليه جدا للأستخدام و الكرف خاصة حق سواق وصرفيتها للبنزين تمام.. و انصحك بالكامري بعد اسعارهم موديل 98 من 25 وطالع على حسب النظافه
انت اهم شي تاخد سياره عمليه و صيانتها غير معقده و السياره بيستخدمها سواق يعني بتنكرف كرف و تحتاج الى مكيف كويس و صيانه بدون وجع راس بعد.
لو ما يعجبوك هالسيارتين عندك المكسيما لو تحصل نظيفه بعد اسعارهم موديل 2000 اقل من ال 30 بكثير .
شوف السوق و ويش يصلح لك و لا تتردد في استشارة اعضاء المنتدى .
حياك اخوي
السلام عليكم ورحمة الله وبركاته
يا هلا والله فيك يا ابو خالد وخالد بعد....:(
بصراحة تمنيت ان يكون ردي افضل من كذا بس بصراحة ما احب افتي في حاجة مالي علم فيها لاكن باقلك الي اعرفة عن هذي السياراتين بكل امانه...
اول شئ بالنسبة للهونداي فا بصراتحة حاط عيني عليها لاكن بصراحة في ناس يشجعوني كثير عليها وناس يخوفوني منها ((اخرتها اليوم)) بس بصراحة احسها غاليه شوي....:think:
بالنسبة للأوميغا هيه سياره روووووووووووعة وما احد يقدر يقول فيها شئ إلا وهية مشكلتها الأساسية عندنا وهوة الوكيل فا انصحك تبع عنها ((على فكرة واحد من الشباب لقى موديل اجد من هذي وبـ2300ريال))
الزبده:-
ليش ما تشوف لك فورد كرون فكتوريا...ترى تلاقي امريكي برخص التراب والسياره معروفه في شوقنا وكبيرة ((واسعة)) وصرفية بنزين على كلام الي جربوها يقولون كأنها 6سلندر((ما ابغى اقول 4))!!!
وتحياتي لك واتمنى لك التوفيق
هلا و غلا
والنعم فيك abo khalid بين اخوانك في منتدى سوالف
الهونداي لا تفكر فيه ابد
انا اتفق مع الاخوه لا تاخد ولا تفكر في الاوبل وخاصه انها راح تكون في ايدي ما تعرف كيف تحافظ على الحلال وانا اخوك يعني انت اخبر مني في سواقه الاجانب مع احترامي الشديد لهم من غير اي احد يزعل
انا اقول شوف لك سياره يعني اكورد 2000 او كامري 96 الى 98 يمكن راح تناسب ميزانيتك ولا تاخدها من واحد شباب :D
اما عن الفكتوريا مشكلته القير والباور وفوق كدا نظام التعليق فيه مكشله وفي كم سياره انا سمعت عنها ان النار ولعت فيها
وتحياتي لك واتمنى لك التوفيق
أبوالزين
18-07-2004, 01:32 PM
هلا و غلا بيك بين أخوانك اخونا بو خالد
اولاً الأوبل لا تقرب صوبها مثل ما جالوا الشباب , مشاكلها ما تخلص.
أما السوناتا فهس فعلاً سيارة جيده للسائق من نواحي كثيره , يعني الصرفيه , و قيمتها مو غاليه.
و لا تآخذ سيارة 6 سلندر للسائق صرفيتهم كبيرة.
و في النهاية أتمنى لك حياة سعيد , و عسى بيتك يكون منور .
و سلملي على ولدك خالد:D
bahrainlove
18-07-2004, 04:16 PM
حياك الله بوخالد .... في سوالف
انا في رأيي انك تاخذ لك كامري أو أكورد 98 - 2000 لأنهم بصراحة مشاكلهم قليلة جداً ومناسبين لجو الخليج وقطع الغيار متوفره لهم وشكلهم حلو ..... وفي النهاية الخيار لك.
الشظيه
18-07-2004, 04:32 PM
رد مقتبس من bahrainlove
حياك الله بوخالد .... في سوالف
انا في رأيي انك تاخذ لك كامري أو أكورد 98 - 2000 لأنهم بصراحة مشاكلهم قليلة جداً ومناسبين لجو الخليج وقطع الغيار متوفره لهم وشكلهم حلو ..... وفي النهاية الخيار لك.
RED Chevy
18-07-2004, 04:45 PM
رد مقتبس من bahrainlove
حياك الله بوخالد .... في سوالف
انا في رأيي انك تاخذ لك كامري أو أكورد 98 - 2000 لأنهم بصراحة مشاكلهم قليلة جداً ومناسبين لجو الخليج وقطع الغيار متوفره لهم وشكلهم حلو ..... وفي النهاية الخيار لك.
وحياك الله ولاتبعد عن هالسيارتين مع الأفضلية للأكورد الكامري تلصيق بس تشد:D
خذلك كامري بو دبه او صالون توكل على الله :rolleyes:
http://www.leasedirect.co.nz/CAMRY_WAGON.jpg
s_sfs
18-07-2004, 05:50 PM
رد مقتبس من ERT
خذلك كامري بو دبه او صالون توكل على الله :rolleyes:
http://www.leasedirect.co.nz/CAMRY_WAGON.jpg
:think: كلهم قلدوني في الردود
بعدك تفكر في الأوبل:D ؟
احلى سيارتين الأكورد و الكامري للسواق بعدهم المكسيما و الكراون فكتوريا بعد ممكن نحطها من ضمن الاختيارات فعلا عمليه و مريحه وصرفيتها معقوله مثل ال 6 سلندر و مكيفها تمام و 98 فيها مكيف ورى و اسعارهم تبدأ من 26 لل 98 .. أما الجراند ماركيز أعتقد تزيد ب ألفين ريال عن سعر الكراون فكتوريا دائما ..
نتمنى لك التوفيق
تحياتي
abo khalid
21-07-2004, 12:51 PM
السلام عليكم ورحمة الله وبركاته
هلا 666
و الله كلامك أعجبني و تشكر عليها لكن برايك الماكسيما نفس مستوى الاكورد من ناحية الكرف
على فكره السيارة ما راح تمشي اكثر من روحات للسوق او دوام المدام او مدرسة ولدي الصغير خالد
اهلين WRX
اقتراحك حلو لكن الفورد يخوف الامريكي انا عانيت معاناه معاه لانه قبل ما اتزوج يعني تقريبا قبل اكثر من 8 سنوات كان عندي كابرس 92 صابونه و تعذبت معاه عذاب جلس في الورشة اكثر من ما جلس عندي و بعتها بـ12 الف ريال قبل اربع سنوات
لذلك الفورد لك عليه شوي .
مرحبا CRX
و الله الهيونداي انا شفتها مع ولد اخوي معاه هيونداي 2002 سوناتا اعتقد ممتازه للغايه و يقول لي ما دخلها الا لصيانة و تغير بطارية و تغير سيور اما الفورد تخوف مثل ما قلت فوق و الا تولع عاد السلامة أهم شي و افكر قبل ما اشتري السيارة اخذها الى الفحص الدوري و ورشة يفحصونها.
racing_guy
رايك قريب من رايي حول السوناتا الا ان الاخوان حطوني في موقف حرج
و اتمنى لك انت بعد حياة سعيده و عقبال ما تتزوج الزوجه الصالحه ان شاء الله و سلامك وصل للشيخ خالد :)
bahrainlove
الكامري فكرت فيها و بصراحه كويسه الا ان شكلها و كثرة انتشارها و كثرة سرقتها جعلتني استبعدها
RED Chevy
و رأيك قريب من رايي الكامري ما احبذها لاسباب ذكرتها فوق الأكورد ممتازه
ERT
هلا اخوي و الله السيارة شكلها قبيح شوي و برايي اشتري لي سيارة كبيره أفضل من ما اشتري بكس
666
هذا ان دل على شي فهو يدل على ان رايك صواب باذن الله
و بصراحه ما اخفيك الاوميغا مازلت افكر فيها لكني استبعدها شوي و قربت الاكورد من تفكيري
الفورد جميله الا انها تخوف مثل ما ذكرت فوق و ما احب السيارات الامريكيه لاني جربتها كثير و في بيت الوالد ايضا فيها الجمس و بعد سيء خرب الدفرنس و سبب مشكلة و الفورد مو كويس للسواقين بعد .
و اشكر لك من عقب على هذا الموضوع فرد فرد و انتظر المزيد من الآراء النيره مثل الموجودة في الاعلى
ابو خالد