وش رايكم بهالجيب؟ وشنو الأحسن؟؟

[الملك الظليل]

بسم الله الرحمن الرحيم

وش رايكم بجيب لاندكروزر برادو 2004 VX كامل المواصفات -خمس أبواب توماتيك- مخمل-6 سلندر- فتحة بالسقف.......
من ناحية:

1. الصرفية
2. القوة في البر والطعوس
3. الثبات في الطرق
4. ارتفاع الحرارة
5. سعر قطع الغيار
6. الخرابات والأعطال

وماهي عيوبه بصراحة؟؟

ولو خيرت ما بينه واليوكن الجديد والبايفندر الجديد وش تختار وليش؟


وشكرا..........

[black scorpion]

بالنسبة للصرفية اعتقد انه مو بعيد عن الباث فايندر .
القوة في البر و الطعوس يعتبر قوي.
الثبات ما اعرف بس احساسي انو غير متناسق ارتفاعه عن الارض وعرض قاعده العجلات.
ارتفاع الحرارة ما اعرف عنه .
قطع الغيار اعتقد انها رخيصة مقارنه بقطع الباث فايندر.
الخرابات و الاعطال ما ادري
لو خيروني رح اختار بالترتيب الباث فايندر الجديد بعده البراده بعده اليوكن .
ارجو اني اكون قد افدتك:)

[الملك الظليل]

أخي black scorpion
مشكووور من كل قلبي على الرد

بس طالما أنه بالصرفية نفس البايثندر وقطع غياره أرخص ومثل البايثندر بالطعوس.....طيب ليش مارتبته في المرتبة الأولى؟!!
وشكرا لك مرة أخرى...

أرجو رد البقية مع ذكر الأسباب للمجربين....

[RED Chevy]

مافي جيب ياباني يتقارن مع اليوكن غير الكروزر ووممكن السفاري بس اليوكن اقوى ممنههم وأكببر وأريح:p

[TOP-SECRET]

تقدر تاخذ لك لاندكروزر بسعره او تزيد في السعر شوي بالنسبه للبرادو تحسن بكثير عن السابق وعزمه صار قوي جدا بس في البر شوي تعبان ومن ناحيه الثبات والراحه في الطرق افضل من الاندكروزر بكثير الخراب والاعطال مادري عنها والله بس بشكل عام التويوتا مشكلتهم متركزه في البريك


عبدالرحمن اليوكن اذا قصدك اقوى من ناحيه العزم في الشارع فهو اقوى من البرادو لكن مش اقوى من الكورزر:p واذا قصدك في البر والطعوس فاسمحلي اقولك انه ثقيل وماينفع كللللللللش في الطعوس من خلال التجربه طبعا:cool:

[E_TYPE]

احسن شئ الجراند شيروكي اليديد :glasses2: .
وشكرآ

[loolicpolic]

أعتقد الباجيرو خيار استراتيجي :) ..

ومنافس قوي للبرادو :banana: ..

ليش ما تحطه في القائمة :confused: ..


تحياتي..

[الملك الظليل]

مشكورين على الردود
بس أنا أعرف أن اليوكن القديم شاصي ومكينة ومكيف وبس ومافيه اي تقنية مثل مافي اللاندكروزر والبرادو تفيده في البر...لا ويشرب البنزين شرب...لكن قلت الجديد ماعندي به علم يمكن تحسن!! ويشور لي واحد فيه!!
أما الشيروكي والميتسوبيشي وأنا احترمهم ماوضعتهم في الليسته عشان قطع الغيار النار!! مع أن أسعارهم أرخص من البرادو (حسب تجربتي طبعا)!!

طيب ماهي عيوب البرادو 6 سلندر!!
شوف القديم وش مسوي:
http://perso.wanadoo.fr/eitang/prado/index01.htm
يعني كيف الجديد (للي عنده علم)

[HaKeM]

أخوي الملك الظليل

الأختيار حسب الإستخدام.. اذا كنت تبغاه عشان خطوط وسفر و قوة وقطع غيار رخيصة فأنصحك باليوكون طبعاً المشكلة المشهورة في اليوكون والجمس طرمبة البنزين

أما اذا تبغاه للبر والطعوس وقطع غيار غالية نسبياً وطبعاً حتفتقد للراحة ويمكن تواجه مشاكل تويوتا صوت الهوا والبريك الضعيف فطبعاً حيكون اللاندكروزر

تحياتي

[i.s.g]

البرادو عملي اكثر من الشيروكي

[الملك الظليل]

بالنسبة للفرامل في كامل المواصفات فيه
نظام ABS
ونظام VSC
يعني محلولة

وبالنسبة للأرتفاع السيارة عن الأرض.....أقل من الموديلات السابقة
وبالنسبة للأكياس الهوائية موجودة للسائق والمرافق...
وبالنسبة للحماية للدعامية الأمامية موجودة....
وبالنسبة للماكينة 6 سلندر
وبالنسبة للبنزين 2 تانكي....(للسفر)
:D

ها.....أتوكل على الله...ولا أحد عنده كلام ثاني من واقع تجربته!

[black scorpion]

عزيزي الملك الظليل سبب اختياري للباث اول شي في الترتيب بحكم اني امتلك باث فايندر بس موديل 2001.
انا اقترح انك تنتظر لنزول الباث فايندر الجديد وقارنه بالبرادو او الحالي ارى انه افضل شكلاً من البرادو(متحيز لشكل سيارتي):D او خد جيب انفنيتي QX-4 مواصفاته مررررررة حلوه وسعره قريب من الباث الفل اوبشن

[Third Eye]

أقول حبيبي

أفضل رحل روح الوكالة

وجربه هذا إذا لقيته الطلب عليه مهو طبيعي

ورح أسأل قطع الغيار

أحب أقول أنه فيه تنكيين و ثلاث صفوف مقاعد

[RamAir]

والله ياخوي البرادو جيد بس ما يتقارن باليوكن واذا كانك معزم عليه فهو يأدي المطلوب وزيادة :)

[الملك الظليل]

مريت الوكالة وشفت البايثندر ....حلو بس المقاعد الخلفية غير مريحة وضيقة جدا.....وشكله راح يتغير سنة 2005

أما اليوكن حديد وشديد وحق عائلة بس شكله ثقيل في البر وسعره 11 ألف دينار كاش!! (غالي)

أما البرادو فزين وهو اللي باخذه ان شاء الله إلا إذا واحد لقى فيه عله!!
سعره 9300 دينار كاش!!