ابشركم الباترول اليديد صدناه فبوظبي

[لون الليل]

اليوم وانا ساير المارينا شفت النيسان باترول الشكل اليديد عند مدخل المارينا من الجهة الخلفية

و كان عليه رقم ثلاثي ولونه رصاصي غامق .. راعية شكله مريش :cool:

للأسف مافي صور لأن الدنيا كانت ليل :(

كم يوم بس واييب لكم الصووووووووور :glasses2:

[الأنصاري]

شئ جيد:D :D

[لون الليل]

هههههههههههههههاااااااااااااااااااااااي

فعلا شيء جيد :D

[TOP-SECRET]

رد مقتبس من بوعبود
شئ جيد:D :D

[لون الليل]

حمد رجعت للإقتباس :mad:

كم مرة قلت لك يوز عن هالسوالف :D

[سياف]

لون الليل .. شفت واحد ثاني أسود عليه بوظبي أحمر .. قرب المناصير

[لون الليل]

حلوووووو

عيل صاروا 2 :cool:

لا تخاف كم يوم وبتشوفهم مثل التكاسي فالشوارع :D

[سياف]

أحس أعلى من القديم ... و لا شورايك ؟

[الأنصاري]

مافيها شئ مقتبس من اخوه الكبير:D :D

[لون الليل]

اعلى واضخم يعني تقريبا صار بحجم الكروزر :damp:

[لون الليل]

هلا بوعبود ..

اذا انته اخوه الكبير عيل انا شو اطلع ؟؟ ولده الصغير :laugh: :laugh: :laugh:

[سياف]

ما شاء الله .. العايله كلها هنيه ... :D

لون الليل .. شفت الشاشه اليديده عند المارينا ؟

[لون الليل]

من زماااااااااااااااااان

بس شدخلها فالسالفة :D

[سياف]

لون الليل .. ماشي شغل ..

[لون الليل]

قول جيه من أول :laugh:

ما ييت المارينا اليوم

شفت 3 بي ام X5 تحت التجربة بس المشكلة كلهم عليهم عااااااااااااااكس شاااااااااااامل ويتمشون مع بعض وبعدين بركنوا عدال بعض :black: الوانهم ( احمر + ازرق + رصاصي )

مب شي يقهر :banana: ليش ما يعطونا تصريح عاكس :cry:

[سياف]

لون الليل ... أنا سمعت إنه مافي تصريح عاكس ... راعي الموتر لازم يكون يا هامور أو عنده كتاب من الشيخ ... بس تصريح رسمي اعتقد مافي.... ياخوي ترى أنا ما أطيق شي إسمه المارينا ... أحس إنه مال يهال وزحمه ... من كم يوم نزلت تحت أدور باركن بشتري من بلج إنز ... ما حصلت جان أروح ... لاعت جبدي ياخوي

[لون الليل]

تحت التجربه وعليه عاكس يعني شو معناته :D اكيد هامور

وعندي لك هدية هالصورة :: قولي شفت هالسيارة في موضوع من قبل ولا لأ :confused:

اذا ماشفتها بحط موضوع عنها

http://i.tnpv.us/2004/WKA200408/WKA2004082742320_pv.jpg

[سياف]

شفتها في موضوع AMG من يومين ..

[لون الليل]

أفااااااااااا

عيل راحت علي :(

شخبارك انته اليوم :D ان شاء الله مرتاح :cool:

[uae speed]

بخير الحمدلله ..
شحالك انت ؟


<<-- داش عرض :D

[لون الليل]

بخير الحمد لله ربيي يعافيك

ياخي وينك ما تبين شو مركب عاكس :D

ومرة ثانيه لا تدش عرض اوكيه :laugh:

[مديونة]

:D

[سياف]

نعم ؟:glasses2:

[DDesigns]

ليش شباب يعني يعطون تصاريح للمخفي الغير عاكس ؟؟

خبرونا علشان نحط وياكم اذا انتوا حاطين :D

[سياف]

لا ياخوي .. ما يعطون إلا بواسطه قويه وايد وايد ...أتكلم عن الشامل طبعاً

[tornado]

شباب ازيدكم .. شي واحد لونه كاكاوي بالعين عليه ثنائي ..

وشي فيديو عندي بالكمبيوتر شباب من بوظبي مصورين بجمارك بوظبي بحدود 3 او 4 فتكات يديد .. :cool: ..

والاقبل والطلب ع السيـاره متزايد .. مع اني اشوف شكل السياره الخارجي مب لين اهناك .. ^_^

انا اخذ لكم صورتين من مقطع الفيديو .. :rolleyes:

http://www.uaechat.net/images/piccccccc/12212.JPG

http://www.uaechat.net/images/piccccccc/33221.JPG

[grandv8]

السلام عليكم ورحمة الله وبركاته

بالميناء جبل على موجود ،وامس انا جفت واحد معروض للبيع عند مضمار الهجن بدبي لون ذهبي.
حلوة السيارة بس شوي الخلفية.

تحياتي
:)

[SLR]

بصراحة وبدون زعل مسوي ضجة على اي شي... من حلاته الحين الناس تطور لاشكال ارقى وهم يرجعون لورى باشكال قبيحه جدا,,, بس من الداخل الله حق حلو بس بعد في اشياء قصروا فيها وايد ...


SLR