كيف تصطادين تمساح (خاص للبنات)

[طعومه]

كيف تصطادين تمساح دون اللجوء للأساليب المعهودة والسقيمة..؟؟



للاجابة على هذا السؤال اليك مايلي ..


أهم نقطة :انشبي بالعجوز اللي حاطه عينك على ولدها ثم نفذي مايلي :



1-خليك مع أمك لاتروحين مع البنات وتستهبلين ماورى مااستهبلتي اصبري عنهم كم شهر الى ان تتم العملية





2-امشي وانتي حاطة راسك بين كتوفك لاترفعينه أبدا..مهما يصير
(خلي الفكس دائما في متناول اليد ) علشان يقولون مؤدبة ومو متكبره



3-كلمة خاله خليها على لسانك وخاصة لأم التمساح علشان تحس
بنوع من التميز عن بقية العجز .لامانع تنادين وحدة ثانيه بخاله
عشان إذا مانجحت الخطه مع العجوز نمبر ون تنجح مع الثاني اتبعيها
كخطة احتياطية (يعني ستبنه )



4-إذا بدت أمك تتكلم انغزيها بكوعك عشان تدخلك بالموضوع حتى لو
مالك داعي تطبيقا للمثل (كثر الطق يكسر الحديد)
أدري إن المثل ماله داعي بس مالقيت غيره ..



5-اخوانك الصغار لاحقيهم و وراهم وين مايروحون حتى لو مب عادتك بس تصرفي معهم كأنك أمهم
لأن هذا يوحي بما لايدعو مجال للشك عند العجوز بأنك حريصه على ذريتك (جعلهم عقبك) ..




6-مهما أكلت أمك من أكله زينه خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )



7-اذا جيتي بتمدين ايدك >>>>



وخلي أمك تقول :قايلة لك وأنا أمك لاتنظفين جدران الفيلا الخارجيه بس أنتي الله يهديك ذابحتك النظافه

(ايه طيب..أجل بتنظفين جدران الفيلا؟؟نظفي غرفتك أول اللي تقولين ثايره فيها قنبله ذريه


8-دايم ارتزي كأنك بالعة قصبه علشان ماينقص من طولك ولا سنتيمتر (للقصيرات فقط)

-اذا تكلموا الحريم عن الزواج اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق..



10-مهما كان موضوع الحوار حماسي لاتبدين رأيك وخليك مثل الطرما لأن اللقافه تجيب أجل الخطه ..



11-شعرك افرديه لين يتحسحس لاتخلينه طاير وشوشه مهما كانت الموضه
لأن العجز مايدورون الا اللي شعرها ناعم.. والا ياعمري اللي شوشتها طايره ماحد يلتفت لها ..



12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي..



13-في العروس لاترقصين اربضي واقضبي ارضك واعتبري الرقص عيب وشق جيب ..



14-اذا جا طاري السوق وطبعا هو لازم يجي الطاري لأنه ملح الجلسه عند الحريم خلي أمك تقول:
بناتي مايطلعون للسوق أغراضهم أبوهم يجيبها (وانتي شكلك مقطعه السوق تقطيع )




احتمال وارد الحدوث :ممكن تكون العجوز مخططه على بنت غيرك لكن بعد النقاط السابق ذكرها بتغير رايها وتخطط عليك

الحين بتكون العجوز وقعت باالفخ..



نرووووووووح للتمساح الحين



مشخص بكرفته بعد مو سهل ههههه

اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :

والله ودي تشوف البنت بدون ماتدري عشان تأخذ راحتك وانا عمك

وبعدين تشوفها على الطبيعه علشان ماتقول بعدين غشيتوني

(ايه هين ياالشايب لو يحصل حطيت بدالها باسكال مشعلاني والا اليسا..

وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك )

ا من مشغل لمشغل (صبغه ،فرد،تنظيف بشره،...الخ) لاتخلين على روحك قاصر

ولما يجي التمساح خلي أخوك يوقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة

بعدها عاد كيف بيشوفك هذي عليك مو كل شيء بعلمك اياه دبري عمرك

بس خلي أبوك في نهاية المشاهدة يقول:العذر والسموحه وأنا عمك

ترا (البنت حوسه (مع انك طاقه كل زينك بس يعني اني في هاللحظه الولد بينط على راس أبوك ويبوسه..لين..
يشفط مخه وبيقول متى العرس ياعم (اللهم ارحمه فقد كان ولدا بار بوالديه )

عاد الله يوفقك ولاتنسينا من حلاو العرس والكليجا واياني واياك تعلمين التمساح حقك من اللي معلمك هالعلوم ..




**تحذير:

بعدي عن أمهات العيال اللي متعلمات راعيات الشنطه مثل لون الجزمه لأن هذولي يبيلهم خطط بعيدة المدى


**نصيحه:

ادري انه صاحباتك بيلاحظون التغيرات المفاجئه اللي صارت لك واذا سألوك قولي لهم :انك خلاص انسانه عرفتي درب السنع

تدرين ليه؟؟

خوفا من سرقة الفكرة الادبية


يا الله ابي النتايج الزينه ان شاء الله


لاتفشلونا عاد شدو حيلكم احسن ما تعنسووووون وتقعدون بالبي













منقوووووووووول


:rolleyes: :rolleyes: :rolleyes: :rolleyes:

[هلاليه]

يلا يا بنات شدو حيلكم:D :D

[زمردة]

إلا بعد ما يقع الفاس بالراس .. ويكتشفون حقيقتها شو بتسوي ؟ :think:


كشخة :D
http://flash.ma3ali.net/create.php?card_id=7

[عين الفهد]

:headshak: :headshak: :headshak:

ماتمر علينا هذي الالاعيب

:headshak: :headshak: :headshak:


بس اذا تعرف تطبخ شيئ ثاني :eek: مو كذا العمــ^_^ـــيد :eek:







http://upload.serverseed.com/pictars4/3enAlfahad2.gif

[ليلك الامارات]

-اذا جا طاري السوق وطبعا هو لازم يجي الطاري لأنه ملح الجلسه عند الحريم خلي أمك تقول:
بناتي مايطلعون للسوق أغراضهم أبوهم يجيبها




هاذي مستحيل يبلعونها:D



تسلمين طعومه عالموضوع اللي يموت ضحك:laugh: :laugh: :laugh:

[هجيرالصمت]

أنا من الصبح اقرا عنوان الموضوع واقول .... من هذي اللي ماعندها سالفه وبتهتم بصيد تمساح وفين راح تخبيه عن اهلها .....

اذا عرف السبب بطل العجب ......
إن كيدهن عظيم .....
الله يبعد الوالدة عن قارئات مثل هذه المواضيع ......

[Corvette_Stingray]

ما يهزك ريح كورفيت :black:

[الطفلة الصغيرة]

الطريقه حلوه و وايد عمليه



بس إذا ما لجينا أم التمساح


شو نسوي:confused:

[lolly]

:D :D :D :D :D

صيدو يابنات بس ترة فية نوعيات لاتختارون الى مخطط :D ترة دمة فااااسد :D

بس موضوع كووووول خالص:laugh:

[العمــ^_^ـــيد]

انا اعرف ان التماسيح هم اللي يصتادون :D

وكمان انا أأيد كلام اخوى عين الفهد :cool:

على العموم يسلموا على النقل الحلو :eek:

[حمامه]

السلام عليكم و رحمة الله و بركاته

طعووومه عاد تماسيح عااد :damp:

وييييييع :Sad2: يا مكثرهم في حديقة الحيوانات :D

مشكورة يا حلوه على المشاركة :glasses:

[هلاليه]

ههههههههههههههههههههههههههههه
حلوه منك حمامه


حلوه ياحلوه

وبعدين أخت طعومه انت خليتي الشباب يفكرون أن اللي كتبتيه صحيح وخليتيهم ينتفخون واجد<<<آخرتهم بينفجرون


مايدرون أن هذا الموضوع بس علشان نرفع معنوياتهم

:eek: :eek: :eek:

[CL-Class]

بيني وبينك أنا على بالي اللي مستحية واللي خدومة هي فعلا كذا...... طلعت الشغلة كلها تمثيل ونصب في نصب ....لوووووووووووووووووووووووووووول:D


فعلا ان كيدهن عظيم.....

بس من زود الكيد والذهانة فضحوا انفسهن :D :D
:D :D :D :D
:D :D
:D

[العمــ^_^ـــيد]

رد مقتبس من CL-Class
فعلا ان كيدهن عظيم.....

:D



:laugh: :laugh: :laugh:

[طعومه]

هلاليه شدو حيلكم ليه الا خت مخطوبه


زمرده مشكوره عيوني على الرد



ليلك الامارات ليه مستحيل يبلعونها في بنات واجد مايرحون السوق على العموم مشكوره


الطفله الصغيره اش دعوه ماتلا قين ام تمساااااح الا فيه واجد فتحي عيونك زين


لولي وحمامه مشكورين على الرد اهم شيء الوصفه هذه تنجح

[طعومه]

ياشباب انا قلت خاااااااااااااااااااص الموضوع للبنااااااات ياحبكم للقاااااااافه


عين الفهد ماتمر عليكم هاالاعيب :damp: :damp: :damp



اذا بس اهم شيء بطنك انت والعميد لا تخااااااااف بتتعلم عشانكم


هجير الصمت ليه ليه ان كيدهن عظيم يبه انا ابغى اسوي خير نسبه العنوسه كل مالها تكثر يعني هذا جزاي بعدين ودي والله اتعرف على امك انت والعميد


اخس يالي ما يهزك ريح ياكروفيت



وبعدين ياشباب لا تزعلون بنزل لكم موضوع كيف تصطااااااادون السحالي


>>>>رغم انه انتم تصطاااااااادون السحلياااااااات عيني عينك


:D :D :D :D



مشكووورين على الرد والمشااااااااااركه