View Full Version : ارتفاع الاسعار الديزل ليصل إلى 6,7 درهم للجالون
®Lumina ss 2002
15-10-2004, 05:59 AM
قررت شركات توزيع الوقود المحلية ''أدنوك وإمارات وإينوك وإيبكو'' رفع أسعار الديزل لتصل إلى 6,7 درهم للجالون بزيادة 30 فلساً اعتباراً من يوم غد السبت في جميع محطاتها في الدولة·وتأتي هذه الزيادة في سعر الديزل، الثانية من نوعها خلال أقل من شهر إذ سبق رفع السعر بواقع 40 فلساً للجالون في المرة السابقة، تنفيذا لاتفاق تحرير أسعار الديزل·
وقال مصدر مسؤول لـ''الاتحاد'': إن هذه الزيادة تمت على ضوء الارتفاع المستمر الذي تشهده أسعار النفط في الأسواق العالمية، مشيراً إلى أن شركات التوزيع تقوم بمراجعة سعر الديزل مرة كل ثلاثة أسابيع على الأقل،مؤكداً أن الزيادة ''على السعر الجديد'' واردة خلال فترة وجيزة إذا استمرت أسعار النفط في الارتفاع·
وتوقع أن يصل سعر الجالون إلى 7,5 درهم في الفترة المقبله
منقول من جريدة الاتحاد صادرة اليوم الجمعة
حسبي الله ونعم الوكيل
:( :( :( :(
®Lumina ss 2002
15-10-2004, 06:01 AM
وخبر اخر... ارتفاع في اسعار المنتجات حليب والالبان بمقدار نصف درهم من اليوم
:headshak: :( :( :(
durango
15-10-2004, 06:02 AM
ليش قرب يخلص؟؟:laugh:
يعطيك العافيه اخوي لومينا..
EMO
حسبي الله ونعم الوكيل
وخبر أخر
رفع أسعار القهوة لدى ستاربكس 0.11$
ويش فيها الدنيا بس ارتفاع أسعار :(
يعني لازم نشرب قهوة بريال من البوفيه ما نقدر نشرب من ستاربكس :cry1:
®Lumina ss 2002
15-10-2004, 06:34 AM
شكلنا بنأسس لنا جريدة اخبارية خاصة تحت الاسم جريدة سوالف:eek: وذلك لتقديم الاخبار اول بأول:o
:D :D
يا رجال الدنيا مقفية.. ما عاد فيها خير..
في خبر أخر رفع لكزس لأسعار موديلات 2005 من سياراتها..
كل شيء اسعاره في إرتفاع.. :cry1:
durango
15-10-2004, 06:20 PM
بيت الدجاج رفع سعر وجبا مكس الدجاج من 10 ل 12 ريال:anger:
EMO
قلق و رجه
15-10-2004, 06:29 PM
عقبال البنزين
الحين نوزع النفط ونرفعة على نفسنا
وبعدين انا منول اعبي سيارتي 35-38 درهم
والحين 45-48 درهم
وعقب الزيادة اللي ييتكلمون عنها بيصير بحدود 60 - 63 درهم
يا ناس خافو ربكم ما يصير
من 4 دراهم للجالون الى 6.75 للجالون للنوع العادي
يالله يارب يصير البرميل ب 5 دولار
Dr cars
15-10-2004, 06:31 PM
هذا مؤشر خطير بالنسبة للبترول لذا أنصح جميع إخواني الإبتعاد عن المحركات الكبيرة(ربنا يستر):headshak:
cruiser2000
15-10-2004, 06:55 PM
السلام عليكم ورحمة الله وبركاته
شباب ليش كل هذا
الموضوع يتكلم عن الديزل مب البترول
وبعدين لو اناكنت مدير ادنوك
كنت برفع سعر البترول اللي يتصدر الى خارج الامارات
واخلي سعر البترول مثل ما هو في الامارات
أي 4.50 للجالون
حسبي الله ونعم الوكيل
بس شوفوا شباب بنسوي مظاهرة كل واحد يشتري له سيكل
ونسوق جدام شركات ادنوك
شرايكم؟
:D
ماادري ياشباب الامارات
كم هو حجم الجالون ؟
هل هو 3.8لتر؟
اذا كان كذلك فهو مصييييييييييبة :cry:
تحياتي :cry1:
uae speed
16-10-2004, 05:31 AM
المشكلة احنا مب قادرين نسوي شي ..!
مثلا في ناس قالوا نقاطعهم ..! كيف ؟؟؟؟
ورانا دوامات واشغال ومشاوير ..
نصب فيمتو في التانكي يعني ؟؟ :D
متى يخلوني وزير للبترول وأوزع 10 براميل بترول لكل مواطن شهريا :D
<<--- وايد يحلم الاخو !
طلعت اشاعات هاليومين .. يقولون ان سعر البترول في الامارات بيرتفع ارتفاع قوي هالمرة
عشان محطات ايبكو ترجع اتبيع مرة ثانية ..
يعني تقريبا اذا عندك كورولا ولا صني بتفولها بـ 60 درهم !!
يعني اللي عنده جمس .. انصحه انه يطربل موتره وياخذ له ايكو احسن له :D
باي ...!
طيب ليش ؟
الإمارا وضعها جيد إقتصادياً!!
هنا في السعودية الليتر بـ90 هللة.. ما توقعت إن الإمارات تصير أغلى!!!!!
ودي أعرف ليش؟! :confused: :confused: :confused:
®Lumina ss 2002
17-10-2004, 05:45 AM
اوكي.. الحين هني سؤال ليش البترول ارتفع سعره عدنا في الامارات وما ارتفع في باقي الدول الخليج :confused: :confused: :confused:
uae speed
17-10-2004, 06:30 AM
والله عاد ليش ؟؟ ماااااادري !!
يا ريال في ناس قاعده في مناصب ما تستحقها ..!
ما يفكرون ابداً ..
انا بصراحه بديت اخفف من طلعاتي ..
والله اقعد في البيت اجابل النت ابرك لي !