موقع فيه صوت اقزوز مكاين LS1

[King 4x4]

شباب و أنا قاعد أدور بالنت لقيت موقع حلو لصوت الدبات على مكاين الLS1 وكان أكثر من رائع فقلت خلنا نشاركم فيه.

http://ls1sounds.com/

[oil_HKS_lio]

مشكووووور محمد على الموقع

[Imaj]

مشكور على الموقع ملكنا الكريم :)

على طاري السمول بلوك اليوم قريت بوب لتز (حفظه الله) يقول إن السمول بلوك بتاع شفي بيطلع 500 حصان.. وانه قادر على مجاراة محرك الـ M5 V10..

يعني الكورفيت Z06 راح يكون 6 ليترات بقوة 500 حصان وليس 7 ليترات..

لأن حسب معلوماتي 7 ليترات = 427 = Big Block.. >>> وإلا الـ 427 يعتبر Small Block :confused: :rolleyes:


أسفين على الخروج من الموضوع ملكنا بس في قلبي وحبيت أقولها..

[SS_Z06]

مشكووووووووووووووووووووووووووووووووووووووووووووووووور

[Dr cars]

عشت يا أخ King 4x4

[King 4x4]

أخوي Imaj

رغم قله معرفتي بالسمول بلوك و البيج بلوك بس أنا متأكد ان السمول بلوك حده 400.

والبيج بلوك حده 511 و يمديك توصله الى 711.

ولكن أنا سمعت ان مكاين الكورفت عباره عن سمول بلوك مسوين فيها شغل كثير Custom.

يعني يمديهم يسون 427 بالرااااااحه.

[cap_SS]

تسلم اخوي:)

[الارهابي]

السمول بلوك الجيل الاول
sbc وصلوها لحول ال580 انش ببلوك شفر روكيت

و الlt-1 توصل ل401 و يمكن شوي بعد

اما الls-1 فأكبر شي قريت عنه هو ال454 بسلندر C5-R و اعتقد انها ممكن تتسوى بسلندر ال6 لتر

[NFS]

الارهابي


في أحد عمل De-stroking بدل Stroking لمكائن الشفر V8؟

وكم كان يوصل الـREV في هذي المكائن؟


وكيف أدائها؟

[TOP-SECRET]

رد مقتبس من oil_HKS_lio
مشكووووور محمد على الموقع

[الارهابي]

اكيد كثير اللي عملوا ديستروك

اقرب شي هم جماعه الناسكار و السباقات اللي زيها

طبعا يستخدموا بلوكات شفر روكيت او bowtie او بلوكات افترماركت

و الbore حقها يكون حول 4.155 انش
اما الستروك فيكون 3.25 او اقل
و يصير الحجم الكلي 350 انش :D

طبعا تختلف عن ال350 الاصليه اللي بورها 4.000 و ستروكها 3.48

و هالمكاين يستخدموها و الrpm بين ال9000 و ال10000 لأكثر من ساعتين

طبعا كم شي فيها مختلف عن محركات الدراج
نظام الزيت يكون dry sump
و الروس زاويتها 18 درجه او اقل ( بينما الاصليه 23 درجه )
و الكرنك forged billit مخفف
و الذرعان سواء كانت حديد billit أو المنيوم او تيتانيوم فهي قويه جدا و خفيفه جدا
و الكام غالبا يكون صولد رولر

طبعا السبايك مصممه حق استخدام RPM عالي لذلك الclearances بين الكرنك و السبايك او الذرعان و السبايك تكون اكبر منها في المحركات العاديه عشان احتكاك اقل و تزييت افضل و دوران اسرع

و المحرك عاده يكلف فوق ال30 الف دولار $$$ :D
و اللي شفتهم يطلعوا فوق ال700-800 حصان NA

ايضا في محرك شفر قديم هو سمول بلوك 327 بشكل عام هو نفس ال350 لكن بستروك 3.25 انش
و كان موجود ايام الستينات و طبعا هذيك الفتره كان عليه كام صولد
قريت في اكثر من مكان ان هالمحرك و هو ستوك يوصل الrpm لل9000 :D
بس طبعا لو تطول عليه شوي بهالدوران الجنوني يمكن تشوف البستم طاير و شايل وياه الكبوت :D


بالنسبه للبق بلوك شفت مره محرك 502
مكبرين البور حقه الى ما ادري كم
و مركبين عليه كرنك جي ام 427 ستيل هيفي ديوتي
اعتقد صار حجمه حول ال480 و يوصلوا الrpm لل8000 :D

[BLUE_STEEL]

رد مقتبس من TOP-SECRET

[NFS]

السلام عليكم ورحمة الله وبركاته

This is called ENGINEERING


الصراحة هذا شيء مثير للأهتمام ، أنا ماشفت أحد من جماعتنا هنا سلك هذا الطريق ، الكل يسلك الطريق (الرخيص) في أستخراج القوة (بتكبير السعة) بينما بناء محركات قادرة على الدوران بسرعات عالية أعتقد أن هذا شيء نادراً ما تشوفه هنا.


زين كيف أداء هذه المحركات مقارنة مع محركات الستروكر (من نفس القوة الحصانية) ؟


(عندي توقع أن أدائها أفضل رغم نقص العزم فيها إذا تم تركيب نسبة قير موزونة تستغل الـPowerband لها).

[الارهابي]

طبعا زي ما انت عارف انت اغلب السيارات الامريكيه حديد في حديد و وزنها ثقيل
لذلك اعتمدوا تكبير السعه و low end torque عشان يحسنوا التسارع
و على هالاساس
بيكون عندك محرك كبير مو مصمم لدورات عاليه
يعني تستغل قوته من الصفر الى 6000 دوره على سبيل المثال
يعني تقدر تستخدم مواد ارخص في صناعه القطع الداخليه غالبا cast iron او powder metal
و تخلي الdrive ratio عالي ( صغير رقميا )
فتوفر في البنزين و في صناعه المحرك و يكون تشغيل المحرك اهدأ

اما من ناحيه التعديل
هو في طريقين
الاول مثل اللي ذكرته فوق >>>traffic light racers aprouch :D
الثاني
تصمم المحرك للtop end power
و تعدل كل شي على هالاساس
و بما انك ما بيكون عندك عزم جامد في البدايه فلازم تستخدم drive ratio منخفض ( عالي رقميا ) عشان يقوم بالtorque multiplication
و لازم تستخدم قطع داخليه جامده جدا
و اهم حاجه هي الconnecting rods و الvalve train
و طبعا لازم تكون عندك روس تقدر تغطي حاجه المحرك و هو على هالدورات
و مع هذا
بيكون عمر المحرك اقصر من قبل و بيكلف اكثر
و سواقه السياره بالطريقه الاولى احلى و فيها fun أكثر :D لان العزم هو اللي تحس به و احلى شي انك تحس به على سرعات منخفضه :D

طبعا لو تغير الوضع و صارت السيارات خفيفه بيكون الحال مثل ما قلت انت
عزم منخفض بس دورات عاليه و قوه عاليه
و هذا الشي ينفع خصوصا مع التيربوات الكبيره :D
في واحد اعرفه عنده سنوما عليها شفر 406 سنقل تيربو و stand alone DIY EFI
يقول لما تنفقع بيحط له محرك حجمه حول ال330 يعني الرجال ناوي نيه شينه :D

[ss nightmare]

مشكور اخوي King 4x4 على الموضوع :)

وصراحة عجبني صوت و تصميم اكزوز SLP LOUDMOUTH

يقولوا الصوت تفجيييييييييييير :banana:

http://ls1sounds.com/SLPloudmouth/slploudmouth.jpg