استشااارة عن الجنط التجااري

[خالدالفيصل]

مسااكم الله بالخير
وكل عام وانتم بخير


بس حبيت استشيركم عن اني باشتري جنط المرسيدس تبع ال500 اللي هو 18 بوصة
سعره بالوكالة 8000 ريال
وسعره برا الوكالة بمحلات الكفرات وغيره ب 3000 ريال

يعني خصم 60% تقريباً


سؤالي هو .. هل فيه اي خطورة من هالجنط التجاري .. يعني هل بتروح رساوة السيارة ويصير الدركسون يرج ... ويخرب علي الخط ويتغير ولا مثل ماهو :)
وسلامتكم :)

[خالدالفيصل]

ايه نسيت اقول ان صناعته اللي برا يقولون الماني :)

[cap_SS]

لا لا تخاف ما في اي مشكلة
صاحبي ركب جنوط مقاس 18 ما شاف اي مشكلة وشكله طلع رهييييييب:black:

[SLR]

ياخوي اذا بتركبه على سيارة قديمة فمافي مشكلة..

اما على سيارة مرسيدس يعني موديل حديث اتحمل لان التجاري ميزانيته لك عليها شويه مش مضبوطه مثل الوكالة...

يعني بتلاحظ مع مرور الايام برجه واكيد وزنها راح يفوق وزن الجنوط الاصليه... وانا مانصحك فيها من نايحتي...

كل شي بسعره لو تبغي الزيين...



SLR

[bashar_255]

و اذا انكسر لك الجنط و انت مسرع مثل واحد من الشباب ؟

[ACCORD-VETIC]

السلام عليكم ورحمة الله وبركاته
خالدالفيصل أبدي اعجابي الشديد بأسمك يا أكبر شاعر
:D
و ثاني شي نصيحة منية أنا كنت مركب جنوط 17 على هوندا اكورد 2000 و أول ما ركبتهم حلاوة و بعدين أنواع المساج على الخط:D تقول قاعد على كرسي تدليك و أبشرك وزنتهم ورجعوا حلاوة بس بعد كم من خط رجع المساج والله يعينك و اللي يبي الدح ما يقول أح و أنا أبوك:D

[CRX]

هلا و غلا

الاصلي اكيد احسن وانا جنوط السياره وكاله وركبت فوق رصيف :D والحمد الله ما صادهم شي بس انا مع اخوي اكورد فيتك لاني مجرب تقول كانك تمشي على جنوط وبس

[الأنصاري]

ما اعتقد فيها شئ اكيد الأصلي افضل

بس في نوعيات تجاريه جيدة

90% من شباب قطر يستخدمونهم على الكروزرات يفحطون وشيلون على كفرين فيها ومافي اي مشاكل

بس طبعا تحملها وصلابتها اقل من الأصلي بس ما اعتقد فيها مشاكل لو نوعيتها جيده

[CL-Class]

على العموم اللي في السوق ماليزي مو ألماني لايلعبون عليك.... واذا قالك شي ...قول له أثبتلي ...واذا تبي تتأكد شف الختم محفور عليه من جوا MADE IN XXXX

بصراحة التجاري مامنه مشاكل اذا انت تمشي زي العالم وتبعد عن الحفر
أما والله تطامر أرصفة !!! فلا تركب