كم تقطع سيارتك بسرعة 80-120 الى أن تملأها مرة أخرى؟

[cruiser2000]

بسم الله الرحمن الرحيم



الحمدلله والصلاة والسلام على رسول الله وعلى آله وصحبه أجمعين


السلام عليكم ورحمة الله وبركاته




شباب خلونا نحط الموضوع هذا للفائدة

وهدفي من هذا الموضوع هو اعطاء الفرصة للاشخاص الذين يبحون عن السيارة المناسبة في
استهلاك البترول ونوعيتها

أرجو من كل عضو وضع سيارته الخاصة يتضمن بـ :

اسم السيارة ونوعها :
موديلها:
عدد السلندرات:
السعة:
فئة السيارة:
عدد الركاب:

يفضل ارفاق صورة مثل سيارته مش شرط سيارته بالضبط أي صورة من الانترنت تشبه سيارته
عادي



مثال:

http://www.knoxautoshow.com/2004/vehicles/2003%20Kia%20Optima.jpg


سيارتي
صالون --- اوبتيما م 2004 - 4 سلندرات - 2.0 لتر -- 5 ركاب --- تقطع مسافة وقدرها 600 كيلو متر
مع متوسط سرعة
80 -- 120 كيلو متر في الساعة




وخلونا نكون واقعيين حتى تكون النتائج سليمة

وكي يستفيد الزائرون او الاعشاء الذين لا يملكون سيارة



ملاحظة: أرجو من الذين يريدون الكتابة التقيد بالمضمون رجاءاً
كي يكون الموضوع منسقاً ومرتباً

شباب ما نبي حد يكتب عن سيارته وما يكمل
رجاءاً اللي ما يعرف مثلاً سعة سيارته او اي شي ناقص لا يكتب اذا سمحتو
كي تكون المعلومات دقيقة



وجذي بيستفيد اللي يقرا الموضوع

شباب ما نبي رد فيه تعليق مثل:

"انا مب ذاكر موديل سيارتي :) "

أو

"ينفع احط سيارة الاهل!!!! "

أو

"هذا يعتمد اذا سرعنا او ما سرعنا"

أو اي تعليقات مشابه

أنا حددت السرعة عشان محد يجي ويقول انا مرات ادعس ومرات لا
يعني حسب الاستخدام لالالالالا انا ما اقبل هذا الكلام

الموضوع واضح




لا بأس بالشكر هنا :)



لإجراءاتكم وموافاتنا بالمطلوب لطفاً


( للعلم: الموضوع للفائدة)

مع محبتي لكم
اخوكم
خالد

[سنـاري]

ماشاء الله عليك

اجراءات صارمة جدا للمشاركة في هذا الموضوع الحلو زي صاحبه:rolleyes:

و انا راح اكون اشد صرامة و تحديدا في اجوبتي

اسم السيارة ونوعها : فورد - كراون فكتوريا
موديلها: 2000
عدد السلندرات: 8
السعة: 4.6 لتر
فئة السيارة: سيدان
عدد الركاب: 5 - 6 ركاب

هنا صورة سيارتي بعد ما عبيتها فل و مسكت خط على سرعة 118 كم \ س ... مع تشغيل مثبت السرعة

http://www.filaq.com/upload/Pictures/from%20jed.jpg

و هنا صورة بعد ما وصلت الوجهة المحددة 370 كم تقريبا

http://www.filaq.com/upload/Pictures/arrived%20123.jpg


===========

و في العودة عبيت بنزين و مشيت 385 كم

و لما وصلت كان التانكي على النص

و هذا الاحداث اللي صارت خلال السفر و التي لها علاقة مباشرة باستهلاك البنزين

* وقفت السيارة في ربع الطريق عند احد الامكنة و طفيتها ...

* وقفت السيارة في نص الطريق لمدة 25 دقيقة شغالة بسبب خروجي لانقاذ احد المصابين في حادث مميت

* وقفت السيارة في اقرب محطة بعد الحادث عشان اشتري موية

* السرعة كانت مثبتة على 110 كم \ س و آخر 20 كم كانت مثبتة 100 - 80 كم \ س

* الحمولة كانت شخص واحد و هو السائق و اغراض بسيطة و خاصة في رحلة العودة


===============

و جزاك الله خيرا اخوي خالد

و انا معجب بمواضيعك الهادفة رغم قلتها:rolleyes:

و ياليت نشوف مشاركاتك اكثر

و الله يعطيك العافية

:p

[S8]

يالله انا ابدء

بيجو 607 موديل 2003 محرك 3لتر و6 سلندر اعبي التانكي فل بـــ70 ريال سعودي يعني تقريبا 80 لتر وهالكمية من البنزين تمشيني مابين 600-650 كيلو ..

جمس موديل 92 محرك 7.4 لتر اعبي التانكي فل بـــ140 ريال تقريبا يعني تقريبا 160 لتر ويمشيني تقريبا 700 كيلو


والله اعلم

تحياتي :)

[lt4_caprice ss]

السلام عليكم


كابرس موديل 91 أعبية فول 70 ريال يكفيني 550 كيلوا

سوبر بان موديل 95 أعبية فول 120 ريال يكفيني 750 كيلو متر


وشكراً

[cruiser2000]

السلام عليكم ورحمة الله وبركاته



ما شاء الله عليكم


سنـاري :

اخوي ردك حلو
لكن هناك نقطة انت ما حددت بالضبط كم مشيت حتى يفظي التانكي

يعني خليتني اددوخ براسي حتى احسب المسافات ومعادلات وقوف السيارة
ومدى صرفيتها


يعني شوي تعقيد


خبرني كم تمشي سيارتك لما تعبيها فل حتى ينتهي التانكي :) " هذا الغرض الرئيسي "
وانت ما شاء لله كتبت قصة :)



انتظر الجواب !!!!



S8 :

:good:


lt4_caprice ss :



:good:



انتظر باقي الأعضاء .




.............

وشكرا لمن رد لهذا اليوم

[SLR55]

اسم السيارة ونوعها : كابريس إس إس

موديلها: 2004

عدد السلندرات: 8

السعة: 5.7

فئة السيارة: سيدان

عدد الركاب:6

أعبيها 70 فوووووول تمشيء 550

بإختصار شديد

والصور قرييييييييبا


:banana:

سلاااااااااااام

[MuGeN]

السيارة : بيوك رد ماستر

الموديل 92

عدد السلندرات : V8

السعة : 5.0 لتر

عدد الركاب : 2

أعبيه ب 70 ريال ( من زمان ما عبيته بهالمبلغ :D ) و مشاني مرة لأن خط 600 كيلو تقريباً ...

أما في الأحوال العادية 450 بالكثير ...




السيارة : ألتيما

الموديل : 2005

عدد السلندرات : V6

السعة : 3.5 لتر

عدد الركاب : 1

الفل ب 60 ريال ... يمشيك 450 إلى 500 ...


و مشكور على الموضوع ....

[سنـاري]

اخوي خالد

انا ما امشي بالسيارة الى ان يفضى التانكي ...

اعبيها باستمرار و اسبوعيا بـ 30 ريال تقريبا ... يعني لما يوصل النص

لان زي منت عارف هذا مضر بالسيارة

اما اذا تبغاني اعطيك ارقام من المشي داخل المدينة اكييييد حتطلع لك 60 اجابة مختلفة و ما يحتاج شرح

و انا الصراحة ما حبيت افوت موضوع بهذا الجمال و الروعة و عشان كذا شاركت فيه بكل المعلومات اللي اقدر افيدك فيها

و استنادا عليها انا ممكن اقلك انه التانكي كله يمشيني 700 كم "في الخطوط الطويلة" تقريبا مع المحافظة على ثبات الدعسة و السرعة

هذا مع الاخذ في الاعتبار ان الفل حقها بـ 67 ريال يعني تقريبا 75 لتر


هذا والله اعلم ...

:p

[Imaj]

والله أعبيها فل بـ70 ريال تمشيني 400-500 كيلو على حسب ظروف القيادة..

إذا سويت فيها مايكل شوماخر البنزين يطييييير بسرعة..
:D



السيارة كابريس رصاصي 95 4.3 V8

[Crackjas]

السلام عليكم ورحمة الله وبركاته

اسم السيارة ونوعها : نيسان باثفايندر
موديلها: 2000
عدد السلندرات: 6
السعة: 3.3 لتر
فئة السيارة: جيب 4X4
عدد الركاب:5
اذا مشيت فيها بالخط 140 كم/ساعة بعد ما افولها 4 دنانير كويتي او 60 ريال سعودي اذا صفرت .....تمشيني حول 340 كم فقط:banana: :banana: :cry1:

[الأنصاري]

لاندكوزر
موديل 2003
6 سلندر
4.5

جربت سفر على سرعة 160 من قطر لين ابوظبي وانا مشغل مكيفين ومحمل شنط وناس تمشي تقريبا 500 كيلو بدون ما احول على الخزان الثاني


في الرجعه نفس الضروف بس 120 ومفول الخزانيين 80 ريال تمشيك اكثر من 700 كيلو

ملحوظة الخوان الكبير تقريبا50
والخزان الصغير تقريبا 30 ريال

بشكل عام ممتازة جدا على الخط

[mill_955]

السياره : نيسان باثفايندر
الموديل : 2004
المكينه : 6 سلندر 3.5
الركاب : 5 ركاب


السياره اعبيها فل بـ 60 ريال وتمشيني تقريبا 420 كيلو على سرعة 120


ـــــــــــــــــــــــــــــــــــــــــــــــــــــــــــــــــــــــــــــ



السياره : جمس سوبربان
الموديل : 97
المكينه : 8 سلندر 7.4 فورتك
الركاب : 8 ركاب


السياره اعبيها فل بـ 140 ريال و تمشيني تقريبا 1000 كيلو على سرعة 110 (قولوا ماشالله ياشباب)

[يا هاجسي]

السلام عليكم ورحمة الله وبركاته

اسم السيارة ونوعها : نيسان باترول ( ربع ) الفئة S
موديلها: 2004
عدد السلندرات: 6
السعة: 4.5 لتر <<< أعتقد
فئة السيارة: جيب 4X4
عدد الركاب: 4

السيارة أو ما طلعتها عبيتها فل بـ 80 ريال.. تقريباً مشيت عليها 600 كيلو..
طبعاً السرعة ما بين الـ80 والـ 120..

:)

لكن إن شديت عليها.. بالمشوار أعبيها..

وشكراً لكم..:banana:

[SL 65]

السياره : تويوتا برادو باب واحد
الموديل : 2004
المكينه : 6 سلندر 4.0
الركاب : 5 ركاب


السياره اعبيها فل بـ 77 درهم وتمشيني تقريبا 490 كيلو على سرعة 130

و هذي سيارة شقيقي.
السياره : نيسان باترول
الموديل : 2002
المكينه : 6 سلندر 4.8 قير عادي هدرز و فيلتر.
الركاب : 7 ركاب


السياره يعبيها فل بـ 120 درهم وتمشيه تقريبا 530 كيلو على سرعة 100 :Sad2:

[hait]

كان معي مرسيدس 92 شبح

300 sel



6 سلندر


الخزان فاضي 75 ريال



صفرت العداد والخزان فل مشى داخل الرياض 650 كم متوسط السرعة 150 كم




على الخط 800 كم بدون مكيف ومتوسط السرعة 180كم



والله اعلم


:banana:

[جلكسي]

اخواني بصراحه

انا عندي مشكله

سيارتي تيرسل
الموديل 97
4 الى 5 ركاب:rolleyes:
4 سلندر 1.5 لتر

بصراحه اعبيها فل ب30 ريال وتمشيني مع المكيف داخل المدينه 270 كيلو باللمبه

وبصراحه رجلي شوي حاره

ويم جربت طيفيت المكيف مشتني 310

وانا مستغرب
التيرسل قير عادي تمشي 500 كيلو داخل المدينه


فهل معنى ذلك ان توماتيك النص علما ان القير 3 نمر

سويت اصلاح كبريتر اصلي وتصفيه وغيرت البواجي واسلاكها ولكن ما في فرق يذكر


تتوقعون وش المشكله

[قلق و رجه]

عاد جى دوري السيارة الاقتصادية

هوندا سيتي 2002
عدد الركاب 5
اعبيها منول 37 درهم والحين مع الارتفاع 46
اذا صرت امشي 80-120 وهذا نادر تمشي 580-600
واذا 140 ودعس 400-470


السيارة من ناحية البرول رهيبة بس لا تسرع ويخيس البنزين في التانكي وتعبية بسعر حلو

[cruiser2000]

السلام عليكم ورحمة الله وبركاته



شكرا لكل من رد على الموضوع


SLR55 :

:good:


MuGeN :

:good:

والله فخاطري لو تيب اي صورة حق الرود ماستر ودي اشوفها


بخصوص الألتيما
الكراب: 1 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!:think:


سنـاري :

:good:


Imaj :
:good:


Crackjas :
:good:

بس ما جربت تمشي بها بسرعة محددة 80 - 120 لان الاستهلاك يكون شوي طبيعي
في هالسرعة

على كل حال اذا قدرت سجله هني في الموضوع :)


الأنصاري :
:good:


mill_955 :
:good:

يا هاجسي :
:good:

SL 65 :
:good:

[MuGeN]

السلام عليكم ...

أخوي انت تقصد بعدد الركاب كم تمشيك ولا السيارة كم راكب تكفي ؟؟

إذا على كذا البيوك 6 ركاب و الألتيما 5 ركاب ...

أما الصورة ... إنتظر أدخلها التلميع و أشيل الطيس ... و أوضع الصورة ( لزوم ما بعد الحادث :D )

[cadyman]

رينو لاجونا 2003
2.0 16 صمام
اعبيه ب 52 ريال
يمشيني اكثر من 750 كم

[MAX 2002]

السلام عليكم ورحمة الله وبركاته

اسم السيارة : نيسان ماكسيما
المحرك : 6 سلندر - 3.0 ليتر
موديلها : 2003

عدد الركاب : 5

اعبيها فل بــ50 ريال تمشيني 520 كيلو ( قولوا ماشاء الله )

لكن اذا دعست وتحمست شوي قولوا على البنزين السلام
الماكس يصرف اذا تعدا عداد الــ Rpm الــ3

[ABD 911]

السلام عليكم ورحمة الله وبركاته

السيارة : مرسيدس فياقرا

المحرك : 320

الموديل : 2002

سعة التانكي : 88 لتر

المدى : 350 كلم إلى 450 كلم حسب الإستخدام

ABD 911

[922]

السلام عليكم ورحمة الله وبركاته


السيارة : اكورد 2004

المكينة : 4 سلندر

السعة : 2.4 لتر


المسافة : من 550 الى 600 كيلو على خمسين لتر

::::::::::::::::::2:::::::::::::::::::::::

السيارة : كرسيدا

المكينة : 6 سلندر 7m-ge

السعة : 3 لترات

المسافة : 300 - 350 على خمسين لتر :Sad2:

[cruiser2000]

السلام عليكم ورحمة الله وبركاته



hait :
:good:


جلكسي :
:good:

شوف فلتر بترول يمكن
بس مستحيل تيرسل 310 كليومترات ؟؟؟؟؟؟؟؟؟؟؟؟؟


قلق و رجه :
:good:



MuGeN :

الاهم هو عدد الكيلومترات اللي تقطعها السيارة بسرعة محدودة 80 - 120 كلم/س
الى ان تفظى

:)
اما الكلمات الاخرى مثل عدد الركاب وغيرها فهذا للإفادة



cadyman :
:good:
كم راكب السيارة؟
وهل تتوفر بموديلات اخرى مثل
5 ركاب / 3 ركاب


MAX 2002 :

:good:



ABD 911 :

:good:



922 :

:good:




شكراً لكل من رد على الموضوع



وين باقي الأعضاء ....................

[Human100]

http://auto.consumerguide.com/images/auto/editorial/gallery/XA_lrg.jpg

Toyota xA

موديلها: 2004
عدد السلندرات: 4
السعة: 1,5 لتر DOHC VVTi بقوة 120 حصان
فئة السيارة: هاتشباك
عدد الركاب: 5





أعبي السيارة ب 30 ريال تمشي 540 كلم

[cruiser2000]

السلام عليكم ورحمة الله وبركاته



Human100 :

:good:

[عمرTarga]

اسم السيارة ونوعها : ميتسوبيشي ماجنا
موديلها: 2003
عدد السلندرات: 6سلندر
السعة: 3.5
فئة السيارة: سيدان
عدد الركاب:من 4 الى 5

التعبئة: 4دنانير كويتي أي 50 ريال سعودي مع مراعاة الفرق بين سعرالبنزين

المدى: من 480 إلى 530 كم

وشكرا

[درجة ثانية]

السلام عليكم ورحمة الله وبركاته


النوع : شـــفــــر (سيلفادور غمارتين)

اللون : سيلفر

الموديل : 2001

السعة : 7.1 لتر (والله أعلم)

فئة السيارة : بيك اب

عدد الركاب : 5

أعبي السيارة بــ90 ريال اذا كانت فاااضية مرررره

وتعطيني 850 كيلو على سرعة الــ100

و 700 كيلو على سرعة 140 - 150


ومشكور اخوي على الموضوع المفيد

[MR.FOCUS]

السلام عليكم ورحمة الله وبركاته

نوع السيارة : فورد
الإسم : فوكس
عدد السلندرات : 4 سلندر
قوة المحرك : 120 حصان
سعة المحرك : 1.6 لتر
سعة الخزان : 55 لتر أعبيها بسعر 3 دنانير و اذا التانكي فاضي مرة وحدة النور بيحترق 3.500
فئة السيارة : هاتشباك
عدد الركاب : 5
أعبيها 46 لتر وتعطيني 650 إلى 700 على سرعه 140 كم/ساعة

[®Lumina ss 2002]

اسم السيارة ونوعها : لومينا إس إس

موديلها: 2002

عدد السلندرات: 8

السعة: 5.7

فئة السيارة: سيدان سبورت:D

عدد الركاب:5 مع السائق

اعبيها فول تقريبا ب70 درهم تمشي معاي 500 الى 550 كم بمعدل سرعة 120 كم:banana:

[Net Master]

Jeep Wrangler
اعبي فل بحوالي 47 تمشيني 250 وسواءا دعست ولا مادعست حرقت ولا ماحرقت هيا هيا نفس المسافة:)
بس جربت بدون مكيف ممكن توصل ل 300

[SLR55]

هلا لومينا إس إس 2002

بخصوص كمبيوتري

ما تعدل :cry1: يالس أستخدم كمبيوتر ثاني


صرفية سيارتك مثل صرفية سيارتي

طمتني والله :banana:

سلااااااااااام

[®Lumina ss 2002]

:D

[cruiser2000]

السلام عليكم ورحمة الله وبركاته


عـــــمـــــر:
:good:


درجة ثانية :
:good:


MR.FOCUS :
:good:


lumina ss 2002 :
:good:



Net Master :
:good:

كم سعة المحرك ؟
عدد الركاب؟
:)



SLR55 & lumina ss 2002
لو سمحت اخوي اذا تبا تخبر ربيعك اذا تكرمت
عن طريق لمسنجر ولا الايميل مب في موضوعي

الموضوع للإفادة لا للدردشة.




وشكراً





شكرا لكل من قدم معلومات في هذا الموضوع


وين باقي الأعضاء......................

[cadyman]

الرينو لاجونا خمسة ركاب
وعلى فكرة اوروبي يعني ثقيل ومصفح

[STS4ever]

السياره : كاديلاك STS
الموديل : 2002
المحرك : 8 سلندر
السعه : 4.6
الركاب : 5

اذا مشيت 80 - 120 بدعسه خفيفه على البنزين تمشي 530 كيلو تقريبا ( على كلام الطبلون 580 كيلو بس تتغير مو ثابته الارقام ) طبعا بدون مكيف بالمكيف 450 كيلو تقريبا
اذا مشيت بسرعات مختلفه حتى لو 40 بس بدعسه ثقيله البنزين يطييير يعني 350 كيلو والخزان فاضي
ومن E الى الفل بـ 58 ريال

[cruiser2000]

السلام عليكم ورحمة الله وبركاته

cadyman :
:good:

[cruiser2000]

السلام عليكم ورحمة الله وبركاته


STS4ever :
:good:

[Yukon GT]

السياره : يوكون جي تي
الموديل : 97
اللون: أسود
المحرك : 8 سلندر
السعه : 5.3 فورتيك (على ما أظن)
الفئة: 4×4
النوع: باب واحد


أعبيها بـ 90 ..

تمشيني تقريبا 500 إلى 550 كيلو .. إذا كان على السرعة اللي عندك ..

بس طبعا إذا قمت أدعس توصل 450 ..

وسلامتك ..

:banana: :banana:

[bujassim]

نيسان بنترول
1998
سعة المكينة 4.5
اعيبها 10.5 جالون يعني 50 درهم ((الجالون بـ4.75 درهم))
تمشيني مممم 300
الفل مالها 80 بدون الخزان الثاني.. الخزان الثاني الفل 40

المهم بـ 50 درهم امشي فيها 300 كيلو
7 ركاب
جير اتو ماتيك

[cruiser2000]

السلام عليكم ورحمة الله وبركاته

Yukon GT :
:good:


bujassim :
:good: