نقاش حول كيفية تقليل صرفية البترول ..

[Corvette_Stingray]

السلام عليكم ورحمة الله وبركاته ..

الموضوع هو عبارة عن نقاش حول كيفية تقليل صرفية البترول ..

اللي عنده معلومات حول طرق تقليل صرفية البترول فليتفضل و يشارك معانا في النقاش ونستفيد من المعلومات اللي عندكم ان شاء الله ..


يعني مثلا انا سمعت ان هناك طرق للتقليل من صرفية البترول لكن تقلل من سرعة السيارة وهناك طرق ما تاثر على سرعة السيارة ..

و إيجابيات الطرق وسلبياتها ..

وأتمنى ان نشوف اكبر عدد من المعلومات :banana:

[Imaj]

استخدام مثبت السرعة والأوفردرايف متى توفر..

محاولة تقليل المشاوير وإنهاء أعمالك من مرة واحدة..

دائماً خطط لوجهتك وماهي أفضل وأقصر الطرق..

ابتعد عن الإنطلاقات السريعة عند الإشارات..

سوووووووووق بهداوة.. :)

[علي عبدالله]

ياخي استخدم سيكل ... وانتهت المشكلة هاهاها :)
.............
بس بجد اللي يهمهم الامر كثير ...السيارات اليابانية من فئات الاربع اسطوانات ..كورولا ..سني ..لانسر...كل هذه وجدت وتم انتاجها لهذا الغرض
يعني باختصار اللي يحاول قدر الامكان انه يوفر في مسألة البترول انصحه من البداية يشتري من هذه الانواع ..خصوصا الموديلات الحديثة منها فيها احدث الانظمة لهذا الغرض ..
وشكرا :)

[180B]

في قطعه تنحط على الوصله من دبة البترول لي الكربريتر او الفيول تضغط على الوصل وتساعد في تقليا كمية صرف البترول وركبنه حق كابرس واثبتت جداره لاكن حق الكرسيدا ما سوت شي بس خسارة بيزات

[Corvette_Stingray]

Imaj مشكور على نصايحك اللي إذا طبقناها راح نستفيد .. لكن إحنا نبي طرق ميكانيكة ..

ومشكور مره ثانيه :banana:


راعي البيج .. كلامك عن السيارات اليابانية من فئة ال4 سلندر صحيح .. لكن شنو نصيحتك للي عندهم 6 و 8 ويمكن 10 ..


180B طريقة مقبوله جدا لكن هل تؤثر هذي الطريقة على سرعة السيارة ؟؟ وإذا ممكن تشرح لنا الطريقة بالصور ..


وينكم يا شباب وين خبراتكم ومعلوماتكم ؟؟

[cap_SS]

لا تحاولون في تقليل الصرفية ولا يغركم اي منتج انه يقلل الصرفية حتى مكاين الاربعة سلندر والي كانت ما تصرف كلهم الحين يصرفو والسبب الرئيسي للصرفية هو(تغيير البنزين عن قبل وأزالة الرصاص وارتفاع السعر).
الله يجازي اللي كان السبب في ارتفاع سعر البنزين.
انصحكم شباب لا تضيعوا اموالكم على الاعلانات اللي تقول ان هدا المنتج يقلل الصرفية حطوا اموالكم في البنزين وادعوا على الي رفع الاسعار

[الأنصاري]

السواقه الرايقه هي الحل الوحيد
خف ريلك من على الريس ترتاح

[حبوب بوظبي]

فيه حكمه قالها لي احد المدرسين الأمريكان

يقول: تخيل ان معك كوووب ماء شبه مملوء ... بجانبك أثناء القياده ... ستحاول قدر الإمكان ان لا تسكب شيء من الماء ...

طبعا هوه قصده (سووووق بهدوء)

شو معناة سوق بهدوء؟
- لا تتسارع بشكل قوي .... (حتى لا ينسكب الماء)
- عند الأشارات و المنحنيات ابدأ بالتخفيف من بعيد .... (حتى لا ينسكب الماء)

:)

[Corvette_Stingray]

حبوب بوظبي والله انها حكمه قيمه ..

[bashar_255]

خلى الـ RPM دايم منخفض ولا بصرف لا بلد ولا خط :rolleyes:

[Corvette_Stingray]

bashar_255 كلامك صحيح و هذي الطريقة مجربينها ونفعتنا شوي :banana:

[سنـاري]

اخوي كورفيت

تبغى تشوف السواقة الرايقة اللي تخلي البنزين يخمج داخل التانكي :D

تعال خذلك مشوار معاي في اي يوم


كان عندي سيارة 4 سلندر بنزين

كنت اعبيها في الشهر بـ 40 - 45 ريال :D

:p

[البيضاوي]

افضل طريقة.....خفف سرعتك.....وحاول تعشق القير بسرعة.....وجزاكم الله خير

[مؤيد اف1]

تسخين السياره له دور في تقليل الصرفيه والصيانه الدوريه وسوق برواقه بدون آر بي ام زايد:D ضغط الكفرات اذا كان ناقص يزيد على حسب ماسمعت من الصرفيه:p

[mill_955]

والله ياشباب انا عندي خبره كبيره في الموضوع هذا :D :laugh:



طبعا اهم شي هو انك تنتبه لضغط الكفرات زي ماقال الاخ مؤيد اف1

ولازم تتاكد من البخاخات وطرمبة البنزين وفلتر الهوا لازم تنظفه كل فتره لان هذي الاشياء راح تزيد من صرفية البنزين

وبعدين لازم تحسن طريقة قيادتك يعنيك تجنب التسارع المفاجئ والسريع وتجنب السرعه الزائده

واذا انت من النوع الرايق وماعندك شغل...

اذا شفت اشاره حمرا قدامك هدي من بعيد واصبر لما تفتح الاشاره....يعني بالعربي حاول انك توقف في اقل عدد من الاشارات في مشوارك...لان الوقوف والتسارع يزيد من صرفية البنزين

:D :D :D

وهذا اللي عندي :laugh:

[password]

بسم الله الرحمن الرحيم

السلام عليكم ورحمة الله وبركاته

الحمد لله وسلام على عباده الذين اصطفى

التقليل من الحواطة أو التمشي في الشوارع بدون هدف او غاية ...

و تقدير أهمية هذه النعمة ( البترول ) وأن كل نعمة زائلة وسوف نحاسب عليها يوم القيامة ..

قال تعالى : ( وكلوا واشربوا ولاتسرفوا إنه لايحب المسرفين ) الآية

والله تعالى أعلم

[CL-Class]

بالنسبة للسيارات الأوتوماتيك فأنا أعتمد طريقة أيضا لتخفيض دوران المحرك الـ RPM ... وهي أفضي السيارة قبل الاشارة على N وهي ماشية ...... واستخدم الفرامل الى الاشارة.... وبذلك يطيح أمبير الضغط وتقل الصرفية ...... لكن هذي الحركة ماراح تؤثر اذا سواقتك في دعس زايد

[oil_HKS_lio]

يااااااااااشيخ كل شي يهون في الصرفيه الا الكابرس من 88 وتحت وحياااااااااتك هي مشغله واقفه مكنها تصرف

[HaKeM]

أفضل حل السواقة بهدوؤ وتجنب التسارع المفاجيء

لكن بصراحة صعبة

رجلي تحرقني:laugh:

[bashar_255]

ترك السيارة شغالة لفترات طويلة او ما يسمى بالدوران الخامل يزيد من استهلاك البنزين :glasses:

[ABD 911]

رد مقتبس من حبوب بوظبي
فيه حكمه قالها لي احد المدرسين الأمريكان

يقول: تخيل ان معك كوووب ماء شبه مملوء ... بجانبك أثناء القياده ... ستحاول قدر الإمكان ان لا تسكب شيء من الماء ...

طبعا هوه قصده (سووووق بهدوء)

شو معناة سوق بهدوء؟
- لا تتسارع بشكل قوي .... (حتى لا ينسكب الماء)
- عند الأشارات و المنحنيات ابدأ بالتخفيف من بعيد .... (حتى لا ينسكب الماء)

:)

شكل هالمدرس يتابع الكرتون الياباني Inital D :D لأن في أحد الحلقات إستخدم تاكومي هذي الحركة وهو يتدرب على الدرفت ..

A B D 911

[Dr cars]

شباب يمكن يكون كلام مكرر

1-الإبتعاد عن الزحام.
2-عدم الدوس القوي على دواسة البنزين خصوصا عند الإنطلاق.
3-المكيف.(30%تقريبا زيادة عند إستخدامه)
4-دوما المحافظة على الصيانة الدورية للمحرك خصوصا.
5-ضغط الإطارات عندما يكون أقل من الازم.