View Full Version : أسعار التويوتا، إلى أين؟
loolicpolic
21-10-2004, 06:52 AM
أهلين شباب..
بالأمس كنت في زيارة سريعة لوكالة التويوتا واللكزس في قطر "عبدالله عبدالغني"، عشان أعرف أسعار الـ GX والـ GX-r لموديل 2005.. لكن، المفاجأة الكبرى إنو كل سنة السعر يزيد 10 آلاف ريال تقريبا..
يعني هل من المعقول يكون سعر الـ GX موديل 2005 فتحة، ثلاجة، مكيفين، جير أوتوماتيك بـ 148 ألف ريال :shock2:..
أو حتى يكون سعر الـ GX-r الفل أبشن "خشب على السكان (المقود)" + تيك رائع + جميع مواصفات الـ GX بالإضافة إلى السنسرز والسي دي بـ 168 ألف ريال :shock2: ..
الكامري الـ GLi 2005 فتحة ورنجات بـ 81 ألف، والجراني الفل أبشن جلد بـ 96 ألف :shock2:..
وطبعا غيره وغيره :headshak: ..
اللكزس الفورويل LX470 2005 بـ 261 ألف، بينما كان على ما أذكر لموديل 2004 بـ 230 ألف :shock2: ..
ليش هاي الزيادة الرهيبة :think: ..
وبعدين يقلك في خصم ألفين ريال :anger: ..
في حد عنده واسطة عند عبدالله عبدالغني :laugh: ..
تحياتي..
الشبابي
21-10-2004, 07:09 AM
اخوي loolicpolic ...
اجل بس هذي حركات عبداللطيف جميل .. اكيد ان الوكيل عندكم قلده بعدين اخوي على فكرة ترى التويوتا مرغوب جدا جدا في قطر ولذلك الوكيل يضمن ان المشترين بيشترون السيارة حتى بهالسعر الجديد ولعلمك الكامري عندنا سعرها صار فوق .. الاوتو فل كامل بدون فتحة سقف ب 71 الف ريال يعني توصل الى 75 الف للفل اوتو بفتحة ومواصفات السيارة سيئة جدا ...
بس هذي الحركة معروفة من الوكلاء بحيث ان السيارة اذا صارت مرغوبة ممكن ترفع سعرها بالتدريج وتصير السيارة سعرها مستعمل غالي وتصير تمسك سعرها وبالتالي تصير سمعة السيارة افضل فعلى سبيل المثال لو اشتريت سيارة مرغوبة ب 100 الف والسنة اللي بعدها صارت ب 110 الاف بتنزيل سيارتك شئ بسيط لأن الجديد صار اغلى وهكذا ... وبالتالي الفرق في السعر يساعد الوكلاء على الدعايات الضخمة وتقليل الارباح في قطع الغيار بدرجة كبيرة عشان تصير رخيصة ...
اخوكم الشبابي
السلام عليكم ورحمة الله وبركاته...
هذي الموديلات الجديدة كلها كذا ... وعند اغلب الوكلات ...
خذ مثال عبد اللطيف جميل ..:laugh:
اللكزس 470 او موديل ... اول ما نزل ... كان بـ 250.000 !!!! بعد شهر وشوي صار ب 200.000 ؟!!!!!!!!!!!!!!!!!!!!!!!!!!!! تخيل ...
يعني لو انك شاري هذي السيارة 50.000 في شهر ...؟؟؟
هذي الحالة صارت لواحد قريب :damp: ...
يعني انتظر كم شهر تشوف الاسعار نازلة ....
لأن اكبر غلط تشتري السيارة من أول ما تنزل ... الا اذا عندك فلوس زايدة هذا شي ثاني:D
Dr cars
21-10-2004, 04:17 PM
على فكرة نفس المشكلة عندنا في الإمارات...
الكورولا 1.8 فل أوبشن ب 63000ألف درهم!!!
هلا و غلا
هدا هو سياسه وكلاء تويوتا في كل مكان اسغلال العقول التي لاتفهم كيف هو حال السوق فمره يقول لك موصافات معينه ومحدده ومره يعطيك عروض مميزه ومثلا لناخد الكروزر الدي يوجد لدينا وحسب قولهم اان التعديلات جدا جميله وانا اجدها قمه اقبح فعلا يعني هل هدا هو الحال لدى تويوتا فقط كسبت السمعه و الان تحاول حسب الاموال كما هو حاصل الان
المبدع
21-10-2004, 05:34 PM
بسم الله الرحمن الرحيم
السلام عليكم ورحمة الله وبركاته
اخواني فعلا تويوتا اسعارها غليت؟؟؟؟؟؟؟؟؟؟؟؟؟؟؟؟؟
بس والله تستاهل
التويوتا هي ام النيسان والعم والخال
التيوتا سر في كنز مدفون
التيوتا قوه وفخامه
التويوتا كل شيء
loolicpolic
21-10-2004, 05:57 PM
أهلين شباب،
الشبابي..
فعلا كلامك صحيح، بس هذا صار بشكل غير مقبول.. يعني ليش الكامري يكون سعرها في الثمانينات.. وعلى فكرة، بكرة بنحصل كل السيارات ذات قيمة أو لأ بأسعار غير معقولة لمجاراة السوق..
أشكرك أخوي على ردك وتواصلك..
FSM..
أتوقع إنو الأسعار بترخص بعد فترة، بس ما بترخص وايد :headshak: ..
شكرا على تواصلك..
Dr cars..
ليش؟ لو شاري مكسيما S-Touring أرخص :think: ..
أهلين فيك..
CRX..
تعديلات الكروزر الجديدة حلوة، يعني صار يجي بتيك جودته عاليه، والسكان مخشب، صار له رزه أكبر، بس ما توصل إنه يزيد السعر 10 آلاف ريال علشان شغلات بسيطة :anger: ..
شكرا لتواصلك..
المبدع..
فعلا.. التويوتا لها نكهة خاصة :cool: ..
أقدر مرورك الكريم..
تحياتي..
TOP-SECRET
21-10-2004, 07:00 PM
اخوي انت رحت لهم في بداية نزول الموديل الجديد اكيد بتكون الاسعار مرتفعه انتظر عليهم شهرين او ثلاث وبتشوف الاسعار نازله اكثر من 10 الاف ويمكن 20 وهذا في وكاله
على العموم ترى مايفرق بين الـ2005 والـ2004 غير الخطوط على ما اعتقد عشان جذي السالفه ماتستاهل كل هالزياده في السعر انصحك في موديل 2004 :)
بالنسبه للكامري فل اوبشن موديل 2004 كانت بـ92 الف :) زياده 4 الاف
loolicpolic
22-10-2004, 01:05 AM
رد مقتبس من TOP-SECRET
اخوي انت رحت لهم في بداية نزول الموديل الجديد اكيد بتكون الاسعار مرتفعه انتظر عليهم شهرين او ثلاث وبتشوف الاسعار نازله اكثر من 10 الاف ويمكن 20 وهذا في وكاله
على العموم ترى مايفرق بين الـ2005 والـ2004 غير الخطوط على ما اعتقد عشان جذي السالفه ماتستاهل كل هالزياده في السعر انصحك في موديل 2004 :)
بالنسبه للكامري فل اوبشن موديل 2004 كانت بـ92 الف :) زياده 4 الاف
أتمنى يكون كلامك صحيح، وأعتقد إنو الفرق بين 2004 و 2005 بالنسبة للـ GX الخطوط بس، لكن الـ GX-r، في فروق في الداخل " خشب + سي دي + تخشيب السكان + تخشيب الجير " هذا الي شفته، ما أدري إذا في أشياء ثانية..
شكرا على إهتمامك وردك :) ..
تحياتي..
قريت خبر إن تويوتا رفعت أسعار اللكزس موديلات 2005 حدود 4000$ في أمريكا..
وسيستمرون برفع الأسعار :o
الأنصاري
22-10-2004, 01:54 AM
ممممممم شئ طبيعي لأنها تويوتا وممكن فيها استغلال
بس بشكل عام ماراح يتاثر المستهلك كثير لأن سعر السياره فيها
مثلا انا عندي لاندكروزر موديل 2003 ما ماشيه شئ اشتريتها ب126 الف الحين اقدر ابيعها ب110 او حتى 115 اذا كان سعر ال2005 ب148 الف
يعني الي عنده تويوتا مو خسران اسعار سيارته فوق دايما فوق
بس طبعا في استغلال وزياده غير طبيعيه
HaKeM
22-10-2004, 01:57 AM
ترى الأسعار في بداية نزول السيارة نفسها في نهاية السنة
أنا اشتريت تويوتا افالون في أول يوم وصلت المعرض سعرها في بداية السنة مثل نهاية السنة
لكن المشكلة انه كل موديل جديد في تويوتا صار سعره يزيد بمعدل 5000 ريال سنوياً
وهذا نصب واستغلال للزبون
تخيلوا ميركوري 2005 أقل نوع 8 سلندر ب75 ألف
:think:
خبير نيسان
22-10-2004, 05:09 AM
:shock2: :shock2: :shock2: :shock2:
جنــــــــــــــــــــون التويوتا واصل حده , هي اكبر صانع ياباني والثاني على العالم كله
يعني ارباح ولا في الخيال وبعد يبون يشفطون دولارات اكثر واكثر
password
22-10-2004, 04:10 PM
السلام عليكم
إذا كانت الكورولا ب63000 ألف درهم ...
خذ لك مكسيما أحسن ب 58000 الف درهم
أو ألتيما 2005 ب 58000 درهم
ا ح ن 1 0 0
23-10-2004, 10:25 AM
السلام عليكم ورحمة الله وبركاته
بسم الله الرحمن الرحيم
السلام عليكم ورحمة الله وبركاته
اخواني فعلا تويوتا اسعارها غليت؟؟؟؟؟؟؟؟؟؟؟؟؟؟؟؟؟
بس والله تستاهل
التويوتا هي ام النيسان والعم والخال
التيوتا سر في كنز مدفون
التيوتا قوه وفخامه
التويوتا كل شيءي
اخوي المبدع مو كأنك ملحتها حبيتين :D
ومسألة التيوتا فخامة ... ترا لازم تعيد النظر :D
تحيــــــــــاتـــــــــــي..,
عندنا في البحرين ( إبراهيم خليل كانو )
الكورولا XLi 1, 8 سعرها 5800 دينار
وال GLi سعرها يالطيبين 6200
والكامري طبعناً احنى ما تنزل إلا
GLI وسعرها اجيب شي ( مفصغه ) 7500 دينار
والغراندي امممممممممممم نسيت
و XA سعرها يالحلوين اندلعكم بعد سعرها 5100 دينار
هذي الا سعار كانت قبل ارمضان طبعا لئني ابي اشتري سياره
وهب امحصلي سياره سعرها معقول والاسعار مره اتكون بتسجيل وتبيم ومره بدون
ومره توديها الوكاله حق الزيبارة اندر سيل او يزيدونلك عليها رموت كنترول ( يزعم رضا العميل )
ملاحظة : التسجيل والتبيم يكلف للكرولا تقريبا 300 دينار ( فول بيمه )
cadyman
23-10-2004, 02:27 PM
من زين اشكال ولا مواصفات سيارتهم علشان تكون اسعارهم غاليه
رد مقتبس من cadyman
من زين اشكال ولا مواصفات سيارتهم علشان تكون اسعارهم غاليه
:D
من جد..
أما فخامة ما فيها خير شر..
ركبت أفخم شيء عندهم وهو الفكسر ما فيها ذرة فخامة:o
الشبابي
23-10-2004, 03:24 PM
الاسعار في بداية السنة تكون مرتفعة جدا ثم يصير تخفيض وتنزل لكن ماترجع زي ما كانت ..
اخوكم الشبابي
loolicpolic
24-10-2004, 01:37 AM
شكرا جميعا على التواصل، وكلنا بالفعل متفقين إنو الزيادة أصبحت لون طاغي على أسعار سيارات تويوتا، والي في نظري أشوفها زيادة غير مبررة :headshak: ..
تحياتي للجميع :) ..
عالي مستواه
24-10-2004, 09:32 PM
رد مقتبس من TOP-SECRET
اخوي انت رحت لهم في بداية نزول الموديل الجديد اكيد بتكون الاسعار مرتفعه انتظر عليهم شهرين او ثلاث وبتشوف الاسعار نازله اكثر من 10 الاف ويمكن 20 وهذا في وكاله
على العموم ترى مايفرق بين الـ2005 والـ2004 غير الخطوط على ما اعتقد عشان جذي السالفه ماتستاهل كل هالزياده في السعر انصحك في موديل 2004 :)
بالنسبه للكامري فل اوبشن موديل 2004 كانت بـ92 الف :) زياده 4 الاف
صج ما زادت شي .. 147.000 ألف الجي إكس 16 ألف خصم 4 آلاف بيمه ..
والقسط من غير دفعه إولى 2400 ريال على مدة 6 سنيين .. :banana:
طبعاً تماتيكي :rolleyes: