عرض السيارات الي سيقام في الدمام

[oil_HKS_lio]

السلام عليكم ورحمة الله وبركاته





المهرجان سيارات المتواضع وهوا برعاية صالة البطل بالدمام والمسؤلzaki65 عن عرض السيارات المختاره وسوف يقام خلف النقل الجماعي(سابتكو) بمواقف مدرسة الامين المتوسطه يوم 16 رمضان الساعه 08:00بعدا الافطار الى الساعه 12:00 ونتمنى زيارتكم لرفع مستوى هواة السيارات والدراجات النارية

طبعا هاذي الكلاام على لسانzaki65 من منتدى هواه السياراه والدرجات الناريه نقلت الموضوع على شان نشوفكم هناك تشاركونا بسياراتكم المعدله

[ALTIMA]

السلام عليكم ورحمة الله وبركاته

مشكوور أخوي على الخبر الرائع

وانشالله نشووفكم جميعاً هناك

ياأعضاء سوالف
على خير



تحياتي
ALTIMA:glasses2:

[CRX]

هلا و غلا
انشالله يكون لنا حظور وشكرا على الخبر الحلو يالغالي

[DDesigns]

ما شاء الله شي حلو ..

تدرون شباب ودي اخذ طياره واجي يوم 14 مدري 15 رمضان حق القرقيعان و اروح ( دارين ) .. يمكن بعض الشباب يكهرونها لانها كلها متفجرات والعاب ناريه وحوادث وتضارب بين الشباب ولكن الصراحه انا استمتع وانا اشوف الشباب كيف مجانين . يكفيك التلفزيون السعودي يجي ويصور لوووووووووول بس ما يطلعونهم بالتفلزيون غريبه :blink: :blink:

فيه احد شباب يروح دايم حق دارين ؟

[bashar_255]

DDesigns : دارين هذي ما فيها الا بدو و جماعة 50sent :D

ليلة القرقيعان مهجورة تعني سنابس الي لزق في دارين يمكن :p

و الله اللي يجي الله يحييه نعشيه و نحشيه ضيافة ثلاث ايام و ثلث :D

[abumhdi]

ما بقدر احضر ..

بس لا تنسونا باللقطات والصور الحلوووة ..


:p

[Imaj]

رد مقتبس من bashar_255
DDesigns : دارين هذي ما فيها الا بدو و جماعة 50sent :D

ليلة القرقيعان مهجورة تعني سنابس الي لزق في دارين يمكن :p

و الله اللي يجي الله يحييه نعشيه و نحشيه ضيافة ثلاث ايام و ثلث :D

قصدك 50Cent :o

نصف دولار :D

[DDesigns]

اخوي bashar_255

ههههههه اعذرني تراني غشيم في المناطق هذي لاني ما ادلها اصلا اروح مع الشباب واشوفهم يقولون دارين لووووول .. بس والله من زمان يعني طوفت 2 رمضان ما رحت ..

يالله مين يدري يمكن رمضان الي وراه اكون موجود بس هذا ما اعتقد فيه عندي جامعه والوضع المادي ما يستاهل اني اطق تذكره واجي :think:

[oil_HKS_lio]

مشكورين شباب على الردود وانشالله نشوفكم

DDesigns
مره من المرات قالي واحد تعال وياي دارين من فتره ليله القرقيعان والله تقول انا جالس في ساحه حرب الكل يقطط على الثاني كل مجموعه في شارع قلت حط رجولك ياولد عااااااااااااالم هناك ورحنا القطيف ماقصرو مارجعنا البيت وبطونا مليانين وثيابنا مبخره بريحه تواير تفحيط:D

[ALTIMA]

الصراحة انا مارحت بس الي
راح ويقدر يحط لنا كم صورة عاد


تحياتي

[FSM]

افا ... والله انا نيست :cry: :cry:


راح علينا :cry:


نعوضها المرة الجاية

:banana:

[supra_101]

والله فاتني العرض.حسافة
لاني سمعت من واحد انه بيكون عند صاله البطل
:cry: :anger: :damp: :cry1: :anger:
في المرة الجايه بكون مستعد للعرض
بس عطونا خبر اذا بيصير شيء قبل الموعد بفترة

[oil_HKS_lio]

انا اصلا مارحت وسمعت انه كان منضم وشي حركات بس جاني ضرف ولا رحت

[FSM]

ما في احد صور ؟؟؟؟:help:

[ABD 911]

واحد من الشباب لحق على آخره .. يقول إنه كان مرتب وجات فيه سيارات حلوه وكثيرة ..

بعدين ياخوي وش هالغباء الوقت هو وقت إختبارات للي في الجامعه وبعض المدارس وغير كذا في رمضان ..

لو سووه في إجازة العيد أو بعدها كان أحسن ..

[عاشق التضبيط]

انا حضرت العرض وصراحه ترتيب حلو وفعاليات حلوه مع ان المكان صغير شوي وموقعه صعب ووقته موب شي بس كان تجمع خطيير وعرض حلوو والصور موجوه بس صبركم علي في مشكله عندي بالجهاز