View Full Version : هل اقدر المع السياره بنفسي ووش المواد اللي احتاجها
جلكسي
24-10-2004, 02:33 AM
السلام عليكم
اخواني خطرت ببالي فكره اني المع سيارتي بنفسي
لكن وش المواد اللي احتاجها وكيف طريقة التلميع وهل هو صعب ولا سهل؟؟؟
bashar_255
24-10-2004, 02:42 AM
حرام عليك :D
( خطرت ببالي فكره اني المع سيارتي بنفسي ) :laugh:
احم احم :think:
يختلف نوع التلميع اللي بتستخدمه على السيارة بإختلاف عمر و حالة البوية :glasses:
بس مبدئياً بتحتاج علبة تلميع و رولة قطن ...
كيف حالة بويتك؟؟
خشنة منتهية جيدة نوعاً ما ....
ممكن تحدد؟
جلكسي
24-10-2004, 02:53 AM
اخوي لا خشنه ولا منتهية
بصراحه هي ناعمه نوعا لكن فيها خدوش بسيط تحت باب السواق
جلكسي
24-10-2004, 02:54 AM
ايضا اخوي انا ابقى استخدم بوليش فكيف ابدا بالتلميع يعني ياليت تشرحلي الطريقه متى احط البوليش وكيف امسحه مثلا ومتى ابدا المعها بالماده الملمعه
تشتري ملع و قطن
ضع الملمع وادعك بالقطن >>>حلوه ادعك
لما تطفش
بعدها غسل السيارة
والف مبروك :banana: تم التلميع
وممكن تشتري مكينه تلميع وتختصر الدعك :p
جلكسي
24-10-2004, 03:06 AM
طيب اخوي متى استخدم البوليش لأن سيارتي فيها شويه خدوش وبقع
وبعدين هل اغسل السياره اولا بعدين اسخدم الملع وبعدين اغسلها بماي فقط ولا ماي وصابون
bashar_255
24-10-2004, 03:07 AM
اول شي نشتري قوطي البولش اللي هو التلميع ....
اذا البوية ok فأنا انصح اما بالـ max wax أو بالركسن ...
خذ لك رولة قطن و شيل منها قطعة تتكون بحجم مناسب يعني يفضل ان تكون مربعة لا صغيرة و لا كبيرة ...
بعد ما تغسل السيارة تاخذ قطعة القطن و تحط فوقها القليل من البولش بس تكون الكمية مناسبة مو تبلها بل و لا تخليها ناشفة ...
حط قطعة القطن على البوية و ابدأ ببسط البولش بحركة دائرية ( أفضل شي ) بقليل من الضغط و استم حتى تغطي السيارة كلها ...
خذ قطعة جديدة من القطن و اترك السيارة حتى يمسك عليها البولش 100% يعني تمش القطن فوقها ( حركة دائرية ايضاً ) تشوف في القطن طحين كمل على السيارة كلها و دور عليها بقطنة اخرى حتى لا تكون نسيت جزء من البولش على السيارة ...
لو تكررها كل شهر يكون افضل :)
و رمضان كريم :banana:
bashar_255
24-10-2004, 03:10 AM
رد مقتبس من 922
تشتري ملع و قطن
ضع الملمع وادعك بالقطن >>>حلوه ادعك
لما تطفش
بعدها غسل السيارة
والف مبروك :banana: تم التلميع
وممكن تشتري مكينه تلميع وتختصر الدعك :p
:damp:
اذا بتحط البلش بعدين بتغسل انت لبخت البوية كذا و الطين ياخذ مكان في الشروخ اللي بالسيارة
:damp:
cap_SS
24-10-2004, 03:19 AM
ما عليك اخوي الشغلة سهلة والاخوان ما قصرو
جلكسي
24-10-2004, 03:20 AM
اخوي افهم من كلامك ان البولش هو نفسه سائل التلميع يعني ما احتاج اشتري الماده الملمعه
طيب اذا حطيت البولش هل اخليه فترة ولا على طول امسحه
bashar_255
24-10-2004, 03:23 AM
البولش = التلميع = المادة الملمعة
تدعك به السيارة و لما ينشف تدعك السيارة بقطنة ناشفة ..
و سلامتكم :)
جلكسي
24-10-2004, 03:26 AM
مشكور اخوي وما قصرت وجزاك الله مليون خير
لكن هل عندك فكرة عن انواع خاصه من الشامبو او الصابون لغسيل السيارات لأن بصراحه كل يومين اغسل السياره واخاف على البويه
السلام عليكم ورحمة الله وبركاته
اخوي وش تقصد بالبولش هل الملمع الخشن ؟؟؟
واذا انك تقصد الملمع الخشن انصحك لاتلمع سيارتك فية لانة يطفي اللمعة
وممكن يخدش لك البوية استخدامة على اماكن الخدوش فقط
تدعك مكان الخدوش جيداً بالملكع الخشن وبعدها تأتي بالملمع الناعم
وتنضف مكان الملمع الخشن مرتين ثلاث على اساس ترد اللمعة من جديد
واذا انت محافظ على سيارتك وتبغي لمعة ممتازة:glasses2:
انصحك بملمع ناعم اسمة مايجوايرز
قيمتة تقريباً خمســــ50ــــين ريال سعودي
وتحصلة في ساكو
لاكن ماشاء اللة تبارك اللة يعطيك لمعة غير طبيعية
كووووووووووووووووووول
وهذا موقع الشركة نفسها
http://www.meguiars.com/
الأنصاري
24-10-2004, 12:55 PM
حبيبي اول شئ غسل سيارتك
والبولش تستعمله في اماكن الخدوش ويعطي نتيجه لو كان في خدش سطحي
ومثل ماقالو الشباب القطن وشويه بولش وخلاص
بس اذا بغيت السيارة تلمع مثل المنظره
رووح الصناعيه او مراكز التلميع الفني بتكلفك تقريبا 200 ريال
طبعا عمليات البولش والتلميع ماتسويها كل يوم يعني على فترات طويله لأن مهما يكون تاثر على الصبغ
CL-Class
24-10-2004, 01:31 PM
تأكد أخوي من غسيل السيارة وتنشيفها بالكامل قبل وضع الملمع لأنه ماراح يعطيك نتايج لو فيه بواقي مياه على سطح البوية...
إقطع قطعة قطن بحجم اليد ..... اسكب قليل من الملمع ( لازم يكون سائل لاتاخذ من الناشف لانه يضرك ) على أن يغرق القطنة مع رشة على سطح البوية ...
إبدأ بدعك القطن بحركة دائرية وبشوية ضغط على البوية عشان تطلع الأوساخ...
بدل قطعة القطن بأخرى كلما اتسخت تماما
عند التأكد من تغطية كل السيارة بالملمع انتظر قليلا حتى ينشف التلميع على البوية ويصبح كالبودرة....
إبدأ عملية إزالة التلميع باستخدام القطن أيضا .... وغير القطنة كلما اتسخت...
وفي النهاية ستجد السيارة برررررررررراااااااقة تلمع ...
ينصح بتلميع السيارة بشكل دوري كل ستة أشهر أو سنة ... حسب الحاجة
وبالهنا والشفا :D
bashar_255
24-10-2004, 02:57 PM
رد مقتبس من BENZ
السلام عليكم ورحمة الله وبركاته
اخوي وش تقصد بالبولش هل الملمع الخشن ؟؟؟
واذا انك تقصد الملمع الخشن انصحك لاتلمع سيارتك فية لانة يطفي اللمعة
انصحك بملمع ناعم اسمة مايجوايرز
بالنسبة للتلميع الخشن محد جاب طاريه:damp:
و بالنسبة للي ذكرته تلميع حلو بس اللي مجرب و احسن منه تلميع فورملا 1 ميثالك بعد ما تخلص ترد تلمع بماكس واكس و شوف اللمعة :D
فورملا 1 ميثالك زيت لزم تلمع تلميع خفيف بعده :help:
عاشق سفر
24-10-2004, 03:43 PM
أعتقد أن أفضل طريقه
هي أنك تتبع التعليمات الي على العلبه
مع أحترامي للشباب
بس أتوقع الأستخدام يختلف من نوع الى نوع
mill_955
24-10-2004, 05:32 PM
جلكسي
ترا ساكو مسوين تخفيض على مكينة التلميع.....الحق خذ لك وحده :D
مديونة
25-10-2004, 01:24 AM
رد مقتبس من mill_955
جلكسي
ترا ساكو مسوين تخفيض على مكينة التلميع.....الحق خذ لك وحده :D
بكم
أحتاج وحدة جيدة
بأقول لك شيء وأتمنى أن تأخذه على محمل الجد..
بإمكانك صنع تلميعتك بنفسك:
-فيمتو - سكر- عسل
حطها في قدر وخليها تطبخ
بعدين لمع بها سيارتك
والتلميعة مجربة وكلامي جد :)
جلكسي
25-10-2004, 02:25 AM
رد مقتبس من الأنصاري
حبيبي اول شئ غسل سيارتك
والبولش تستعمله في اماكن الخدوش ويعطي نتيجه لو كان في خدش سطحي
ومثل ماقالو الشباب القطن وشويه بولش وخلاص
بس اذا بغيت السيارة تلمع مثل المنظره
رووح الصناعيه او مراكز التلميع الفني بتكلفك تقريبا 200 ريال
طبعا عمليات البولش والتلميع ماتسويها كل يوم يعني على فترات طويله لأن مهما يكون تاثر على الصبغ
انا ابقى اخليها مثل المنظره بنفسي كيف ؟؟؟
بالنسبه للبوليش صراحه انا فكرت اني اوديها اي محل ب30 ريال يشل الخدوش
وبعدين انا المعها لكن زي ما قلت لكم كيف اخليها مثل المنظره يعني تلقى لقه مو طبيعيه ابي افضل الأنواع من الملعات واسلهها استخدام ويعطي بريق فاحش :D
رد مقتبس من Imaj
بأقول لك شيء وأتمنى أن تأخذه على محمل الجد..
بإمكانك صنع تلميعتك بنفسك:
-فيمتو - سكر- عسل
حطها في قدر وخليها تطبخ
بعدين لمع بها سيارتك
والتلميعة مجربة وكلامي جد :)
نسيت حاجه تمره و قشطه و طحينه لمن تخلص قشر عليها سمبوسه و امسح عليها بمهلبيه.
:D
معقول فيمتو مع سكر مع عسل يلمع السيارة
والله ما أمزح
وجربناها..
ومضمونه
بس أهم شيء لا تكثر العسل
كثر الفيمتو والسكر :) وأطبخها وأتركها تبرد
ولازم تكون سائلة وخفيفة مو ثقيلة
إذا طلعت الخلطة ثقيلة راجع المكونات أكيد زدت شيء أو نقصت شيء :)
جلكسي
25-10-2004, 03:22 AM
للرفع
اسمع جرب الخلطة حقتي وتدعي لي
جربناها على كوستر وكريسيدا قاموا يلقون لق كانهم وكالة :glasses2:
جلكسي
25-10-2004, 03:34 AM
اخوي ايماج بصراحه انا مالي بشغلات الطبيخ والعفسه هذي وخلني على الملمعات افضل :D
Imaj
الله يكرم النعمة :confused:
oil_HKS_lio
25-10-2004, 09:51 AM
رد مقتبس من mill_955
جلكسي
ترا ساكو مسوين تخفيض على مكينة التلميع.....الحق خذ لك وحده :D
العرض في رمضان يعني؟ وكم سعرها تقريبا اذا انت تعرف ابغا اشتري وحده من زمان
galaxy : شيء مجرب ومضمون ايش تبي أكثر من كذا؟! :think:
922 : ليه فيها شيء؟! لو تفكر فيها تطلع لك أرخص من قيمة الملمع.. يعني تعتبر وفرت فلوس على نفسك.. :)
عين الفهد
25-10-2004, 11:59 AM
بسم الله الرحمن الرحيم
وعليكم السلام ورحمة الله وبركاته
اخوي جلكسي ممكن يفيدك هذا الموضوع الذي سبق وطرحته http://www.swalif.net/sforum1/showthread.php?s=&threadid=197319
تحياتي,,,
http://upload.serverseed.com/pictars4/3enAlfahad2.gif
ABD 911
25-10-2004, 01:24 PM
غالي والطلب رخيص .. هذا شرح كامل ووافي لتلميع كل جزء على حده من موقعنا .. موقع نادي السيارات ..
http://www.cars-club.com/ideas.htm
:cool:
A B D 911
المبدع
25-10-2004, 10:09 PM
بسم الله الرحمن الرحيم
السلام عليكم ورحمة الله وبركاته
ميل 995 علمن عن سعر الاله وان كانت في حدود الميه ريال هه ممكن اشتريها او اقل
:( :( :( :( :( :( :(
المبدع دائما
المبدع
المبدع
25-10-2004, 10:53 PM
بسم الله الرحمن الرحيم
السلام عليكم ورحمة الله وبركاته
ميل 995 علمن عن سعر الاله وان كانت في حدود الميه ريال هه ممكن اشتريها او اقل
:( :( :( :( :( :( :(
المبدع دائما
المبدع
جلكسي
26-10-2004, 01:46 AM
اخواني لو سويت البولش بنفسي
هل تركه مده معينه على السياره او على طول امسحه
وهل امسح السياره كلها بقطنه وحده ولا كيف ؟؟؟
bashar_255
26-10-2004, 01:53 AM
تمسح بالقطنة لين ما تهتري القطنة بدلها
لما تخلص من وضع الملمع استنى خمس دقائق حتى ييبس و بعدين امسحه بحركة دائرية و ضغط خفيف :)
جلكسي
26-10-2004, 02:00 AM
مشكور اخوي bashar_255 وماقصرت وجزاك الله خير
لكن وش افضل انواع البوليش واللي يعطي لمعه ممتازه ويكون استعماله سهل خاصه ان سيارتي موديلها 97 وبويتها صراحه شبه ممتازه
bashar_255
26-10-2004, 02:12 AM
قلت لك الـ MAX WAX زين لك واجد:rolleyes:
CL-Class
26-10-2004, 02:38 PM
:D :D :D لووووووووووووووووووووووول :D :D :D الموضوع صار صفحتين وهي كلها كيف تمسك القطنة وتدعكها
:D
أخوي جلكسي ركز في ردود الشباب الله يعافيك....تراهم ماقصروا :D
:laugh: :D :laugh:
:D :laugh:
:D
مديونة
27-10-2004, 03:05 AM
رد مقتبس من mill_955
جلكسي
ترا ساكو مسوين تخفيض على مكينة التلميع.....الحق خذ لك وحده :D
بكم أخوي الله لايهينك
ترى بشتري وحده :help:
ACCORD-VETIC
28-10-2004, 07:12 PM
السلام عليكم ورحمة الله وبركاته
والله الموضوع طول يا شباب شوف أبوي تروح محلات الزينة و تلقالك علبه خضرا مكتوب عليها ماكس واكس و قطن أ الة تلميع و كان الله غفرا رحيمة و التلميع متشابه نوعا ما:OO:
مديونة
28-10-2004, 09:05 PM
أخيراً
اشتريت وحدة أمس ب 170 ريال
والمكينة عليها ضمان 6 شهور
ولحد الحين ماسويت تست بها
ترى ياشباب لايفوتكم العرض تجي معها عدة تنظيف وتلميع بس بدون ملمع :D
جلكسي
29-10-2004, 03:16 AM
اخواني انا حاليا استخدمت MAX WAX
طلعلي نتيجه حلوه لكن ما خلاها براقه زي ما كنت اتوقع
لأني اعتقد ماخليت السائل يجف اقصد ماعطيته فترة كافيه لكن صراحه تجربه حلوه ونتيجه حلوه
هل ممكن اسخدمه مره ثانيه بعد ماحطيته ومسحته يعني هل ممكن ارش السياره مره ثانيه
وهل فعلا اذا خلصت اغسل السياره بماي بس ارجوا الرد عاجلا
جلكسي
29-10-2004, 05:34 PM
للرفع
جلكسي
30-10-2004, 04:07 AM
اخوي bashar_255 عندي كم سؤال عن العمليه القادمه وهي البوليش
اولا انا لقيت في محلات الزينه وفي اغلبها علبه بولش لونها ابيض ومكتوب عليه بالأحمر ولون البولش برتقالي
هل هذا هو البولش المناسب علما ان سعره 15 وانا شفت محل تلميع يستخدمه
ثانيا اذا جيت اشتغل في سيارتي هل من الأفضل اني اغطي السياره كلها بالبولش ولا الاجزاء اللي فيها خدوش لأني ابقى السياره كلها نظيفه وتصير براقه
وهل هالنوع من البولش ما يأثر على البويه
ثالثا اذا وضعت البولش وغطيت به كل السياره مثلا هل اخليه فترة كبيره على هيكل السياره لأني سمعت ان اخليه 6 ساعات وبعدين امسحه هل الكلام صحيح
رابعا اذا مسحت البوليش هل اعيد على السياره با MAX WAX
ولا مايحتاج هالبولش يكفي
اتمنى اكون ما ازعجتك بكثرة الاسئله اللي مالها داعي بس انا ابقى العمليه القادمه تكون الافضل