زيارتي لوكالة المرسيدس دبي (اخبار حصرية ومعلومات )

[uae speed]

السلام عليكم !
أمس كنت في وكالة قرقاش (وكالة المرسيدس في دبي ) ..
لان واحد من الربع حجز مرسيدس s280 الجديده ..
المهم كنت واقف مع مسؤوول المبيعات وسألته عن المرسيدس s الجديده اذا بتتغير ولا لا ..
قال لي بعد سنة ونص بتنزل بشكل جديد موديل 2006 !
قلت له شو مواصفاتها .. قال ما ادري ..

المهم سألته عن الـ SLR ..
قال لي في الامارات في 5 بس ..
3 عند عيال الشيخ محمد بن راشد ..
وحده فبوظبي .. وحده عند الشيخ احمد بن سعيد !
وسعرها مليونين ونص درهم ! وتطلبها طلبية خاصة وتستغرق بين 3 الى 5 شهور لين ما توصل
لانهم يصنعونها يدوياً ..

وسألته عن المايباخ بس نسيت شو قال لي :D
بس اذكر انه قال لي في واحد ملياردير شاري وحده ..
مشت عنده 500 كيلو بس ..
والحين مسافر وموقفنها في الوكاله check up ..!! :shock2:
ويوم بيرجع بيستلمها !!
قلت له السيارة فيها عيوب ولا كيف ؟
قال لا بس جذي موقفنها في الوكاله عشان يهتمون فيها ..
ومخصصين له كراج خاص مع عاملين مخصصين !!
انا هني قلبي طاح بجيبي .. :D
قلت هيييييه الله يرزقنا !!

على فكرة شفت مرسيدس sl لورنزر تون تيربو 6.3 لتر بزوايد ومواصفات خاصة ..
طالعه وحشششش .. !

المهم بعد ما خلصنا اجرائاتنا .. سألت ربيعي عن سعر المرسيدس اللي حجزها s 280
قال 230 الف درهم فل اوبشن !

وبس .. هذي السالفه كلها ..
شرايكم ؟

[TOP-SECRET]

مشاء الله مشكور على الاخبار والمعلومات الحصريه اخوي بس شو الفرق بينه وبين الـS350

[حبوب بوظبي]

مشكووور اخوي
بالنسبه للـSLR فيمكن قصده عن اللي انباعوا من عند قرقاش
لكن هنيه فبوظبي ... فيه حدود الـ4 او 5


ومشكوووور عالموضوع

[AMG]

مشكور وما قصرت............

[grandv8]

و عليكم ورحمة الله وبركاته


uae speed
مشكةر عبدالله على التقرير الحلو بس كان الصور كان تقريرك بيكون احلى بعد.

تسلم اخوي

تحياتي

:)

[uae speed]

مراحب :)

اخوي TOP-SECRET :

الفرق بس في المحرك .. أما المواصفات من داخل نفس الشي .. :)

حبوب بوظبي :

نعم كان قصده من قرقاش بس ..
في ناس طالبينها من برى ..
اعتقد في الامارات في9 او 10 slr بس !

AMG :

العفو :)

جراند :

العفو بو جاسم .. المرة الياية باخذ الكاميرا ولا يهمك :)

:)

[زورو الامارات]

السلام عليكم ورحمة الله وبركاته

بو حميد ليتك مصور كم صوره ولو بالموبايل كان بيستوي التقرير احلى

[®Lumina ss 2002]

اشكرك يا بوحميد ع التقرير الحلو تسلم ما قصرت :eek:

[ford]

مشكور

[فن الحرب]

thanks uae speed
:)

[180B]

S280 اخوي موديل 2005 ولا 1995



:damp:


وضح

[SL500]

يسلموا على التقرير

[SLR]

رد مقتبس من 180B
S280 اخوي موديل 2005 ولا 1995



:damp:


وضح

مشاريع قرقاش هو الوكيل,,, والوكيل سيارة موديل 2002 مايحتفظ فيها فكيف 1995..؟؟؟!!!

اكييد 2005

تحياتي...


SLR

[Never Dies]

السلام عليكم و يعطيك العافية UAE speed :glasses2: :glasses2:

اكيد قصده ال SLR اللي انباعوا من قرقاش بس..لانه ما شاء الله ابن الشيخ حميد النعيمي عنده وحدة كمان..و بالنسبة للمايباخ كمان, صرنا شايفين كدا وحدة ما شاء الله! فاكيد من قرقاش و غيره, خاااااااااااااااصة المعارض :cool:

الله يديم النعمة في هالبلد :p

Keep it up :corsair:

[smartman]

حصرياً




مثل تلفزيون ابوظبي :laugh: